點解今朝咁吋？

今朝個post 真係吋過碼頭"沽厘"!  無名話 :

夠薑就黎！
唔好問跌到幾多，問都唔啱！
重有唔好問買咩，要問即係你唔啱玩! 唔好話我吋話人唔啱玩，第一無名有資格，第二無名為你好! 第三無名肯講係益你!

記住老散三宗罪 : 貪心，細胆，無主見!

無主見應該去街市買餸，做咩黎戰場送死呀？你以為玩咖？股市嘅錢係留比夠薑執手榴彈嘅人，但係多數都無命享啫！  
**********************

點解？因為有必要，原因係尋日大戶手法實在太凶殘！你地見幾多專家都以為阿爺雙降無死啦，重唔係國家隊落場？ 掃貨啦！ 無名如果唔係有咁多架生一個星期前知道今日好凶險，可能今日一樣乃野！ 大戶用極恐怖手法，高速插落，正常人跟本唔會有反應還手， 插到低位，好多老散都比人厄左貨走(但止蝕係無錯咖),  你再睇返今日咁升法，就會明大戶做緊咩！呢個就係無名講長線贏嘅人，特別係玩指數嘅人反應，決斷力同分析力都要好飛虎隊就係咁解！

咁吋係無名要嚇走D唔啱玩嘅人，因為如果係無返咁上下夠薑夠分析力，無名都係叫你送死！ 因為無名唔係實啱，大戶要大插一樣有能力咁做！ 所以無名係為你好！而點解唔好問買咩呢？ 因為升成咁，大路嘅是但都升！要自己識分先啱買。

至於本來講星期二，四跌又點呢？ 其實大戶在星期一已經行完左今週本來預計嘅跌輻，所以係要再黎過，而現在上証領先指標向上，但一樣chok, 單日來回300好平常。恒指出現左三違反彈條件， 同癲瘋指數幾低，所以今日講可以用25%入貨，再25%就有跌再備用， 恒指星期五好照舊。 有一個隠憂在國指，數值太大太亂，表示前方好動盪！

記得睇住分中劍，如果你睇返跌市呢兩日嘅分中劍位，你就知分中可以保命，重有聽返 #博股通金 ,無名星期一講嘅重要位同26500 阻力，全部有意思同跟市走。

股無必勝，自己執生！

無名劍
www.facebook.com/nonamesword

七月。。。滿江紅(Take 2 版)!

https://m.facebook.com/nonamesword/photos/a.221759714685346.1073741827.179569508904367/389346727926643/?type=1&source=48&fs=0

上次好多人唔明， 怕你地誤會，今次再寫，上次話明送比內地股民，當然係紅升綠跌啦！今日睇到新聞，講內地有人因上証前日暴跌而跳樓，如果佢識無名，無名可能幫到佢，可惜無名無咁大名氣！RIP! 呢個就係無名在上証爆升早期，無名都唔想講上証升同叫人買2822(解釋 : noname-stock.blogspot.hk/2014/12/blog-post_11.html?m=0) ，國家用人民財產黎托經濟，代價係人民負，等同於叫手無吋鐵嘅平民百姓上戰場送死！咁樣係唔公平！希望大家比多D有需嘅人知，無論你輸到點，都可以翻身！

滿江紅

怒發衝冠，憑闌處、瀟瀟漲歇(歇即係停，呢段指之前上証升勢) 。

抬望眼、仰天長笑，壯懷激烈(呢段指之前散戶興奮嘅情況) 。

價勢掌門塵與土(指無名嘅虚名係塵土) ，三千fan屎雲和月(指三千fans一路陪伴) 。莫等閒、白了十漲停，追不切！(呢句唔係叫你追入) 

六千點，猶未見。八千夢，何時滅？駕長call，直至大戶殘缺。壯志饑餐熊仔肉，笑談渴飲大戶血。待重頭、收拾垃圾股，朝天決(垃圾股指創業板，朝天決即係等升上天先決定) ！

上面只係一首無聊詩，所有形容同數字都無實質指示作用，唔好誤會。七月滿江紅，只係無名在上証最差果日作黎鼓勵下大家，同比蟹左嘅朋友一個希望！唔代表上証會直升唔跌，更唔代表上証完全安全！上証會好chok!  

股無必勝，自己執生！

原文 : 

怒髮衝冠，憑闌處、瀟瀟雨歇。抬望眼、仰天長嘯，壯懷激烈。三十功名塵與土，八千里路雲和月。莫等閒、白了少年頭，空悲切！

靖康恥，猶未雪。臣子恨，何時滅？駕長車，踏破賀蘭山缺。壯志饑餐胡虜肉，笑談渴飲匈奴血。待重頭、收拾舊山河，朝天闕！

無名劍

www.facebook.com/nonamesword

夠薑就黎！

各位英雄會友早晨呀！ 今早尾高。 

夠胆就黎，今日用25%資金買貨，唔怕輸死先好，死左唔好黎揾無名呀！ 無話跌完，唔好問跌到幾多，問都唔啱! 買指數自己嘅事，無叫你咁做! 

重有唔好問買咩，要問即係你唔啱玩! 唔好話我吋話人唔啱玩，第一無名有資格，第二無名為你好! 第三無名肯講係益你! 

記住老散三宗罪 : 貪心，細胆，無主見! 

無主見應該去街市買餸，做咩黎戰場送死呀？你以為玩咖？股市嘅錢係留比夠薑執手榴彈嘅人，但要係多數都無命享啫！ 

分中劍 ： 

恒指 26000
國指12800
上証 4000 

無名劍 

Son, you made me proud!

https://m.facebook.com/story.php?story_fbid=389046904623292&id=179569508904367

回顧上週二三好，三比二好，四五差，五比四差，連過1x關，一週高低位日子都中， 上星期三開市話要過 27500 先有力，破27200 先淡，結果無上過，再下破， 重有講左今日期結chok 同反覆，星期五講今日可能彈高黎跌(無彈高，但早市升左少少就一路跌).  上星期三在電台已經講左唔好買貨，同做適量對沖！ 

環顧四周，好似無咩人咁講，都有唔少話有風險但可以撈。明日係點唔知，或者明日升爆都唔定，但今日老豆就當你贏左！ 

劍仔，老豆當你贏左! 

Son, you made me proud!  

無名劍
www.facebook.com/nonamesword  

生仔唔知仔心肝，劍仔轉左指向上！

https://m.facebook.com/nonamesword/photos/a.221759714685346.1073741827.179569508904367/389038347957481/?type=1&fs=0

好消息! 劍仔話上証雖然跌咁多都重跟緊刻本！ 領先指標竟然今日掉頭向上！ 無名都唔明佢個數學邏輯？ 真係生仔唔知仔心肝！ 但希望佢啱啦！ 因為週末同今朝 #博股通金 都講左上証星期二彈係大市關鍵！

noname-stock.blogspot.hk/2015/06/lai.html?m=0

無名劍
www.facebook.com/nonamesword   

跟實無名劍，新聞睇少篇！

https://m.facebook.com/story.php?story_fbid=388050441389605&id=179569508904367&ref=bookmarks

無名篇"滿江紅"在尋日4PM 前post,  話要"送首滿江紅比內地股民"咁話，人行雙降就 5PM 出黎， 時間上無名又早左D.

所以話"跟實無名劍，新聞睇少篇"!  但係希臘果邊又玩野， 結果都係維持返無名之前嘅講法，有彈但反覆chok, 或夾高黎做落都得！ 

小家李呢篇野又同無名睇法相似， 星期一好重要同反覆，好易行錯邊，唔通佢都抄無名！Kakaka!  

hkm.appledaily.com/detail.php?guid=53904865&category_guid=7015342&category=instant&issue=20150627

m.wallstreetcn.com/node/219904

無名劍
www.facebook.com/nonamesword    

七月。。。滿江紅！

兩面媽聲聲小不絕，
輕鬆已過三千關！

多謝各位英雄會友支持！在風雨飄搖嘅大市，吋友媽聲四起之下都能安然渡過，實在多謝大家！終於有網友cap 到個 3128!  多謝晒，送埋 3129, 3132 比大家！重有要特別送首"滿江紅"比內地股民！

滿江紅

價勢掌門塵與土，3128雲和月。莫等閑、白了血汗錢，沽不切。

08恥，猶未雪；97恨，何時滅？駕長倉，踏破大戶殘缺！

壯志飢餐熊仔肉，笑談渴飲肥牛血。待從頭，收拾垃圾股，朝天決。 

無名劍
www.facebook.com/nonamesword

當你驚到 Lai 尿的時候。。。。

無名知大家好擔心，所以仔細D分析比大家知黎緊劍仔點睇！ 

無名星期一話今朝反覆星期二三好，星期四五差，而星期一當日就話當日反彈係因為上星期五急跌三百點跌多左，所以反彈，當日又係好淡分界，現在睇下星期一情況同星期一相似，恒指今日低位 26522, 同今朝電台講下過或再試低位26500 差22 點，但係就早左好多，而下星期二四偏淡，所以恒指在今日提早跌近26500 可以有做反彈條件， 但彈又唔似太高，而又因為好淡交界，所以星期一維持chok中帶淡，彈高黎跌勢，生死位又見返 26500, 成個大市下週好亂如下 : 

恒指 : 星期一如上述，星期二四差，星期五彈
上証 : 星期一反覆，星期二好。
國指 : 星期一反覆，星期二差，星期四好。

所以大市短線希望在上証，而今日跌破4200下分中劍為不利，下週要睇4000 係咪可守，不守即阿爺托市保經濟嘅假設有變，又表示經濟暗藏市場未知因素，要小心！ 有貨有能力守則等星期二睇上証，星期四睇國指，睇下係咪上証>國指>恒指咁跟住升。呢個分析就好似拋銀仔連中幾十次都中一樣，要全中係好難，而且會不斷改，只有上帝有能力一句講完唔洗改！ 

假如星期一大好，星期二都向好，即上代表今日已比預期完成探底，上面分析則不成立。 

有請各方吋友，可以慳返少少力，無名以上分析敢講市場無幾多人識，識又未必講，無名其實大可以講一句好或淡就算，無名講咁得越多，就越多位比人話錯，唔信可以試下自己一樣post下，你敢post 都當你贏，無謂黎雞蛋裏挑骨頭，有時候做下好事幫下人重好，無名咁做只係想比憂心嘅朋友有一個意見。

批評比建設容易，講易做難！ 講口賤寫文個腦轉數一般人都唔會係無名對手，唔好嘥我時間，因為結果都係一樣，你只會無癮！ 

無名劍
www.facebook.com/nonamesword 

給厚顏龜的公開信!

親愛的厚顏龜，

一夜不見很是掛念! 尤記得昨晚你又死黎講睇下今日跌唔跌多過 259 點! 其實正常人都知低過一點都已經叫低，你竟然重可以話無名係咪驚跌唔多過 259點，要"雞叔"下先！做賊喊捉賊就聽過，但做龜叫龜縮就真係想都未想過！你的厚顏無恥真在令無名拍案叫絕！無名因遇上你而感恩，因為咁厚顏無恥嘅動物，實在比朱囉記恐龍返生更難能可貴！實在要感謝讚美造物主嘅奇妙，竟然咁嘅野都可以做得出黎。。。獻世！ 

如果你重有面出黎話睇多日，睇多次我中唔中的話，無名真係無野講，你真係無敵。。。。。盲嘅！ 

無名今週差唔多全中。星期二三好，而三比二好，星期四回，五差，結果今日比星期四差，跌過400 點！ 單日升跌估中4-5轉果D碎料都費時同你計，單講估一週每日升跌中， 重要估中埋邊日係高低位，就夠你學一世啦！ 

如果你重黎攪事，無名真係要認輸！你贏晒！因為你已經到左無恥嘅極點！龜無恥便無敵嘅最高境界！

請受無名一拜！並祝龜殼安然無恙！龜殼內生活愉快！

無名劍   
www.facebook.com/nonamesword

劍聖連環14中，厚顏龜殼爆裂終！

無名唔知係咪命賤，犯小人都唔夠，連龜都黎攪無名！ 但可能做得好事多！越犯越旺！真正係 : 

唔吋唔知時運高，
唔小唔知佢老土 !

尋日先"回應"完個醒目仔。

無名劍連中8個12碼嘅攪笑真人Show！
noname-stock.blogspot.hk/2015/06/812show.html?m=0

本來講左唔再講12碼算數，諗住完事！點知隻龜重可以厚顏到再黎，結果無名今日又得袓師爺劍聖保佑，今朝話"先低後高"，午市"防回"同"守27120 可彈",  四連中， 再加埋星期一講左今日回， 今朝講"破27200先可言淡",  收市又真係低過 27200, 即係過六關，加埋尋日中8個12碼， 即係兩日14連中， 1/2 嘅 14 次方， 即係16384份一嘅機會都中左！點知隻厚顏龜重可以黎話"睇埋明日係咪跌，燈燈！

其實無名明白，尋日都全世開始話緊向好，所以隻龜就以為"安全"又可以伸個出黎，話睇下今日係咪跌，但無名真係勢估唔到呢隻唔係普通龜，原來係一隻千年厚顏龜！ 個殼成尺幾厚，其實隻龜只係死剩把口同個殼，如果佢做無名對家同無名對賭，連輸14舖，一早已輸"爆殼",  重邊有命講"睇下明日，燈燈！" 無名實在開始同情佢，因為正常嘅龜已經縮返入個殼，有咁厚顏嘅原因只有一個。就係佢太無野好做，做"龜"做得太失敗，所以專等人"燈"就伸個頭出黎攞返D存在價值！ 無名真係講到想喊，好想送首詩比佢鼓勵下佢 : 

劍聖連理十四中，
烏龜笑人面不紅，
羞恥之心何處去，
話之龜殼爆裂中！
明日明日再明日，
始終有日龜估中！  

加油呀！厚顏龜！你啃有日會"成功"咖！

無名劍
www.facebook.com/nonamesword

無名劍連中8個12碼嘅攪笑真人Show！

無名尋日篇自hi 廢文"無名劍恒指密碼真人show" 出後惹來"回響".  

有醒目仔話 : 

22/6
下午或有高位，但防急跌

呢球波一係入一係唔入？

既然你鐘意睇波，無名就踢比你睇，今朝話"見高防跌",  午市又黎個"見低防升",  結果全日做V, 早市先高後低，午市又見低回升， 尾或再加多腳做總結， post 時恒指27423, 即離午市高位27453 嘅30 點左右， 之後再跌多50點到 2737x. 咁啱又係一講完啱啱就係過左午市高位又跌，穿鑿附會式又當埋自己中左， 再加埋上星期五講左星期二同三升，而三比二好， 再中三個12 碼，即係前後中8個 12碼中晒，1/2 嘅 8次方，即係 256 份一嘅機會。 12 碼真係得兩個可能？一係入，一係唔入？ 無名就以其人之道還示其人之身，身體力行咁話比佢知，咩叫個射12碼！ 射到你無聲出，結果佢呢種龜公式選擇性小你飛刀真係唔會"虚發",  今日就縮返入龜殼無出過黎，可能又等緊機會。佢重有話咩"自重感",  其實唔明佢講咩，無名只知人貴"自重",  無名嘅文字同吋人技巧可能比股票重好少少， 你黎攪事，即係邊個唔識自重呢？ 攪事都睇下揾邊個先啦！"自重"D啦唔該！ 

今日嘅post 係呢度，自己睇返12碼係點射啦！ 

https://m.facebook.com/story.php?story_fbid=386730698188246&id=179569508904367&fs=0&ref=bookmarks

https://m.facebook.com/story.php?story_fbid=386713534856629&id=179569508904367&fs=0&ref=bookmarks

https://m.facebook.com/story.php?story_fbid=386707728190543&id=179569508904367

另一條友，都一樣今日一樣龜不出頭，佢尋日講緊 : 

燈神講野可圈可點，講不清米話你唔岩玩，講錯又話你唔分析甘囉

無名今日D post 夠針針到肉，一樣有可圈可點咖，今日都講得好唔清唔楚咖，都可能有講錯咖，點解又唔見佢出黎分析下燈神燈左邊度呀？ 好似相反係有隻龜公苦揾機會等無名"講不清米話你唔岩"囉，覺得你"講錯又話你分析唔啱"囉！ 點解龜呢種動物總係咁怕事，無名就去佢個殼度睇下，一睇明晒，原來係隻"太空龜",  個FB Friend 都無個，只得個龜殼，原來係一隻龜類動物嘅襯家開嘅！ 真名都唔敢比人知，學咩話人燈神呀，咁細膽都係適合留在龜殼安全D!  

https://m.facebook.com/profile.php?id=100009763474564

無名劍 
www.facebook.com/nonamesword

無名劍恒指密碼真人show!

無名今朝話 : 

無野好講，亦唔洗講！ 

原因係跟預測一樣今日係。。。。。升！ 所以唔洗講。 呢個係第一個密碼。 

第二個密碼係國指分中劍今日上下只差 100 點， 平時應該係 13400/ 13600, 點解今朝上分中劍少左100 點變成 13500 呢？ 答案在今日國指升輻， 全日升輻比恒指高，而早段更lead 住恒指走，set 低左上分中劍係話比你知佢早D可以爆上。 

第三個密碼係在下午，先在破左 27200 無名話若破 27200 要防回，因為低分中位， 第二次話"重唔回" 在 27282 左右， 跟住回左約50點。 無名再話"回50點",  咁回50 點又有咩意思啫？唔通就係話你知回50點咩？ 其實係講回完再升啦！如果你夠細心對下 screen cap 果時，就係啱啱回完再上嘅位黎。

第四個密碼無名無講，但大戶比左，今日收27406咪係大戶比幫無名0比嘅密碼囉。 無名講過N 次 27800 係爆破分中間，又在電台講過今週升輻受制於27800, 而27000 係生死線，27400 咪啱啱中間囉。 今轉下破27200 前無名話防跌， 跟住插到27008, 下午上分中劍升穿唔回， 就上27406, 全部跟住分中劍黎走。 如果有人話佢無用， 其實不如話自己無用直接D. 

今日升，早市防跌，撞下分中劍彈上，下午回完再彈，預知國指比恒指領先。 一日連過N 關已經唔係第一日，無名半夜發up 瘋話人腦會進化， 你信嗎？ 

無名劍嘅恒指表演真人show (show off 個 show (∩_∩))  今日完畢！不過唔會日日係咁，股無必勝，自己執生！ 

無名劍
www.facebook.com/nonamesword

聯想老母！

唔少網友問無名佢老母點睇，無名同佢個仔就熟啫，佢老母就無咩交往！ 佢個仔就太多可能會覺得無名有D偏愛佢，由 13 一路叫入， 無名都係果句， 你第時睇返就知咖啦！ 不過，唔好以為無名實啱，只係斷估加直覺啫。

至於佢老母。觀其子知其母， 衰極有個譜，聽講(因為無睇過任何資料) 係有好多飯。。。Venture Cap, 房地產，甚至種菜同養豬都有。 集團股其實最難睇，因為可以有好有差業務一齊，無名唯一可以睇係佢老總湊大個仔嘅功力，同佢嘅人脈網絡，相信係唔差。

至於買唔買得過， 買得過，不過幾錢啫，外面講到興合合，無名怕佢開高黎賣，不如睇定先重好，其實抽新股無名一向覺得唔好玩， 大半靠估， 無名無幾可上市前講要買， 記得有 1314 同 阿里媽媽， 一隻升爆，一隻插爆，兩隻都中， 今次唔知啱唔啱啦！

無名劍 
www.facebook.com/nonamesword

自Hi 作手回憶錄！

其實呢篇係想今朝出黎warn 大家， 但太忙，遲左。 

呢英文標題應該係 : The Reminiscences of a Self- Hi Operator,  擺明係抄Jesse Livermore 果本股票作手回憶錄啦！

上星期寫果篇"山中無人自Hi 中， 26 萬份一都估中！" 

noname-stock.blogspot.hk/2015/06/hi-26.html?m=0

諗住想自hi 一下， 點解要自hi,  因為無名無諗過會差唔多全週都差唔多啱晒！ 因為要啱嘅機會率， 真係咁低。值得自hi 係自己堅持信劍仔(就算現在錯左， 都無改變),  同咁樣逆市估中， 當中其實唔係覺得自己好叻，因為唔中嘅都有， 劍聖指示爆屎渠都無爆，伏地九劍都未出， 上週有網友講信左會爆屎渠，所以輸好多， 尤其係上星期四，無名本來話跌，但星期三晚話若明日若可企左 27600, 則可上 27800, 而27800係無名强調嘅爆破分中位， 企到則可爆上。 結果無名無計錯， 星期四 開在 27645, 好快就爆上 27854, 但問題係上左無 10分鐘就回，回又回得好急， 破 27600 後就危插，27600 係當時下分中劍， 下破後好快插到 27095, 即係無名講嘅生死線27000之上， 如果你清醒D 睇返每個重要位， 每個都係有講過， 開 27645 所以上，高位 27845 上得 10 分鐘唔夠就回(好明顯唔可以講企穏) 所以回， 27600 係下分中位，所以破後如倒水， 27000 死線唔到所以 27095 反彈後可以上， 有晒邏輯， 有晒跟據， 如果有睇，有跟其實可以唔輸太多，問題係好多人信左無名講27800 可以爆上，大家就諗住無名中過咁多次， 今次咁講博得過呀！ 但無名其實成日講又好强調果句係"股無必勝"同唔好信晒我，因為無名係會錯咖！ 

如果你當日27600 水位call,  27800以上唔走，27600,回左 250 點平手唔走， 到 27500前後急回 350都唔知咩事， 咁都唔識走， 就即係話你反應同判斷力唔啱玩即市， 唔好免强。 當你真係遲左止蝕， 到27095反彈， 到27200, 27300 都唔敢call,  咁就中晒大戶奸計。 

同樣今日， 無名係話左升，但今朝講左"睇實27000 分中劍",  結果高開後27131 回， 完全唔到27200, 之後破27000, 再post 話左可能唔跟劇本， 即係叫你唔好死牛一面頸， 又講明股無必勝， 唔好信晒， 自己執生即係要靈活走位， 所以分中劍係即市探熱針， 其實好簡單好易用， 企上則好， 下破則淡，重有好重要， 好有啟示性， 而無名已經强調左好好好好多次要睇住分中劍，在博股通金次次都講， 其實應該好清楚點解。 

重有無名唔似大部份人， 會叫你信我啦大手入， 相反， 無名會叫你自己分析，最怕你信晒我， 因為無名係唔可能唔錯， 大家要諗清楚，咁嘅chok 市指數真係唔係正常人可以玩咖， 只有好少人可以長線賺錢， 做到咁係要定力， 分析力， 決斷力都大過飛虎隊先得。 

黎緊會繼續chok 上chok落， 都係果句，睇住分中劍， chok 落可以26500或以下， chok 上可以27200或以上， 真係闊過西隧咖， 而恒指唔過 27000 不可言好， 上証則穿5000 可再差，而上証今日嘅領先指標轉左向下， 單邊市未來前都係chok 上chok 落，而星期四差係之前講左，大家要小心。 

無名劍
www.facebook.com/nonamesword

山中無人自Hi 中， 26 萬分一都估中！

池中無魚蝦自大你就可能聽過， 山中無人自Hi 中， 你就一定未見過啦！ 無名Hi 得濟，自編自導自脫自制自演左個連過 18 關，老作嘅26 萬分一都估中嘅故事黎。。。。。自Hi一下！

Hi 得濟，請見諒！

https://m.facebook.com/story.php?story_fbid=382457861948863&id=179569508904367

https://m.facebook.com/story.php?story_fbid=382454871949162&id=179569508904367&ref=bookmark

無名劍
www.facebook.com/nonamesword

假如。。。只係假如。。。

假如無名有日輸左好多錢，好等錢洗，而無名當然知有人乃中沙士，個市會大插！

咁無名可以點做令自己一定贏呢？。。。。只係自己或揾人去韓國走轉，跟住大手沽定期，再沖個冰水涼，開行冷氣，實行凍冷死佢！

跟住大搖大擺，流住兩行鼻涕，去個人多嘅醫務所，同醫生講，我去完韓國。。。。。

跟住收錢！

假如無名諗到。。。。你估大戶。。。。

假如。。。。只係假如！

無名劍
www.facebook.com/nonamesword   

無名劍無聊IQ推理廢問題！

呢篇野無腦唔好睇，因為好易令你個腦overload, 會燒壞腦咖！

無名劍無聊IQ推理廢問題  : 

1. 約一星期前無名痴根發文： 謝清海錯了！ 話今轉可以係升市第二浪

2. 兩週前，劍聖指示上週可能爆屎渠，重話自己三違反彈，牛到無得再牛，結果最高 27854 過破爆分中劍10 分鐘就回？個市真係咁弱？？定劍聖真係咁流？？

3. 無名兩週前星期五講三日內一係 27000, 一係 28000, 結果今日先破27000, 本來應該係上星期三到， 今日係第7日，係兩個月來大戶第一次落後過無名劍指數系統咁多。

4. 同時上証如無名預測一路破頂， 過完5000都重要上，但同時恒指國指都跌，呢種背馳好唔合理。 無名話上証唔破4800 唔係真跌市。 國指同上証其實一向好跟，上証升咁多，佢都跌？？ 

5. 尋日無名又再痴總制咁話 : 伏地九劍，如箭待發！ 其實係唔止九把天劍，話今次一爆不可收拾，600 太少， 1000 唔多， 係自上一次"玄天九劍，逆天而行"嘅另一奇境，有咩可以令到大市去到咁盡要爆上都唔爆呢？ 要記得上次係六連跌，創半年來最大跌輻！ 

6. 今次市況同上次"玄天九劍"好似，上次大市普遍樂觀， 之後創大跌輻， 今次由高官，財演，到師奶都識講"頭肩頂"要跌，但其實大家有冇想過係跌咩呢？ 經濟唔好，其實都無點好過，邊有得差啫？ 加息？講到煩，講到口臭啦？ 

7. 無名出晒名熱血死淡派，媽人睇錯牛三如骷髏會，傻仔森，金阿姨，7東，次次精彩次次金，但有咩令無名今次又好似上次25200 復活節前講大市"有牛味", 目標28800 咁鬼死牛一面頸先？ 唔通無名真係痴嘅？ 

8. 劍仔早左兩週前講明上週好重要， 今週有不穏定性，大市要在上週破頂，今週先安全，偏偏大市就由一日來回1000 點嘅 Fast and Furious mode 轉一星期唔夠800 點嘅Slow and Curious mode 呢？ 無名劍指數系統明明在兩星期前講左好快要破 27000 或 28000 是但一邊，但點解在上証破頂同時，恒指國指可以唔上唔落咁耐？

9. 劍仔一早預示左今週有不穏定性，同預期星期二三反覆同星期四五升，即係話星期三係好淡交界，最低位可能在星期二或三出現， 但有無人記得星期三係咩日子呀？ A股入MSCI 揭盅喎........覺唔覺好似咁少新聞講嘅？ 港股幾時唔係狗屎垃圾消息都可以炒上咖咩？ 點解今次唔炒上，重要跌？ 又係果句，跌跌跌！跌乜Q先？？？阿爺唔跌，你D二三四五六奶跌咩啫？？劍仔講左星期四五升，如果啱，A股係入定唔入MSCI?  星期三個劇本點寫？ 你話呢？ 

10. 無名尋日篇文話，如果今次真係爆上，就真係大戶晒全世界，到底係大戶厄你，定無名比大戶厄左再厄你。。。。好似已經有左答案啦！

跟住。。。。。係你地比答案 : 

A. 大戶痴左想厄晒全世界以為無人知。
B. 無名痴左，比大戶厄左都唔知。
C. 無人比人厄，股市係一個講誠信，禮義廉恥嘅地方，淘寶無假貨，股市無大戶！

無名劍
www.facebook.com/nonamesword   

Yo! 992 洗乜驚呀！

992 一路跌，都有少少網友問無名點睇，其實大部份跟開無名嘅都知網友都知 : 

Yo! 992 洗乜驚呀！ 

如果要驚，就係之前跌到7.x , 各大行專家都話佢買錯Mo 記同IBM server 果陣啦！ 果陣無名教你 : 傻仔同大行送錢比你洗呀！ 結果係點？ 大行同專家點面對自己講過嘅野？ 

不過係人都想最平價入啦！ 但世上如果有D野跌完都係升返，重做咩要計較有冇賺盡而去錯失機會呢？ 

唔明？ 無名以前教人由130 跌住買 388 到100, 結果係點？ 點解要跌住買？ 大智若愚，遲D會明。 

www.analystz.hk/blog/article.php?aid=1397

無名劍
www.facebook.com/nonamesword  

伏地九劍， 如箭待發！

其實無名有時都覺得自己講野痴痴地，不過橫掂痴開，唔怕痴多次啦！上次果篇 : 玄天九劍， 逆天而行！ 

noname-stock.blogspot.hk/2015/02/blog-post_9.html?m=1

上次講果時都係唔知係咪真，都係市場一面倒偏好(今次偏淡),  上次係彈左少少，跟住港股六連挫， 創左半年最長跌浪 : 

noname-stock.blogspot.hk/2015/03/blog-post_12.html?m=1

今次會點？ 真係唔知，今次係讀書局長陳家强叫人回歸現實，由專家到街市大嬸都識同無名講"頭肩頂"要跌好大鑊,  唔通無名今次又咁好彩"逆市而行"撞得中？ 無次次都咁好彩掛？ 所以唔好信晒無名，自己分析。 

咁你會問，有咩支持你咁吋先？ 無咖。一字記之曰。。。。心！ 個心同我講，如果要跌，上週都可以， 同樣爆都一樣，講過三日內一係 27000, 一係 28000, 今次已經過左五日， 但一步一步走近左27000,
咁代表咩？ 上週大戶係有兩個月都未試過行得慢過無名劍指數系統所預測嘅路徑咁多，好似有心行慢左，一日一日咁chok 你，磨你，chok 到你驚，磨到你絕望，所以無名上週已經講過好重要，同今週有不穏定性，似乎同大戶計劃有D巧合， 不過都可以係大戶想慢慢派夠貨先插都得，另外，當然有劍聖指示左，伏地九劍，即係九把天劍都指向上，其實唔止九把，咁講黎扮勁啫，意思係有好多個天劍上升指標一齊出現，就好似九星連珠一樣，係一個奇境！ 

到底係點？如果無名咁好彩的話，可能係兩日內反彈，如果係彈，都可以幾大鑊，600太少(2014 年下半年都有幾次 600) ，1000 唔多。

如果係真的話，今次大戶真係厄得股民透囉，到底係大戶厄你，定無名比大戶厄完再厄你呢？ 好快就知。

無名劍
www.facebook.com/nonamesword 

一個三違反彈+天劍已備+癲瘋指數爆燈嘅癲市！

呢個市實在係複雜到唔想講。。。但都試下。 

如果你睇返無名上星期五講嘅野，會發現好多巧合，當日大家可能都覺得個市好危，上証在無名講緊博股通金時跌近4400, 無名都話係危，唔建議買貨，但講明當大家好驚嘅時候，劍聖出現，結果今日三個指數都企在好淡分中劍之上 : 

上証高低位4615/4829, 分別多 15 同 29點。 
恒指低位 27241 下分中劍多 41 點。高位在 27766, 差34點到 無名講過嘅 爆破分中位27800 所以未破。
國指高位在14433, 比上分中多 33 點。 

全部都在分中劍附近。 咁講爆上又點呀？ 首先劍聖係講今週，都未完， 第二上証今日升過4.x% 過 200 點， 但同無名講博股通金時近4400 比就差左400點！ 咁重唔算爆？？

不過個市真係有D似無名講咁日好日差， 今日日市好返，夜期又插， 你可能又覺得會轉差， 不過個市現在係複雜到無名差D唔想講， 因為明日就算跌， 無名個三違又開始發漲，反彈黎緊， 咁都唔夠激！劍聖又黎加多句話天劍已備， 死未？ 都未夠，上証個癲瘋指數跌到超低有-200%,  又係前所未見！ 

講到呢度你可能好開心，但又錯，因為今日算升市，恒指同國指嘅劍勢指數都轉左負數！ 即係講即使今日又彈，但無名劍指數系統都唔認同係有好轉，加埋上面講嘅三違反彈，天劍已備同上証癲瘋指數超低，簡直係複雜到痴線，痴線到無名都唔想講！ 無名肯講咁痴線嘅分析都算交足功課，正常人真係連作都作唔出呢D咁嘅股仔。

咁多樣野加埋即係點？ 無名其實都唔sure, 因為變數同速度都太大， 無名只可以再用返比較人話黎解多次，即係同上週講嘅大戶正在不斷加速， 同一日行完幾日到一星期嘅升跌輻， 所以你見到今日好，夜期又差， 黎緊可能會重chok,  早上同下午可能來回地獄折返人間，同在博股通金講嘅日好日差相似，而無名星期五講嘅三日內一係 27000, 一 係 28000, 重係未變！

無名劍  
www.facebook.com/nonamesword