2014年9月29日 星期一

89六四重現眼前......

各位愛香港同無名一樣土生土長嘅香港人, 佔中運動由一個目標唔太清晰嘅運動開始時, 無名唔睇好會有太大威力,因為咁多年黎無名都無想過民主運動在香港有希望,無名出過post 咁講 : 

noname-stock.blogspot.hk/2014/07/blog-post_27.html?m=0


直到無名睇到71佔中預演。無名見到一班後生仔嘅決心,我開始覺得有香港希望, 再加上秃鷹個催淚彈,催出左全香港人維護香港核心價值嘅決心,喚起左萬千香港人嘅良知,呢個運動,由一個學者發起嘅社動,到學生帶領嘅學運,再到左全民保衛香港嘅民間自發愛港救港行動! 

今日嘅場面, 令我記起六四, 當年嘅天安門嘅學生, 今日在金鐘重生, 當日北京市民阿姨大叔,送飯送水,義載義助, 今日在香港各處重現! 當日公安無理暴力對待學生嘅一幕,今日竟然在香港上演,無名實在為香港人而難過!


89六四當年,無名讀緊中六,自發成為學校嘅攪屎棍,在學校貼標語,學校在停課時,比學生用咪向全校發言,我講左下面呢段話 :

"我尋晚在新聞見到一個人,一個普普通通嘅人,佢停在坦克車前面,坦克車向左駛,佢向左擋,坦克車向右駛,佢向右擋,佢唔只係一個普通人,佢係一個真真正正嘅勇敢的中國人,我地為佢鼓掌!"

跟住全校掌聲雷動,結果因為學生反應過激,校長停止左比我地講話。

今日每位上街,或同唔同方式支持嘅香港人,其實同無名25年前口中果位嘅勇敢的中國人一樣! 請為你地自己鼓掌! 我今日係我作為香港人感到最驕傲嘅一日! 

今日香港學生所要求,同25年前北京學生要求嘅有咩唔同? 其實係無! 同樣係要求民主同對話,同樣得唔到! 

六四 過左25年, 香港民主有進步過咩? 社動有公平左咩? 都無! 甚至對基層黎講只有更差,劏房滿瀉,物價高企,屯地局長一個個,官商勾結一羅羅。東北發展,目的唔係為本地香港人, 得益者只有兩群,一係地產商,得政府政策支持下將成個區炒起,將市民血汗錢成千億咁合法輸送比地產商, 起公屋? 解決劏房? 口號黎啫,無劏房邊有周街都過萬一尺樓價?炒起左東北再黎一個吴清桂引清兵關,黎個大海無量直出直入式自由行, 起左D樓,公屋比左D內地移民式綜援戶,貴樓比强國土豪炒起,你班窮中產食塵啦,交稅加努力追樓價追通脹就有份! 今日你和平靜坐,手無吋鐵嘅學生都出催淚彈, 第日可以點邊個知? 如果今日都唔出聲,就呢世都唔洗出! 請未出黎嘅加入,加入左嘅留力,要作長期鬥爭嘅準備! 因為政府同時面對咁多群眾,係無計可施,所以一定係想大家軟化, 再分化攻擊,所以一定持久咁保持有咁多嘅群眾。共產黨最明白人多好辦事同人海戰術, 而佢地最怕都係呢樣野。

大自然中,大形草食性動物好似象同犀牛,當遇到獅子老虎時,佢地就會聚集一齊,用佢地身軀連成一線圍住去保護佢地下一代。請大家努力,連成一線,保衛我地香港下一代嘅未來!

注 : 無名唔識政治,唔識攪人民運動,只係有感而發!

無名劍
www.facebook.com/nonamesword

2014年9月25日 星期四

又忍唔住要讚下個衰仔!

 之前都讚過個衰仔無名劍指數幾醒: 


神奇的無名劍指數 
noname-stock.blogspot.hk/2014/06/blog-post_5292.html?m=0

今日打大分瓶, 先到高位24058,再到低位23754, 咁啱星期一無名咁講過 : 

 『用無名劍指數黎分析, 如果明日跌,可以去到23700, 若升則可以過24050, 上望24400. 而24050 同 24400 係無名劍指數嘅裂口。』

奇在個衰仔今次差D中兩邊,今日高位24058啱啱過左向上目標24050 多8點就插,再插落23754, 重有54點就到向下目標。 唔通個仔真係叻過老豆? 咁啱明日早上又係先低後高, 即係重有可能到23700. 其實個指數比我round off左, 實際係23719, 再落一個目標就23600. 無名其實重有好多呢D記錄大家唔知,只係無名無講返啫。

但今日雖然跌多左D, 其實損害性輕微, 明日若唔過23600都可以係向好, 所以明日雖可能有低位, 但維持向好! 




無名劍
www.facebook.com/nonamesword

2014年9月24日 星期三

又係當你驚到瀨尿的時候.....

尋日收市到夜晚睇ADR,你可能有咁感覺, 原因無名預測星期二尾市升,但收跌,晚上ADR 又跌,好多人好驚要問無名攞定心丸。 

無名其實都無定心丸,只係照講, 本來話星期一回, 二三升, 星期一啱,跌300 幾點。但星期二低位下移左124 點, 但大家已經好驚。 無名就諗,其實無名好似一個月大約有一兩日係咁, 跌多100點就咁驚,原因係咩啦? 其實無名覺得大家可能習慣左無咩大意外, 不過無名成日都講"股無必勝",  即係大家幾時都要有風險意識,唔可唔太信某一個人,一個tool,  一個index,  無名甚至有時連自己都唔信, 要預會有意外發生, 無名成日講日日咁講升跌,係好難日日中,唔好話講中,其實日日講已經難, 唔信你揾多個傻佬好似無名咁出黎就知,所以幾時都唔好信晒我,要自己有預算,如果錯要點做。 一般如果係玩指數產品要可以有300 - 500 點"容錯度",  即係如果錯300-500點都可以頂到,其實多到1000點重好。 點解係300點到500點呢,用恒指計其實係一至兩日就可以無左,呢個同你槓桿使用同注碼有關。 控制注碼又即係控制風險,細注同容錯度高係求生之度,即係錯左都可以捱下,等待黎明。 

黎緊我地可以當今日低位為一個防守位去博, 明日或回,但唔太差,星期五預期向好,無論點都好,下週都似係好友世界。自己做野啦! 

無名劍
www.facebook.com/nonamesword


2014年9月22日 星期一

無名今週預測 (20140922-26)

今日星期五講左係淡。中左。 

預期星期二三升,四回,五彈。 

明未?

無名劍
www.facebook.com/nonamesword


劍聖指示 : 大轉勢來!

上次劍聖指示係 : 轉勢在即! 

今次係 : 大轉勢來! 

上週無名講夠薑就玩無名劍輪盤, 明未? 點做要自己諗,錢係自己嘅。

無名劍
www.facebook.com/nonamesword

識得玩,就日日都可以贏到阿里媽媽都唔認得!

無名成日都話對牛三有D反感, 因為如果你識玩,日日都可以係牛三,如果唔識就牛七都輸死你!

最近最hit 都係講阿里爸爸。 但無名咁耐都只係講過一次,叫大家Call 爆佢,比個靚位我put. 有網友問我點睇我都無答, 因為其實預左無咩好玩,最好玩都係put.  結果全日波輻係 89.95 - 99.7, 開市十分鐘升左上高位, 真係開市90幾, 在呢十分鐘可以買到又高位走嘅應該好少, 都係執幾蚊,但如果高位put落黎反而可以執最多10. 無名因為錯過左佢個高位, 一見到就put,  約94, put到90.82. 一分半鐘內完成, 再反手call 返。 結果同高位put都差唔多。 

但計落都唔夠恒指put 過週末和味,今日執300幾點。最好笑係火生著晒老西去賀佢上市同睇下有冇得執。 

其實只要識分析就日日都可以贏到阿里媽媽都唔識得啦!





無名劍
www.facebook.com/nonamesword


2014年9月20日 星期六

傻仔森推日本樓推上腦!

呢條傻仔森推日本樓推到上左腦, 佢講果篇學院派textbook 文章我睇過, 重留左言"好文章,有料到".  

呢位無名認為有料到嘅 Peter Parker 兄篇文係呢度 : http://m.property.hk/article_content.php?author=PHK_PETERPAKER&id=33109


而無名之前篇廢文就呢度 : 
noname-stock.blogspot.hk/2014/09/blog-post_11.html?m=0

如果佢有資格話人學院派,咁點解唔批評埋我垃圾無名果篇垃圾派廢文呢?定係見到我就縮入個龜殼當睇唔到呢? 唔通我無呢位作者咁勁,未夠班比佢看上, 佢成篇文講左三次"唔可能",  呢種語氣好似好熟,1211, 8161, 362, JAL, 同好多隻佢輸到訓直條屍嘅成名作都講過差唔多嘅野。 

講人"比得把口既評論員洗腦", 真係唔知邊個得把口呢(唔通佢真係識分析?無名咁耐都唔知嘅?),  重有邊個洗緊人腦呢? 痴線佬都可以話人痴線? 

重話"條線打橫有幾長打直就有幾高",  今次重唔係開我果飯? 講圖表幾時到你火燎森呀? 講唔識睇圖嘅失敗例子做textbook case 佢就大把, 我都唔敢講日本經濟可以"打橫有幾長打直有幾高",  唔通佢得, 咁不如叫佢做埋我果份日日講大市升跌啦!阿豬阿狗都識睇圖,無名都應該要收工啦!

重話"呢种人亦應該要欣賞咁多國際投資者十年前來港買貴我地物業, 因為人地一樣係隔山來買你隻牛",  無名只能O 咀加一句"On Dox Dox"

重講"投資市場只有輸家或者贏家, 並無專家",  呢句重好笑,可以評論投資界無專家嘅呢位火生重唔係專家中嘅專家? 佢一個超級專家就可以抹殺晒所有人嘅努力同任何可能性,無名都唔係專家但都未敢講投資界無專家囉,真係佩服! 但無名橫睇掂睇都唔覺得佢係贏家喎? 唔識分析,崇拜偶像,只識跟風,人屙你食,就叫有膽色有冒險精神,輸到訓直無得止蝕唯有死等就話長線價值投資, 咁樣做贏家? 無名就寧願留返比佢做囉! 

呢篇係前奏,慢慢黎......


無名劍
www.facebook.com/nonamesword

2014年9月18日 星期四

十月兵臨城下!

你可能會話"又轉?".

其實無名一路都無轉過. 8月講緊如果跟圖係應該跌, 又話過呢個市momentum 好大, 係一個向上同向下都可以行二三千點。事實上呢排個市有幾chok, 唔洗多講。

其實如果睇開投名滙都應該知道, 無名做過好多遠程預測, 好多都有二三千點,尤其係睇跌, 無名教過人煲過好多次過千點嘅"豬紅粥 ".  但當你越練,就知道變數越多,而無名已經做夠左遠程預測, 單單做遠程預測已經過唔到我舖"估癮",  因為無理由日日都講遠程咖(你唔嫌棄,我都悶死), 所以現在同大家講短線單日同一個星期。 如果有做開預測都知, 要估一日或幾日,其實比估一兩三個月都要難,你睇下幾多個財演可以講幾日內點而係準就知,所以無名向呢方面鑽研,而無名唔係成日講,並唔代表唔知。

但現在去到一個位,無名覺得有可能性要同大家講。 做好心理準備! 之後係咪真係咁,無名會一步步推。 

股無必勝,勝在一心! 
知進知退,做好準備! 

無名劍
www.facebook.com/nonamesword

2014年9月16日 星期二

劍聖指示 : 大鑊!講漏左.......

......重有金都升呀!

無名劍
www.facebook.com/nonamesword  

劍聖指示 : 轉勢在即!

 尋日, 當你驚到瀨尿的時候......

noname-stock.blogspot.hk/2014/09/blog-post_15.html?m=0

無名嘅新兵器.......先劍出銷! 

先劍指示咁講 : 

『美滙指數或快見頂(即澳,紐,歐,日元可能好快一齊轉向,又即係周街都係錢, 發啦!發啦!發啦!)
歐元先行回彈,再彈好金! 』

無名重留言講"人民幣都係升緊",  結果離岸人民幣(CNH) 造出幾個月來最大單日升輻,美滙指數,澳,紐,日元都有轉勢跡象。 

今日,劍聖指示 : 轉勢在即!

預期美滙指數再跌,歐,澳,紐元及人民幣再升,日元跌。

注 : 一切升跌無名只跟圖方向講,無名對升值/貶值成日攪錯!

總之,周街都係錢! 

今日呢個癲佬發啦!發啦!發啦!

(注 : 講癲佬唔係吋網友,而係無名真係好鐘意癲佬,假先知呢D花名,又幾啱同幾過癮咖!只要睇開D, 古今多笑事,都付笑談中,無名比人笑下可以令大家開心的話,都幾好呀!)


無名劍
www.facebook.com/nonamesword

2014年9月15日 星期一

當你驚到瀨尿的時候......

係肉酸D, 但唔肉酸點厄到你睇呀! 重有真係有網友同無名講已經跌到佢底褲都濕晒! 

當大家都驚佢再大跌,當市場都一齊有吹淡風, 以為颱風"海歐"直吹聯交所之際........無名嘅新兵器『先劍』就要出銷。 先劍全名先明劍, 有先劍之明, 即行在無名劍指數之前, 先無名劍之先,故曰先劍,乃無名研發出黎提早預測出可能嘅變化。 由於係新研發,對可信性未有太多考証。 但都比可能驚緊嘅你知道。

先劍指示 : 

星期二或做低位後反彈,
星期三回升,星期四回。
美滙指數或快見頂(即澳,紐,歐,日元可能好快一齊轉向,又即係周街都係錢, 發啦!發啦!發啦!)
歐元先行回彈,再彈好金! 

無名劍
www.facebook.com/nonamesword

2014年9月12日 星期五

Apple 150, 道指 15000!

一睇標題就知無名嚇鬼啦! 

無錯,就係要嚇鬼你, 叫你一方面記得風險, 一方面又要揾錢! 

自無名上次講完"蘋果有個浪",  跟住一路升,而700 呢個目標已經到左。 

noname-stock.blogspot.hk/2014/04/blog-post_28.html?m=0

Apple 中長線目標130 - 150. 100 樓下買, 90重正。

道指呢就好難講,正常係短期唔會到, 但中長線就睇天! 記得唔係叫你Put,  只係叫你保本同避險,因為個市momentum 太强,升跌隨時可以掉頭。 

無名劍

2014年9月11日 星期四

買日本樓前,請用下個腦先!

咁講好似好吋! 無錯,就係要吋你,重要吋爆你,吋醒你!你吹咩!? 

其實無名做咩之前都係對自己咁講, 首先,無名唔係買樓專家,我嘅樓市分析你可以唔理,但係無名其實係個邏輯分析嘅癲佬, 即係好多時D正常人以為好正嘅機會,無名都會笑人地白痴,人地講升,我就話跌,我唔係永遠啱,但啱就多數好啱,錯又會錯晒 (你可能覺得廢話!因為你可能聽唔明!)

無名對日本樓無喜惡,只係想大家郁下個腦分析下先, 可能真係好筍,又或者好屎。 一般人嘅agruement同無名分析如下 : 

1. 日本樓好平,平過香港好多。 

無名分析 : 白痴,任何野單重面價去咁分析都係白痴。 即係講果個女人好靚喎,靚過我老婆好多,咁果個女人一定娶得過一樣。 女人都唔可以只講外表,樓市咁複雜點可以由面價去比? 但大家都係樓喎,咁女人夠個個都係female啦, 靚好多果個係咪好好多呢? 記住每個市場都有自己獨有環境同參與者,即係話, 唔單只唔可以用Apple 同 Orange 比, 就連Apple 都唔可以同Apple 比, 因為蘋果在美國好平,但在北極可能係超貴, 價格係反影緊供求嘅平衡點,如果同一貨品,在兩地長時間價格有大差異,即係話,唔係個Apple 嘅問題,而係市場環境同供求平衡有好大差異,Apple to Apple 都唔可以比, 咁日本樓同香港樓就明晒啦! 

2. 大財團,大鱷都入貨喎!

無名分析 : 又白痴! 即係話你老婆係女人,你阿媽又係女人,咁你即係可以對阿媽同對你老婆做同一樣嘅野? 阿媽同你老婆都唔同啦,咁大財團同大鱷同你又咪一樣咁大分別, 第一,佢買入原因可以多你十萬九千個原因,佢可以收地同政府傾開個賭城都可能,佢可以守幾十年唔租出都得, 佢可能只用左小過幾% 信貸去做.......太多唔講, 總之,大財團買唔等於就係適合你嘅機會。

3. 日本樓市, 股市衰左咁多年,應該衰夠啦,一爆會好勁! 

無名分析 : 咁衰左20年,係咪唔可以再衰多十年? 夠衰同最衰差幾遠? 幾時先係最衰? 有咩支持佢唔會再衰? 你一定要答到以上問題,同你講"佢衰左咁耐,應該衰夠啦"果D人, 就如同你講: "朋友你都衰左咁多年,應該都衰夠啦!" 你會諗:"你點知我衰夠未?" 同樣道理,幾時係底, 未來有咩令佢好轉,要諗清楚。 

4. 日本政府都鼓勵國民投資喎!

無名分析 : 你有冇見過有個老豆家有個好靚嘅女,會同身邊朋友推銷: "我個女好靚,身材又好重讀得書多, 你約下佢出街啦!", 你可能會諗"咁筍?! 使咩介紹呀!" 咁已經講完,全球D基金佬唔係傻咖,就如好女仔永遠唔會無人追一樣,無人要嘅野當然有佢原因。 

5. 無得輸,好難輸, 贏面好高......

無名分析 : 凡有人咁講, 你都要更加小心,因為有兩個可能性,一係佢過份樂觀,一係佢想揾你笨。 

以下有兩篇分析,可能未必啱晒,但可以多角度分析下,尤其係如果有Sales屎同你大力推介時, 你就要更想清楚點解先!

[壹週刊 1266 財經] 踢爆日本樓陷阱
hittt.blogspot.hk/2014/06/1266-m1_6720.html?m=0


你還敢在日本買房子嗎?
www.peoplenews.tw/news/981fcdbd-2d9a-4850-ba9d-7f14a0325967


名劍
www.facebook.com/nonamesword



無名早晨快遞 (20140911)

各位朋友早晨呀! 無名尋日話今日雖然可能升,但有機會做個小小低位, 結果今朝真係跌多小小到24654, 後彈上24751, 預期今朝早市尾段chok,  午市可能先回後升,而星期五預期平或好少少, 如果星期五都好, 星期一向好機會都大, 要點做自己諗。 

回顧尋日, 無名在上星期五已經講今週可能先回後升,星期一三回, 星期四好, 結果星期一回, 星期三重大鑊,全日大回,又講午市先升後回,勢弱, 結果都算中。 無名又在星期一話美股大鑊,叫大家小心美股可能出現天劍向下, 但結果無, 咁啱第個交易日就在港股出現大插,唔通真係無名所講"天劍異象,不可預期", 走左去恒指度?(哈哈!又屎雞撐飯蓋).  講返美股, 星期一無如無名預測出現新高, 只係同之前一日高位17137平手, 跟住兩日個低位都向下行破左保持左10日在17000 之上嘅低位,到左16794, 前後回左157點, 收市位雖然高返D在17068, 但應該未夠,今明兩日應該再跌,如果今年有股災或大調整,好可能會係美股帶動, 所以要睇實。


無名劍
www.facebook.com/nonamesword
   

2014年9月8日 星期一

中秋笑話 : 愚公移山! 燎森Kill 衣!

古有愚公移山 : 

edba.ncl.edu.tw/ChijonTsai/LIE/LIE-11.htm


河曲智叟笑之曰痴。

今有燎森Kill 衣, 垃圾無名笑到碌地........

全文如下 : 

古有智者燎森,為"揀隻頭豬"者高手也, 因"發唔切"大手轟入後富可敵國, 是故穿著入時也, 一日, 垃圾佬愚公無名見智者又打又鎚,又剪又插,大破衣裳, 無名見之曰 :『智者楚楚新衣,破之何也? 與垃圾佬無名破衣何異?!』

燎森怒曰 :『汝之垃圾佬愚不可及矣, 吾之乃當今最朝者"Kill 衣"也!把衣破之,kill 之, 越破越好, 求其"量寬",  此乃現今西方最流行之"法純"也!汝等垃圾知何耶?』

愚公無名不怕死再問:『西方"法純"者無名不懂也,但衣之何其多,如何Kill 也? 』

智者笑之曰:『吾乃少年股神,家財萬貫,且嬌妻美妾遍全球也,美國有子,歐洲有便宜子, 婆羅洲有女,孟加拉有便宜孫,若吾Kill至死,有子可傳,子又傳便宜子,便宜子又傳便宜孫,歐洲子Kill 完, 婆羅洲再Kill, 子子孫孫,Kill kill 衣衣,無窮盡也!』

垃圾無名笑之曰 :『汝之kill來kill去,怕kill 之未盡,冚家已送QE矣, 垃圾無名定當送汝一個剷,將其冚家衣物,一剷而盡,以盡燒之, 使其安心上路,"燒衣"問候也!』

智者燎森為之氣結,留下50字粗口,坐其寶馬"唉發"絕塵而去耳!

注 : 此"剷"其後流到民間, 誤用為"冚家剷"作罵人之詞,此詞本乃好心慰問之用,實乃謬誤!此外,中國人燒衣之習俗就因此而起,可見此文甚具考古價值!

請笑! 中秋節快樂!(∩_∩)



無名劍
www.facebook.com/nonamesword

美股大鑊!

你當無名危言聳聽又好, 痴人說夢都好, 美股可能好大鑊, 無論係上或落都好大鑊!而落嘅情况更係會死得人多,所以無名要一講再講, 如果落, 就可能係天劍出銷......但向下! 

美股最快可能好埋今日(9月8日星期一可上一個高位或新高) 或今週,就開始黎料! 去到9月18日見一個低位, 22 或24日另一個低位.....呢個係無名用估市圖像法加埋D新方法計出黎, 未有太多考証, 聽左就算!

總之, 買定離手, 有路好走! 



無名劍
www.facebook.com/nonamesword

2014年9月5日 星期五

美股預警!

前幾日話美股天國近了, 當日好似近高位,今日要出預警。

美股已在懸崖邊沿,一係一陣强風抽佢上太空,否則.......

好快就知,咪話假先知唔事先單聲! 

非高手立即離場! 

無名劍
www.facebook.com/nonamesword

2014年9月4日 星期四

假先知無名贏盡全場晒野啟示錄!

Warning : 完全晒野,實在show off!  頂唔順者請立即離開!
**************************************

好!Show off 時間開始! 咩話? 話左唔講多, 點解又寫一篇黎講? 頭先果篇係每日預測,廢時嘥大家時間講咁多垃圾,呢篇就留比鐘意睇無名講廢話嘅朋友睇,係market segmentation. 點解叫啟示錄呢? 假先知當然對應啟示錄啦, 咁點解叫贏盡全場呀? 因為真係全日由頭贏到尾囉! 重有點解個題目咁長咁吋呀? 目的只有一個.......晒死你.......特別係晒死果個池左,池緩,池鈍,池疑嘅"池狗改文大俠"睇, 一次過晒盲左變左盲俠,以後唔洗咁幸苦刪文都一樣天下無敵,因為咩都睇唔到! 

晒野內容 : 

20140901 星期一, 無名話: 

天劍再現.....
noname-stock.blogspot.hk/2014/09/blog-post.html

"今朝話大市有左合乎天劍出銷條件, 但今次可能mix D,  即係可能回下先升,預測明日回, 星期三升,四跌, 五反抽,高位較有可能係星期三, 重可能係新高, 理論上係明日逢低就無名劍輪盤買Call" 

20140903 星期三, 無名又話  :


買定離手, 有路好走!
noname-stock.blogspot.hk/2014/09/blog-post_3.html

"今日超級爆邊格, 企錯邊可以死得人, 所以買定離手, 有路好走! 


今日理論波輻可達500 點。"

結果,假先知無名七連中, 中到七彩 : 

1. 星期二回 - 中, 低位24576, 係十日低。 
2. 星期三升 - 中。
3. 星期三有高位 - 中。
4. 星期三有新高 - 中, 恒指創52週高位25325. 
5. 明日逢低就無名劍輪盤買Call - 中, 如果你星期二任何時候買call,  都一定賺,如果最低位24576買, 最高位25325賣,最多兩日可賺749點。 
6. 超級爆邊格, 企錯邊可以死得人 - 中, 如果企錯就應該死左。
7. 理論波波可達500點 - 中, 全日高低波輻 25325 -24751 = 574點。 


另外,以下係一D關於天劍出銷嘅資料 : 

1. 第一次天劍出銷於20140512 : 

noname-stock.blogspot.hk/2014/05/blog-post.html


"每當天劍出銷, 都係奇景! 

天劍指示 : 唔call 你嘅事!"

結果 : 恒指高低波輻 22399 - 21796 = 604 點, 同今次相約, 之後恒指一升無回頭。  

2. 第二次, 天劍再現 : 

noname-stock.blogspot.hk/2014/05/blog-post_20.html

恒指在5月21日先回後升, 高低波輻一般約230點, 但國指高低波輻為 10031 - 9829 = 202 點。

3. 今次天劍出銷, 恒指創52週高位,成交過1000億。其他幾個指數亦創52週高位。

4. 第一次同今次天劍出銷係半年單日最高波輻或升輻嘅兩日, 兩次都預先作出預告, 你話呢個假先知真係假到呢! 

晒野報告完畢!






無名劍
www.facebook.com/nonamesword



無名早晨快遞 (20140904)

各位朋友早晨, 又黎回顧一下尋日先, 得一個字.......贏! 如果你信天劍, 同信無名講超級大單邊市波輻可達500點,尋晚應去左鋸鮑魚, 睇圖, 你任何時候買call, 都應該係賺,所以唔洗講咁多。 

講返今日, 無名星期一講左星期二差, 三升有新高,星期四回, 又過左三關,假先知連中三日。尋日答網友問好唔好put , 無名講今日係回,但早市先高後低, 結果今日係回少少, 低開左D, 跟住上左第一個高位25290, 後低就要再睇埋早市尾段, 預期下午早段拋上後回, 明日可能轉好, 但未必高開。 有利潤嘅朋友可以博少少,玩無名劍輪盤見低分注入call.  

尋日有網友話請無名食飯, 無名之前問大家想唔想請無名食飯係攪下笑啫,多謝大家咁客氣!食飯總有機會,來日方長! 但如果賺左錢, 可以捐返D幫下窮人, 呢個世界會因為你一分力變得更美好! 多謝你先!


無名劍
www.facebook.com/nonamesword

2014年9月3日 星期三

買定離手, 有路好走!

各位英雄會友早晨呀! 今日超級爆邊格, 企錯邊可以死得人, 所以買定離手, 有路好走! 

今日理論波輻可達500 點, 上證同日經都已經升左,香港升定跌就睇天劍話事! 

祝你好運! 

無名劍
www.facebook.com/nonamesword 

2014年9月2日 星期二

原來.......天劍已現!

無名在前日星期一早上開市前講"大市已經有乎合天劍出銷條件",  跟住恒指一早低開少少到左低位後,急抽200點到高位24891. 其實呢個係前奏。      

無名實在太忙, 呢排連post  出唔到就知啦!原來睇漏左上證, 天劍已經在當日出銷, 連升左三日到今日新高位2267, 無名本來預期上證到過前高位2248, 在無名劍指數目標2250前下跌。應該會有一輪大跌, 點知天劍一出就抽左上黎, 無名記得上次講天劍再現係五月二十日, 當日恒指升輻都唔太大, 但原來係國指大升200點。各地指數在轉勢時有著奇妙嘅關係。咁明日恒指係咪好似無名所講,星期二回,星期三升上高位呢? 就真係得天知! 因為"天劍出銷,皆盡奇境!"同時係不可預期。 不過如果明日唔升就有可能係大插! ! 小心呀! 

另外,無名要對星期一在Facebook 叫錯人買日本大手菇嘅朋友講聲唔好意思, 無名本來以為劍聖指示出左之後各位指數轉弱左一段時間係可以沽得, 因為各地指數以日經同上證最先轉弱, 點知天劍一黎就係佢地行先, 日經同樣呢兩日都大陽燭升幾百點, 你會問點會咁咖,原因係劍聖指示好早之前已經出左轉弱指示,係無名以睇圖及其他分析得出日經同上證係行先緊,由於天劍出銷係不可預期, 因為佢代表左由天而發嘅自然力量,無名係無辦法計到佢幾時黎,所以出現左咁情况。 不過,睇返無名叫大家買賣香港以外指數都應該係贏多,起碼最近十次八次都係得今次咁失策啫, 所以你應有會原諒我嘅(繼死雞撐飯蓋不成之後,又黎一招超級lai 皮)  

你吹得我漲咩! 


無名劍
www.facebook.com/nonamesword


兩條衛生巾的決擇!

呢條係一條好嚴肅嘅問題, 係考一個投機者嘅判斷力, 你到底能唔能夠好好把握機會, 成為一個成功嘅投機者呢? 

問題 : 

有兩條衛生巾, 一條未用過但濕左, 一條用過但旱左, 你會用邊條?

答案 : 

www.facebook.com/nonamesword

無名劍

2014年9月1日 星期一

天劍再現.....

上次講"天劍出銷,都係奇境!"http://noname-stock.blogspot.hk/2014/05/blog-post.html

係五月九日星期五,星期一當日大陽燭大升,由星期五低位21705, 到星期一高位22399, 兩日升700 點, 跟住一路升無回過。

今朝話大市有左合乎天劍出銷條件, 但今次可能mix D,  即係可能回下先升,預測明日回, 星期三升,四跌, 五反抽,高位較有可能係星期三, 重可能係新高, 理論上係明日逢低就無名劍輪盤買Call,  但由於今次個市變數太多,只可參考, 小心行事。股無必勝! 

注意 : 劍聖指示同天劍係兩個個別系統, 而劍聖指示由弱轉强。

無名劍