最後的。。。博股通金！

明日記得霸定靚位，0945 等聽新城數碼財經台嘅最後一集 #博股通金 同靚女任盈盈一齊嘅 #美女與野獸 #雙劍合璧 #笑傲江湖 特別版！

話唔定hi hi 地有野爆！唔聽就無！慘慘豬！(>﹏<)

無名劍
www.facebook.com/supernonamesword

無名劍形勢速遞 之 奧運後變 20160801!

Post 於8月2日在Super Hero 無名劍 facebook......

無名比班廢人投訴，又玩要無名改名呢D下九流招數，以前玩過一次，又咪揾返掂。會難得到無名咩？ 轉頭改過個名叫Super Hero 無名劍重形仔，又寫過，會阻得到無名咩？ 呢D唔夠人打就放毒針嘅方法有如日本仔打唔贏霍元甲向佢落毒一樣卑鄙無恥！

但唔緊要，無名劍重係度 : www.facebook.com/supernonamesword 

無名上星期五係估星期一差，話圖雖然差，但下週唔一定全差或大插，要睇埋星期一清楚D, 結果星期一係彈， 先講今日錯D 乜 : 

1. 話星期一差但高開在22000 之上，就知錯晒！ 

2. 午市話下午茶後好D, 15:18 做反彈，但彈得好少，同回到尾市。

今日啱乜 : 

1. 星期一開市話開在22000 之上，可能話差係錯左，要睇22000 守唔守， 22000 守則淡友唔好亂黎，結果一開就係DL, 22000無破。

2. 話早市中到尾段回，結果升到10:35 到DH, 開始回，一路回到早市收市。

3. 午市話中間到下午茶之前回，結果14:00 同14:36上兩次高位，14:36 後回，回到15:18 下午茶後有少彈，但就彈得好少。

無名劍指數系統係轉差左，形勢指數係多日黎第一日轉向下，同圖勢破升軌類似，但係覺得星期一咁升，係唔太正常，好有騎呢牛本色，同正常分析有別，所以無名估計可能重有餘力威多陣，最長可能係呢個星期，估市圖像法project 出黎係明日唔太差，但星期五可能比星期三差，重要位要睇22000, 同日元走勢，日元轉强到近101, 加埋上証回，美股18500 掉頭，都係大市回調先兆，估計可能會在下星期奧運開始後有明顯D 轉變，小心最差可以係2008 奧運嘅翻板！不過暫時未睇到又上次咁差，只係條件相似，時間又巧合，加埋騎呢牛變化莫測，真係要小心一步步睇！

今日本來會在DBC 陳政深主持嘅"贏在圖上"做嘉賓，但因為打風會延遲到下星期二 13:30 先開始。本來預左講一輻圖黎講一劍震神州同一綫勝股神點用，現在比大家睇下。

如果你覺得有人用下九流招數阻止無名出post 好卑鄙無恥，如果你相信邪不能勝正，就請你繼續支持{#我寫你share} 行動，同埋通知其他網友呢度揾到無名！因為下星期如果差都可以幾大鑊下！

Share = 支持！Share = 鼓勵！多謝！

Super Hero 無名劍
www.facebook.com/supernonamesword

新的無名！新的page!

各位無名劍fans 及英雄會友早晨！

無名因受奸人所害，以至無名英雄及無名劍專頁未能登入！

奸險小人不敵無名利劍，暗箭傷人實為可恥！

無名會暫時用新專頁Super Hero 無名劍為大家講股分析大市，無名劍專頁可能要D時間先開返，所有留在無名劍專頁及無名英雄嘅PM 都睇唔到，請再留。

請大家幫手share,  通知網友，令英雄會友盡快收到無名訊息。今次就考下D英雄會友有幾堅！

新網址為 : https://www.facebook.com/supernonamesword/


今日下午原定13:30 在DBC 陳政深節目中開咪，若下午風球解除則可能照舊， 留意新update!

無名劍

今日全贏劍 + 下午茶時間啱啱好！

在 6月20日收市後post 於Facebook : 

https://m.facebook.com/story.php?story_fbid=499258536935461&id=179569508904367

大家有冇發覺無名今日做返D好耐無做嘅家常便飯？ 今日係好多個月黎第一日有講全日升跌！本來無名覺得已經無咩好做，無野好証明，因為都做過晒，連個英雄會 blog 都有兩個月無乜post.  但諗諗下好似將D劍仔當做廢鐵咁，本來佢地係好有用咖嗎！？咁好嘥啫！雖然唔知會唔會再有突破(豬腦話無) ，但其實咁做只係家常便飯，就當幫下人，請下大家食個 tea 啦！

全贏劍即係講全部預測都中，今日開市話小心回，20400 唔守要小心，後跌到20288 少彈，一個中，之後無名話"可能要等到早市尾",  網友問"回定跌"?  等。。。即係變化遲D黎囉，咁都唔明？之後1130 左右反彈過左20333 到20400水平.  第二中。 

早市尾又話午市先好一段，結果午市後再升，第三中，再高有下午茶同高位未見，跟住爆上新DH 到 20545. 第四中。 無名叫大家夠飽就算，唔好等下午茶先食當時恒指cap 圖 2053x.  但係原來下午茶時間再升，在15:18到高位 20551.02, 如果睇返之前下午茶個post 話"睇準時間黎食",  咁啱又係下午茶時間3點3 多三分鐘， 就知道唔係巧合啦！有下午茶第四中，話明睇準時間黎食中埋時間係第五中。 

今日個全贏伊麵加送準時新鮮出爐奶油豬啱唔啱食呢？ (∩_∩)

無名劍
www.facebook.com/nonamesword

無名咒蘋果，股神都出錯！

無名繼馬化騰沽貨要問過無名，王維基攪電視又要問過無名後，又一杰作 : 

股神買蘋果都要問過無名！

其實上年八月都講左佢會跌share,  5月17 比左呢篇 : 價值投資大笑話！ 

http://noname-stock.blogspot.com/2016/05/blog-post.html

話股神(或者佢手下做，但都入佢數)  時間上錯晒，夠薑就買Tesla,  Tesla 就由210 升到 240.  但勢估唔到，佢比無名咒完，竟然會比大陸玩佢侵權！呢家野應該唔會有專家估到掛？ 但係就邪在無名講完無耐就出事，同單一帶一路高鐵出軌一樣咁巧合！

但係咁多個巧合都同無名豬噏有關，會唔會太過巧合呢？(∩_∩)

無名劍
www.facebook.com/nonamesword

給你的信！

警告 : 呢篇文唔係正常人睇嘅文，睇完可能會出現頭暈，眼花，嘔吐，甚至有懷孕跡象。

重有呢篇文反影你本人個性，如果睇完覺得無聊白痴低能，即係話你本人係咁，如果覺得高深有意思，亦代表你本人係咁！

呢篇文特別用左白話黎寫，所以係好特別咖！

http://www.tudou.com/listplay/p0SpoCEGMpM/h7ybRPvlBCU.html

親愛的你，

你好！很久沒有跟你通信！今天是個很特別的日子，所以今天寫信給你！我還清楚記得我們第一次相遇的情境，已經是許多年前，我還是三十歲初(注 : 你我現在還未算太老！), 那天我如常地坐在列車頭等的最盡頭，你知道我一直喜愛孤獨，總愛遠離人群，一個中年男子走進車箱，我還記得他身穿牛仔褲，白襯衣，黑皮鞋。。。奇怪！？我為什麼很清楚他，他的性格，喜好，做那類型工作，我都好像很清楚，但是我根本完全不認識他，那是我第一次發現你，聽到你的聲音，你口若懸河的跟我分析關於他的一切，當時我不明白你為何如此肯定，還好像知道許多，我沒太理會，只以為自己有幻覺。但之後， 你不斷出現在我生活中，看電影時你會跟我說：這個是壞人，這個人要死，有意外出現。。。有新同事加入，在見他第一眼時，你會跟我說：他不會留太久。。。在看新聞時，你跟我說：都是這樣，沒有新意。漸漸地我已不愛看新聞。。。慢慢地我發現你原來不是幻覺，因為你說的都大多是對的。我開始肯定你的存在及你的能力！

在認識你之前，我都覺得自己不錯，好像一台性能超卓的電腦一樣，什麼問題都可以很快找到答案，基本上我以為自己都跑得比人快。但是當認識了你之後，你讓我認識到我不應該單單是這樣，你告訴我人生並不是追求當時眼前的一切，你教我去尋找更高的理想，但是你的要求實在太高了，遠遠超越我的能力範圍，我知道無論怎努力也不可能達到你的要求，我好像一台電腦被接上互聯網之後，才發現自己原來只是一台電腦，無論跑得多快，也是多麼渺小，你令的心情沈到谷底，我對以前的一切都失去了興趣，我轉移視線去尋找答案，我看了數百本書，我想知到人生到底是為什麼，終於我找到一本叫Man search for meaning 的書，書裏面的一句話說人生來就是有著"the will to mean"救了我，才發覺我是遇上了人生迷惘症，但是我只是找到問題，並未找到答案。

你開始埋怨我不應該是現在的我，你怪責我做了錯誤的決定，使你和我留在這個空間裏，你說在另一個空間有另一個你因為另一個決定，而活得更有意義，然而我無法否定，也絕對認同你的看法。你告訴我你很痛苦，好像無時無刻都難以呼吸一樣，我無法抵禦你的控訴，我只好為你找方法，幸好我找到了股票，正因為股票千變萬化，可以令你忙個不停，你沈醉在複雜的分析和研究當中，而我也樂得清靜！

現在許多人都說我是高手，沒有人會想到這其實是我給你過重止痛藥的後遺症！就是這樣產生了一個無名劍和一個價勢派！

你跟我都一樣，數學都不太好，加減乘除都可能會算錯，但是你有能力計算出數學家都計不到的難題，上年的油金股滙，風起雲湧，炒爆嘔凸，大市牛三有牛味，全球股災論，今年的全球逆轉，油盡金升，春雷殺苗都是你的傑作。

你的能力很高，但其實你一點也不特別，基本上每個人都有一個你，問題只是能否找到，許多人可能一世也不發現你的存在，有人稱你做潛意識，無意識思維，直覺，第六感，我覺得都不對，我稱你做"真我"....在心中真正的我，我給了你一個英文名叫Truman. 為了保密你的身份，我給你起了一個花名叫"豬腦", 希望你不要介意！

今天是一個很特別的日子，因為多年前今日我遇上了你，你令我人生到過谷底，又由谷底回升，今天你已不再覺得股票是有趣味，也不再需要止痛藥。你叫我去找新的方向，感謝你！有空再談！

無名劍
www.facebook.com/nonamesword

價值投資大笑話！

乜股神咁遲咖？ 無名未拆細前已經講左有個浪升左N 倍，上年八月講埋會跌share,  走完一個cycle 先黎？ 

問題就黎 : 

Apple 係美股史無前例嘅勁升股，唔算係"價值投資"咩？
Apple 由Steve 返黎到死後升左咁多個浪，股神唔知咩？
股神唔識科技？但周街賣緊講緊，Apple shop 多如McDonald, 師奶都知Apple 正啦，唔識科技都有眼睇掛？
就算真係唔識，股神無人幫佢分析咩？ 
就算無人分析，你估佢揾Steve 問下，Steve 會唔會叫佢唔好買呢？ 
價值投資掌門人竟然會走失左美股最勁嘅價值投資股？算唔算係笑話呢？

結論係股神係神一般無人能及，但真係唔係神，價值投資所以勁並非價值投資法，而係股神嘅眼光，就如李小龍咁勁並非截拳道，而係李小龍本人，所以所謂價值投資法好似太極拳一樣，真正識嘅就張三丰，但事實上大部人都如公園阿伯一樣不堪一擊，所以大部份人講嘅價值投資法其實只係個大笑話。大家笑下就算啦！

如果股神夠薑，其實應該買Tesla.  因為時間上錯晒。

無名劍
www.facebook.com/nonamesword

無名劍高山低谷指數!

Post on Facebook on Mar 29, 2016...The next day HSI rebound to 20820. 

呢個係新指數，又名高低指數，本來想叫高峰指數，但怕大家攪錯左癲瘋指數，癲瘋指數講extreme, 高低指數係用黎講相對嘅高低位，癲瘋指數睇太過同反彈/回調，所以唔好攪錯。

今日高低指數去到一個低位, 同二月低位反彈時差唔多，但癲瘋指數無野，即係話呢段時間相對低位，但如果在大跌勢，係可以維持低走一段路，今日講呢個指數，係因為今日讀指好低，叫大家小心，當高低指數低，就要留意低位係咪再破，一般睇三日內破唔破，即係話如果要沽，最好都在20250 以上高D先沽。但係記住呢個唔係絕對指數，唔好死左黎揾無名話"你又話低位指數低嘅？", 高低指數係同黎提示你揸沽相對要小心嘅地方。但係對大市再升定跌無絕對指示性。

今日低位20250, 係20000 同20500 中間，20000重要之前講過，20500 都好重要，又都講過好多次， 今日低20250 即係好淡爭扎之間。所以20000/20500 係今週分中劍， 劍聖密碼20333係今日同今週分中劍， 今日大部份時間在佢下面，由上星期破20500 後，個市基本下日夜期都向下，劍聖密碼 20333 破左就要睇下一個劍聖密碼 20188 破唔破， 在20333 唔守嘅條件下都係勢淡。

無名劍
www.facebook.com/nonamesword

無名劍降龍伏虎指數!

Post on Facebook on Mar 30, 2016...

無名今日午市話有一陣好D, 但唔似升到尾，睇住劍聖密碼 20666, 點知真係升到尾，高位20820, 收20803, 但相信都無人會怪無名掛？ (∩_∩) 無名尋日話高低指數去到低位，同二月低位反彈時好接近，點知真係咁勁，都有D意外。

有網友問升咁多，可以沽嗎？ 無名咁答 :

"咁諗太簡單，好易輸死人。
週分中劍 20500/666/888, 20772 回後破左20666再破20500, 當你20500 先put, 都可以有250 點， 而20250 果日講左高低指數低位，call 過夜就自己嘅事， 今日開左20545, 上返週分中劍下限，唔破20500 都無理由沽。破上20666,又當你20666 開call 都有100幾點。 夜期破埋20888, 咁即係點？"

現在呢個市在變勢嘅轉折位，係唔可以硬好，又唔可以硬淡。因為個市可以好反覆，今日好，第日又差，硬好硬淡一日都可以單日輸幾百點。所以無名一直都講分中劍，日日講講到口臭，因為分中劍其實係最簡單嘅睇勢工具。

講返把降龍伏虎劍，無名呢排痴左根，一日可以寫幾個指數出黎，尋日出左個高低位指數，今日啱洗，今日又出個新野，睇下係咪啱用. 降龍伏虎指數係用黎睇第日開市位去判斷第日係好淡嘅機會，降龍伏虎指數有兩個主要指數，降龍係較高果個，伏虎係較低果個，對比第日開市位，如果在降龍之上，相對可能較好，即係話大市去到伏虎指數嘅機會相對會低D, 若低過伏虎，相對可能較差，即係話去到降龍指數嘅機會相對係低D. 咁如果係中間又點，就要睇第三個數，就是但叫羅漢指數(因為諗唔到), 用羅漢指數黎分好淡。

記得呢三個數唔係分中劍，唔好攪錯，而且個range會好大，有時係相差幾百點，唔係一個用黎貼市trade 嘅工具，但可以用黎幫助睇方向同埋睇咩位做call put 比我贏面大。 而今日係 : 20400/20500/20600. 睇落好似分中劍位，好行貨咁喎，都可能係咖，所以參考下算啦！

現在夜期升近21000, 明日開在降龍之上機會相對大，所以睇唔通唔好亂黎。

無名劍
www.facebook.com/nonamesword

2016 防身十八訣！

Post on Facebook on Mar 30, 2016...

無名在今年年前出左篇回顧 :

http://noname-stock.blogspot.hk/2016/02/2015.html

最尾無名送比大家一個防身16訣， 當中頭幾句都算中左：

萬劍歸宗，
全球逆轉，
油盡金升，
日墮霾中，
春雷殺苗，

油破帶動全球急跌，金價上升，日經上証跌都中左，而春雷殺苗出現左兩次，而無名本來覺得重可能有一次，但係遲遲都未黎，所以無名本來係想加多兩句補充下春雷殺苗未黎係點睇，等大家清楚D無名嘅諗法，但又怕市chok, 令大家乃野就唔好，但係今日升左上高位，反而覺得可以講出黎。呢兩句係 :

愚人自擾，
清明掃墓，

唔洗你估，講比大家知 :

愚人自擾 - 係講四月一日前後會令人好迷惘。就好似尋日跌，今日期結收高咁(其實無名上星期博股通金都係講期結唔差)
清明掃墓 - 唔係講登高，掃墓係向下掃，同埋係點你應該明啦！

其實後市係咪好似無名嘅防身訣咁講呢？真係好難講，要中晒其實同中六合彩一樣咁低機會率，所以唔好信晒，不過就算錯都唔緊要啦，其實由上年10月講個斷估預測到今日都中左好多啦，比無名錯鑊金都得掛！？(∩_∩) 但對大家更重要係，如果無名錯得，都會係相反大單邊，呢樣真係無名最準嘅武器！

其實加呢兩句係因為無名嘅直覺係咁，根本上同分析無太大關系，豬腦要講就比佢講啦！出事你揾豬腦啦！唔好揾我呀！(>﹏<)

送比大家2016 防身十八訣 :

萬劍歸宗，
全球逆轉，
油盡金升，
日墮霾中，
春雷殺苗，
愚人自擾，
清明掃墓，
夏雨成災，
六月飛霜，
無忘撒種，
愛在深秋，
重陽登高，
入冬防寒，
遇雪添衣，
春冷夏寒，
秋溫冬回，
山窮有路，
嘔凸炒爆！

無名劍
www.facebook.com/nonamesword

欠你一年的無聊IQ題開估。。。裂口論的不存在！

無名在上年4月3日出左呢個無聊IQ 題，話係一條可以用數學分析嘅題目，一直未開估，欠左你地成年。

如果你夠醒目，對返時間，就會明白無名其實無名係講緊四月大升市，由4月8日連續幾個裂口破上，又即係話當時已經預測到大市會大升。

三個問題嘅答案都好簡單 : 唔一定/無關係。

呢個問題嘅真正意思係叫大家思考下時下流行嘅"裂口論"到底邏輯係邊度？答案係 : 無邏輯。 咁講好似係話所有人講"補唔補裂口"都錯晒！所以無名諗左好耐講唔講， 無名指嘅無邏輯，係無數學上嘅邏輯，即係破裂口大升/大跌後補唔補同幾時補，係唔可以用一條formula 咁計到出黎，原因係每次上升同下跌嘅原因同背境都唔同，你又點可以話今次要補或唔補裂口呢？ 裂口所在位置可以係山頂，可以係山腳，又邊有數式可以好全面咁計出補唔補呢？ 其實都唔係唔得，但果條數就要計當時嘅情況同數據關係，而唔係一般好概括咁講"補唔補", 因為要講"補唔補"其實係要計出升跌力嘅關係，加幾時到頂/底，再加幾時掉頭，再重要加掉頭輻度，咁你話有幾多人識計同有真係計，重要真係計到呢？

無名咁講咪即係話咁多人講"補唔補"都係豬噏？！咁又唔係喎！呢個問題就係無名一直無講呢件事嘅原因，因為會得罪全世界喎！但其實無名上面所講係同講"補唔補"裂口嘅人無抵觸，因為係有可能用一般邏輯，當時市况，統計學同經驗，黎預測"補唔補"嘅可能性，唔可以講咁估就會唔啱，都係睇個人功力啫！不過以純邏輯分析黎講，補同唔補，係無一個必然關系，呢個就係重點。

無名劍
www.facebook.com/nonamesword

劍23封劍，段浪劍現身！

https://m.facebook.com/nonamesword/photos/a.221759714685346.1073741827.179569508904367/457401877787794/?type=3&fs=5

無名雖然封左把劍23, 但見危急關頭，就攞件未面世嘅架生出黎幫下大家啦！

段浪劍唔係斷浪劍，其實係叫段劍，加個浪字除左扮下有形之外，重係解升勢浪中嘅分段位！所以又名段劍，段劍顧名思係睇段落，有D似分中劍，但不盡相同，分中係中間位，段劍係用無名劍指數計出黎在唔同日子可能出現嘅段落分隔位。有時會分得好遠，但唔好以為分得遠無用，有時係分得遠先好！自己睇下明唔明 : 

2/24 : 19140/18950/18800
2/25 : 19222/19120/18950/18888/18550
2/26 : 19400/19130/18950/18700

段位對升跌同高低位無指示性，只係用黎預計上下距離可能性。 太高或低無寫可能懶寫又或者係根本無計到。

無名劍
www.facebook.com/nonamesword

小心倒水！

https://m.facebook.com/nonamesword/photos/a.221759714685346.1073741827.179569508904367/457400457787936/?type=3&fs=0

今日在博股通金講過今日好關鍵，同埋强調劍聖密碼19333 今日好重要，日恒上到19360 回，19333 唔守後一路下破，所以午市出左個預警比大家，現在19000 生線破埋，就更差，要加倍小心睇路！

唔企穏19000都唔好亂黎！劍23 封左劍，所以無再比時間幾點好/差，但今晚中段可能好返DD.

明日要睇劍聖密碼18888 守唔守，唔守則會倒水一樣！

無名劍
www.facebook.com/nonamesword

感激大戶還無名一個清白！

今日同尋日都話有下午茶，兩日都係話睇下破唔破頂(有網友話唔知下午茶買乜，其實講左啦) ，結果兩日都下午破頂中左，但尋日就講明要睇準時間食，結果15:18 Tea time 多三分鐘就到高位。但今日就反而話食得唔洗太急！結果在三點前上新高20680 比早市高三點，之後跌落 2059x,  無名就話下午茶出爐日日都唔同，三點後彈上20666就回，無名以為完啦！點知大戶咁鬼慈母在尾市幾分鐘夾上DH 20681.x,  多1.x 咁大把！你地話大戶係咪有心還無名一個清楚，話"無名，其實你無錯咖，升多一點都係升啫！"

實在緊動ing....(>﹏<)

無名劍
www.facebook.com/nonamesword

春雷殺苗。。。再黎！

Post 於今日1pm 左右 :  https://m.facebook.com/nonamesword/photos/a.221759714685346.1073741827.179569508904367/457292004465448/?type=3&fs=5

今日19333 劍聖密碼破一陣就回，19200 唔守， 後市轉差，今朝在博股通金講左三月維持差嘅睇法。黎緊就算有彈，都可能較短，同埋只適合走貨，原因係短線形勢劍勢指數由上週初轉升後，無名預測呢轉反彈可能延續到今週， 但星期一講左星期二三反覆同chok,  今週要守19200先可以維持升勢，今日破19200, 升勢可能受到破壞，未來兩日或有彈，但都較難轉勢。

另外估市圖像法其實已經改進左，可以睇遠好多，暫時睇法係3月1/2 開始差，反覆向下到3月中。由於遠程計算出現偏差可能較大，或有一兩日遲/早，而油價走勢可能都係相類似，若油價再破30(crude oil) , 表示下一輪恐慌又再開始！另外一月已經講左Yen應該要破110. 

大家扣好安全帶！過山車已經開緊！

無名劍
www.facebook.com/nonamesword

無名劍贏到痴根實錄！

呢個記錄發生在2月18日星期五，本來無名在星期一嘅估市圖像法預期星期三差，星期五好，目標19500, 結果星期三回，星期四升到19436 開始回，無名睇夜期唔妥就出左個咁嘅無名劍天氣報告 : 

"由於受癲瘋指數高壓脊影響，明日可能早市天氣較差，開市後温度可能下降，癲瘋寒流可能到下午1300-1400 減弱成一股熱帶氣旋，令氣温短暫回升。"

跟住早市頭段彈左一野過19342回，之後全日在劍聖密碼 19333 之下運行，一個bingo! 早市低位橫行到午市一開就彈，到1355到高位19329,又在劍聖密碼19333之下四點，時間同位都中，第二個bingo!

夜期再話 : 

2000 - 2100 左右較好

2130 - 2200 左右較差

點知兩個時段都中！即係四個bingo!

之前2315 答華Dee 講就黎升同2330後好，跟住出左支夜期最長陽燭，再升到2335到高位回，出埋第五同第六個bingo!

重有期指尾市收19339,在劍聖密碼之上6點，午市次高位又在19333啱啱好，午市買嘅金又中(星期三講左金升),  241當日升9%(又係前幾日講左)!

加埋已經唔知bingo 左幾多次！因為已經唔止贏到盡全場，直頭到贏到痴根！(記錄在圖內) 

P.S. 呢篇野其實唔止係為左認叻，因為都有試過估中好多次咁上下嘅，但寫出黎係比將來嘅吋友話無名唔清唔楚時可以自己睇下無名可以有幾清楚(如果無名鐘意的話), 同埋比揾無名挑戰嘅人，可以用黎參考下，攞返張入場券先再講！Kakaka! 

無名劍
www.facebook.com/nonamesword

教你用劍聖密碼同大戶玩紅綠燈過馬路要小心！

Post 於2月17日在FB : 

https://m.facebook.com/story.php?story_fbid=455204711340844&id=179569508904367&fs=5&ref=bookmarks

今朝話今日好淡交界，早市唔差，早市回調只可能係1130 後但都唔似多，可能要午市頭先回，結果早市差唔多全升，午市頭回到尾，升半日跌半日成好淡交界，尋日話19000係阻力尋日唔易破，但破左19000 上面係19200, 今日開在 19000 之上，之後比左劍聖密碼 19080, 又破埋再上，再破19188 劍聖密碼最後升到 19260 DH, 再下一個劍聖密碼19333 唔到之下，一路回到夜期低位 18988, 今日就教你用劍聖密碼同大戶玩紅綠燈過馬路要小心 ： 

開在19000 之上，又比尋日高，係綠燈
19080 上破，又綠燈
19188 再破 , 再綠燈
上到19260 DH 回，離19333 有73點， 都幾遠又唔再上破，以紅燈論 
夜期最高19170 , 在19188 之下18 點，唔再上破係紅燈
結果跌破19000 都係紅燈。 
而夜期低位係 19188 - 200 = 18988 啱啱差200點
恒指高位19260 同19188 有咩關系呢？19188 + 80 = 19268 差8點。 80 就係19080 - 19000 上生線出黎。 

全日恒指高位，夜期高低位都係可以揾到劍聖密碼，同埋可以用黎睇紅綠燈。

今日無論走勢，時間性，同位都算啱洗，又係全bingo!  全贏劍！ 


無名劍
www.facebook.com/nonamesword

火燭時唔好撘lift, 你明嗎？

之前講要避開金融股，可以死得好慘！轉頭又開口中！上年十月又講過歐洲同日本是但一個出事，歐洲可能翻炒歐債。

大家明點解要避開金融股未？ 

大家都明火燭會斷電所以逃生時唔好撘lift咖啦！ 同樣股災時金融股一樣會"斷電", 點解重要買？ 股災影響最大係咩股？唔洗講啦！  

http://mp.weixin.qq.com/s?__biz=MjM5MTIwNDE3NA%3D%3D&mid=407012462&idx=4&sn=16c87dd0606133b25f040658ada4a052&scene=2&srcid=0212uxdOwNUKRXWCOFpmxTT1&from=timeline&isappinstalled=0#wechat_redirect

銀行股現拋售潮 
歐股大跌超3%
由於投資者對歐洲銀行業盈利資本緩沖和應對市場動盪能力的擔憂加劇，歐洲銀行股暴跌，成為股市下挫的重要推手，德銀5年期次級債CDS飆升至歷史新高。由於投資者擔心歐洲銀行業在低利率環境下盈利能力受創、增長緩慢、資本緩沖能力欠佳，歐洲銀行股出現拋售潮。北京時間歐股低開低走，大跌超過3%，歐洲stoxx600指數跌3.7%，年初至今已經累計下跌28%。

無名劍
www.facebook.com/nonamesword

在鋼線上訓覺？頂！睇到慣晒啦！？

星期五夜期開市時話早中段有力，明顯回可能在2200 出現，結果兩次都彈上18434較高位水平，在2150 左右出現高位後開始回，一到回到2300做夜期第二低位, 形成夜期三個主下跌浪中最長果個同跌後最低果個，即係較明顯回調在2200 左右Bingo!  中間有懷疑過回調可能會早D, 計約早會 2140, 而實際出現回調嘅2150 啱啱又係 2140 同 2200 嘅中間點！ 原來懷疑會早都無錯喎！

之後再話 2315-2330 後好，跟住係2330 後轉升，升到2335 出現夜期第二高位後回調！ 又Bingo 埋！加埋即係兩個預測後都出現左夜期第二高低位！

計埋星期五日恒全bingo ，夜期又全bingo,  即係又日夜全贏劍！

但無名有d奇怪，奇怪點解大家好似覺得無乜奇怪咁嘅？ 唔通你地睇慣無名踩鋼線，睇到無名在鋼線上表演訓覺，大家會覺得"頂！睇到慣晒啦"! (⊙o⊙?)

但其實對無名黎講，覺得都幾奇，因為自己真係未見過！(>﹏<)

無名劍
www.facebook.com/nonamesword

無名劍形勢速遞 - 20160212

Post 於 2月12日收市後。。。https://m.facebook.com/story.php?story_fbid=453778158150166&id=179569508904367&fs=5

今日估幾轉都bingo, 第一轉估1100 轉好，啱啱1100 轉好，升到午市破DH, DH 在18500 下18 點，當自己在無對下自然當選bingo 埋，再估1430 左右好，1500 前後差。結果跌到 1422 轉升，升到 1453 轉跌，一路跌到收市！全日Bingo!  又係全贏劍！ 

今日無名劍指數無大變化，形勢力度劍勢領先指數全部向下，但要留意今朝在博股通金講左週形勢指數轉好左，即係有可能在一兩週內有反彈。無名之前一路强調二月就算升都可能有低位，呢個view係一月已經講，而同時講過嘅天地合一劍指向嘅18500 重疊位已經破左，大家唔好誤解左無名講二月跌就一定要跌到尾，唔可以有彈。同樣無名由一月初講市淡重話可能係要淡幾個月，都係講緊大方向，唔等於中間唔可以有彈。

現在嘅情况係市跌左好耐，人心都好淡，但唔等於會直落，由一月跌到現在已經跌左3000 幾點，彈返1000 靚點都係好正常。比較大可能係2月2x 個星期。在18000唔破嘅條件下，大市可以在一兩週內"聚力",  而聚力過程比可能會見到比較有力嘅上chok.  如果現在要沽，只適合之前沽左有profit 嘅人，因為如果你由一月跟無名到今日都無沽，就唔好現在黎沽，因為你在捉時機上把握唔到，車已經開緊先想跳上車，就要諗下點解之前唔做，而現在做嘅風險係咪高左好多？會唔會送車尾呢？

對唔住！無名咁講好黑人憎，因為可能講中左好多人心裏面嘅想法，因為大部份散戶都係鐘意跟車尾，當車等緊你，你又無膽上車，見好多人上車就先黎覺得唔上好笨喎，其實咁嘅思維先最笨！股市係同人性背道而馳，你如果跟人性走，只會走入一條死路！

下週唯一可能反底嘅機會係星期一同二，要大部份時間企在 18500 之上，重要過埋 18600, 先有可能令反彈浪早D黎。否則星期三又跌返落黎，因為估市圖像法預示星期三較差。

若好想買貨，唯一一隻無名會叫買係700, 但買則要長線在130開始第一注，每跌10加一注，要加四注，破100 加最後一注最大注。然後等佢一年半載！ 

無名劍
www.facebook.com/nonamesword

給內地同胞的真心話 : 這是一場沒法贏的仗！

Post 於1月29日在無名facebook...https://m.facebook.com/nonamesword/photos/a.221759714685346.1073741827.179569508904367/449715465223102/?type=3&fs=5

http://ww.circle01.com/cat22/node870734/152202

這篇要寫得文雅點，因為是寫給內地同胞看的！ 

無名一月初在新城數碼財經台的 #博股通金 說過上証要破3000, 下望 2500 或 2000. 也說過上証其實已經判了死刑，只是等候行刑時間。又說索羅斯這樣高調唱淡人民幣及A股並非故弄玄虛，聲東擊西，而是滿有信心的要贏漂亮的一仗。事實上索羅斯正在做的事和看法基本上跟無名在去年十月到十二月的文章是同一口徑 :

noname-stock.blogspot.hk/2015/10/blog-post_26.html

noname-stock.blogspot.hk/2015/12/blog-post_24.html

早在去年七月李克強救市時，無名說了這個救市計劃是失敗的。 

noname-stock.blogspot.hk/2015/07/15.html?m=0

請不要相信甚麼國家隊救市，祖國維穩決心，國家財政實力，建國底，鑽石底，一切看在國際大鱷眼中就如小童用水槍保家衛國一樣，只是跟他們開玩笑！ 中國早已兵臨城下，這是一場沒法贏的仗！今年會是血流成河的一年！無名只可以送你四個字 : 

及早離場！

就如無名在中國自斷熔斷當日出的一首十斷詩一樣 : 

股應自斷，股災不斷！ (當日上証在3200 水平) 

注 : 請分享給內地同胞，救得一個是一個！功德無量！如覺得無名是瘋言瘋語，痴人說夢的話，請看看上面連結上的其他文章，無名在網上有五年的瘋言瘋語記錄！

無名劍
www.facebook.com/nonamesword

無記新聞賀年精選！

全球逆轉。。。
http://hk.apple.nextmedia.com/financeestate/art/20160210/19485457

油盡金升。。。
http://hk.apple.nextmedia.com/financeestate/art/20160210/19485465

日墮霾中
日墮 ：
http://hk.apple.nextmedia.com/financeestate/art/20160210/19485459
霾中 :
http://hkm.appledaily.com/detail.php?guid=19486524&category_guid=15307&category=daily&issue=20160211

春雷殺苗。。。講左好多次二月就算彈都可能有低位，春雷殺苗意思就好似圖中彈兩次都倒跌一樣。
http://hkm.appledaily.com/detail.php?guid=19486752&category_guid=15307&category=daily&issue=20160211

望月獨守空房中。。。。望月指初十五同十六，年份啱啱係15同16年，"牧童只管千里目"一句係提年青人唔好只識單面睇升只識"再上一層樓"，結果只會"望月獨守空房中"！重有排未衰夠。。。
http://hk.apple.nextmedia.com/financeestate/art/20160210/19485467
http://hkm.appledaily.com/detail.php?guid=19486495&category_guid=15307&category=daily&issue=20160211

Bitcoin 呢種垃圾無名由佢200升過1000一路都話係真貨幣，唔係玩咖，Bitcoin 呢種垃圾得李生先識貨。
http://sina.com.hk/news/article/20160205/2/70/18/李嘉誠買Bitcoin支付系統-5387789.html

無名劍
www.facebook.com/nonamesword

感激各位留給無名的2015!

Post 於1月27日 在無名FB. 
https://www.facebook.com/nonamesword/posts/449119971949318:0

呢篇好長，但寫左好耐，希望睇晒！因為今年好重要！

noname-stock.blogspot.hk/2015/12/blog-post_24.html

呢篇野開始寫時係上面篇"全球經濟大逆轉"當日，即係12月24日恒指高位22217, 因為忙，股市動盪，忙於計市，到1月21日恒指到左幾年低位18534, 已經跌左3683點都未寫完. 係遲左好多，但都要寫埋佢。

呢個標題同上年嘅一樣，原因係今年更加要感激各位英雄會友！今年實在有更多事值得感恩！

值得感恩嘅係今年嘅變化可以講比之前幾年都多，其中一樣係上年三月起同新城開始做節目，由第一個講價勢投資法，第二個講價勢派嘅由來，到之後逢星期一三五嘅 ‪#‎博股通金‬， 令無名可以在更廣大嘅聽眾層面上去展示價勢派嘅功夫，無名終於可以還價勢派一個"正名", 在廣大聽眾面前証明左價勢技術分析嘅真實存在！呢樣野要多謝朱子昭同陳杰屏兩位主持，由於聽眾接觸層面大左，所以亦都令無名劍Fan page 嘅人數激增，由14年尾唔夠2000, 到2015年過左5000, 一年升60%, 以一個寂寂無名連樣都無，無開過show講過talk, 零廣告又非行內嘅業餘人仕黎講，無名覺得都幾多，所以特別要多謝英雄會友一年來嘅支持！

另外在股市方面，無名都覺得係豐收嘅一年，雖然都有錯，但相信係啱多過錯，都可以將功補過！而無名最滿意嘅預測有以下幾個 :

1. 年頭"油金股滙，風起雲湧，炒爆嘔凸！"相信大家都未必揾到好近似嘅一個年頭預測係咁，而呢12個字就好似係今年嘅寫照一樣，全球油金股滙都真係風起雲湧，有炒爆過，又嘔凸埋，再加埋11月嘅亂估預測，油價破40都破埋，而年尾有低位嘅預測雖然係無破52週低位20368, 只到到左。21010 差六百幾點，但就做左十月反彈以來嘅低位，無名對呢個預測係滿意。記錄在下文尾段 :

noname-stock.blogspot.hk/2015/01/2014.html?m=0

2. 四月初"大市有牛味，牛市中位28880", 呢個預測在四月復活節假嘅新城訪問中播出，無名話大市可能作旗形突破，當時恒指約25000 點水平，跟住下一個交易日4月8爆上26247, 4月9到27922, 4月13日288031, 四個交易日升近3000 點，應該係全年最大升輻嘅幾日，而多年高位在四月尾到左28588, 同預測28800 差212點，以遠程預測黎講升3000點誤差在1%之內，無名覺得滿意。

noname-stock.blogspot.hk/2015/04/5.html?m=0

3. 第三同第四無名會選擇"話李知傳球股災提早黎嫁"同"攞你命三千掃貨部", 呢個全球股災論在七月中之前提出，在新城都詳細講過，話全球有股災危機，而在7月6日恒指高位26261，無名記得果朝無名在 #博股通金 提醒大家唔好撈底，跟住兩個交易日跌到22836, 三日跌3400點，而且亦好膽粗粗咁在見低位當日成立左攞你命三千掃貨部隊，號召精英英雄會友加入大戶反擊戰買恒指call 或買貨，當日恒指記錄係23000點， 結果兩日內升上25000 水平， 有跟嘅英雄會友除左可能避開3400 點跌輻(唔計你可以沽), 買上重可以執2000點，前後波輻5400差距。 呢一仗大戶反擊戰，有參與嘅朋友都會覺得精彩加刺激！更奇嘅事係當日老作"攞你命三千"其實係如果錯的話，下面重有三千點可以跌。點知一月就跌過左！

話李知傳球股災提早黎嫁！
http://noname-stock.blogspot.hk/2015/07/blog-post_13.html
攞你命三千戰情速報！
http://noname-stock.blogspot.hk/2015/07/blog-post_16.html
https://www.facebook.com/nonamesword/photos/pb.179569508904367.-2207520000.1451884283./394484260746223/?type=3&theater
https://www.facebook.com/nonamesword/photos/pb.179569508904367.-2207520000.1451884283./394341887427127/?type=3&theater

4. 第5個要數10月時嘅"豬腦斷估", 估嘅"恒指今年有低位，油價破40,日本好大鑊", 差唔多都中晒，油價跌過28, 日元升值，日股大跌，而恒指有低位就遲左四個交易日，在1月7日到左。

5. 平中有跌 - 呢句咁嘅野真係唔係正常人講得出，無名預測當日係上年8月31日，咁啱當日開市位係21793, 而尾市5分中高位係21878, 兩者只差5點而中間跌293點嘅一日，相信可能幾年先有一日係咁 (http://noname-stock.blogspot.hk/2015/09/blog-post.html?m=0) 。但係無名竟然比唔識貨嘅人笑，無名比親人吋都是必禮尚往來，結果無名同人隔空開火呢件事，連東週都cap 左圖，估唔到無名嘅口水戰都有咁多人留意到，果次開火其實係好難得，因為無名平時好少出九成功力比大家睇，不過無名火起三千丈，一發不可收拾，記得無名做左個50分鐘捉5個轉角位(noname-stock.blogspot.hk/2015/08/blog-post_19.html) ，重一朝連中嘅交易記錄(noname-stock.blogspot.hk/2015/08/blog-post_13.html) 。好多平時無做嘅都做左，不過事已過去，寫黎只係講下。無名其實唔係想攻擊任何人，由頭到尾只係唔想"股民塗炭"四個字，試諗諗當日如果無名無出手，現在咁嘅市，你話會有幾多人要當底褲呢？

6. 好唔妥 - 無名中由11月頭吹水深講通消息出恒指彈700 點當日起連續一個幾星期都係話"好唔妥", 重講最唔妥係唔知咩唔妥，係全球都唔妥，歐洲同日本好大鑊，死嘅唔止買股票嘅人，講得最多唔妥果日係11月13日，點知半夜就發生巴黎恐襲！呢單野無證據顯示無名有預知恐襲嘅能力，但時間同講嘅野"死嘅唔止買股票同歐洲好大鑊"就好巧合，係好特別嘅一個豬腦預測！

個股方面講過好多隻，有升都有跌，但都係升多過跌，其中令無名覺比較滿意嘅有 :

1. 1211 - 講過幾次都中，都算撈底摸頂，跟到都執到笑，佢好似重係上年國指股中升輻第一，大隻垃圾股當中，無名覺得佢都算係上年嘅垃圾股皇，最後果個預測重係跌市中大升。咁嘅垃圾都升咁多無名都覺得出奇。

2. 993 - Sky Sir 話1060 "Sky is the limit", 無名話 993 "Universe has no limit". 其實兩隻無名都估中過，但升輻就993 勁好多！

3. 261 - 無名都係講過好多次可以當賭博咁買，結果爆左好多次，有次好似一日90幾%, 令無名最深刻係一名知名嘅財演界人仕竟然同無名講2015最後悔係無跟無名買261. 佢咁資深都咁講，令無名好意外！(名就當然唔開啦，無名好守得密碼咖，其實重有好多出名財經界人仕讚過無名，係無名今年最太得著！)

講完2015回顧，講返大家最有興趣嘅2016 預測，有位財經界知名人仕叫無名出個"推背圖", 推背圖就唔識劃，但簽文都識寫嘅 :

2016 防身十六訣 :

萬劍歸宗，
全球逆轉，
油盡金升，
日墮霾中，
春雷殺苗，
夏雨成災，
六月飛霜，
無忘撒種，
愛在深秋，
重陽登高，
入冬防寒，
遇雪添衣，
春冷夏寒，
秋溫冬回，
山窮有路，
嘔凸炒爆！

同果首"望月獨守空房中"一樣，只係無名亂作，唔好當真，但慢慢參透！

今年有太多"估佢唔到，點會咁架"嘅事要發生，但唔洗太驚，無名會同大家一齊過呢個一生人難得幾次嘅大時代！

無名上年review 時送左張國榮嘅鼓手比大家，喻意係無名"求能做好股手", 無名覺得上年做到！今年想送呢首 You raise me up! 比大家！多謝大家 You raise me up to more than I can be!

http://youtu.be/JzW4m1iMsaQ

股無必勝，祝君多賺！

無名劍
www.facebook.com/nonamesword

重洗問阿貴？唔聽都得咖！

www.metroradio.com.hk/MFD/ProgramArchive.aspx

點解重咁多人問下週點咖，今日形勢速遞講左，今朝 #博股通金 都有講，今朝講左今日可以買貨，係風險同回報比較合理嘅一日，今日守19200 就更好。今朝聽左嘅已經賺埋黎多謝無名啦！

逢星期一三五，0950 講，聽返0930 時段就得，今星期重係星期一三四五都有講，重有好多後市睇法，重洗問阿貴？唔聽都ok咖，唔好後悔咪得囉！Kakaka! 

無名劍
www.facebook.com/nonamesword

無名劍指數。。。特別形勢速遞！

今日開在19068, 在劍仔數高位之下，後插再破上19080 兩次破上19098 DH, 但停留時間好短，之後一路插，本來預期跌到午市可能有彈，但插嘅時間比預期長，到近尾市先到低位18811,在分中劍上11點反彈，而反彈在夜期繼續彈到過返 19000 上分中劍。 全日比無名本來預期差。


無名星期一在電台講星期三係轉折日，會波輻大。今日見到無名劍指數系統出現左幾個現像 : 

1. 短線形勢指數由一月初一直向下到今日，但今日係最接近可以轉升嘅一日，明日若守在上下分中劍 18800-19000 或之上，明日短線形勢指數可以轉向上， 同時明劍，領先指都會轉向上
2. 癲瘋指數今日升上一月以來最高位 有 130% 正數，即係話高位回調壓力好大
3.同時週太極指數已經偏低

上面加埋即係兩度强大嘅升力同跌力同時在明日出現，又即係"爆邊在即", 另外一個較低可能性係兩度力係平均，出現窄輻，但呢個可能性好低。咁即係同無名星期一講嘅星期三係轉折日係吻合，所以今日講左指數唔好過夜，因為大戶已經在重要位置做好部處，明日準備開餐！ 

Chok 唔緊要，無名已經示範左好多次在chok 市中點用分中劍做好防守同進攻。今日為例，上分中 19000, 開19068 又在劍仔數高位19080 之下，call係有風險，破19000 若put, 向下有近200 可食。但到低位近18800 call 上今日夜期可執 近200 點。無論call / put 止蝕位都可能在分中劍 + X. X 就係你可接受止蝕額。 

所以明日更加要睇住上下分中劍 18800/19000. 星期四可能係下一個週期開始。 講多次無論黎緊彈唔彈，二月都係維持差。因為三月可以更差。用天地合一劍(量度天地距離) 得出幾個重疊位 : 18500/ 15580/ 12800/ 10500, 而無名劍指數低位在 18160. 而無名更在電台講過上年七月嘅全球股災論係股災第一期，現在只係第二期，大家自己諗下今年會點。

無名劍
www.facebook.com/nonamesword

劍聖對不起，無名怪錯你！

上次劍聖黎我度報夢。。。。

https://m.facebook.com/nonamesword/photos/a.221759714685346.1073741827.179569508904367/446633582197957/?type=3&fs=5

今次到無名去揾佢。。。報夢！

無名 : 師公，師公！起身啦！

劍聖 : 嘩！攪咩鬼！摸上黎我度？追債呀！？

無名 : 唔係呀師公！無名黎賠罪咖！

劍聖 : 無哪哪賠咩罪呀？輸傻左呀？

無名 : 你上星期二咪黎報夢話 : 全球短線反彈轉升，入油，買金，買股！果日真係油金股全球都升。。。。

劍聖 : 係咪掂過印度神油呢？！

無名 : 係勁，不過午夜後就軟晒呢！半夜重要全世界一齊跌！我就以為係衰左，星期三朝公開扯左白旗叫好友投降呀！

劍聖 : 咁樣真係有失我價勢派威名，我劍聖以後重洗出黎行嘅！？

無名 : 咪就係，點知原來你係無錯喎，原來星期三朝跌果野無論歐美股市同油都係果日做低位反彈，到星期五晚重黎個全球大合奏，油價單日升8%!

劍聖 : 洗咩講！我已經預早一日講比你知，等你揾到靚位撈底加攞個靚彩咖啦！

無名 : 咪就係你平時一講即彈，鬼知你預早半日黎通水咩！所以咪攪到我一褲都係囉！

劍聖 : 重好講，你都知自己個朵叫地獄黑仔王咖啦！一早提左你每次都要"估估下"唔好講到明咖嗎！一講到明會有"三日效應"例遲三日咖，你以前都唔係試得少啦，次次講到明就例遲三日震走晒D 唔應該上船D人咖嗎，點知你係都要扮晒大俠咁要救股民於水火，叫我唔好玩野，重話我可唔可以簡單直接D, 講明晒咁先得咖！結果咪乃晒野囉！

無名 : 師公，無名知錯啦，原來你無錯，只係無名怪錯左你！咦！數一數日子，例遲三日咪。。。

劍聖 :.Shhhhhhhh! 重未衰夠咩！重講！？

無名 : 哈哈！死佬今次又幾醒咖喎！

就係咁無聊咁，就完左！
無名劍
www.facebook.com/nonamesword