如果你夠醒目，對返時間，就會明白無名其實無名係講緊四月大升市，由4月8日連續幾個裂口破上，又即係話當時已經預測到大市會大升。
三個問題嘅答案都好簡單 : 唔一定/無關係。
呢個問題嘅真正意思係叫大家思考下時下流行嘅"裂口論"到底邏輯係邊度？答案係 : 無邏輯。 咁講好似係話所有人講"補唔補裂口"都錯晒！所以無名諗左好耐講唔講， 無名指嘅無邏輯，係無數學上嘅邏輯，即係破裂口大升/大跌後補唔補同幾時補，係唔可以用一條formula 咁計到出黎，原因係每次上升同下跌嘅原因同背境都唔同，你又點可以話今次要補或唔補裂口呢？ 裂口所在位置可以係山頂，可以係山腳，又邊有數式可以好全面咁計出補唔補呢？ 其實都唔係唔得，但果條數就要計當時嘅情況同數據關係，而唔係一般好概括咁講"補唔補", 因為要講"補唔補"其實係要計出升跌力嘅關係，加幾時到頂/底，再加幾時掉頭，再重要加掉頭輻度，咁你話有幾多人識計同有真係計，重要真係計到呢？
無名咁講咪即係話咁多人講"補唔補"都係豬噏？！咁又唔係喎！呢個問題就係無名一直無講呢件事嘅原因，因為會得罪全世界喎！但其實無名上面所講係同講"補唔補"裂口嘅人無抵觸，因為係有可能用一般邏輯，當時市况，統計學同經驗，黎預測"補唔補"嘅可能性，唔可以講咁估就會唔啱，都係睇個人功力啫！不過以純邏輯分析黎講，補同唔補，係無一個必然關系，呢個就係重點。
www.facebook.com/nonamesword
沒有留言:
張貼留言