如果有睇開無名D廢文， 應該知道無名成日講幾隻美股 : Google, Apple, Amazon 同 Facebook. 其他都好少提， 但講得最多可能係Google 同Apple. 而Google 最早在網上講係2011年尾， 無名見火燎森叫人跟股神買IBM, 明知係無料到， 無名就提過佢買700同Google 好過， 結果Google到現在升左1倍有多， 700就更加唔洗講。 之後無名今年都出過好多次post 叫買Google, 有位網友話個女出世， 問買咩股比佢將來讀書好？ 無名話如果要買一隻股就買Google 啦(如下圖), 圖內有講點買， 自己睇啦。在無名個video blog第七集, 無名又講到機械人化趨勢， 而Google 會係受惠者 :
http://youtu.be/MjiExi6LahU
結果最近新聞報導話美軍開始用佢隻"機械牛"運重物， 無名其實都有同好多朋友講要長線買Google, 但好多到頭來都係未買， 問佢點解， 通常係： 等平D, 覺得貴，唔肯定。。。。無名覺得奇怪， 點解咁明顯嘅好股都唔敢買， 其他差果D又敢？直到無名聽到火速燈台講到要買Google, 無名先明白, 之前三位主持有講過好唔好買，但結論都係唔清楚，太貴.......同大部份無名嘅朋友都一樣， 呢三位主持嘅意見其實好有代表性，佢地其實代表左幾大類投資者， 火燎森就係用直覺， 膽大， 有前無後打死 把就, 一注獨贏嘅賭仔格(好聽D係投機者), 棋亮就係代表左比較醒果一類，識分析讀過書，有主見，同大路分析者主流意見吻合， 朗唯就係代表左一D保守派長線投資者， 不高追求低風險穩賺果類， 佢地個節目其實都可以了解到唔同主流投資者嘅意見， 所以無名有收聽，佢地三個人對Google 改觀係有一次火燎森講佢遇到一位世外"高人", 高人指示世上有兩隻股可以買一世， 一係Google, 二係股神隻巴郡， 跟住佢地觀點就由Google 唔敢買 :
https://db.tt/FlIgZtsi
變成Google 改變世界 :
https://db.tt/FlIgZtsi
由呢位高人指點後， 大家由唔敢買， 變成大力唱好佢改變世界， 無名覺得奇同要寫呢篇文嘅原因， 唔只係想叫你買Google, 而係叫大家反思下點解我地經常都唔敢去做一個投資決定， 直到一個"高人"出現， 呢個所謂高人可以唔止一個， 可以係一群， 可以係大眾， 一定要有主流或"高人"認同先敢去買一隻股。 Google 之前唔勁咩？ 勁左N咁多年啦! Google 你之前無用咩？ 又用左N年啦! 點解一聽到"高人"指點， 就好似醒左咁，由疑惑到極度向好呢？ 而呢三位主持正正解答左無名個疑問，三位主持已經係比較有股票知識， 都係咁， 難怪一般股民就更差， 呢度顯示左人在疑惑時， 總係想有一條可靠支柱可以倚靠, 心理上就好似小朋友想要有大人保護咁. 其實佢心裏係知道要做咩, 但總之無個大人或者一個群體認同就唔敢行動, 呢種小朋友投資行為都幾有趣, 就如Google 行在對手幾條街之前咁明顯， 就一路覺得佢勁， 但又一路唔敢買， 就好似小朋友初次玩水咁， 其實係已經知道水好玩， 但始終唔敢跳落個池度, 一定要有大人陪住， 先敢落水， 一游就話好玩呀，原來唔洗驚。 呢個心理關口係好多投資者可能會有時甚至一世都過唔到。
至於巴郡同Google 係咪可以買一世呢？ 咪講笑啦！你估佢地聖經咩，世界日日變， 有咩可以買一世咖， Google 現在好， 唔等於佢第日唔可能有第間公司好過佢， 睇下以前嘅Microsoft 夠一時無兩， 有個OS好似大晒咖， 到今日佢都係OS第一，但今日點？ 至於巴郡成功因素就係一個股神。 邊個可以有佢咁嘅功力？ 無名未見到， 或者有，但唔知。唔知就唔可以當有。
而呢位世外"高人"有幾高無名就唔知， 但如果篤隻Google 叫人買就叫高人， 咁無名叫咩呢？ 哈哈！
無名劍
www.facebook.com/nonamesword
沒有留言:
張貼留言