2014年12月24日 星期三

天劍入海遇人愚!

 上次只係第一次 : 

noname-stock.blogspot.hk/2014/12/blog-post_11.html?m=0

今次第二次,牛三?再睇落去。。。。
無名劍
www.facebook.com/nonamesword

平過垃圾的金朝陽!

自己睇。。。

但垃圾唔等於唔可以再平,直到有一日收買佬做野。。。。幾耐就無人知。

第日咪話無名無送聖誕禮物比你呀!



無名劍
www.facebook.com/nonamesword

祝大家聖誕快落!

無名想問下大家一條常識題 : 

牛尾係點樣咖?

答 : 牛尾就係由牛X眼上面微微隆起跟住向下嘅一條野。 

咁你再睇返呢篇 :

牛尾過聖誕!
noname-stock.blogspot.hk/2014/12/blog-post_22.html?m=0


如果你明前文後理,又想冒下險,可以用少少純利唔傷身咁走轉! 最緊要係輸都唔好影響你心情!如果唔想冒險,都可以選擇到時睇定又得。因為唔一定低開。

祝聖誕快落!Merry X'mas!

無名劍
www.facebook.com/nonamesword



2014年12月22日 星期一

牛尾過聖誕!

 今日開市在23264同無名劍指數表啱啱一樣,又係過左23250, 咁就一去無回,彈多200 點上23478,又同指數表23469 差9點回, 牛尾浪可能在形成,理論波輻可以過24000 - 24286, 但癲瘋指數過10000, 回調壓力正在增加, 勇者可見回做上,以23250 為生死線一博。 

由於今日無點回,明日可能回下但未算差。24日半日市則偏好, 留意下週一或插,下週二結算造好機會大。 

若好彩,期結可能在24000 之上。但一切要睇回調程度同有冇破23250. 



無名劍
www.facebook.com/nonamesword

2014年12月21日 星期日

劍聖豬噏又估中,財演依舊發噏瘋!


無名一直由禍港通開始到財演歡呼牛三降臨時已經咁講 : 

紅色暴跌警告!
noname-stock.blogspot.hk/2014/11/blog-post_26.html?m=0

個衰仔今次無丟我架!今日係全年單日最大跌輻!
noname-stock.blogspot.hk/2014/12/blog-post_1.html?m=0

英雄氣短拋天劍
noname-stock.blogspot.hk/2014/12/blog-post_11.html?m=0

直入美人心深處!
noname-stock.blogspot.hk/2014/12/blog-post_13.html?m=0

直到最後呢篇: 


又覺得個市可以行 2000 - 3000 點!
noname-stock.blogspot.hk/2014/12/2000-3000.html?m=0

無名話現在已經有左股災嘅條件,正常今轉可以到 22500 -800, 但唔等於係底。結果低位在22529,差29點。以上嘅預測基本上都算啱,結果跟住一大堆衰野出晒黎,全球股市都插,盧布,油價大跌,全世界都好似進入恐慌中,而財演專家就由原來嘅牛三風光無限好,變成死期已到熊二中!大部份都由牛三專家變身熊二末世博士! 

就在呢個時候,劍聖祖師又好唔識性咁出黎講 : 

英,美, 德, 法 , 日靚女全部都hi 爆左! 攪到連D港女都熱情如火
https://m.facebook.com/nonamesword/posts/320869354774381


結果如同劍聖所講歐美日港上證全部都出現大反彈,好多都係好高升輻。

突然財演專家又轉軚,變身好友講之前係正常調整啫,又一面向好。 

無名想講係大部份財演專家都只能跟住市黎講,因為無幾多個可以預測到股市走勢,所以唔好輕易相信專家入市,現在市况仍然凶險, 無名之前都講過2015年跌。下週到月尾都好chok.

此正是 : 

禍港通櫃褲穿o隆,
狂吹牛三面不紅,
英雄氣短拋天劍,
劍聖豬噏又估中,
牛三不知何處去,
財演依舊發噏瘋!

無名劍
www.facebook.com/nonamesword

超智能浩劫。。。。第一篇!

如果無名同你講AI(人工智能) 有一日會超越人腦,可以獨立思考之外,更可以有創造力,比人腦更强,甚至有一日有自我認知能力,最後係毀滅人類。 

你一定會話無名睇得科幻片多,本來已經short, 睇左更short.  啱!無名就係知你地會咁諗所以一路唔寫呢篇,因為寫左都當我傻,直到最近,好多專家都講呢個可能性,機器人同AI 漸漸多人講 : 

technews.tw/2014/11/18/繼霍金之後,elon-musk-示警:人工智慧災難-5-年內爆發/

hk.apple.nextmedia.com/financeestate/art/20141214/18968025

其實無名在2014年頭嘅預測已經講左機器人係新趁勢,在自己Video Blog 都有一集專講機器人 : 

http://youtu.be/MjiExi6LahU

裏面有講到AI同機器人嘅分別,重有一篇係叫大家要"準備迎接機器人年代 (Roboage)!"

www.hkinvestorblog.com/home/space-1277-do-blog-id-20328.html

其實無名由細就係機器人發燒友,又係做IT, 對AI 實在會"諗多左".  今篇想同你講AI 可以有自我學習同完備能力,甚至有自我認知同毀滅人類嘅可能性。

如果你話無名"傻的嗎",  無名會話你咁明顯都睇唔到"傻的嗎"? 第一個問題要講係超智能出現嘅可能性, 超級人工智能出現只需要以下條件 :

1. 自我分析同學習能力
2. 自己完備同更新能力

只要一個program做到以上兩點就會有超智能出現,而呢種超智能恐怖嘅地方係佢發展嘅速度同上限可以好大,但點有可能? 又解 : 

1. 分析功能大家已經知,唔洗講,講學習能力,其實學習最基本只有兩個條件。: 

1. 分類同分正負
2. 記憶


大家記得細路學咩先咖?就係分類同分正負,正負即係高低黑白上下左右。。。。一切其實都係由分類同分別正負而來,而呢個正負就係電腦嘅0同 1,又即係一個yes or no.  一個yes or no 做唔到咩,咁一億每呢? 唔夠? 乘大一億倍夠唔夠? 幾複雜嘅野對電腦黎講都只係一個零同一嘅問題。IBM Deep Blue 1997年已經可以捉贏棋王, 只要加上自我更新能力, 咁呢個program 就可以不斷發展,又即係越黎越聰明,而呢個速度係以N次方(N squre)形式出現,即係2,4,16, 256, 65536.....咁增長。

更可怕係佢無生物性嘅極限,即係無老同死,重可能"連線", 即係講如果我可將Bill Gate + Steve Jobs + Andy Grove + Warren 連成一個"single system",  你話個世界會點? 重未計呢個system 係可以不斷acquire 其他system. 明未?

點解無名覺得咁有可能?因為無名用左個豬腦寫左個可以預測股市嘅無名劍指數嘅程式, 由程式嘅數據睇到佢係有分析同預測能力,預測股市有幾難? 唔洗無名講啦,但呢個已經係太簡單嘅系統,完全唔可以同AI比,咁有無可能有個比無名聰明N倍嘅人可以寫一個好過無名N倍嘅program 呢? 可以講個可能性係必然。只要有一個咁program 出現,就有超智能出現。

下一點係超智能自我認知同毀滅人類,但已經太長,下篇先講。

無名劍
www.facebook.com/nonamesword





2014年12月20日 星期六

其實馬化騰點只沽貨要問過我?

noname-stock.blogspot.hk/2014/12/blog-post_18.html?m=0

如果睇完輻圖,就應該知無名出呢篇文並唔係為左認叻咁膚淺啦? 

重唔明? 出左post 第日700做左個半年最大嘅上升裂口囉! 

其實馬化騰點只沽貨要問過我? 買貨都要啦! Kakaka!  

無名劍
www.facebook.com/nonamesword

2014年12月18日 星期四

馬化騰沽貨要問過我!

你可能會話洗唔洗咁吋呀? 錯!唔吋又點引到你睇呀? 

你又可能會話洗唔洗咁認叻認唔切呀? 又錯!要認就在馬化騰沽貨新聞出果日認左, 洗等今日? 

故事話說係無名在11月前700 跌到11x 時,無名講會上返120-125, 結果在11月6日到左125, 無名出黎認叻講 : 

https://m.facebook.com/photo.php?fbid=306916379503012

"700 跌到11x 時講過可上返 120 - 125. 

過唔到就轉返弱勢, 要過有D難度。" 

之後真係過到,11月17日就再上到高位134.9, 升左約10, 但無名啱唔晒又錯唔晒,因為過第日就跌左近10到125.5, 跟住反覆回落。

然後到馬化騰沽貨,平均價好似係119套現30億,假設佢咁有幸識到無名,而佢又咁傻會信無名講,佢就可能在125 樓上沽貨,咁就有可以執多幾億!Kakaka!

無名又在星期一講700 三日內或彈, 唔計星期一啱啱今日就係第三日就彈。計埋星期一,尋日就係第三日做低位。

笑話講完, 無名出呢篇文嘅原因係, 無名見好多財演專家見馬化騰沽貨就話前景暗淡,但在130 時又有財記話可追,其實只要實質不變,都係可以平買貴賣。

抽水報告完畢! 


無名劍
www.facebook.com/nonamesword

2014年12月11日 星期四

英雄氣短拋天劍!

https://m.facebook.com/nonamesword/posts/318748638319786

無名在12月2日作左首無聊詩,咁講 :

https://m.facebook.com/story.php?story_fbid=315505445310772&id=179569508904367&ref=bookmark   

自由夢幻愛更高,
英雄氣短拋天劍,
天劍入海遇人魚,
直入美人心深處!

字面解係 :

自由如夢似幻(香港現况), 愛情就價更高!
英雄氣短兒女情長, 男兒甘心放下寶劍去追求愛情。
終於遇上佢心怡嘅女神,得到佢嘅芳心。

但事實上,無名係講緊個市 :

12 月2日當日(圖中紅箭指示) 上證做左個細十字, 但第日之後就係連續幾日破記錄單日升輻,同52週高位, 新聞接二連三,社科院出口術,瘋民狂開新戶借爆margin,  成交破萬億過左美股。。。。。重唔係"拋天劍"?

之後12月9日, 應該係全年最大跌輻一日。。。。。重唔係"天劍入海"? 拋天劍,跟住入海,當然係由上面插入"海上"啦!咁重唔係插"上海"?

跟住到美股又連插三晚。。。咪即係"直入美人心深處"

全詩意思係 :

自由(用自由行) 指内地人,夢幻指發夢傻晒,愛更高指愛高追瘋狂入市。
英雄氣短指無你咁好氣,個英雄咪無名囉! Kakaka! 即係你有你傻無你咁好氣,拋天劍,即係放下天劍都唔理,無名雖然知上證會升,但咁多日都無講過,原因係不恥同財演一齊唱高個市叫散戶一齊去送死!跟住就係到上證插,之後美股插。同全首詩講嘅次序都吻合。

意思係講比財演專家知,升市好多人都知,但有幾多個會預測會跌而在合理時間出現先難, 重有咁嘅傻市識講升有咩咁叻啫,點解要到上證過2700 先講大牛市?2200 果陣唔講A股超值, 内銀内房A50 好抵? 有專家用價量分析黎睇市, 咁唔可以話錯,但係一般價量分析在升市時都係啱。。。。直到跌果日先知錯。呢個就係大部份專家都唔會預測到大跌嘅原因。 好心如果唔知幾時會大跌就唔好咁大聲呱呱叫咁講大牛市啦! 點解個個都係升到高先黎講大牛市,低位平果陣唔講好抵買? 無名就試過好多次低位叫人撈, 天劍出銷都捉過過500-600 點 升跌輻好多次(但當然有少數唔中),  941 全年低位果日我話佢有個浪叫人撈,388 近100果時我話有持貨力唔怕跌住買,Google 比現在平一半時我講如果只買一隻就要買佢, Apple  7x (約舊價5xx) 又係話有個浪一路叫買,之後我都無再講過, 但班財記就只愛到左高位先出黎扮專家講有幾大好前途,其實咩都貴晒先叫人買,咪即係叫人送錢比大戶! 其實全球股市已經有左股災嘅條件,只係等緊引發點啫。

好心財演們唔該唔好只係識做牛同熊,一係只識向上望,一係只識向下睇。做返個人咁,識得睇高又睇低得唔得!





無名劍
www.facebook.com/nonamesword


2014年12月4日 星期四

又覺得個市可以行 2000 - 3000 點!

 無名上次講係8月18日,恒指 24978. 

noname-stock.blogspot.hk/2014/08/blog-post_6.html?m=0

之後約兩週後9月4到升到高位25362, 跟住就跌,到低位22565, 由當日計,跌2413,由高位25362計,跌2797. 都在 2000 到 3000 點内。 

如果今次斷估又係咁, 即係最多兩週內可能跌,但係如果唔跌,咁就爆大鑊,全球一齊核爆! 

無名劍
www.facebook.com/nonamesword

2014年12月3日 星期三

你鐘意做隻快樂嘅肥羊就隨便!

羊群一般都好快樂同食到好肥.......直到死之前。

有好多朋友問無名好唔好追A50, 同内險股。

我個答案係 : No!

如果你記性好,應該記得無名講過阿爺要炒爆個市, 結果真係連環出招! 大家應該知道無名嘅天劍預測過幾次升同跌嘅日子,但都無叫過買A股,因為呢個係擺到明嘅阿爺炒爆抽水局!無名只會行相反方向,叫你寧買當頭起,現在入雖然可能有得賺,但有違我守則,所以我唔建議, 至於大量財演專家一味唱好,無名只覺得好好笑,點解無名在今年七月約20XX點時話過左2078可看好,果時無咁多人大力唱好,到過左2600 就反而要大大力唱好呢??

noname-stock.blogspot.hk/2014/07/jul-22-2014-1705497-1713343-1704013.html?m=0

上證呢個升市太過人為同政治化到出面,但係羊群總係愛跟大隊,一般都好快樂同食到好肥.......直到死之前。你鐘意做隻快樂嘅肥羊就隨便!無名都係鐘意做返隻孤獨嘅瘦狼!

無名劍
www.facebook.com/nonamesword





頂你個肺呀! 原來今日係天劍出銷喎!

無名首天劍詩係咁講 :

天劍出銷,皆盡奇境,
天劍奇境,不可不理,
天劍異象,不可預期,
天劍天機,字字珠璣。

今日收市睇返圖同高低位 23293 到23784, 高低波輻491 點, 今日支陽燭比尋日支陰燭重要長,重唔係天劍出銷?

重有上證支燭就更長? 無名其實尋日講左今日有低位, 星期三升, 今朝又咁講 : 

**************
劍勢指數弱,癲瘋指數高(負數) 約-9000, 即勢弱但回彈就來, 尋日講左今日再試低位,明日或彈,預期早市尾段較低,午市早段或較早市尾段好, 但午市或尾回。
**************

如果你細心D解, 即係講今朝尾市見底,午市有高位但尾回,星期三再升。 

結果真係早市後段做低位反彈後差唔多到尾先回。 


咁點解咁屎睇唔到呢? 原因係"天劍異象,不可預期",  因為對無名黎講,天劍現象唔常有,啱啱先由上星期五插到今朝,前後高位到底係 23228 - 23293, 跌左成935同無名預期波輻上限1000 點差65點到,都算跌得幾勁,無名知明日再有高位,但點鬼知佢呢頭天劍下插, 跟住就可以天劍出銷啫! 而明明星期五插左一朝下午反彈, 星期一先大插,兩次表現都完全唔同,而無名就以為明日天劍出銷更合理, 令無名完全無考慮過有"一日上,一日落"嘅可能性。 只可以怪老豆對你地認識太淺啦!

如果今日係天劍出銷的話,一般都唔會一日完晒,明日都應該重有條"劍尾"食下!

無名今日雖然睇錯左以為明日出天劍,但就令我對天劍同癲瘋劍加深左認識同埋信任。由於無名D劍係自創,一切都係無reference可跟,  所以每次升跌市都係好寶貴資料!希望第日做好D啦! 

相信大家呢幾日都執唔少, 記得做返D善事幫下人! 







無名劍
www.facebook.com/nonamesword








2014年12月1日 星期一

個衰仔今次無丟我架!今日係全年單日最大跌輻!

上星期三無名出左個 : 

紅色暴跌警告

noname-stock.blogspot.hk/2014/11/blog-post_26.html?m=0


如果跟上次咁,正常就係大插,而時間上唔一定係第日就黎,但應該都係三日内。跌輻可以用上次710 點加減30%. 即500至1000點波輻。

***************


結果今日最多跌669 點, 係全年單日最大跌輻(隔夜計), 又係2013 以來第二大跌輻,最高果次係2013年6月13日到低位20652, 單日跌701. 單日波輻係五個月第二有413點,僅次於互講通開果日嘅525點。由高位24228 到23318 跌左910 點,差D就到1000 點。

時間上啱啱今日係出post後第三日。 

連同上星期五出post 話 : 

天劍指示 : 唔沽你嘅事!

午市彈時叫你"以心成劍".  

今次D衰仔無丟我架!

但唔好以為次次都會係咁,股無必勝! 



無名劍

www.facebook.com/nonamesword






以心成劍!

無名上星期五話 : 
*************
天劍指示 : 唔沽你嘅事......

但係.......無名好耐之前已經.........痴左總制! (>﹏<)


所以唔好理無名呢個癲佬.......因為.......(⊙o⊙?)
***************

........因為........在股市贏錢嘅人都係癲咖!


星期五升到lai尿時,無名已經比左"股市必勝法"中最重要心法比你 : 

以心成劍

股市必勝法 : 

"若能以心成劍, 則萬馬千軍在前, 手無吋鐵而不懼已"



無名劍
www.facebook.com/nonamesword

2014年11月28日 星期五

警察打人唔洗本!

上次無名講過 : 

警隊要為警棍暴力負責!

noname-stock.blogspot.hk/2014/10/blog-post_20.html?m=0

但無名今日先發現警察打人原來真係"唔洗本" 咖!

www.post852.com/范析852│警察亂用警棍打人有因 傳內部取消交事/


警察打人可以唔講守則,唔問咩人,唔理你咩事,唔理你係細路,途人,記者,無知圍觀, 只要佢"覺得"你唔啱,就可以打。 

而個打法,連警司級都係由上而下咁打落去,完全唔跟指引所講"橫打",  其實無名無睇過指引一早識講係"橫打",  由上向下打係會"一棍死人"咖! 

警察係咪要打死都唔收手? 咁樣只會激發更大回響!更大形運動正在蘊釀中! 

警察都唔跟法律,香港重點有法治! 

你今日唔出聲,第日就打到你出唔到聲! 

聲明 : 我有家人做警察,但我都好憤怒!因為係對警隊同政權不滿,唔係對警員! 



無名劍
www.facebook.com/nonamesword


原文 : 

警察亂用警棍打人有因 傳內部取消交事後報告

關於香港警察在佔領運動中留給公眾最深的印象,除了至今仍未能給公眾圓滿解釋為何使用了87枚的催淚彈外,近日最新鮮熱辣的,恐怕是有大量警察動輒就出動警棍,且不少更瞄準足以致命的頭部或後頸要害位置,不少市民更因此被打得頭破血流。

《852郵報》早曾報道,根據警方的《戰術訓練手冊》,使用警棍的方式應以水平方式橫打,且應是瞄準目標的肌肉活動機能神經中心。但就如保安局局長黎棟國所言:「相信大家在電視畫面都見到」,前線警員連日來猶如當指引無到,甚至連為被打中者提供治療的要求都欠奉,受傷者每每還要自行流著血到醫院急症室求醫。

究竟為何警員會如此肆無忌憚亂用警棍?原來又一次是不「依法辦事」,為應付佔領而「特事特辦」!

根據警方一直拒絕公開的《警察通例》第29章,當中第29-08節列明,警棍「是一種武器,使用時要根據武力使用的原則(警察通例第29-01條),並應符合程序手冊第29-02條、內部保安手冊第1-13條及戰術訓練手冊所載關於使用武力程度的規定。」

此外,在第二段中,就有明文要求,「凡有人被伸縮警棍擊著,不論是故意或無意所致,單位指揮官或單位主管事後須向主要單位指揮官呈交一分初步報告(格式載於程序手冊第29-08條),由主要單位指揮官決定是否須呈交雜項調查報告,初步報告副本須分別呈交香港警察學院院長(警司(槍械訓練))和警務處助理處長(支援)(警司(策劃行動))。如初步報告認為伸縮警棍使用不當,則必須將初步報告副本呈交警務處助理處長(行動)(警察機動部隊校長)。在接獲初步報告後,香港警察學院院長(警司(槍械訓練))和警務處助理處長(警察機動部隊校長)會審查事件,研究在訓練、戰略、指令及程序方面可有改進之處。單位無需要就拔出/舉起伸縮警棍以作防範一事撰寫報告。」

簡而言之,就是警察出動警棍打中人後,都需向上級提交一份初步報告。不過,《852郵報》就接獲消息,指這個非常基本及正常的要求,在佔領運動中已經變質:本應按程序手冊第29-08條格式而提交的報告,變成只需要簡單紀錄在警員的記事簿即可,甚至後來連這要求也「waive」,「就算係寫都只係求其mark在記事簿,轉頭都丟咗啦!」

其實,要求警員以警棍打中人後提交報告,理由並不過份:須知道,被打中者如有受傷甚至生命危險,警方手上的報告,最少能反映事發情況的一部分,事後追究時也可以追查。然而,涉及寫報告,卻正是一般前線警員最想避之則吉最不想面對的工作,例如拔槍也是寫報告,所以他們絕不會輕易拔槍,「寫報告都寫死啦!」消息人士說。

然而,現時如果警方內部,真的取消了警棍打中人要求報告這要求的話,即意味警員以警棍打人後的「成本」更低,或許正好解釋為何警察現時打人多使用警棍,因為基本上已沒有手尾要跟。事實上,若在這類情況後要警員提交報告,也是強人所難;不少警員根本沒搞清楚被自己警棍打中者的身份,明明「沒有得你的允許」,但警察卻已經是「我一棍摳菅去」。

《852郵報》曾書面提問警方,要求證實有關取消「事後報告」是否屬實,以及自佔領至今,共收到多少份的警棍打人的初步報告,結果獲回覆如下:

警方有嚴謹的武力使用守則,所使用的武力是為達到目的而須使用的最低武力。警務人員在使用武力前,會在情況許可下向對方發出警告。在使用武力時,人員會時刻保持高度克制。當使用武力的目的已達,警方會停止使用該武力。

(撰文:范中流)

如果無名唔係痴緊膠花.......

如果癲瘋指數12萬幾唔係痴膠左線.......

如果無名劍唔係痴緊膠花......

如果呢個世界重係正常嘅話.......

咁就要聽下......

天劍指示 : 唔沽你嘅事......

但係.......無名好耐之前已經.........痴左總制! (>﹏<)

所以唔好理無名呢個癲佬.......因為.......(⊙o⊙?)

無名劍
www.facebook.com/nonamesword


2014年11月26日 星期三

紅色暴跌警告!

上星期三無名去旅行前話 : 

*******************
故事當然未完,阿爺可能發覺D傻仔比我厄左一次唔再上當,但又要輸血,可能再出招,所以唔好以為可以直插。 

睇個勢插埋今日,最快明日星期四或星期五,有條件做個天劍出銷式反彈!
********************

跟住就係星四五做左低位,而兩日都如無名所講早低午高,到過低位23251後,星期五阿爺減息,今星期一彈上23935, 前後波輻有600 幾點乎合左天劍嘅基本表現。

跟住有人問無名後市如何? 無名講左個謎語: 鄺美人名曲,即係"再坐一會",  星期二再講"好市多磨" 同比左向上無名劍指數 24040, 24120, 24140. 

無名今本來以為要明日先到,點知今日午市已經過晒! 其實如果有留意無名講過天劍嘅例子,好少係一日升完。而無名之前講今日chok, 係因為一係明日先升,或者好似今日咁升高左,明日可能變成開兩邊,即有可能早市低開後升,午市再回升。而星期五就可能由預測小回到跌力加强。  

講左咁多故仔,除左認叻,重係想你分析下我以下講嘅可唔可信。 想同你講癲瘋指數今日超高去到過12萬幾點。上次無名提過係四萬幾係10月8日,當日高位23369, 無名無理佢,第日再升到23581高位,點知跟住兩日後插左710 點到22871。 今次九萬幾,會點? 如果跟上次咁,正常就係大插,而時間上唔一定係第日就黎,但應該都係三日内。跌輻可以用上次710 點加減30%. 即500至1000點波輻。 但如果跟足12萬幾,即係上次嘅兩倍幾!

而明日就維持返早低午高,早市或低開後回升,午市尾市好。 明日若再上就係24200 同24400. 波輻越黎越大,小心!

無名劍
www.facebook.com/nonamesword

强國QE我至强!

 强國人QE先至强,唔知就要睇。 

股榮同我睇法一樣,有三個重點 : 

1. 中國減息唔代表一定好,只係一時沖喜,但有D傻仔可能會以為發達囉!而有評論話外國資金轉睇好A股,因為中國股市長期偏低,有可能係衰股升最尾,即係好野炒到高晒,無野好炒,就炒垃圾。中國股市長期偏低其實係一個現實嘅反映。即係早幾年錢多,Fund佬都唔溝你,溝完溝晒D外國靚女,今日講中國妹原來好正,你信嗎? 

2. 呢篇文講嘅野就係我從來唔建議買内銀嘅原因,内地嘅錢就如地溝油一樣,睇落食落都好ok, 直到一日你毒發先知咩事! 

3. 你以為日本仔QE好勁可以救經濟,其實已經Q左好Q耐啦,但係重喺QE 深切治療部!不過物極必反,無永遠都唔彈嘅事,亦無永遠直落嘅事,只係唔好睇得太簡單。

無名劍
www.facebook.com/nonamesword


原文 : 

hk.apple.nextmedia.com/financeestate/art/20141123/18944255

趣BLOGBLOG:中國減息的荒謬

中國人民銀行日前宣佈減息,股榮真的不明白,何解大部份人將此解讀為好消息,以為周一港股升硬。減息即係放水,你唔掂,先至要救,希望藉此鼓勵市民消費、企業增加投資。貨幣政策用得好,可以將奄奄一息的經濟,用時間換取空間,慢慢打救回復,但依中國的國情,刻下減息,不是治療,只是吊命。
2008年金融海嘯,各國推出量化寬鬆、等同放水印銀紙,時任總理溫家寶推出四萬億救市,鼓勵企業借錢修橋起路乜都做,飲鴆止渴換取短暫經濟成果,卻埋下產能過剩、經濟結構失衡,以至腐敗貪婪的事實。


不斷印銀紙 狼過歐美日
中國近數年強勢崛起,有人話人多好辦事,實情是印銀紙印到儍。大家心目中,或者以為美國、歐元區甚至日本,在QE因素下印得最多銀紙,但實情是,全球三個最大經濟體系,過去六年加埋都不及中國。
M2廣義貨幣(流通中現金+支票存款+儲蓄存款+政府債券)是貨幣供應量最重要指標,也最能代表國家印銀紙的多寡。2007年,中國M2為40萬億元(人民幣.下同),略多於日本,少於歐元區及美國。
2008年各國齊放水印銀紙救市,中國M2淨增7萬億,歐美日合共增了約10萬億。2009年開始,中國每年M2淨增超過12萬億,而歐美日每年淨增少則4萬億,多則亦約8萬億。中國M2年增12萬億,意味每個月貨幣供應多了1萬億元,以一個13億人口計算,中國每個月為每個中國人,變相印多八張毛澤東。
截至今年10月底,中國M2接近120萬億,世界第一,歐元區及美國只是73萬億及71萬億,日本放水放水再放水,亦只是46萬億。大陸由2007年底的40萬億,七年間貨幣供應增加兩倍,至120萬億。全球鬥放水,最狠最狼的,是我們的祖國。
如果放水或印鈔可以富國的話,這個世界就沒有窮人貧國。中國刻下的問題,不是冇錢,或者息口太高,而是將平錢差不多全數借予廢柴國企,中小企及民企就算做得再好,也融資無門,或以貴利息搶錢。金融政策上的不公義、不公平,造就了多重的腐敗。
中央軍委前副主席徐才厚在北京豪宅地下室,被抄的現金有一噸多,和田玉、唐宋古玩字畫,用了十幾輛卡車才全部運走。有「煤老闆頂頭上司」之稱的國家能源局煤炭司副司長魏鵬遠,年中被抄家時,發現上億元人民幣,16台點鈔機清點贓款時,4台點鈔機當場燒壞。還有更多匪夷所思的,相信陸續有來。
長久以來,央企享受特權優待,借平錢易,就算最後焦頭爛額,都有阿爺「埋單」,因此央企成為內銀借錢首選。中國減息,最開心的是央企,低息鼓勵他們投資更多垃圾項目,中小企或民企不見得會容易獲平錢。天下沒有免費的午餐,狂印錢最後埋單的,一定是銀行。內地最新商業銀行不良貸款餘額7,669億元,不良貸款率1.16%。借100元,只有1蚊有問題,不是低得不可思議,而是真相總是被掩蓋。

股榮

如果你未痴,快D去QE! 

越貴你越驚,越驚你越搶!
人搶你唔搶,變左唔正常!
人痴你又痴,咁咪就無事?
如果你未痴,快D去QE! 

當全世界都覺得一定係無錯嘅時候,就係一場浩劫嘅開始。

好鬼似97......

無名劍
www.facebook.com/nonamesword

原文如下 : 

https://m.facebook.com/imoneymagazine/photos/a.148578016968.116747.121673226968/10152497333801969/?type=1&source=46



80後談新居屋:搵笨都要抽住先!

新居屋在樓市高企下推出,成了久旱上車族的甘露。Keith工作近五年,與女友儲得廿多萬首期,打算先買樓後結婚,惟樓價有升無跌,怎也追不上。本以為有居屋「打救」,但在得悉定價和申請條款後,不禁擲下一句:「搵笨!」

新居屋下月底接受申請,未婚的Keith將以一人資格申請,惟房委會已表明是次居屋不設單身配額,故他需與一眾單身及家庭申請者一同競爭,機會更渺茫。此外,他認為是次居屋定價過高。

「市價貴到咁唔正常,仲企硬7折,點計都唔係平。有朋友2011年以214萬買將軍澳廣場,依家升到近400萬。三年升了百幾萬,你打個7折俾我都多咗70幾萬啦,去邊度搵咁多錢?加上居屋同公屋質素愈來愈近,感覺有啲唔值。但最無奈係成個市場都無乜選擇,點都要抽住先。」

坊間有種說法,指居屋推出可有助樓市降溫,Keith對此說法甚有保留:「香港始終地少、錢多,只不過大部分財富都藏在四五十歲那代人的口袋裡,他們經歷過九七、沙氏,好清楚這個買樓遊戲點玩。所以即使未來樓價跌兩成,佢哋攞100萬出來永遠快過我。還未計一班30來歲;等上車等得比我耐的人,可能跌一成已經撲入市。市場永遠有承接力,試問又跌得去邊?」

Keith的一番話,會否也是你的心聲?想了解更多年輕對新居屋的看法,以及新居屋的5個屋苑的出售詳情,請留意今期《iMoney Focus》的封面故事。

◆◆◆◆◆◆◆◆◆◆◆◆◆◆◆◆◆◆
《iMoney智富雜誌》


2014年11月19日 星期三

賣港通!一開"通櫃"褲穿o隆!

由開始傳賣港通到11月17開市前,無名都係講緊同一樣野, 賣港通無咩咁筍,甚至唔係好野,一星期前無名重講"通櫃"儀式即將開始!

結果一開就"通櫃",  無名有估計過阿爺會出招攪興班傻仔,星期五講完,阿爺跟住啱啱出免稅,有估計過市場不理性抗奮話可以單日升500 點,週末IG 升過500, 有預測過有裂口在24200 - 24400 之間,結果真正裂口在24102 - 24313, 為211點,同估計差12點。 

但係.......無名估漏左一樣野,就係阿爺咁賤,第一日連一場戲都唔交埋由佢直插,政治嘅潛台詞係講"玩你咪玩你囉!擺到明咖!吹咩!?",  一D演員道德都無,之前財爺高官唱行晒話百年機遇,又扮姣婆想嫁唔嫁,"罰"你班佔中友,唔比個"大禮"比你,再黎個狼狗上京揾雜種乞狗屎,再到"上帝恩賜"你班前世未買過内地"地溝股"嘅餓狗一舊阿爺屙出黎嘅狗屎,做左咁多"前戲",  上影果日,銀幕只有"食啦"兩個字!

頂!邊有導演同演員咁衰咖? 而D傻仔就信到十足,好似睇緊四級片男女主角就要除衫之前,傻仔已經興奮到流緊鼻血驚緊買壓太大無處排洪之際,男主角突然話:"我已經完左!" D傻仔真係幾好笑都有!

傻仔點講,聽頭果10 分鐘啦 : 

www.dbc.hk/radio3/programme-archive/Id/9982

傻仔講: 

自己係"先知" - 我無名咁"屎"就比人叫假先知啫,佢點只先知呀? 直頭明燈引路!

係"大時代" - 似!個個做蟹!

係"送大禮" - 真係好大喎! 大到阿媽都唔認得!

人地係"憤青" - 果個咪我囉,我呢D直頭"糞青"啦,屎到唔恨!Kakaka! 

明明送舊屎比你,你係都要當"寶"重要搶住接!明明係比人"通櫃", 你就話係"新式灌腸排毒"重要話人"糞青"唔識野。結果邊個係"糞青"?  邊個係先知? 哈哈! 

賣港通,三日到現在跌過800 點都未完,北水唔來,港股無人愛,輸血救國比人當左係過大禮。香港輸左幾名血, 自己睇下 : 

www.vjmedia.com.hk/articles/2014/11/18/91212

無名其實一星期前已講過想透下唔想日計夜計,但肥熊同我講,有能力嘅應該出下聲保護下D羔羊,好!就因為你咁講,講返多D!

故事當然未完,阿爺可能發覺D傻仔比我厄左一次唔再上當,但又要輸血,可能再出招,所以唔好以為可以直插。 

睇個勢插埋今日,最快明日星期四或星期五,有條件做個天劍出銷式反彈!但無名只可以講係可能性,因為政策市風險,唔可以保證,有跟無名講呢兩日都執左一筆,夠就可以透下!因為今次可以好差!只要識保本,重有大把機會!



無名劍
www.facebook.com/nonamesword

2014年11月14日 星期五

香港人的路 : 向内走,向外走........


無名尋日有感香港現况,返叮年半前舊文" 港完2047" 

www.hkinvestorblog.com/home/space.php?uid=1277&do=blog&id=17000&page=1#content

發覺大家感受比可能去年重深。

今日睇林行止呢篇文,令我想起一年前答過呢個問題 : 

www.post852.com/林行止預告:中共勢必政經接管 港人將淪二等公/

尋日返叮舊文同樣又有人問過,估唔到一年後咁多人想揾第度走!

無名當年係咁答 : 
********************************
"咁又唔係一定要放低樽鹽, 基本上有兩條路 : 

一係走出去, 如果你唔想面對大陸同胞競爭,同你在外國要有好路數先得, 咁可能令你覺得好過D, 但都可能錯失好多機會, 因為未來十到二十年先係中國人戲肉。 

一係走入去, 就係同大陸人玩過, 用你香港人本性, 同大陸人博過, 競爭係大左, 例如將來一份香港工作, 可以選上海,  北京請人, 競爭就會大左, 但相對黎講,機會都一樣多左。 整體黎講對有競爭力ge人係好事, 可憐係一d冇咁有競爭力ge香港人啫。

所以做好投資都係一種好方法! 而中國樓市長線重好好, 可以留意下, 如上海, 甚至深圳都好有升值潛力! " 
**************************

而無名今次答時有小小唔同,今次向外走係要揾個地方你可以揾到生活。即係就算係唔想走都要揾定個水泡,係救生用。 而上年答時無名心諗係,如果唔想留在香港先向外走。今次講時心諗係,即使想留低,都要揾定水泡先! 

因為事情越黎越清楚,大陸部抽水機只會越開越行, 消費自由行同雙非綜援自由行係第一步赤化民間同民生,下一步就係赤化經濟,經濟接管,即係錢唔再係你地香港人以公平競爭黎話事咖,而係由權力黎支配,大把富二代,官二代都想緊點生吞呢舊肥豬肉,今日係劏緊中產同本地窮人。第人就會劏埋有錢佬,主導嘅港企會由内地企業取代,本地資本家會比紅色資本家取代, 直到香港在政治,民生,經濟三方面都完全被赤化,直到"香港人"完全絕種為止。 

香港人可以留得低就只有一份令人懷念嘅獅子山下精神! 而可悲係留存嘅地方唔會係香港!





無名劍
www.facebook.com/nonamesword


2014年11月13日 星期四

互講通"通櫃"儀式即將開始!

好消息!各位醉心於互講"通", 有比人"通櫃"僻好嘅朋友今鑊一定好交興!大家等左好耐嘅"通櫃"儀式即將開始(其實已經"通"緊) ! 

各位要留意,通櫃過程中,先會帶來一陣莫明嘅興奮, 跟住覺得有D唔妥,之後越來越痛,直到"出血",  到時記得要call 白車同止血! 

*************************************

以上呢篇文無名其實在星期一已經寫左(見圖) ,不過無名知道當時出D傻仔係唔會識理解,因為見升就係好,傻仔們會誤解左無名睇錯啦!個市幾好! 

今日出返,因為有更多人出黎講互講通其實係發生緊咩事,太早之前,就算專家博士教授都係睇到面果浸,好多重無比興奮,比財爺果句"機遇"厄到透晒,  而無名就由頭到尾都話唔係好野黎。 

現在越黎越多人出黎講返句似人嘅說話 : 

nextplus.nextmedia.com/news/spot/20141113/108149

「阿爺」早前一招「欲拒還迎」,搞到香港投資者坐立不安。終於,「禮物」到手,才發現其實不是如期般「興奮」。本刊訪問多位股壇名家,揭開滬港通糖衣包裝下的真面目。所謂「大禮」,最受惠的是內地市場,而非香港。

學資深股評家曹仁超話齋:「唔好自己呃自己」﹗滬港通只不過是將以前的枱底交易,變成枱面交易而已,僅對港交所和證券商的業務有利,對香港經濟和股市都沒有效果。他最擔心的是滬港通引「污水」落來,香港投資者較理性,但內地散戶就鍾意亂炒一通。基金教父雷賢達都話,滬港通並非大禮,阿爺這樣做有他目的。

******************************

對比下無名之前講嘅野: 

noname-stock.blogspot.hk/2014/11/blog-post_10.html?m=0

互講通明益香港? 咪傻啦!

"大陸仔又扮晒野,要你香港人做 show 求佢先比你,一早就知佢扮高貴啦!其實佢重緊張過你!

無名由第一日傳做“互講通”到講唔無限期delay, 無名都係果句 :“都話唔洗太興奮又唔洗太擔心”, 呢D 就係無名劍股市必勝法所講嘅“乎明心見性者, 即可以心為眼,以心代耳。 萬事變而心不惑, 泰山崩而心不驚。"

呢句到今日都重啱用, 無名就一路睇住個市比大行財演專家用"互講通"三個字玩上玩落, 覺得可憐又可笑,互講通其實係益大陸, 係中國走向金融國際化同取代香港嘅必經之路, 都唔知有咩好咁興奮? 互講通其他只係一場炒風,對香港無咩咁大著數!

打個比喻就係香港D奶粉尿片可以由內地直接網購,唔洗運水貨,係咪好消息?最後會點?"

其實大家都係講緊同一樣野。唔通真係要"通完櫃"先識醒?




無名劍
www.facebook.com/nonamesword

買日本樓的十萬九千個原因........

無名曾經講過好多次,無名之所以有今日嘅價勢派,係由於周顯大師一句說話 , 意思大概係咁: "股票係一個豬兜從另一個豬兜買入,再試圖賣比第三個豬兜嘅遊戲。" 

就係呢句說話將無名由一個簡直頭豬嘅價值投資者變成左今日嘅價賤投機者。所以無名稱佢為無名啟蒙老師,周大師無教過無名,但無名因佢而打通任督二脈。 

今日寫呢篇文都係因為佢,而佢呢篇文可能會比人曲解左,無名其實好懶寫野,都唔想再講買日本樓。如果唔係因為唔想有人被誤導,都唔會寫。

無名日前見到周大師出左篇文,如下 : 

www.mpfinance.com/htm/finance/20141110/columnist/en30_en30.htm

最初睇文篇表面,佢好似支持火燎森話佢叫買日本樓啱,但無名用返自己作為一個口水詩人加老翻填詞人嘅文學水平去理解返大師嘅說話,發覺唔係。

大師其實立場好明顯,佢果句 : 

"相信熟悉我的朋友都知道,我對於日本樓並不看好" 

其實就係立場。 熟朋友都知道,即係佢經常咁講啦,佢"唯一"認同火燎森係呢句 : 

" 我同意的一句是﹕「更加唔可能日本永遠都唔反彈,小弟好相信條線打橫幾長打直就有幾高。」"

其實即係講緊,無野係永遠唔會彈,而當彈時就打橫有幾長,打直有幾高。 跟住一段講到 "世上並無穩升資產"

"同樣地,如果在一個總體趨勢下跌的市場,只要跌的幅度夠多、時間夠長,的確不排除樓價會反彈式上升三幾年的,只是反彈的幅度不大,彈的時間也不太長"


"世上並無穩升資產"其實就係文章重點,佢同無名睇法一樣,簡單講物無常賤,亦無常貴! 

無名覺得買日本樓可以有十萬九千個理由 :

1. 我like 日本
2. 我想娶日本妹
3. 我想移民日本
4. 我去日本讀書
5. 我錢多,無所謂
6. 我覺得平買左擺都抵
7. 我覺得外地有樓好威
8. 我將來想在日本退休

但係.......絕對唔係覺得日本樓一定賺,無得輸,更加唔係因為火燎森所講日本經濟衰左廿年,又攪QE, 重唔返身??日元跌就樓一定升? 重話人咁簡單嘅道理都唔識。咁即係講唔知咩係demand elasticity. 而佢果句話出自Jesse Livermore 嘅"打橫打直"論,其實一樣,只係佢曲解左。 呢句其實都係物無常賤,亦無常貴,睇下Jesse Livermore 幾强調止蝕,就知佢睇升又睇跌,佢絕對唔會單向睇升,佢果句係講緊升時打直有幾高,亦代表左跌可以有幾多。

周顯大師同無名講緊都係一樣火燎森無講嘅野 : 世上並無穩升資產!即係無名常常講嘅: 股無必勝! 

其實買日本樓同買咩樓都係無問題,只要唔好好似傻仔咁覺得無得輸就得!



無名劍
www.facebook.com/nonamesword






Facebook - 只要信,不要問!

一個英文字 - Facebook. 

三個中文字 - 買, 揸,等。 

幾錢買,揸幾耐,都唔重要。買就唔好問,問就唔好買。 吋? 唔覺,只係大家觀點唔同,無名都係直接講感覺啫。 

上次叫60買, 已經夠遲,但應該好多人都無理。Facebook 尋日收74.72, 但都唔重要。

同上次講一樣,無論入同唔入都唔好怨!

www.hkinvestorblog.com/home/space-1277-do-blog-id-19874.html


無名劍

2014年11月10日 星期一

CFD 同 Plus 500 都唔係正常人玩咖!

無名收到風話Plus500 收錢有問題, 更有話用借口 void trade,  條款内有protect 佢可比咁做, 更有人話收唔到錢報警。 

無名其實知有CFD 好耐, 一路有人問,無名都唔講係咩,直到火了心在電台講,無名先講,原因係好大風險同唔啱一般人玩。 睇下面就知 : 

www.hkinvestorblog.com/home/space-1277-do-blog-id-19594.html

無名一早連Plus500個名都唔願比人知, 無名咁講 : 


"警告大家, 千祈唔好賭得大, 同一定要有止蝕點! 自己小心! 後果自負! 

咁點解現在又講, 因為傳媒一講, 大家都好快會去玩, 所以提定大家先! 

至於邊間好, 無名唔會推介, 就好似介紹賭場咁, 冇理由我車埋你去門口, 等佢去送死咖? 要自己做D功課啦! "

至於無名用,係無名嘅事,無名係從來無建議人用, 無名能受嘅風險,同一般人唔同, 所以無名成日都叫人唔好跟, 有人話無名記錄係demo 定真錢。其實無名只係想post 個實時記錄, 並唔係同你講自己有錢。 多同少因人而異,大把專業炒期手係用過千萬黎玩,我嘅多, 係人嘅少,無咩好比,無名98金融風暴單日止蝕都輸50萬, 多定少人人感受唔同。 

總之,Plus500 同其他CFD 都唔啱一般人玩,要玩自己負責。

其實有D重勁過CFD, 同CFD 比CFD 都係小兒科,不過怕大家受唔起,唔講。 

無名劍
www.facebook.com/nonamesword



互講通明益香港? 咪傻啦!

大陸仔又扮晒野,要你香港人做 show 求佢先比你,一早就知佢扮高貴啦!其實佢重緊張過你!

無名由第一日傳做“互講通”到講唔無限期delay, 無名都係果句 :“都話唔洗太興奮又唔洗太擔心”, 呢D 就係無名劍股市必勝法所講嘅“乎明心見性者, 即可以心為眼,以心代耳。 萬事變而心不惑, 泰山崩而心不驚。"

呢句到今日都重啱用, 無名就一路睇住個市比大行財演專家用"互講通"三個字玩上玩落, 覺得可憐又可笑,互講通其實係益大陸, 係中國走向金融國際化同取代香港嘅必經之路, 都唔知有咩好咁興奮? 互講通其他只係一場炒風,對香港無咩咁大著數!

打個比喻就係香港D奶粉尿片可以由內地直接網購,唔洗運水貨,係咪好消息?最後會點? 

其實習近平回應時已經講左心底話!咁都唔明? 不過D睇升就叫好嘅傻仔係一世都唔會明。


無名劍
www.facebook.com/nonamesword

2014年10月20日 星期一

今週跌市個謎底原來係咁!

無名之前出過post 講星期二三四可能係跌市,最早係一星期前已經咁講。 

noname-stock.blogspot.hk/2014/10/blog-post_19.html?m=0

無名一直唔sure 同唔知點會咁跌,但為左忠於自己嘅預測同對睇開無名預測嘅朋友負責,唔太合理都照講。 

原來個謎底係旺角戒嚴.......

http://s.appledaily.com/realtime/a.php?i=20141020&s=6996647&a=53039722

啱啱先出完篇文講警棍暴力,希望大家撤退, 唔好有損傷!

無名劍
www.facebook.com/nonamesword

警隊要為警棍暴力負責!

hk.apple.appledaily.com/realtime/news/20141019/53035405


hk.dv.nextmedia.com/actionnews/hit/20141020/18905947/20053992

無名好似無講過,其實無名唔止係股痴,重係個武痴!講到呢度你地一定攪錯,攪錯左個"痴"同個"聖"字, 如講情痴同情聖嘅分別你一定明。武痴係指好愛好武術,但唔一定係好叻。 無名學過功夫,但做野忙,練嘅時間太少,所以唯有"研究", 無名係會睇書甚至Youtube "學功夫",  所以你會見無名用武術黎講股,基本上覺得股武相通。 

講咁多都係想講警隊用警棍唔止錯,重好屎,好好笑,重好火滾,無名好有理由懷疑好多人係唔識用警棍,基本上棍有兵器之皇之稱,因為佢係最原始最簡單嘅武器,自古已有,簡單而千變萬化, 但警隊用棍手法實在笑死人同想打死人, 大部份警員都會舉起手肘將警棍放左膊頭上, 見人就從上而下騰條"火文"豬肉式打仔咁打, 無名真係睇到眼都突埋!因為無名無想過警棍係咁用。問題在於 : 

1. 咁用棍係想用最長揮動距離去加强力量,咁做無錯......如果你係個師奶,唔夠力,但實質上用單棍係應該放在前面做防守式, 再用腕力臂力去短距離發力就夠,咁樣先係攻守兼備同埋可以打得最快。佢地個放在膊頭嘅姿勢,唔止錯,重會死人,放左膊頭,其實令防守距離拉遠,如果對手埋身快,其實係可以入佢位托手"爭",  呢種手法並非一個用武者嘅做法,可以講佢地侮辱左支棍。 

2. 只有兩種情况應該咁做,一就係你係師奶,你唔夠力,無計,要咁"拉弓",  但差人都一定體力,根本唔需要,第二種係你要打一個已受制嘅敵人,明知佢無還手力,你點打都得,呢種係用刑嘅方法,目的係重創對方。 為左一野仆死你!

3.咁下個問題就黎,警察唔會唔夠力,面對嘅又唔係有武器又無還手攻擊嘅示威者,點解要咁樣由上而下打,大家要知道,一支警棍咁由上而下打出黎嘅力,我好肯定比仆頭黨用磚頭打重重手!如果用磚頭仆頭可以告謀殺, 咁警隊其實一直做緊可能令人致命行為。警隊其實有指引係唔好打頭同頸,但眼見警察好多都係咁做!警隊使用緊唔係武力,而係除時可以攞命嘅暴力! 武者止戈為武, 佢地一無受到威脅,二唔止係防衛同驅趕, 三其實係要用暴力令人恐懼!實為武者之恥!

警察已經有支棍,有盾牌, 有著好硬嘅boot,  重咁多人,示威者又無攻擊你,又無武器, 你怕咩啫? 其實佢地打橫掃,已經可以驅散人群, 如果有人真係違法,你咪拉佢囉,而唔應該係咪都打,但眼見佢地係"為打而打"!即係我唔鐘意就打,甚至隨時可以攞你命都係合法。

呢種行為實在令人髮指!如果有示威者在無攻擊警察之下比警棍打死或受傷,警方要為不合理同不適當使用警棍未判罪先行刑嘅暴力行為負全責。


無名劍
www.facebook.com/nonamesword


2014年10月19日 星期日

觀圖論政!

圖表中有時係同經濟甚至政治掛鉤,無名之前預測星期二三四股市可能較差,唔知啱唔啱, 因為數據上混亂到前所未見,即係一係升死,一係跌死。 

若果真係跌,除左股市要小心外,佔領行動嘅朋友就要小心!無名怕係有大形流血事件出現!

類似情况在日本311 地震前出現過,無名在2011年3月10日若23800 叫沽,一路沽到破22200. 有一日單日跌1100 點,但之前無人信。 

但係,我唔希望今次係咁,錯左,會談有進展爆上重好! 

finance.discuss.com.hk/viewthread.php?tid=13987402&extra=&page=18








無名劍
www.facebook.com/nonamesword




2014年10月17日 星期五

下週真係"大鑊"!

今日實在唔識分自己講得啱唔啱, 唯一啱係上升同下跌力同時出現,唔好過夜,重有係chok.  

結果早市高開得3點, 同全明好chok,  另外話午市好過早市,午市都算升多,但早晨頭段就抽上高位, 而高位又過混劍指數23150 差2 點。 尾市話回,回左D又升返,但最尾又急插。 

所以我唔識分。 但唔緊要啦,其實如果有跟開,無名差唔多四日都中,應該幾好收獲啦!

下週精彩,因為好大鑊, 係真正係一隻好大嘅鑊, 即係中間係凹落去。 星期一高,但星期二三四就大鑊,星期五抽返上黎! 可能有D股災味! 有D似今日張圖咁上下。

無名劍
www.facebook.com/nonamesword


2014年10月14日 星期二

全球十月戒嚴!

無名好耐無出post, 出得當然係覺得有D野!

無名上週講過今週係反覆,結果星期一已經應左單日來回500 點, 但未講星期三四五。預期明日星期三好,但未必有今日咁好力,星期四比星期三差,而星期五可能插。

全週高可能在星期三或四, 而星期三可能性高D. 

而更重要係下星期一到三,可能出現兩個兩邊嘅大單邊市。 數據上係異常咁亂, 就如之前講癲瘋指數超高一樣未見過, 有可能係星期一大升,星期二三大插, 要再確定。

無名九月講過十月兵臨城下, 同埋美股天國近了,結果美股入十月係弱勢,而跌勢只係開始,下跌空間重有好多,恒指九月尾已經大鑊, 跟住又彈,但無名劍成set 指數黎睇都顯示今個月唔係正常咁走,所以唔好用正常邏輯諗見底未,又唔好輕易相信因為"互講通"可以大爆升,無名嘅解讀係除非好有力嘅升穿,否則可能係大形下降軌中嘅波動。

唔識玩睇唔通應減持或離場,識期權可以擺爆邊陣。全球十月戒嚴!

無名劍
www.facebook.com/nonamesword

2014年10月2日 星期四

萬劍歸宗在香江! Cloud Movement 的力量!

現在係零晨四點幾, 無名在添馬對出公園一個人訓左係石階上。無名其實黎到無做過咩野,又唔係高潮時候,無得一齊唱天空海闊,無大聲叫口號,只係行下睇下,睇到大部份都係年青人(注:無名都唔係老,但心境已經唔年輕), 佢地大部份都好攰,可能撐左好多日,周地都可以訓到"冧"晒,男男女女都係咁,睇住佢地"忘我"嘅睡姿,心裏面覺得好安慰,無名一直都討厭人講香港年青人係廢青,覺得只係社會環境富裕左,年青人由細就咩都有,人變得唔識分享,個人主意强左,無咁識體諒同同情人,坐車讓座比人都變得小見,但無名相信每個年代都有好人,今次運動證明左佢地本質同上一代無太大分別,只係差一個機會引發出佢地本性良好嘅一面。 香港有希望,因為佢地無失去上一代獅子山下嘅精神,香港從來都係無咩資源,最重要資源就係人,上一代人就係今日香港成功嘅主要原素,佢地都有著同樣原素。 

武林傳說中,劍術到左最高境界就係萬劍歸宗,即係劍手嘅境界之高令到萬劍景仰,萬劍都聽命於佢,所以能夠以心籲劍,心意一動,即萬劍齊駒,今次呢個運動就好似萬劍歸宗咁,大家感應到一個呼喚,就萬劍齊駒咁指向敵人,每個寂寂無名嘅人都攞出左埋藏左係佢地心裏面果把劍,每個寂寂無名嘅人都變成左無名英雄攞出左佢地心中嘅無名劍, 無名劍呢個筆名背後嘅意思就係咁,呢把劍代人左人心目中嘅正義,理想同追求,只要你肯攞出黎,每把本來無名嘅劍都會變成一把名劍。由於今次運動都係民間自發,完全唔係一個團體或人所安排,所以可以講係無劍法可言,正正好似太極拳咁無招勝有招,一切決定同行動都係由每個個人隨心中意願咁做出黎,得出黎竟然比有組織嘅運動更好。又由於咁無組織化,彈性同靈活度都奇高,就好似海浪一樣無形無狀,所以警方都唔知可以點打。警方一打,你就散,警方一退,你又聚返埋,變左無處不在,處處都在,又可以講係Cloud Movement, 就如千萬部小形電腦連成網絡嘅運算速度,遠超過世上任可一部超級電腦。又令我想起阿凡達最後一幕反敗為勝咁, 係最重要關頭, D動物受到大自然呼喚,自動咁出黎保衛返個森林,實在妙不可言!

無名再次多謝每一位為保衛香港未來而出過力嘅香港人!

寫下停下,寫完已經天光,要返屋企先!

無名劍
www.facebook.com/nonamesword

2014年9月29日 星期一

89六四重現眼前......

各位愛香港同無名一樣土生土長嘅香港人, 佔中運動由一個目標唔太清晰嘅運動開始時, 無名唔睇好會有太大威力,因為咁多年黎無名都無想過民主運動在香港有希望,無名出過post 咁講 : 

noname-stock.blogspot.hk/2014/07/blog-post_27.html?m=0


直到無名睇到71佔中預演。無名見到一班後生仔嘅決心,我開始覺得有香港希望, 再加上秃鷹個催淚彈,催出左全香港人維護香港核心價值嘅決心,喚起左萬千香港人嘅良知,呢個運動,由一個學者發起嘅社動,到學生帶領嘅學運,再到左全民保衛香港嘅民間自發愛港救港行動! 

今日嘅場面, 令我記起六四, 當年嘅天安門嘅學生, 今日在金鐘重生, 當日北京市民阿姨大叔,送飯送水,義載義助, 今日在香港各處重現! 當日公安無理暴力對待學生嘅一幕,今日竟然在香港上演,無名實在為香港人而難過!


89六四當年,無名讀緊中六,自發成為學校嘅攪屎棍,在學校貼標語,學校在停課時,比學生用咪向全校發言,我講左下面呢段話 :

"我尋晚在新聞見到一個人,一個普普通通嘅人,佢停在坦克車前面,坦克車向左駛,佢向左擋,坦克車向右駛,佢向右擋,佢唔只係一個普通人,佢係一個真真正正嘅勇敢的中國人,我地為佢鼓掌!"

跟住全校掌聲雷動,結果因為學生反應過激,校長停止左比我地講話。

今日每位上街,或同唔同方式支持嘅香港人,其實同無名25年前口中果位嘅勇敢的中國人一樣! 請為你地自己鼓掌! 我今日係我作為香港人感到最驕傲嘅一日! 

今日香港學生所要求,同25年前北京學生要求嘅有咩唔同? 其實係無! 同樣係要求民主同對話,同樣得唔到! 

六四 過左25年, 香港民主有進步過咩? 社動有公平左咩? 都無! 甚至對基層黎講只有更差,劏房滿瀉,物價高企,屯地局長一個個,官商勾結一羅羅。東北發展,目的唔係為本地香港人, 得益者只有兩群,一係地產商,得政府政策支持下將成個區炒起,將市民血汗錢成千億咁合法輸送比地產商, 起公屋? 解決劏房? 口號黎啫,無劏房邊有周街都過萬一尺樓價?炒起左東北再黎一個吴清桂引清兵關,黎個大海無量直出直入式自由行, 起左D樓,公屋比左D內地移民式綜援戶,貴樓比强國土豪炒起,你班窮中產食塵啦,交稅加努力追樓價追通脹就有份! 今日你和平靜坐,手無吋鐵嘅學生都出催淚彈, 第日可以點邊個知? 如果今日都唔出聲,就呢世都唔洗出! 請未出黎嘅加入,加入左嘅留力,要作長期鬥爭嘅準備! 因為政府同時面對咁多群眾,係無計可施,所以一定係想大家軟化, 再分化攻擊,所以一定持久咁保持有咁多嘅群眾。共產黨最明白人多好辦事同人海戰術, 而佢地最怕都係呢樣野。

大自然中,大形草食性動物好似象同犀牛,當遇到獅子老虎時,佢地就會聚集一齊,用佢地身軀連成一線圍住去保護佢地下一代。請大家努力,連成一線,保衛我地香港下一代嘅未來!

注 : 無名唔識政治,唔識攪人民運動,只係有感而發!

無名劍
www.facebook.com/nonamesword

2014年9月25日 星期四

又忍唔住要讚下個衰仔!

 之前都讚過個衰仔無名劍指數幾醒: 


神奇的無名劍指數 
noname-stock.blogspot.hk/2014/06/blog-post_5292.html?m=0

今日打大分瓶, 先到高位24058,再到低位23754, 咁啱星期一無名咁講過 : 

 『用無名劍指數黎分析, 如果明日跌,可以去到23700, 若升則可以過24050, 上望24400. 而24050 同 24400 係無名劍指數嘅裂口。』

奇在個衰仔今次差D中兩邊,今日高位24058啱啱過左向上目標24050 多8點就插,再插落23754, 重有54點就到向下目標。 唔通個仔真係叻過老豆? 咁啱明日早上又係先低後高, 即係重有可能到23700. 其實個指數比我round off左, 實際係23719, 再落一個目標就23600. 無名其實重有好多呢D記錄大家唔知,只係無名無講返啫。

但今日雖然跌多左D, 其實損害性輕微, 明日若唔過23600都可以係向好, 所以明日雖可能有低位, 但維持向好! 




無名劍
www.facebook.com/nonamesword