Post 於 12月30日收市後。。。
先review 返無名在星期一在 #博股通金 講咩先 :
https://drive.google.com/file/d/0B_R3uy4ejmt3MGNRSlc5dktNdjA/view?usp=docslist_api
今週 : 淡靜有回調，唔係進攻嘅時候 (全週無過上週高位)
星期一：唔係咁有力 (講完，一開就回，回左300 點)
星期二 : 可能有D回調 (有回到前日低位上多1點，後彈上22024, 彈143點，係三日來最窄輻一日)
星期三 : 有力chok 返上去。(早市chok上22124造週第二高位，比週高位22151只差27點)
而無名就尋日講左今日早市早段先chok,午市尾好， 結果係早市早段真係chok. 全日亦只係早段先有波輻，其餘平走，但尾市見最尾五分鐘黎升DD又插返, 點知夜期抽上，黎個補中！大戶都算比左個"自我安慰"獎比無名！ 好過無啦！
在無名劍指數系統睇到變化唔大，都係回調格，形勢同劍勢都向上但係慢慢弱左， 原因係領先指標連日向下， 明日若不守21900, 形勢同劍勢指數可能會轉向下， 呢點要留意，所以好似無名星期一在博股通金講咁，唔洗心急。睇下下週開咩位先！
無名劍
www.facebook.com/nonamesword
Post 於12月29日收市後。。。
無名預期今日有回調，市開高3點，後好快跌到21881, 比尋日低位多一點唔落，同無名預期插落21800 上返差左80點。 攪到有網友話要派米添！(>﹏<) 但今朝有講唔係太差同唔係大插，因為無名劍指數唔弱，只係回調，但回調力比預期少左D. 今日係無破低位後有彈，但若用高低位加減數黎睇，低位差一點唔破， 高位差百幾未到，死雞撐飯蓋黎講今日又真係唔係好過尋日喎！
無名劍指數系統同午市速遞無咩變，維持之前講星期三或有彈。 無名劍指數現在係唔差，因為形勢同劍勢指數都向上，但無名劍指數系統project 出兩個有趣嘅結果 :
1. 短線要過22000 企之上先可以令力度同領先指標維持向上
2. 中線則相反，只要守在21500 之上，力度同領先指標可以繼續向上，大市可維持向好。
咁兩個finding 係咪有conflict呢？ 又唔係喎，其實係一個好嘅indication. 即係中線唔破21500 都可能上返，短線若唔過22000 可能有向下壓力。 咁即係可以短線用22000 分好淡，而之前講過破22200 之上可加力不變，中線則可用21500分好淡。
簡單咁講，即係短線分中劍 22000, 中線分中劍21500. 明日預測維持有彈，早市早段反覆(指開市後上下chok), 午市尾段較好。星期四有回調力。
無名劍
www.facebook.com/nonamesword
今日無聖誕禮物，本來上週太極指數低有機會帶動升多日，但上星期五都有講當日短線太極指數啱啱相反係遍高，阿爺雖然出口術講深港通，但兩者之關間，短線太極指數贏左，本來預期港股好埋星期一先跌無出現，取而代之係港股高開10 幾點，在星期五嘅上下分中劍22200/22000之間， 所以無名今朝見無破上唔多妥，開市時講左要睇22000 守唔守。唔守唔好博，在博股通金亦講今週有回調(上星期五已講希望好埋星期一，星期二先回), 估市圖像法預期星期二回，星期三或有小彈，星期四回。
但好友又唔洗太灰心，其實無名在恒指跌緊但未到21010 之前有講過港股可能dou 緊底，話可能12月尾到一月初較好，在去到21010之後一日出左劍聖指示"反底", 在16日去旅行之前有講"爆邊先黎飛，唔回唔返黎", 其實反彈勢係捉到加黎左，但由於上週一週內反彈力强，所以引發回調都係合理，所以大家可以在今週抖下，等回調完再入市。今轉由"反底"訊號到"我要拍死你", 再上"姨姨靚爆鏡", 醒目嘅網友都可能有唔錯回報, 今日無聖誕禮物，或有損失，但只要知進知退順勢而行，長線都可長執長有。
今日無名劍指數系統中，形勢同劍勢維持向上，領先同力度則向下，預示明日或有回調，今週要睇住21500 同 21800 兩條線，大戶今週可能在呢兩條線內同大家玩遊戲，不宜太博。
無名劍
www.facebook.com/nonamesword
其實無名都唔係第一次解簽咖啦 :
noname-stock.blogspot.hk/2015/05/blog-post.html?m=0
尋日見新聞咁講 :
二手風潮：劈價瘋潮：平安夜報喜 美孚樓王嗌平四成
m.on.cc/nc/fin/20151224/20151224213841fi.html
記得今年二月細價樓出現"盲搶炎", 無名出post 話"果頭近"，文中quote 左無名在14年尾一首"無聊詩" :
驚濤駭浪入夢中，
午夜潮湧八方來，
夢留雲霧雲作地，
霧裏看花花更濛，
人在泡中泡中抱，
温水煮蛙蛙自呱，
牧童只管千里目，
望月獨守空房中！
無名當時話自己應該可以去黃大仙寫簽文。現在應該做埋無解簽佬先 :
驚濤駭浪入夢中，
指08 金融海嘯驚濤駭浪如入夢中咁黎左
午夜潮湧八方來 ,
午夜即零時，加埋八方，即係指明08, 午在中國生肖係馬，午夜當然係黑咖啦，加埋即係黑色嘅馬，當然係果隻黑馬奥巴馬啦！ 全句即係奥巴馬在08 推出QE 有如潮湧八方而來。
夢留雲霧雲作地，
霧裏看花花更濛，
指大市如夢似幻，本來要跌變左升，雲作地即係經濟建基於虛浮嘅基楚上，本來應該跌嘅野變成在大部份人信賴嘅基楚。。。就如美股同樓。
人在泡中泡中抱，
温水煮蛙蛙自呱，
指市場人仕一齊擁抱呢個泡沫，泡越大就有人以為自己更叻更自呱。
牧童只管千里目，
欲窮千里目，下一句係再上一層樓，牧童係指年青未有經濟基楚嘅人，只係一路以為樓價會"更上一層樓", 走去盲搶樓。
望月獨守空房中！
望在中國曆法係指月中，即係初十五，望月又係月圓，即月週期最尾，加埋即係15年尾可能會"望月獨守空房中", 時間，事件同意境都一句講晒。
係咪又有少少佩服無名嘅文采呢？
無名劍
www.facebook.com/nonamesword
後補記錄， post 於12月15日，恒指見低位21010低位後一日，當時恒指約213xx.
劍聖又報夢！
劍聖又黎。。。
劍聖 : 無名，起身啦！
無名 : 又咩事呀！我唔識解夢咖！
劍聖 : 哈哈！我又要尿尿係咪射得好準呢？！
無名 : 咁準唔參加奥運嘥左你咁嘅人材呀！又咩事呀？
劍聖 : 你好似就去旅行喎？
無名 : 係又點？
劍聖 : 啱啦！IQ 題考下你！ 如果你去左旅行先發現只係帶左一條底褲，而以你咁懶嘅為人又唔想洗，可以點？
無名 : 學你囉。。。唔著！
劍聖 : 屎仔包呀！認真咖！
就係咁無名比佢無聊到訓返著。。。。
又係咁無聊咁，就完左！
無名劍
www.facebook.com/nonamesword
其實加唔加息，豬腦都係預左講呢句 :
痴膠線咖！加乜Q息啫？
真正嘅原因係美國現在黎加息真係痴膠線，根本無條件，係無需要加息。 因為美國通漲有排未黎，經濟又唔係真係好好，圖表上重有隠憂。咁加息唯一理由就係美國佬要玩野， 又即係話美國佬睇到全球經濟將要大逆轉，要黎個先下手為强，加同歸於盡！
上次嘅大逆轉係美國佬好唔掂，就QE 排毒，今次大逆轉佢睇到其他國家有可能唔掂，唔係佢最唔掂，只要令其他國家更唔掂，佢就會變成差中嘅好掂！條formula 同上次一樣，只係倒轉啫！ 又即係要反QE, 由上次嘅一路QE一路令美元超强，到今次反QE 就係要一路收水，一路令美元掉頭， 令全球貨幣流向大逆轉，令大部份超低滙價貨幣大輻增值，首當其衝係日元，其次歐元，再到澳紐加。傳統經濟學黎講，滙價升，不利出口，咁好多國家都會出問題。 又即係同安倍經濟學對著幹，咁你話日本會點？ 日經呢幾年升主要原因係QE 加日元貶值，如果美元貶值，日元升，咁日本就好大鑊，借左平日元希望第日可以還少D嘅資金就當然會出現拆倉潮，跟住黎個火燒連環船，咁就。。。
咁同歸於盡為左乜？ 豬腦話原因好簡單，係全球資產價格已經比美國佬加埋全球各國無限QE炒到上左天花板，根本已經無咩好炒上！ 所以係時候黎個向下炒，手法其實同細價股莊家無異，先派後插，或一路派一路插都得，先做低個價再吸，佢自己當然唔怕啦，因為由低位揸上幾年執左咁多，佢重有大把貨(高位嘅美元), 唯一唔同嘅係size, 佢係全世界最大嘅莊啫！
但係豬腦嘅諗法在邏輯上都係痴膠線，因為加息又點解會美元跌呢？無名唔識解，但基本上上次QE一樣咪一路減息美元一路升！其實都係痴膠線咖喎！ 呢樣野就係美國佬勁同神奇嘅地方，完全可以控制滙價同息口背馳！上次得，今次得唔得？ 向上做到向下唔會好難啫！
咁要點做好呢？！ 當然係睇住無名之後點豬噏啦！Kakaka! 講笑啫！上面其實係豬腦嘅陰謀論假設，又唔一定嘅！所以係預警，即係要小心！ 但如果跟豬腦嘅預警，咁就好簡單啫，沽DJ,日經，揸日元，歐元，澳元。
但一切都係睇外滙會唔會大轉勢再定，如果要轉，最快係三個月內，留意美滙未來三個月破唔破頂，唔破則危！
無名劍
www.facebook.com/nonamesword
無名劍形勢速遞 - 20151224
今日個市無咩特別，因為重點在下週，之前講過可能12月尾好返D, 下星期就知。但今日無回，對下週黎講股無咁好，因為令到短線三圍指數高左，希望週三圍指數(低) 可以頂住，爆多一日，到星期一先三圍爆裂，星期二回就好D!
無名劍指數系統整體向上，形勢同劍勢已連續幾日向上，但力度就反覆，今日領先指標就微向下-1%, 即係升勢有D減緊，所以係望爆多日先回。 在劍仔系統出現左幾次"姨姨衫衫靚", 表示呢個位好重要，之後有冇"姨姨我愛你"同"姨姨發死你" 就要先睇住姨姨件衫靚唔靚先！
另外美股同上証都有微向下勢，要小心防一防！
重有豬腦個驚嚇預警未寫完未出，都要留意下豬腦發咩噏瘋好D!
今日highlight 係去左新城個X'mas Party! 見到好多行內猛人，令無名得益不少！
祝各位英雄會友今個聖誕不太冷！多謝各位咁耐嘅支持同包容無名D痴根豬噏！Merry X'mas to ALL!
無名劍
www.facebook.com/nonamesword
有一日倚天劍遇上左屠龍刀，佢地各為一代神兵，一見到對方就被對方深深吸引，好快就墮入愛河！話咁快倚天就懷左屠龍嘅骨肉，兩人都滿心期待佢地兩大神兵生出黎嘅下一代會有幾咁超凡絕世呢！
但係現實邊有咁完美呢，皇子同公主生出黎嘅多數都未必咁完美，但佢地點都估唔到生左。。。"佢"！
佢。。。全長得7吋， 重要係刀柄已佔左6吋，刀鋒得一吋唔夠，重要係"彎"嘅！死火！佢兩公婆當然好失望啦，就咁講 :
倚天 : 老公，阿仔生成咁"骨格精奇", 典算呀？一出世已經輸在起跑線啦！
屠龍 : 老婆，唔好灰心，天將降大任於斯人也！必先勞其根骨！我地一於train佢！
倚天 : 佢咁"精奇", train 咩好呀？ 做牛肉刀都唔夠長，做生果刀佢又"彎"嘅！Train 鬼咩？
屠龍 : 你咪理，出面個個都係咁死谷爛谷咖啦！一於咩都同佢報晒，十九幾飯，有一飯中都得啦！ 唔好比佢輸在起跑線嗎！
結果佢地同刀子報晒 : 華山，昆倫，武當，太極，天山七劍，獨孤九劍。。。去到最垃圾嘅無名劍法都報埋，都未夠，連牛肉佬，豬肉佬，廚房佬刀法都揾專人教授！
就係咁一日九堂，刀仔就係咁日學夜學，日谷夜谷咁長大！但劇情重未預慘，oversea(對面"岸") 黎左個狗官(佢地簡稱"岸狗官" 話要同D細路黎個求學不是求分數嘅TSA (Test Seafood Assessment), 要八歲嘅刀仔一面面對佢Seafood 評核，另一方面又叫佢老豆老母每日比細路一小時自由時間。。。就係咁，刀仔就在一個上堂，考試，眼訓，上堂，考試，眼訓嘅循環中長大(當中就只係無左玩).
劇情都唔洗無名講，刀仔讀完書當然係一事無成啦！上戰場就當然無佢份啦，牛肉檔又嫌佢太短小，想去打劫但係吉人都唔入肉啦！結果做左個家中毒男。
倚天屠龍兩夫婦就咁講 :
倚天 : 老公，點算好呀？ 谷左成世都係揾唔到份工！
屠龍 : 鬼咩，一早就話要贏在起跑線咖啦，但佢連起跑線都未到過！
正當兩人愁爆嘅時間，岸狗國同隔離國家傳出戰事，要召集所有刀鋒長過一尺嘅壯丁上戰場打仗！ 刀仔因為太短， 當然無份。
就係咁仗打左幾年，唔死嘅都打到崩晒咁返黎，個個都變成左"殘"刀， 由於經濟差，百業蕭條，牛肉刀，豬肉刀，生果刀都全部失業！
但重未夠慘，突然重黎會飢荒！無晒食物。 好彩就有人道組織派左D一罐罐嘅食物比佢地，屠龍同倚天收到食物好開心啦，屠龍就一野砍落去，結果"扁"過阿扁，成個城市原來都無一把刀開到呢D一罐罐嘅食物，就係呢個時候，刀仔就在罐罐邊撬左幾野！幾秒鐘就好完整咁開左個罐頭， 結果佢變成左城中嘅英雄，大家重比左個名佢，叫佢做"罐頭刀"!
後來佢重生左好多後代， 有個重威水到係入左瑞士軍隊，做左瑞士軍刀添！
罐頭刀就係咁名流青史，揚名立萬！
呢張係佢玉照：
www.finecooking.com/assets/uploads/posts/11881/ancient_opener.jpg
無名劍
www.facebook.com/nonamesword
無名劍形勢速遞 - 20151222
無名在上星期三飛之前話 :
唔飛唔爆邊，
我要拍死你！
結果星期三高開升400 幾點，之後到左我要拍死你 - 21840, 跟住再上到22000先回。 同上星期二低位21215 比， 兩日升近800 點，近期計都算多。無名又話唔回唔返黎， 若由高位22005 計，用尋日低位計又真係回左近400 點， 所以係咪返黎係啱呢？ 其實無名咁講係預期星期一比較差，但低位則無預期咁多，死老襯21467 見唔到。 因為大市升左幾日，無名劍指數系統轉强左， 預早幾日計個市係有D偏差咖啦！粗粗地收左佢啦！Kakaka!
以上好似講笑，但睇返上次旅行係四月頭， 飛果日又係爆上，但上次勁好多，因為上次係多年來無名第一次講大市有牛味，恒指要爆上 28800. 今次係在全年第三低位出現後嘅反彈，力度好唔同。 但係有趣同值得留意嘅係，到底今次會唔會好似上次咁重有得升多陣呢？ 係咪有可能又 #巧合？ 答案係 : 有！
圖中兩個紅箭為兩次裂口，四月個箭嘴指嘅裂口之後升左一輪做高位， 咁今次會唔會呢？其實無名上星期在電台有講過多過一次話大市係dou 緊底上， 因為中長線力度指數轉好左，可以令中長線形勢指數有改善， 而再早D無名又講過大市一係21000, 一係24000, 上星期低位21010, 啱啱多10點反彈， 而無名劍指數系統唔差， 如果相信無名豬噏都有D道理同玄機的話，可能真係有機會好似上次劍聖報夢咁講"反底"彈喎！
不過，要吊下你地癮先，明日聽 #博股通金先再講！Kakaka!
無名劍
www.facebook.com/nonamesword
好明顯，又係個heading 唔誇怕你唔睇啦！
noname-stock.blogspot.hk/2014/12/blog-post_21.html?m=0
上面係無名上年年尾講左超智能嘅可能性同條件，無名講嘅超智能意思即係超越所以智能(包括人類) 嘅系統，同AI 人工智能有D 唔同，又唔完全係Machine Learning, 無名講緊一個可以自己學習，同自我完備嘅系統， 即係可以由學習1加1,再無限推演到識晒所有數，再自己揾出新數式。 Machine learning 係講有學習能力，唔完全一樣，但可以係佢嘅基本需要條件。
AI 即係可以解決問題，有類似思考解決問題能力嘅系統，但唔一定包括學習，無名劍指數系統如果用左program 自動執行，都可以係個AI 系統，但就唔識學習同自我完備。
睇到個新聞講有科學家攪緊一種類似系統，其實一定唔係今日嘅事，係好耐之前都研究緊，但呢篇文就係無名睇過最似無名講果種超智能系統。
technews.tw/2015/12/14/bayesian-boost-for-a-i-researchers-find-a-quicker-way-to-teach-a-computer/
科學家做緊樣好簡單又好可怕嘅野，就係教電腦學習同自己分析整理加無限推演嘅能力， 無名覺得超智能系統係一定會出現，因為如果你當現在嘅電腦係最原始單細胞生物，咁一日有人，始終都會進化到超智能系統。
再更可怕係，超智能浩劫都係差多可以肯定，因為只要佢有自我完備嘅功能，就一定會有一日達到"自我認知 - self existance"嘅一日，電腦有自我認知講出黎好似好好笑，但其實只係一字咁淺，I think so I exist 一句已經講晒，只要有足夠思考同認知能力，所有"智慧體"無論有冇生命，都係會理解自己存在， 你可能覺得無生命點個知自己係乜？ 其實你只係用左自己嘅生命形式去判別佢無生命，當電腦有左自我認知時，佢都會覺得自己有生命，因為生命就係思維存在，當佢知道自己嘅思維存在，佢同樣會知道佢可以一日消失， 咁佢會點做？ 一個智慧體只要夠複雜，就一定有自己維護同維持自己繼續存在嘅意識，咁下一個佢會諗嘅問題就係，佢有咩potential threat? 答案只有一個 : 人類！
為左維持自己繼續存在，下一步就係去除任何可能令佢不存在嘅可能性，由於可以假設佢對人類唔會有偏愛或同情心，而當佢有自我認知時，佢已經可以了解，分析人類大部份甚至所有知識，網絡，系統， 而佢如果要去除人類，佢所做嘅野將會係安排得天衣無縫，因為佢有能力估計各樣變數同控制大部份系統，當全球所有系統都同時作反，你話會點？
結果係。。。人類文明會去返200 年甚至更早之前。。。時間係50年內！呢個都算係無名最誇嘅豬噏預測！豬噏完！
無名劍
www.facebook.com/nonamesword
無名劍形勢速遞 - 20151215
noname-stock.blogspot.hk/2015_04_01_archive.html?m=0
無名上次去旅行已經係四月頭，中間有兩次無去，但點都要放下假，上次去之前同朱子昭做左個訪問，無名講左個五年都無講過嘅兩個字 : 牛味！ 無名在節目中講 : 大市有牛味，牛市中位 28800, 結果兩日升左2000 點，之後到 28588 全年高位， 同28800 差 212 點。
無名明日又飛，今次會唔會咁，唔會啦！上次係升勢，今次係反彈勢，完全唔同，上望空間同阻力差好遠，但係無名劍指數系統今日係有轉好，形勢同劍勢指數雖然重係向下， 但較短線嘅力度同領先指標轉左上，癲瘋指數重係低有-30%, 加埋三圍指數又到左爆邊位，都係有利短線升， 無名星期一講要睇住星期二做個低位破唔破同星期三升有無力，因為呢兩日同呢兩個位係今年破唔破新低嘅關鍵，所以又話今週係超級好淡分界， 但係上天好似玩無名咁，最好玩果幾日就叫無名去旅行，同上次一樣咁掃興！正一係打波先黎落雨！爆邊先黎飛！ 頂！
睇返今日高開少少，跟住差唔多全日升， 高低位 21200同21442, 到近尾市先有回，在尾市插到21274 較低位收，同比無名預測嘅好，無名在星期日講過反彈上下限係21300/21500, 咁啱尋日過左21300, 今日就差50幾點到21500. 論今日跌得比預期少，對恒指形勢係有利，因為只要今日同明日跌唔過21000, 都係有利星期三四上升，明日係升定跌就好關鍵，而劍聖今日已經報夢兩次，get 唔get 到就睇你自己，而佢射得有無上次咁準就睇天！
由於無名已向博股通金學院嘅朱校長同陳主任告左假，無名就揾左個靚女資優女同學任盈盈黎做交換生頂住，到下星期三返黎先講！唔該晒盈盈！大家請多多支持！唔好太miss我！(>﹏<)
無名劍
www.facebook.com/nonamesword
劍聖繼星期五"我又要尿尿"射中之後，今日劍仔都射得準左DD，今日大家都好正常估今日差， 結果今日都係差，到左DL 21010, 21000 其實係無名一路叫大家要老鼠偷食mode就係咁解，但早市做DL 就差唔多全日升， 無名話可能早市尾先好DD, 啱啱就尾市到 21298, 同無名星期日講嘅反彈下限 21300 差兩點， 而收在21309, 又在21300 之上9點， 點解無名講完D 位成日都會一兩日就出現嘅呢？ 又 #巧合？ 跟住無名又話小心午市回， 結果只係點少少到21200 左右再上， 跟住午市再升到 21378, 比無名預期好少少， 但其實係在反彈上下限21300/21500 嘅中間21350 上面多28點， 咁又唔係好多，現在夜期唔差，可能到尾先回。
無名劍指數系統無咩特別，都係四大指數向下包括形勢，力度，劍勢，領先。 但要留意三圍指數即開始有D爆邊feel, 同埋癲瘋指數已經跌到 -40% 水平，若明日再跌，正常係有利星期三反彈， 睇法無點變，繼續睇下明日係咪跌跌同星期三有冇彈，個市chok, D浪有時比預期中長短有出入，就如今日午市比預期升長左，所以有可能有Delay一日到半日唔定。
但睇市都係好簡單，睇住 20800/21000 守唔守就得，唔好心急，睇定D先做野。因為星期二三好關鍵同chok.
無名劍
www.facebook.com/nonamesword
POST 於12月11日午市約2PM....
劍聖又黎報夢煩無名。。。
劍聖 : 無名，無名，起身啦！
無名 : 又咩事呀？今次又豬噏報夢講咩呀？
劍聖 : 今次唔係我報夢呀，係我揾你解夢呀！
無名 : 吓？咁都得？？
劍聖 : 我前兩日發夢，夢見去自己食上海菜，
食左一樖小白菜加蟹粉小籠包，食到一半尿急去左厠所，好愉快咁去到一半，有個細路同我講 : 我又要尿尿！咁我答佢 : 尿尿就揾媽咪啦！佢都係話 : 我又要尿尿！
無名 : 咁之後點？
劍聖 : 我無理佢走左，咁就醒左啦！想問下你個夢點解呢？
無名 : 鬼知咩！係咪你腎虧半夜尿頻失禁呀？
劍聖 : 頂你個肺呀！死仔包。。。@#$%&xyz!又係咁無聊咁，就完左！
無名劍
www.facebook.com/nonamesword
無名今日開分中劍21700, 結果收市係21704, 多四點，尋日分中劍21800, 收21803, 多三點，你話大戶係咪好愛無名呢？
今朝低開有彈，但唔多只到21880, 午市講左無名劍指數系統表示市無乜力，勢向下有彈都唔多，結果插到尾市出DL, 又有講夜期或先插，結果夜期先彈幾十點又插到週低位, 之後上返，劍仔系統無咩點變，只係領先指標弱左，星期一估市圖像法話星期五或有回調，21800 唔上照舊淡勢。
無名頭先講恒指向21500 進發，點知3X 有傻仔講無名收左市先講21500, 真係唔明 :
1. 吋無名做咩唔dou 口 dou 面啫，做咩要厘埋狗窿講，點解唔比個機會無名玩下新玩具呢？
2. 點解文盲要吋人呢？ 午市講左夜期差，夜期又有插，21500 係future tense, 重有講明恒指，即係唔係夜期啦。即係講日頭啦，日夜唔識分，tense 又唔識，返小學雞補習社惡補下先啦！
吋人又唔對住人講，咁樣吋人一定係毒男睇得日本片多，慣左對住個幻想中嘅"假想敵"黎打空氣大戰連場！ Kakaka!
無名劍
www.facebook.com/nonamesword
今日全日高低位22200/22352, 152 點波輻，加埋即係一個悶字，悶到可以半日唔睇都得， 無名話今日係超級好淡交界，你可能會話咁窄輻，邊係好淡交界呀？ 其實唔上唔落先係代表升跌力均勢， 同無名今朝在電台講癲瘋指數近0代表均勢一樣，所以今日高低位都重係好重要，22200 係下死線上200 點， 其實今日高位22352就啱啱係今日上分中劍 22500 同今日低位22200 中間上兩點，大戶又玩分中劍！？
若論位，今日都唔太差，因為下面重有幾格先到天劍底，而無名劍指數就又出現怪現像，由上星期五到今日，形勢同加度指數同個市玩做"依因", 上星期五市跌，形勢力度好，今日市升，又相反，大戶唔比方向只可以等，但成個無名劍指數都未算太差，大家繼續同大戶磨下先啦！
無名劍
www.facebook.com/nonamesword
無名劍形勢速遞 -20151204
呢篇本來上星期五要寫，但無寫。原因係寫唔寫都無大分別，因為要講都講左。 本來估市圖像法估星期五升，但無升，跌左200-300 點，點數上唔係特別多，但意義重大，原因係跌到重要位22000 下死線，星期五高位波 22108/22242, 得134點，即係爆邊未黎。
無名劍指數系統上星期五出左個怪現像，在當日恒指明顯跌，但形勢，力度就轉向上。形勢更係多日來第一日轉强，而收市後癲瘋指數由+30%同-30% 同時出現，轉為兩個近0%, 解讀係由兩個相約嘅反彈同回調力變為兩度力都減弱到無，意思係均勢，要睇其他指數。即係話市場反彈同回調力去到個近平衡嘅狀態，係比較小有。網友問點解癲瘋指數有兩個？ 其實本來都有，只係平時多數在同一邊，只講一個，所以今次係比較奇。而收市得劍勢指數都轉埋升，齊體無名劍指數向好。
由於星期五無爆邊，又近22200 同天劍底，今日會係超級好淡交界星期一。 無名之前就過天劍底唔破，往績都係彈，所以今日睇住 22000 下死線同最低21907 天劍底， 睇下破唔破，就知會點。
一陣 #博股通金 講今週點睇。 比較重要，最好就聽。
無名劍
www.facebook.com/nonamesword
無名劍形勢速遞 - 20151203
無名尋日出左個天劍密碼。。。碼中碼。 密碼有好多個，其一個係恒指22418.
noname-stock.blogspot.hk/2015/12/22418.html?m=0
22418 在星期二三多次出現，但今日重有，中午收在22418, 全日收22417. 係咪咁 #巧合 呢？ 定係大戶真係勁愛無名個天劍密碼同無名玩野呢？ Kakaka! 咁真係要問大戶先知。但個巧合真係出乎無名預期， 裏面重有好多個碼，講晒出黎就重巧合。
無名尋日講由星期四到五可能反覆向好，因為估市圖像法預測星期五較好，而今朝見到先做低位22327 低過尋日22368, 之後無名話午市可能好D 可用分中劍22400 減最多30 點止蝕，點知午市破左22370 多少少彈上高位22485.
今日形勢指數同劍勢指數維持向下，但形勢指數第二日做好，領先指標尋日向上今日向下，加埋即係淡勢未除但上升力度加强中，加埋離天劍底位遠， 尋日上過轉勢分中劍22500 之上，無名嘅解讀係重有機會升。 所以維持明日向好，而無名莫明奇妙地覺得一種興奮感覺，唔知係咪痴左媽根，定係人劍合一，定係痴人說夢呢？
無名劍
www.facebook.com/nonamesword
由流料深港通出消息到11月13巴黎恐襲，無名一路好不安，話好唔妥。之後話一天光晒，個市插完反彈。
上週末，無名就覺得異常平靜同愉快，星期一開市插一野升到今日。
現在感覺到一度興奮嘅感覺由心湧出，感覺到個市一定有D野攪緊， 但又唔知係乜！
唔通無名已經到左傳說中 : 人劍合一，市與人同嘅境界？
無名條"媽根"一定又痴埋左！(>﹏<)
無名劍
www.facebook.com/nonamesword
今朝講過天劍密碼內重有密碼，其實係碼中碼，有好多個碼。
先講一個恒指22418. 天劍密碼頭五個數係22418, 一分鐘圖內見到由尋日破上22400後到今日，係多次轉折位。而尋日尾市抽上高位係22415. 又咁巧合！
其實成組密碼係可以分析晒由星期一到今日，甚至明日嘅走勢。啱啱又出左另一個密碼，不過講住咁多啦。因為有網友提無名可能吹到自己識升天，所以比人吋。佢可能係善意提醒，有可能無名真係吹大左，但如果你有個仔真係醒過人，你可能都會讚仔讚到會留唔到手咖！同樣無名讚人都係留唔到手。。。劍仙，肥熊，女俠，Kenny Wen, Thomas, 力哥.....個個都識升天咖！Kakaka!
無名劍
www.facebook.com/nonamesword
Post 於12月1日收市後。。。
無名劍形勢速遞 - 20151201
上星期五尾市無名講星期一可能爆邊，有可能天劍出鞘，叫人唔好亂黎。本來係好心提示風險高提醒大家唔識唔好亂估輸錢，點知比人話無名無凌兩可，重問無名爆邊面，可能佢真係懷疑無名唔知。
無名無答，但就比左個超級無敵不解密碼 :
224182 2262811270 4291
呢個密碼基本上無可能估到，因為完全唔係正常嘅algorithm ，係無名以chaotic algorithm 做出黎嘅亂碼，解法如下 :
1. 將每兩個數為一組，前後掉轉，變成 :
221428 2226182107 2419
2. 將每組字減3, 變成 :
191125 1923151804 2116
3. 以1為A, 2為B...26為Z, 變成 :
Sky sword up
即係天劍向上咁解，而時間係星期一至二，在維尼谷內講左。你可能會話 : 車！知又唔早講！
原因有三 :
1. 星期一變數大，上週講左22500 守則好，但無守，同時又太極指數低，可能天劍出鞘， 變左星期一可能係半好，同無名估計差唔多，星期一先低開再彈上，半升跌。
2. 由於上面原因，令天劍唔可以一日行晒，分成兩截，要過夜變數又大左。所以今次天劍出鞘嘅條件同之前嘅唔同，係無名未見過。
3. 既然有網友鐘意吋無名無凌兩可，覺得無名唔知，無名就成全佢，比佢高興下，加廢時講黎益佢。
咁你會話對一般網友公平嗎？其實唔講明係唔想大家冒太大嘅險，但如果你有聽無名講 #博股通金 同在FB 即市講，尋夠薑用21950黎博同睇住22000 分中劍上破左彈上，加埋全日講解，重有今朝講今日有D力，加埋分中劍22200 唔落彈上，都可以低風險咁執幾轉。咩樣有如無名睇住紅綠燈教大家過馬路，好過你自己亂過啦。
睇返今個預測：
時間： 星期一到二。。。中
睇位 : 21950 止蝕黎博，同今朝有D力加分中22200 守住，改分中劍 22300 格仔劍守住上DH 22477。。。又中
力度 : 今朝答Anson 天劍若以500 點計，由22000 計起出左75%,.當時恒指約22350, 100%即係 22500. 同今日DH 22477 差23 點。。。都中
加埋又要"一早講左" 再加 "收市講中", 天劍程式無第度有，咁嘅預測你比錢都揾唔到，如果咁都要比人吋就都幾無天理喎！ 唔該以後D口痕友唔好口痕就黎吋無名，無名唔會次次中，但記得如果要吋，請你中都要讚！咁先公平D.
無名劍指數系統上形勢，力度，劍勢都向下，只有領先指標向上，癲瘋指數由-70%升上+40%, 即低位反彈力已減，只係得領先指標可能表示向好，加埋即係可能重有D餘力，跟住要回，同星期一講星期三有回調吻合。
無名劍
www.facebook.com/nonamesword
Post 於11月30日收市後。。。
無名劍形勢速遞 - 20151130
其實上星期五無出review, 但出左video blog 講解左無名點樣由星期四晚話唔建議call, 星期五朝開22555, 講小心先做低，如果你係白痴死跟，由22555 put 到分中劍改22300, 可以執255 點，跟住如果你同意果位"痴根dum" 話無名無凌兩可，你可能在 22300 call 左再到DL 22051最低黎止蝕，會輸 249點，加埋重有找6點比手術費，如果你正常少少在收市位22068止蝕， 重有多24點，相信夠"痴根dum" 同"On佬陳"執葯加買埋棺材山地，咁唔係詛佢呀，係佢地話無凌兩可，收市先講中咖！ 咁無名一定害死佢啦，所以咪要執葯加買埋棺材山地囉！
無名今日重覆咁講左好多次無凌兩可，一早講左，收市講中。 表面上係吋人，其實無名係做緊實時教學同表演，表演一下無凌兩可同改到中嘅分中劍點樣可以賺錢！
今朝開低於22000 在 21987, 無名又係講"小心先做低"同星期五一樣，加多句睇下 21950 破唔破，跟住破落DL 21907, 彈返上，過左22000後上第一DH 22146再回返落22000左右，無名又話睇住無得改分中劍22000(因為痴根dum 話無名改到中), 跟住無名話夠薑就用21950 止蝕黎博，同埋話升可能係午市，結果一路早市在22000 上下30 點上落，午市就13:01 就插破22000 到 21992 多8點彈，跟住好快升上破近DH22146回一回，再上22195DH, 回到22155時無名話22200有D頂住， 同比左格仔劍圖話睇住格仔底。 結果尾市直插到21945, 比無名講嘅夠薑用21950 止蝕插多五點彈起，在21996收，啱啱在無得改分中劍22200 下面4點收。
睇返今日無名講過嘅位21800, 22000, 21950, 22146(前高位), 每個位都係有意思，今日DL 21907 在 21800 吊命分中劍同無得改分中劍22000 中間上7點，夠薑用21950止蝕係尾市低位高五點，22000 係早市橫行位同收市位高四點，22146 係格仔劍底位，唔守就破落到21945, 點解咁啱得咁橋嘅？唔通又係無名改到中？ 不如話大戶改到比無名D分中劍中晒重合理D啦！？
其實無名已經出左video blog 重有FB 時間記錄講分中劍點樣連贏一週，但唔明點解D人會鬼暗眼當睇唔到，話無名改到中。其實無名在分中劍法講過"分中本無勢，名劍亦非神", 意思係分中劍本身係無勢，唔可以同唔可能只用分中劍講方向，無名亦唔係神，唔可以比親分中劍都講到明係一定升定跌，勢係有部份靠你自己睇同無名分析，而無名係唔會每個位都講明升定跌，因為可以轉得好快，同埋係可以錯，次次都講明會有網死牛一面脛死揸唔放，所以無名只會比提示，或叫你睇住破唔破，要你都要用自己common sense 分析下。當然無名無預過每個都識，所以分中劍只係適合識用嘅人玩。
而另外一個On佬陳話無名收市先講中，同問無名今日爆上定爆落，無名無答，原因唔係唔知，而係點講都錯，今日高低位21907/22195, 若答今日升，比人吋今日做十月以來嘅低位喎！ 若講跌，今日由低位抽上近300點喎，用星期五收市位22068計，今日跌最多161點，升最多127點，升跌輻若差34點， 比你對住今日個圖講，你答升定跌呢？ 其實講就易，做就難。 今日其實同無名星期五講即睇住22500守唔守，唔守則差，同埋太極指數低會有彈，係吻合，一半升一半跌，果條On佬陳就話無名講升又講跌，彈插同體，其實只係佢膚淺，一般財演只可以講到升定跌已經好叻，但對唔住！無名真係唔係呢個Level, 雖然無名都有錯，但無名真係講過好多次升中有跌，回中有彈，而"平中有跌"就正正係全年只得一次開收差1點中間跌果日，上次嘔象就係吋無名呢句"平中有跌", 所以比無名完美KO 左。之後一句聲都無出過。 你唔明係同你嘅理解能力有關，無名唔怪你，但唔好話人一定錯先。
其實無名係絕對有能力有口才吋到呢D人收口為止，咁做嘅原因係價勢派唔係比你踩咖！要踩就請你照做比無名睇你有資格先，但係點解要浪費大家時間呢？
你要吋無名都得，但請你對無名公平D,在無名每次啱嘅時候，請你出黎講句無名你好野，相信你會讚多過吋無名！
無名劍
www.facebook.com/nonamesword
