2014年8月28日 星期四

原來劍聖指示係咁解!

劍聖新指示當日係十日前,8月18日。 

noname-stock.blogspot.hk/2014/08/blog-post_7.html

當日恒指高位係24978. 跟住恒指反覆上升多200幾點到25243. 

中間無名在8月21日無名瞬間看地球講過 : 

noname-stock.blogspot.hk/2014/08/20140821_21.html

恒指半生不死,睇埋明日。國指上證DAX轉弱,DOW同日經行緊尾段未完晒,如果無突然大轉向,走勢向緊下。

前日又講 : 

上證到過高位2248後,在無名劍指數目標2250差兩點前掉頭回落,上證已入跌勢,目標遲D講。

美股呢轉到水尾, 可能已經天國近了, 應該就會有新方向......但要提醒大家,美股已有大調整條件。(請記得, 好多人都講過美股調整好耐, 無名今次係第一次講)

今朝網友問好唔好LC 9 月, 無名話 : 唔好, 全球都回緊。

講左咁多原來無講恒指, 因為諗住做多個高位先黎, 點解今日開始黎料, 明日或有反彈, 見反彈應減持。 因為無名講過呢個市上下行可以2000-3000點。 

大家小心! 




無名劍

2014年8月21日 星期四

無名瞬間看地球 (20140821)

簡單一句, 但好重要。係我假先知無名先可以噏得出D咁嘅野咖! 哈哈! 

恒指半生不死,睇埋明日。國指上證DAX轉弱,DOW同日經行緊尾段未完晒,如果無突然大轉向,走勢向緊下。要進一步睇下係咪反覆磨死市先可以確定。 但要小心。

更正今朝文章 : 上證係尋日到高位2248, 同無名劍指數目標2250,只差兩點。(注 : 恒指52週高位25201, 又係同無名劍指數下限25200,差一點, 真巧合, 又係假先知無名先噏得出!) 

無名劍
www.facebook.com/nonamesword

無名午後速遞 (20140821)

各位朋友午安呀!無名尋日咁講 : 

"明日預期回調多, 但唔似低開。"

其實無名星期初都係預星期四跌多, 今朝只係少少低開10幾點,但跟住就跌, 無名都無再講咩, 因為無咩好講,都係得一個字"跌", 結果今朝跌到 24896, 跌263點,有跟無名呢個假先知,又可以執二百幾點。 

預期下午先回升再跌, 下午有可能再做低位。明日可能反彈,反彈力度强弱為關鍵, 決定係咪再跌。

講埋上證, 昨日到過高位2248後回, 同無名在無名瞬間看地球之前比過無名劍指數目標2230-2250上限差兩點, 如果閣下咁不幸中伏,誤信左無名呢個假先知由2176 買上2248的話,可能煩緊D錢唔知點洗好, 真係唔好意思! 往績有記錄,可以自己揾,無名從不delete post.  但講句正經上證係轉弱緊,國指同樣比恒指弱, 只係DOW 同DAX, 日經重係有d力。遲D再睇。

睇返尋日成績,無名係咁講 : 

"無名尋日講左今朝唔似高開, 今朝低開少少,再回D, 因為今朝係先低後高。 其他遲D先講。"

結果今朝開市位到現在都係高位, 回左100點到25056之後回升,預期下午先低後高, 全日高位較有可能在下午,收市位可能較高。" 

結果係早市低開少少再跌,跟住升,早市唔似高開同先低後高都啱,早市升勢伸延到14:00左右開始跌, 之後回升,全日高位又在下午, 真係吹到人"啤"一聲! 假先知又過四關中四環彩。 千祈咪跟, 跟左好易刺激得制心臟病發咖!




無名劍
www.facebook.com/nonamesword

2014年8月20日 星期三

劍聖指示 : 1314有貨就沽晒比「假先知」無名保管啦!

最近無名好紅, 大家可能太愛戴無名, 同無名起左好多個"朵", 先有"自吹自擂,精神錯亂無業漢",  最近又多左個"假先知".

其實呢兩個花名都幾有心思, 講中晒無名, 首先,無名又真係成日贏到好似痴左咁, 又話中三T, 4,5,6環, 一日贏足五個市中16個deal,  你話係咪人都癲呀,有咩理由唔自吹自擂先, 更有咩理由唔做無業漢得閒到"R"腳指呢? 呢個係繼「親切」的金子話無名係垃圾叫無名苦練多三十年先好出黎"獻世"之後又一佳作,金子同佢兩個可能同一個阿媽生,同樣咁「高能」話自己「IQ超高」,一個投行出身天之「驕女」,一個就由佢D連無名都睇唔明嘅中文用字就知佢有幾高深啦(注:無名都話自己識作詩改詞,可以中詞西譯,西詞中譯,連無名都睇唔明就知有幾高班啦),所以兩個都咁「超晒班」唔係同一個阿媽生邊有咁「優秀」同「貴族」嘅血統, 同"稀有品種"呢!無名又真係比人踩得貼貼服服都抵我死咖,鬼叫無名未夠班咩!

至於"假先知"就重正, 無名自從出左價勢估市睇圖法之後, D網友都成日講我"神呀! 好神呀!又中! 勁呀!" 無名次次都話"股無必勝,我唔係神呀,因為神係唔會錯,而我係會錯",  現在有呢個新朵就正,  因為大家可以唔洗叫我"神"啦, 叫先知啦,起碼先知係人先呀, 都無咁離譜, 我唔洗解析咁多嗎。 重有又真係要事先知道先講得咖嗎, 都無錯喎, 起碼"假假地"都係先知呀, 至於我D野係咪假? 都有可能咖, 但又因為我D fans 雖然傻唔晒, 但都係痴根咖, 係都要成日追住我D update,  成日問我買咩好唔好,所以我首無名英雄會會歌話"激起那傻唔晒的網友痴根和應",  忙到我呢答極唔完,呢位高人就唔同, 佢自在好多, 一日比幾十條message,  數埋都無幾個留言, 佢就真係舒服過無名好多, 不過係命黎咖, 恨唔到咁多,無名呢D叫命賺,無佢咁好命水! 佢重有話我由淡轉好, 佢又啱喎, 我一日講升同跌可以講4,5個trend, 升跌升跌升跌,何止由淡轉好,直頭係好淡好淡好淡, 講完一日高低, 重要講一星期邊日高添, 好好玩咖! 唔信可以試下......如果你識的話! 

至於1314, 呢個高人尋話"不要信此人,應無做生意經驗或誤導讀者..........逢高沽1314".  呢位高人又啱啊, 無名真係無做生意經驗喎, 但有股票經驗喎, 我講股票中嘅經驗真係好多,生意就連生意失敗嘅經驗都無, 大家不如聽佢講,去聽D有生意失敗經驗但無股票經驗嘅人講股票啦, 唔好聽我D唔識做生意嘅人講埋晒D成日都中嘅股票呀! 千萬要記住小心! 重要聽埋佢講, 沽左D 1314比我幫你保管呀, 如果唔係會害死你咖! 但要注意,無名無話過1314唔會跌, 如果你怕就沽飽佢, 無名就未驚過啫,所以如果佢見1314跌,可以"慳返",  唔洗吋我, 睇今日咁最高3.3, 聽佢講前日就一早沽左啦, 沽完就升,但唔洗擔心,無名已經幫你接左貨幫你賺左, 你地以後都唔洗再受呢個1314嘅困擾,可以主懷安息,永享安寧!

至於呢位高人D post 你地一定要睇呀,因為佢差唔多全部都係講得啱咖, 原因係佢識得"股票不輸法",  係咩黎? 咪武林絕學一陽指囉! 難唔難學? 好易呀, 你都識, 就係是但用一隻手指, 一篤, 但一定要篤得好準........落個Delete 制度! 有咩睇錯, 講錯, 就出呢招啦, 所以你永無見佢輸, 更無人可以講佢令人輸, 一個制贏晒會世界, 連自己都厄埋, 咁重唔係天下第一? 係咪好鬼絕呢? 未算!佢最絕係成個骷髏會Blog都劏晒, 咩都睇唔到, 重有得輸? 佢呢下功夫其實已經唔係秘密, 成個投名滙D兄弟都通晒, 呢頭留言講佢錯,果頭成篇delete 左再出過當無事, 重勁過日本仔改歷史, 佢改都廢時, delete 就算!

下面張圖就係佢前日叫人"逢高沽1314", 結果我接左人D貨, 今日見升, 又出一陽指"做低佢"...... 勁! 呢位高手重有一招好絕,就係佢話人永遠都係"lay"埋講, 從來唔會當面講你,令你"死左"都唔知, 你講佢係咪無敵呢! 







無名劍
www.facebook.com/nonamesword

無名早晨快遞 (20140820)

各位朋友早晨呀!無名頭先在facebook 咁講 : 

"無名尋日講左今朝唔似高開, 今朝低開少少,再回D, 因為今朝係先低後高。 其他遲D先講。"

結果今朝開市位到現在都係高位, 回左100點到25056之後回升,預期下午先低後高, 全日高位較有可能在下午,收市位可能較高。 

回顧昨日, 無名話"爆邊在即, 自己小心!" 同用25100/24800 睇位變身好淡友, 同講早市先高後低,下午先升後回, 早市先高後跌,下午真係爆邊, 上到高位25201, 比無名劍指數目標下限多一點。跟住尾市回少少, 但無名唔知午市先高後低啱唔啱, 用死雞撐飯蓋講, 早市無名講等跌但唔跌好奇, 所以跌勢未完, 跌到14:30左右先升, 咁都有撐,服未? 

有網友唔太明無名講自己個分析(如以上) 同劍指指示, 無名係講兩者可以無conflict, 劍聖指示轉弱可能係行先左, 同我個預測可以同時存在, 但為你安全起見, 以25100 同24800見位做人。明未? 

明日預期回調多, 但唔似低開。





無名劍
www.facebook.com/nonamesword

2014年8月19日 星期二

無名午後速遞 (20140819)

無名頭先午市開時在facebook 咁講 : 

"今日成朝未出post, 因為無名等緊佢跌, 點知高開之後跌少少, 又跌唔多,唔通我誤解左劍聖指示? 無名真係唔知, 無名只好講返我所知比大家聽, 下午可能先升後回, 現在個市在中間位, 即係下上可落, 同尋日篇文意思一樣, 即係將要爆邊。 大家可以睇兩個位做人, 過25100企穩, 好友天下, 破24800 上唔返, 淡友世界。

明日偏好, 但唔似高開。"

以上係講無名唔知自己係咪睇錯左劍聖指示, 如果跟返無名劍一向分析就係咁睇, 但係無名又改, 你會講"又改?", 聽埋先, 兩者可能無conflict,  無名頭先睇晒各地指數, 都同樣見到劍聖指示嘅踪影, 表示會轉弱, 而點解恒指未轉呢? 無名今朝都覺得好奇, 正常今朝係要插深D, 解析係恒指先出現左劍聖指示, 但重有餘力, 除非各地指數都唔跟劍聖指示, 否則中線淡勢係黎緊。 但恒指照無名一般分析可能再有得彈少少,之前講明日升後日回, 呢個就係今次個市奇同難估個位, 但一日未大上或大落, 都未知啱唔啱。 

所以無名都係果句, 睇位做人, 25100 以上做好友, 24800 以下做淡友, 如果你夠薑唔怕死, 可以揾高位沽佢, 否則等破位先。 

現在外面一致向好, 爆邊在即, 自己小心。 

講返尋日, 無名話早市先高後低,午市先回後升, 結果大致跟到。 




無名劍
www.facebook.com/nonamesword

2014年8月18日 星期一

一個上下行二千到三千點嘅市!

無名又post,  點解? 因為無名覺得越黎越多人睇好,個市就越危險, 無名聽過好多人講26000, 27000, 28000, 但就好少人講向下, 其實講遠幾千點有幾難, 難在中唔中同差幾點, 無名只見好多人成日講幾千點以外N年N月後嘅事, 但可以講到幾日內, 差幾到幾十點就差唔多無人做到。 講大幾千點比起講中差幾點其實易幾千倍, 所以無名成日講"牛一牛二牛乜春?" 有幾多人可以準確講到牛三幾時到? 大部份都好似死賭鬼咁, 輸完又黎賭過, 錯十次唔記得,中一次(因為始終有一次) 大大聲。 對唔住, 無名唔係踩相信牛三嘅人, 只不過無名只信有預測力同有可信性嘅預測, 並唔係去踩低別人抬高自己, 其實係要同大家講,呢D升幾千點嘅講法, 大部份可以聽左就算(高手有往績backup 除外)

無名之前都講過睇圖八月係淡, 所以無一面倒看好, 重一時講好, 一時講淡, 但事實同恒指走勢跟住走多, 咁點解一時話跟圖, 一時又唔跟,原因係無名有好多系統,圖只係其中之一, 但圖有limitation,  好多人講TA唔得, 其實可能佢佢自己或佢見到果套TA唔得, 只要你用得啱, 好多時都係得。 

講左咁多, 無名係想講個市其實無大家咁一面倒看好, 好就合理,唔好就應該。 因為現在個市完全決定於大市momentum (又可以講係大市情緒),  升就合理, 因為大圍睇升, 跌就應該,因為市場有一套不合邏輯嘅邏輯, 即係當你地覺得好logical,  佢就黎同你黎個反邏輯, 而一方面係上升動力好强, 但同時在大家興高彩烈之際,我地已經企左喺股災嘅懸岩之上。即係股災嘅基本條件有左, 睇下有冇野引發佢, 而無咩人講股災可能性只係大部份人都唔會識睇, 未來少於三個月向上同向下可以行2000-3000點。 

其實係保守左,無名始終唔慣講咁大。今日恒指高位24978, 明後再睇。

無名劍

劍聖新指示.....

上次劍聖指示出現正式係八月八日收市後, 無名講金價同指數成相反方向行, 當日金價跌, DOW, DAX, 日經都升。 

8月11再出一post : 

noname-stock.blogspot.hk/2014/08/blog-post_11.html

"道在於日,日在於道,日道相星,一蠋即發!
智者崇德, 德者崇智,德智相得,萬無一失!
英姿撥髮滙雄鷹,英雄會發活之鷹!
九霄龍吟驚天變,  風雲際會騰萬里!
蜀犬吠日, 初試啼聲!"

頭三句係指美英法德日股市都升, 如果你在8月8或8月11買任何以上指數call,  基本上都應該係賺。 

第四句指騰訊, 結果業績勁爆,只係未創新高。 

最後一句指大市,意即雞鳴狗吠, 雞犬皆升, 結果大市破多年新高, 多隻大價股造新高。

當全街財演同街坊都講緊牛三同目標幾多時, 劍聖原來已經出左指示, 指可能有變, 無名原來預計今週向好同高位未見, 目標25200-500, 都可能有變, 要睇多兩日先可以確定, 由於無名功力淺, 未能夠完全明白劍聖指示, 無名唔知呢個回調會係短定長, 無名亦有可能錯誤理解劍聖指示。 無名只可以見咩講咩, 無名建議係有Call 可以今日尾市較高位走, 因為呢個劍聖指示, 明日差嘅機會大左, 雖然無名講早可能先高後低, 即係有可能平或高開少少, 再插, 又或者低開再插。 所以唔建議call 過夜, 但put唔put 要自己衡量風險。 

但要記住呢個指示,唔代表大市係一路轉差, 無名一再强調, 市要睇得準, 係要日日計。 因為市場變得太快。 



無名劍
www.facebook.com/nonamesword

無名早晨快遞 (20140818)

各位朋友, 今日可以講返早晨, 掛住出兩篇文,一篇有必要, 一篇噴口水, 差D遲左。

又回顧, 上星期五無名在Facebook 話無名劍指數目標25200-500, 叫左無名劍輪盤見低開call,  同咁講 : 

"回調壓力增加緊, 所以應等回先call.  而星期一唔似高開, 可能係重有機會入call,  唔洗太心急。 " 

結果今朝真係低開, 重再插,低位24765, 若早市無咩回升, 可能午市出現,跟住可能先差後好, 或較高位收。明日或再試低位, 會唔會開低要睇今日收市位先知, 但早市可能係先高後低。今週維持無名劍指數目標 25200- 500, 預期重有高位,星期三較chok,  即可能波輻大,或單邊市, 但向好可能性高D, 預期高位較有可能在星期三或五, 星期二同四回或做低位機會大D.

回顧上週, 無名估星期二四好, 結果啱D唔啱D, 結果係低日日高, 星期二高位高過星期一,星期四係第二高位,星期五高位25010比星期四24964, 高出46點, 攞唔到Win.  只有Place.  如果有留意無名每日講嘅升跌, 其實好幾日都係尾市唔中, 但放落第朝就啱, 即係又係死雞撐飯蓋話自己遲左D啫, 不過呢點值得留意, 因為同你錢包有關。



無名劍
www.facebook.com/nonamesword


幫我同火燎森講"洗乜驚呀,傻豬豬!"

無名想留言比佢或火速燈台,但知佢一定會cut我留言,火速燈台facebook 無名一留言就比佢block左, 都唔知點解咁驚無名? 

佢上星期見1060 停牌, 驚到腳仔都軟晒, 一陣話今次褔佳鳥, 一陣話"好難唔變仙股", 當日有人問無名, 無名答:轉頭無事。 

記得無名為過火仔求過簽 : 

www.hkinvestorblog.com/home/space-1277-do-blog-id-20379.html

簽文如下 : 

君不見黃河之水天上來,奔流到海不復回!
君不見高堂明鏡悲白髮,朝如青絲暮成雪。
人生得意須盡歡,莫使金樽空對月。
天生我材必有用,千金散盡還復來。
烹羊宰牛且為樂,會須一飲三百杯。


傻豬豬,點解你應驚時唔驚, 唔應驚時就咁驚呀? 1060 彈起你三蚊入貨時, 當時無名都話左無feel 等跌,果時你就唔驚, 今日1.6停牌你就黎驚, 其實有咩好驚, 最多咪輸! 輸左一半同輸7,8,9成有好大分別咩? 無名見平時你講到自己好有guts 咁,點知咁細膽, 我個"股市必勝法"咪講左 : 

www.hkinvestorblog.com/home/space-1277-do-blog-id-19896.html


若能以心成劍, 則萬馬千軍在前, 手無吋鐵而不懼已。

知唔知咩叫以心成劍呀? 點解唔可以好似我咁"只要信, 不要問"咁做次似男人咁輸得有形格一次比我睇下 : 

www.hkinvestorblog.com/home/space-1277-do-blog-id-19874.html

www.hkinvestorblog.com/home/space-1277-do-blog-id-20101.html


另外想講好耐, 你地成日講果個"廣播道股神",  當佢神咁拜, 真係攪笑, 識篤幾隻股會升就叫股神, 咁無名以前掃低左骷髏會焦點擊股咁多隻, 日日估恒指升跌, 成日中三T, 4, 5, 6環彩, 一日中13 deal 果D咪係股神太師公? 佢如果係廣播道股神, 咁無名最少都係亞太區股神啦! 因為橫睇掂睇,無名都贏左佢幾條街, 點都去到亞佳老街同太子交界啦! 真係國之將亡, 必有妖孽, 以前就你自以為係價值投資界少年股神, 點知衰左又整過第隻,好似超人打怪獸咁,一隻怪獸死左,第隻又黎。 攪笑!

無名劍
www.facebook.com/nonamesword





懷念楊門女將......


無名最初聽到"女將"離開左, 心裏面第一個想起"楊門女將",  原因係香港財經Blogger 界女Blogger 真係唔多, 有料就更少(唔係性別歧視, 女人有好多野都好叻),  無名心想"唔係呀嗎",  但無名無問人, 直到今日先知道楊門女將真係離開左。

www.hkinvestorblog.com/home/space-2462.html

無名同佢唔熟, 最初見佢在投名滙, 大家好似留過幾次言, 但佢D文實在有料, 起碼比無名d豬up實在好好多, 女Blogger 實在少見, 所以印象深刻, 睇返Analystz 博文,佢雖然無出文好耐, 但排名一直都在排名前幾位, 可見佢文章功力, 佢嘅離去係Blog 界同金融界一大損失, 佢亦都提醒左無名要每日努力, 因為我地唔知道神安排我地幾時離開, 在離開之前要盡力完成人生想做嘅事。

無人想離開呢個世界同親人, 離別都係傷痛,但我地永遠無法理解神奇妙嘅安排, 神所安排嘅一切都會係美好, 正如我地會為女將嘅離開而難過, 但其實佢只係去左另一個境界過享受緊我地未見過嘅平安同喜樂。 我祝福女將主懷安息,永享天年! 但願佢家人可以盡快平復心情, 得到主嘅安慰!

楊名立萬天下響,
門下女子勝鬚眉,
女中豪傑誰不知,
將士哭泣因別離,
安心離去路好走,
息懷主內享天年。

無名劍

2014年8月15日 星期五

三年前的無名.......

投名滙之前上唔到, 無名好失落, 好似失去左一本寫左幾年嘅日記咁, 裏面重有好多朋友書信往來, 今日開返, 好似執金咁, 因為無名有D文同詩係一時之興, 好快咁作出黎, 要寫都寫唔返一樣。 有D記錄記左自己對與錯, 對一個劍手黎講, 就好似比賽嘅錄影咁, 會想睇返之前我係點出劍。 

今日開返,揾返一篇啱就快三年嘅一篇文, 呢篇文記錄左好多無名點樣對抗一個假價值投資法網站嘅往事, 同埋無名做過嘅一D預測。 好長, 有心就睇。 

原文如下 : 

Post on 2011-08-20

www.hkinvestorblog.com/home/space-1277-do-blog-id-9202.html

無名自這次跌市開始後, 自編自導自演了一個Showcase ----- 跌市真人SHOW. 無錯! 完全係一個未夠班又認晒叻ge扮野SHOW!!!!

呢個SHOW有幾個目的 :

1. 告知骨場領導們, 技術分析的真實存在及其意義. 以及相對其假價值投資法和亂咁教人撈底搏反彈的害人不淺.
短線是否有反彈機會?
撈底睇呢啲股
技術圖說:博士娃挑戰5元

2.借一面鏡子給IQ 160加投行出身又是我最敬愛的金大師看看:
- 垃圾無名有幾垃圾同燈:
金子留言:到垃圾站找垃圾吧
親切的金子     16.07.2011 00:58:16
你叫我入嚟評理簡直係侮辱緊金子。呢D垃圾我一早踢爆過佢無料兼係燈﹐我叫佢番去苦練多30年先再出嚟獻世點知3日唔夠又出翻嚟。呢D垃圾講嘅嘢你都要聽﹐仲要我評理﹖Edison你估我好得閒咩﹖你要同垃圾玩就去垃圾站啦﹐唔好揾我OK﹖

- 唔係只有神先可以知道短期內股價升跌, 只要認真正技術分析就得 : 

金大師謂: (1)我不是神仙﹐我真的不知短期內股價會升定跌﹔

- 何謂: 扮晒叻又話會升到幾多﹐跟住又會跌到幾多 同時間可以計得幾清楚?
PAK TAO     29.04.2011 02:32:31
無名覺得8207己離高位不遠,有可能升到1.52 - 54. 但現在沽貨乃明智之舉. 後可回跌到1.1-1.2左右.--- 任何無時間性既預測 我唔認為..有意義!
  親切的金子的回應 29.04.2011 09:53:11
      你挑通眼眉。好多人扮晒叻又話會升到幾多﹐跟住又會跌到幾多。但係唔講時間﹐即係講咗等如無講。

- 熊牛並唔係用黎賺賣餸錢或者買Bra帶
- 唔好信權威,咩東都可以錯,要自己知個市去邊,否則就好似66108咁變成左textbook case, 同火大俠ge訓直條屍Total Loss,可謂骨頭双寶!
相影成趣!
- 平時不防謙虛d同多照鏡, 唔好自己抵摑就反而怒摑廢青,更唔應該話人廢青(今日邊個廢呢?), 自己小又話人小器,自己係明燈又話人係燈, 應知道“天外天有人外人,剃人頭者剃光頭”嘅道理,66108正是一個“剃人頭者天剃頭”嘅報應。記得無名在此的第一篇文章謂無名講股論英雄 - 下午大有可能到21800! 各位小心! ,金大師如此回應無名這個新仔:
親切的金子     17.03.2011 17:33:16
我見你話“下午”﹐等我都驚一驚添。“請等一等”請問係等幾耐呢﹖如果係等10年﹐我覺得你一定會中﹗

誰可預料大師之後
鑊高潮,鑊"", 抄燶木薯 , 未銀跌夠! , 次又!經典的66108. 每次無名都有提醒你唔好咁啦,  但總是大師吹鷄不久, 股價便應聲倒地, 這正是天網恢恢,疏而不漏.

3. 係比最微不足道ge失明人仕盲公陳-----盲塵  大俠睇下 :
- 無名無改作文.
- 及以後唔好去我家搗亂後,重趕無名走.
籃塵     20.07.2011 18:04:24
小孩你不單小氣, 已經的確係廢, 我唔係第1次見你改文, 改完又話自己點樣中.
而且廢話極多, 我都可以話大家睇住中銀會升爆7$, 不過係唔知幾多年後.

怪不得有人話你青山膠劍, 垃圾中既垃圾. 是有道理的.
不喜歡的, 請走, 無人留你
.

4.給所有謂無名膠劍,廢劍,青山逃犯的大俠們,如有疑問,可以再提出,但請記住:“show yourself clean-handed". 無名很樂意接受批評,但要想想如果隻馬比隻豬話:“睇下你周身肥肉,跑得幾咁慢唔好出黎獻世啦!”你話隻馬有幾難過呢?

5.給說無名只看淡,没有給大家TIPS的朋友們, 一次比返重唔洗比錢買Report.

又講完廢話
,去片 :

成個SHOW有好多個節目, 但主題都離唔開:扮晒叻又話會升到幾多﹐跟住又會跌到幾多
!

個agenda係咁 :






8月6日 -
二萬將破, 萬九可期!
結果 : 兩個交易日係8月9日破19000.

8月7日-
段估浪底
無名謂 :  估計短期底部(唔代表唔再跌)在 19360 - 19670 之間. 以19500 中位數為較穏陣的預測. 但個人覺得19360的可能較大, 時間可能係8月10日到8月12日之間, 個人估8月10日同11日機會大d
無名劍     09.08.2011 09:26:34
恆指早左一日進射擊區19360—670。即係講衝擊力比預期大,有可能會破位,若破,下一支持位係18960。

結果:
- 8月9日恒指底部在18960上下揩住過.
- 8月10日低位19672, 同估計上限差2點.
- 8月11日高低位19269 - 728 , 估計上下限就在其中間.
- 8月18日低位19314,跟無名强調的19360差46點,巧合也!


8月17 日下午 02: 03 - 恒指應到頂,要回了. 當時HSI還在20447.
無名劍     17.08.2011 14:06:10
無名估的高位是20500.

結果: 恒指由下午開市高位20504(跟無名估計的20500差4點)一路斜坡式下跌到20214。無名沒有事先說出此見頂目標,為免有人做出危險行為,無名只是對馬騮及bb說過此目標,佢地出得黎行,就預左要還,無所謂。

同日再出來: 恒指天氣預告(8月18日)


結果: 8月18日恒指低位19969, 跌了500點.

8月18日 下午1時 - 打風呀, 重唔收衫! 當時HSI還在202XX.


結果:當是下午由202XX一路跌到19969低位收. 當晚美國大插,8月19日恒指列裂口低開,一路窄幅上落,直至…

下午3:08
無名在
打風呀, 重唔收衫! 謂:
無名劍     19.08.2011 15:08:26
要回了。

HSI全日高位19595 在3:05左右出現了,之後恒指回落了。

下午3:33 無名又謂,:

無名劍     19.08.2011 15:33:54
應該要黎料喇!

結果: 恒指一直插到19314。

最後節目當然要以高潮收尾啦, 近尾市以近全日高位沽出 :

無名劍     20.08.2011 00:46:31
尾 市沽 出 65633及 65981 ,價錢均為0.188,較買入價65633@0.137 及65981@0.108, 賺37 %及74 %。約 5 萬5 左 右.

記錄在骨場的這裡 : 無名垃圾基金...第一擊賺7.94% (有圖)
和投名的這裡 : 無名垃圾基金...第一擊賺7.94%

最後無名垃圾基金成立了6個半交易日,成績如下 :

7 TRADE 6勝1負

6日半, 10萬本金, 未計洗費, 賺:$68,678

1. 20000元買3800 CALL 13336, 0.315買入, 0.34買出, 約賺:$1,588
無名劍     12.08.2011 10:48:35
13336以0。34賣出。一日賺7。94%。

2. 50000元買入12885@0.064; 約賺:$3,125
無名劍     15.08.2011 10:06:40
12885以0.068賣出賺6.25%

3. 50000元買入65633@ 0.137, 約賺:$18,613
4. 及50000元買入65981@0.108 ; 約賺:$37,037.
無名劍     20.08.2011 00:46:31
尾 市沽 出 65633及 65981 ,價錢均為0.188,較買入價65633@0.137 及65981@0.108, 賺37 %及74 %。約 5 萬5 左 右.

5. 50000元買入13336@0.3, 約賺:$6,500
無名劍     16.08.2011 11:39:13
13336以 0.34全數賣出, 賺13%. 解碼:4000.8/0.3=13336 價錢1*0.3 =0.3.

6. 50000買入13774@0.213. 約賺: $2,815
無名劍     18.08.2011 13:52:29
13774 以0.225 賣出全數. 13774/0.213 = 2933.862 (之前打錯了28933.862). 價錢 1/0.213 = 0.213 賺5.63%

7. 10000元買13336@0.275, 約蝕10%, 約-$1000.
無名劍     18.08.2011 15:29:35
13336 以0 。247 賣出 全數 止蝕。

無名劍