買759睇PE最啱返鄉下耕田！

無名上年在759還是1蚊多D時出過篇文叫"阿信屋，我信！",  跟住一月後連升幾日升到5蚊。

之後無名講股英雄會video blog第五集講到林生打巷戰，但佢未必輸晒！當時跌到近低位2.x.

nonamesword.podomatic.com/entry/2014-04-04T13_13_28-07_00

結果佢真係未必輸喎，啱啱出左業績如下 :

https://hk.finance.yahoo.com/news/華富新聞-cec-intl-hold-759-025000313.html

有網友問點睇759業績， 無名覺得交到工課， 營業額升四成， 毛利升五成， 毛利率升2% 到29%,  舖加左58 約升三成到 192間. 用DSE 成績計， 可以講有 7-8**(唔係好記得叫咩)

成盤生意正在健康咁擴大緊， 毛利率唔跌重升算好野， 即係話佢賣啱貨，唔係一味大量賤賣， 但價無升因為市場覺得唔夠"爆",  不過個PE會跌D，我唔知跌幾多， 因為我一眼都唔睇， 如果睇PE, 佢應該係值0.3.

無名老實同你講，如果睇PE你最好返鄉下耕田， 因為啱你，咁講好似好吋，但其實只係講事實， 係講緊你啱做"Farmer",  即係比較穩陣D長線投資， 穩陣永遠無錯， 所以唔係踩人， 只不過呢隻股係"Hunter" type,  即係要冒險入森林打獵， 一係打到隻大象， 一係比隻大象踩死左！ 兩個口味好唔好。

如果你有信心好似我咁講 : 阿信屋，我信！ 又唔怕比大象踩死， 咪去阿信屋買包花生一齊食住等囉！

無名劍

懇求神尼出手相助救救投名滙！

有睇開無名劍文章嘅朋友都知道無名一向以投名為家， 自神尼被骷髏會(www.snb.hk)  踼出會後開左投名滙(www.hkinvestorblog.com), 自此無名同好多有料嘅Blogger 就以投名為家！ 

對於骷髏會呢個商台創立嘅假價值投資法網站，無名同一眾Blogger因經常指出佢地知識貧乏， 毒害股民， 最後都被商台呢個口講言論自由嘅電台滅口刪Blog.  當時在骷髏會有兩位"星級"博客， 一個女叫親切的金子， 最愛"怒摑"意見不同嘅Blogger,  一個男嘅火燎森最愛侮罵年青人為廢青， 下下教人大手轟入， 訓直條屍買垃圾股， 碌卡炒iphone,  重有焦點擊股更係推高垃圾股股價，令不少無知股民高追入貨送錢比人洗，無名就用左自己把劍同埋一眾投名高手將佢地一一打到落花流水， 當時的投名滙就成為左我地呢班Blogger 嘅聚腳點，可以繼續講我地對正確投資嘅觀點角度，繼而好多高手都滙聚投名。 

投名滙唔係咩大Blog,  論人流唔及好多site,  但點解有咁多高手願意留低， 原因係因為大家理念相同，同Blogger 及讀者嘅質素都好高， 記得神尼嘅口號係"授之以魚，不如授之以漁，投名滙就係因呢個理念而誕生" , 而Blogger 們都好樂意同大家分享投資投機嘅知識同樂趣。 就係咁無名同一眾Blogger 喺果度黎低左唔少腳毛同口水花！ 

最近投名可能因為一D反佔中博文， 間斷性失靈， 一眾投名好友已經上唔到去一段時間， 希望神尼可以幫幫大家開返投名， 就算天下無不散之筵席， 都開返比我地黎個farewell,  同比我地為個Blog做個back up,  對於一個Blogger,  果度唔止係一個記錄， 重係引證， 努力， 心機， 歡笑同回憶........無人想就咁無左！ 

無名先代投名好友謝過神尼相助！ 

無名劍

向主場新聞致敬！

呢篇文標題原本係 : 511位獅子山下的無名英雄

無名之前本來打算post 以下一篇文去主場新聞， 希望表達下對7/1當日511位在遮打街被捕嘅無名英雄嘅一點敬意！ 想post 在主場都因為係果度睇左幾篇被捕者嘅文章覺得好感動！ 現在已經post 唔到， 我只好將歌詞最後一段(有括號) 改左， 以表示對主場新聞的敬意！ 

原文如下 : 

標題 : 511位獅子山下的無名英雄

無名劍係一個講股嘅blogger,  自89六四去過遊行之後， 25年後再參加今年71遊行。原因係無名覺得香港在政治上已無希望，因為呢個遊戲本來係大陸玩晒， 但陳日君樞機一句話"你唔爭取就係你放棄"叫醒左無名， 在當日預演佔中行動中無名見到香港嘅曙光， 一班平日唔係攪開政治嘅人走出黎， 佢地正正係無名劍呢個筆名背後嘅意思， 無名劍係指每個寂寂無名嘅人， 只要攞出佢心裏面代表左正義同理想嘅劍行出黎去保衛自己嘅追求同理想， 佢地其實都係一個無名英雄， 佢手中一把無名嘅劍，都會變成一把名劍。 

無名睇左幾篇有關預演佔中被捕者嘅文章， 如(現在睇唔到)  : 

http://thehousenews.com/politics/511-分之1/

http://thehousenews.com/politics/7-2被捕後記-本是同根生-相煎何太急/


無名好想話比佢地知，佢地每個人都係香港嘅無名英雄。 無名用左獅子山下一曲改左歌詞，想送比佢地511位獅子山下的無名英雄。 希望可以轉達， 歡迎分享及唱出。 謝謝！ 

原曲 : 獅子山下

http://youtu.be/ErazHn-xBvw

長街塞滿差佬，
呆坐點解都拉？ 
遍地學生
為普選自由表達下
甚會落得你這樣相對？

民生竟變奢想
民主頓成有罪
既是同根
為伸張正義的朋友
交出真心求共對

五百一加一位好朋友
挽手遮打禁區
全港人誓相隨
同為了正義無懼

停車可以收監
遲下講野都拉
我地幸得
這一班無名的朋友
寫香江英雄字句

(我記得香港作主場有
你寫新聞禁區
全港人定緊隨
同為了信念無顧慮

媒體好似收監
民主點有空間
我地幸得
這一班主場的朋友
譜不朽英雄字句)  

無名劍      

無名瞬間看地球 (20140726)

快手講講， 無名劍指數分析各地指數如下  :  

DOW/DAX/富時 : 

以為有力再上， 但倒插， 無名劍指數走勢反覆， 可能上落市一陣， 要睇定D先知。

日經 : 

估重有得升，星期五再升到15457. 看好。

上證 : 

之前估向好， 目標2100 - 2130. 結果再上， 高位2127, 或有回調再上， 下一目標2150.

金市 : 

之前講過無名劍指數睇金都幾得， 之後1320中左， 跟住話回， 破1300, 結果由1308 插落 1294. 買重的話可以好金！ 

恒指 : 

在FB post 左下週預測，如下 : 

無名尋日講 : 

明日似全日先高後低， 早市同午市都可能先高後低！

結果係一開就高位跟住回， 早市先高後低，午市開始升返， 近尾市回少少， 最後抽上， 全日早高過尾少少， 四關過得三關啫。 

預期下週中高尾低， 星期二同四可能比較高， 星期五回。

無名劍

無名瞬間看地球 (20140723)

瞬間看地球停左一日, 但成個地球好似倒轉左咁. 

無名劍指數分析各地指數如下  : 

DOW : 

昨日最高去過17133, 劍勢指數正數但在減弱中, 紅綠燈指數上升, 即上升動力還有, 還以17200 為目標. 
 
DAX

7/21到過低位9597, 後有反彈. 劍勢指數負數, 反覆中. 但紅綠燈指數上升, 即有得升. 無名劍數指向9850.

富時: 

同DAX 相似, 向好但上升空間唔大. 劍指6900. 或有機會破52週高位. 

日經 : 
 
今日開市到過高位15392, 劍勢指數增强, 但無名指數上高位只係15500-600. 暫時以此為目標.
  
上證 : 

之前講過要過前高2075 方可看好. 經昨日有力爆上2078後, 今日再上到2088. 劍勢指數連續4 日減弱後轉强. 可看好. 無名劍指向2100 - 2130. 

金市 : 

同指數掉頭走, 過唔返1320. 最高只到過1312, 而劍勢指數轉弱, 金價現報1308, 劍指1300. 
 
恒指 : 
 
今日最高23975, 同前天地合一劍目標24000好近, 好多網友問過左之後如何, 睇黎唔錯, 劍指24200 - 24500. 今日本來預尾市回, 但比估計早左午市早段就回, 只回到23834, 未到無名回調目標23800。預計明日再升. 

總結 : 環球向好, 而癲瘋劍在各地未見高, 所以重有得玩. 

無名劍

無名瞬間看地球 (20140721)

好忙， 濃縮板： 

DOW : 

未開， 估會回。 

DAX/日經 : 

DAX 如所講跌左d,  日經則重金跌過1%, 兩者劍勢指數繼續轉弱。 唔多好。 

金市 : 

劍勢指數加强中應要破1320. 中線看好。 

恒指 : 

Facebook 講左，維持明日彈， 星期三跌，見高put 佢。

富時要等下次....

無名劍

由Bitcoin 說起........到牛屎貨幣的新概念！

Dell都收Bitcoin啦, 重唔係貨幣?

http://thenextweb.com/insider/2014/07/18/dell-starts-accepting-bitcoin-online-purchases-consumers-small-businesses-us/?utm_source=feedburner&utm_medium=feed&utm_campaign=Feed%3A+TheNextWeb+%28The+Next+Web+All+Stories%29 

又跌到一地眼鏡! 係時候温書啦. 睇下無名之前廢up咩啦.

返叮舊文. 寫於2013年12月09日

由Bitcoin 說起........到牛屎貨幣的新概念！

http://www.hkinvestorblog.com/home/space-1277-do-blog-id-19336.html


無名星期五講 : Bitcoin 跌得太少！ 

今次阿爺出手後插， 其實插得太少， 佢其實可以一日插過50%.


第日就即插50%你睇, 商家禁用 Bitcoin弊傢伙

Bitcoin兌換價猶如星火隕落，昨日從全日高位1,087美元，迅速暴瀉近50%，跌見576美元


哈哈！你估我買左邊邊呢? 

無名又見好多"智者" 出黎講 Bitcoin 點唔算貨幣, 如陳家強:Bitcoin非貨幣 話 :  

Bitcoin並非一種貨幣，沒有資產，實在難以定價，亦難以去釐定合理價格水平.

無名覺得係呢D讀書人, 最叻都係讀書, 當個世界唔跟書, 就唔識解. 等無名幫下佢啦！

無名個標題其實老翻逸風 從Bitcoin 炒到上天說起.................., 佢篇野同D留言都好好, 引發我寫呢篇, 值得睇下. 

首先, 講下Money 個定意先, Wiki 咁講 : 
http://en.wikipedia.org/wiki/Money
3.1 Medium of exchange
3.2 Unit of account
3.3 Store of value
3.4 Standard of deferred payment
3.5 Measure of value

其實無名覺得得三個 : 
3.1 Medium of exchange
3.2 Unit of account
3.3 Store of value
3.4 3.5在前面包含左.  

好多人講都係講幾個問題 : 

1. 冇intrinsic value
2. 冇back up 同冇單一發行商
3. 冇obligor 呢個字無名唔係好識解, 但大概明. 
4. Bitcoin 唔係貨幣, 冇價值 , 只係Medium of exchange

無名回答 : 
1.  冇intrinsic value ---- Money 個definition 邊有講過佢一定要有價值, 陳家强講佢冇資產, Money 最重要只有一個信字, 即係你信, 我信, 大家信, 銀紙張紙都唔值錢, 但你信. 因為你信銀行. Jump to No.2
2. 冇Back up -----你信銀行, 因為佢有Back up. 但Back up 其實背後只係一個字.........信！ 美金有冇back up? 其實冇左好耐， 但你信佢美國佬， 同信日後都可以用佢都冇問題， Bitcoin 嘅back up 其實就係大家信唔信同用唔用佢。 如果大家都信同用佢， 佢同其他currency 基本上冇分別。Jump to No. 3. 
3.  冇obligor ----- 其實只要大家信同公認佢係, 呢個問題都應該解決. 
4.  Bitcoin 唔係貨幣, 冇價值, 只係Medium of exchange ----- 咁講即係佢唔明白Bitcoin 係乜同做乜 : Bitcoin 一定係貨幣, 你可以買到野又有人收, 做到晒3 function of money, 點會唔係貨幣? 但佢有一個特點令佢咁特別, 佢其實係Currency of all currencies. 呢點無名冇聽人講過. 即係我地在Internet 做交易, 唔想用美金, 可以用咩? 答案係冇. 所以其實Internet 一個咁大平台其實好需要一個Currency 去同咁多個Currency 交換, 目的係減低交易成本, 而呢個Economic value 可以講大到不得了! 無名其實知好多人唔明, 諗下點解要由以物易物轉到用錢? 因為一隻牛對幾多個蘋果, 蘋果又可以換幾多杯牛奶, 幾多牛奶又可以換一架車?  係咪好煩?  今日Currency trade 又咪一樣, 我同90個國家做生意, 如果唔用美金, 就好似以物易一樣! 

咁講返Bitcoin個信字由咩Backup 呢 : 呢個問題就複雜. 

個信字可以由十萬九千種情况產生. 無名只好用牛屎貨幣作比喻, 假設有一日有一種混種牛Or 左D好新奇嘅屎, 唔只唔臭, 重好香, 又可以擺, 大家都愛上左佢黎做交易, 因為佢比金重稀有, 又易切, 又香, 重方便帶出帶入. 就變成左貨幣. 

今日嘅 Bitcoin其實都係一樣, 因為某D原因, 好多人願意用,  咁就係貨幣啦！其實只要有人信, 有人用, 我肯比佢肯收, 就如男女拍拖一樣, 你話佢地唔襯, 人地話"關你鬼事, 我地鐘意咪得囉！" 

咁最後個信字重有咩條件最重要? 或者咩 可以 令佢失敗, 就係Money Supply, 呢個先至係最最最重要！佢冇央行, 無人管, 得唔得, 古代用金, 銀都冇人管, 又咪得, 只要佢有個基制, 可以係大自然產量有limit, 可以係一條數式, 其實都係可能. 

其實重有好多Implication, 不過遲D講. 

無名劍

無名瞬間看地球 (20140719)

好忙, 單刀直入. 回顧同預測一齊講啦. 

7月18日收市後各地無名劍指數分析 :

DOW : 

昨日無名話升勢還在但有回調壓力, 結果高位較前日17151回落到17113, 低位只升了11點到16977, 劍勢指數還是正數但連續兩日動力減弱, 預期有可能轉弱, 要小心可能轉勢. 

DAX : 

昨日話 :同DOW 類似但比DOW强勢，不過無名劍指數無破頂，同回調壓力無咁大。 有利上升。

結果DAX出現較大回吐, 高位回落過100點. 劍勢指數雖在正數但係就連續4日增强後第一日減弱, 預期升勢可能受阻, 或有可能跟DOW一齊轉弱. 小心!

上證 :  

無名昨日話: 經今日回調後， 劍勢指數在連升四日後上升力度減弱， 代表或再有回調。 明日較弱。

結果上證造出一支低開高收同昨日一樣的陽燭, 高位升5點,低位一樣. 一般的陰陽燭分析作利好論, 但劍勢指數同DOW一樣連續兩日減弱, 未來有反彈若唔破前高位2075, 重係未轉好, 以轉弱論. 

日經 : 

應Esmond兄要求做埋日經, 奇怪係日經同DOW/DAX/上證都係劍勢指數轉弱, 要留意係咪轉勢開始.


恒指 : 

無名之前話今週先高後低星期三有高位星期四回都算啱左, 最高位其實星期四但只係比星期三高20點, 高開後急插. 本來預期下週唔太差, 星期一二好, 星期三回, 星期四反抽, 但收市後劍勢指數又係轉弱, 咁即係全部轉弱, 咁即係可能星期三會回得深D. 要小心全球轉勢有機會發生.


金市 : 

昨日話: 無名劍指數同劍勢指數連弱四日後， 今日有轉强現像，金價現報1304,  無名劍指數目標約1320-1330.

結果金價因墮機事件由1304升到最高1320同目標下限啱啱好, 劍勢指數連續兩日加强, 所以維持目標1320 -1330不變.

無名劍
www.facebook.com/nonamesword
請like fanpage 接收無名每日大市個股分析

無名瞬間看地球 (20140717)

呢個無名瞬間看地球出之後, 網友有好多要求, 油金銀滙, 德法意日星馬泰美女都想要齊，但無名得兩隻手， 只可以盡量做。 

睇返昨日分析， 無名話DOW 同DAX 都會升， 結果DOW 又新高17139, DAX 則升到9871之回落，現在回到982x.  而上證則出現回調到最低2046. 比預期差。 

7月17日無名劍指數分析如下 :

DOW :

無名劍指數再升高破前高位17200, 劍勢指數未睇轉弱， 大市有力， 但紅綠燈指數表示有回調壓力， 應有回調出現。

DAX :

同DOW 類似但比DOW强勢，不過無名劍指數無破頂，同回調壓力無咁大。 有利上升。

上證 :

經今日回調後， 劍勢指數在連升四日後上升力度減弱， 代表或再有回調。 明日較弱。

金市 :

應網友要求， 講下金， 原來無名劍指數睇金都唔錯， 無名劍指數同劍勢指數連弱四日後， 今日有轉强現像，金價現報1304,  無名劍指數目標約1320-1330.

恒指 :

劍勢指數上升動力有減弱， 回調壓力增加， 明日可能好壞參半， 或有可能先低走後回升， 下週初現在看來比較淡。

無名劍
www.facebook.com/nonamesword
請like fanpage 接收無名每日大市個股分析

翠華奶油豬重脆唔脆？

無名自從在翠華上市前唱好過翠華奶油豬之後， D人就好似當左無名係奶油豬食家咁， 成日問無名翠華奶油豬幾時食得？ 記得翠華上市之前，大部份專家財演都話佢上市以上限定價PE太貴， 攞左D數出黎左分析右分析， 無名連一隻字都無睇過， 就話 : 

奶油豬應該值幾錢？

無名可以肯定今次個奶油豬有得炒, 今日最少點都升一成,即2.5樓上, 短線高位可到3以上, 上限3.3. 

但始終都要跌鑊金, 要買長線都要等等先.

**************************

結果， 第一日升大升過1成， 之後好快升破左無名個估計上限3.3, 無名之後調高左目標到4.5-5, 結果都破埋，最高5.75. 跟住"最終要跌鑊金"都出現， 由5.75一路跌到3.3水平， 下跌原因一大羅， 但無名覺得主因係主席同大股東在5 減持， 同基金在3.4 左右再減， 咁啱個減持價又好近無名最初估計上限3.3. 一切其實都係預計當中。 

無名一週前在翠華大跌之後一日出過post 話可以以3.3 一注，破3後每跌約0.5加一注 ， 止蝕位在2, 但覺得甚至可以不設止蝕， 同佢同生共死，不過就要長線。 

你可能會話無名如果咩數據都唔睇,睇咩可以咁sure而結果又同似有跟據咁呢. 其實無名在創富雜誌都講過無名獨門價勢投資法係唔洗睇數據, 只要識睇趨勢就得, 睇趨勢有好多方法, 但無名今日想講嘅唔係趨勢點睇, 而係點睇一門生意好唔好, 同佢在市場生存空間. 

以翠華為例, 算係中上價快餐, 一個人每次無名估計會洗50-100左右 (無名又係估, 無睇過report), 比起平價快餐大家樂, 大快活, 好似貴左一倍有多. D大XX就大約由25 - 50 左右, 現在地價貴, 即係每個客嘅地價成本都高左, 對平價快餐其實不利, 即係話就算翠華D租貴大XX 一倍, 翠華都可能比大XX有利. 因為翠華賣貴一倍可以抵消地價, 但食物成本呢就應唔洗多一倍. 咁即係話翠華在高地價環境會比平價餐對手賺錢能力高左.

咁跟住睇其他同價對手, 無名分兩種, 一種係好似太興咁連鎖店, 第二種係細間有特色小店. 先講小店, 同樣在高地價環境, 小店就死下一間少一間, 變相比連鎖店食左佢地生意. 但連鎖店當中無名覺得只有太興係佢對手, 大家相比之下, 無名主觀地覺得翠華好DD. 主要係佢選擇多D, 平D同貴D都有， 質數就覺得差唔多， 有人話翠華差左， 無名同意， 做大左就通常無咁好， 但問題係， 佢洗唔洗最好先賺錢呢？ 投資者成日有一個盲點就係去比佢有冇以前咁好， 同係咪最好, 無咁好又點？ 記住一門好生意唔洗一定好似iPhone 咁樣樣都完美咖， 只要"夠好"就得， 即係optimal,  not the best.  太多投資者甚至專家財演都話佢數據差左， 但無名覺得"夠好"就得， 點為之"夠好",  一就係你入去食完會返轉頭(無名會),  二係多數時間滿坐。 就係咁簡單就夠。 好多財演一係講到佢垃圾一樣，一係話未夠平， 等海嘯價， 無名覺得買股唔係買菜， 見菜心今日唔平， 第日先食， 如果係好野就要買， 最多分注買， 而唔係等等等， 無名講過N隻爆升股700, 759, 6889, 1319, 993, Google, Apple,  好多人無買，無名問佢點解？ 都係一句 : 我想等平D呀嗎！"

正係咁多人睇淡， 無名覺得重正， 贈佢地幾句 :

好股唔怕買，只怕買唔晒！
好價無盡頭，升左無回頭！ 

無名劍
www.facebook.com/nonamesword
請like fanpage 接收無名每日大市個股分析

無名瞬間看地球 (20140716)

無名實在太懶 , 太耐都無出Blog, 只係用Facebook出短訊式文字. 今日"的"起心肝寫Blog有兩個原因, 一係為左Esmond 兄的"創富媒體"成立, 無名係其中一位有份參與的Blogger, 應該要出返d文, 但現在係半夜, 應該未必可以即時刊出, 第二係昨日做左DOW同DAX 無名劍指數分析, 覺得幾好玩. 網友覺得唔錯, 重想睇埋上證, 好! 就做比大家睇下無名劍指數在各地市場係咪用得著. 

昨日分析如下 :  


道指及DAX 無名劍指數昨日均有回升， 而兩者的劍勢指數都由跌轉升， 預期兩者都有好轉， 道指無名劍指數之前最高到過17200, 而DAX無名劍指數則到過10170, 若再升以兩者為短期上限。

結果 : 

道指創左52週新高17120, 同無名講17200重差80, 德國DAX (現在7月16日23:53)係9835, 比昨日大升135點. 

無名劍指數分析如下: 

道指 : 

接近無名劍指數高位17200, 有回調壓力, 但升勢可能未完.

DAX : 

無名劍指數重升緊, 劍勢指數强, 離無名劍指數之前高位10170 重有距離, 有望再升. 

上證 :

無名劍指數在上升中, 劍勢指數有力, 但無名劍指數的高位只到過2080-90左右, 與昨日高位2075差唔太遠, 有望上升及待無名劍指數再突破指示新目標. 

恒指 : 

重係有力, 無名劍指數上無大變化, 今日估下午尾市升都有出現, 之前估星期四回, 但現在ADR升緊, 明日回都唔太多, 但無論星期四升定跌, 星期五升及有高位機會高(除非星期四升爆廠啫)! 

無名劍

車公廟解簽佬再拆「佔領中環」

無名在歐債危機時想極都唔通，去左車公廟揾解簽佬測字「歐，中，美」如下 ：

http://www.hkinvestorblog.com/home/space.php?uid=1277&do=blog&id=13007&page=1#content

兩年後今日， 東北面有黒星星霸王硬上弓在垃圾會做强姦真人show，上面有白皮書當左香港係隻白皮豬，公投過左70萬，連陳日君樞機都叫大家發聲， 雙方勢均力敵， 無名又想唔通， 再揾解簽佬以「佔領中環」四字測字問香港前途， 港人應如何是好，解簽佬咁講究： 

佔領中環四個字， 
含義實在多的是， 
佔字一人一個口， 
口上人人有支旗，
一人一口揸支旗，
插滿中環果塊地，
領字左邊係令字，
令字今下留一點，
頁是煩就要出火，
今下為你點血墨，
香港歷史加一頁，
今夏留一點血汗，
燒佢數簿寫新頁,  (煩即火加頁， 燒佢數簿咁解) 
中字即係一個口，
只有佢講一言堂， 
中字一劍口中穿， 
最怕唇槍與舌劍，
只怕奸計被說穿，
中字一柱頂天地，
怕你訊息通天地，
囚中的人合為一，(囚中人字變成一字即係中) 
團結一致站起黎，
起來受苦的人民，
血肉長城齊築起， 
國歌真係有道理，
環字土上一個王，
四人一口四人幫，
淋病賤波涼粉英， 
加埋垃圾黑猩猩，
東北撥款夾硬黎，
四個夾埋去賣港，
下半好似是衣裳，(環字下半截似個衣字)
睇真原來走晒樣，
其實國王新衣裳，
無著衫重大隻講，
白皮書當你肥豬，
聯合聲明無聲名，
基本法內本無法，
一國兩制佢唔制，
直選特首無得選，
真係講多都無謂，
忍無可忍的時候，
我會挺身企出黎，
官迫民反民要反，
佔領中環唔在講，
七一上街是等閒，
圍倒立會又何妨？ 
日君樞機八十幾，
一隻腳踏入天堂，
做乜日日同你講？ 
若然今日重唔講，
第日發聲唔洗慌！ 
都係為左日後你，
享有自主的香港！ 
爭取民主靠自己，
唔會有人施捨你，
咁你重死喺屋企，
一個不能少得你！
七一街上我等你！ 

一個不能少！ 今日我等你！ 

無名劍 

無名講股英雄會會歌 : 痴筋和應！

尋日網友Alex兄話驚無名唔發聲， 無名即時用左"問誰未發聲"回左佢幾句， 尋晚再寫埋下半截。之前CPU兄真係好有心已經提左我原來無名講股英雄會同個Facebook fanpage 都成立左三個月要做D野， 咁就用呢首歌黎答謝大家對無名嘅支持啦 : 

***********************************
痴筋和應 (無名講股英雄會會歌) 

作詞 : 無名劍

主唱 : 未知 (如果多人like,  可能會係無名)

試問無名沒發聲？ 
癲佬去那兒覓共鳴！ 
天生有條長舌只識斷估，
誰會自願噤聲？

佢又時常話會升，
點知到頭來無事情！？ 
衰鬼佢常遲到，造成三天效應。

無名原來無業漢只作詩豬up就最醒！
用對手再用腳指猛力掌摑某人重應，
在這世上這地球有個人叫無名比垃圾醒！

佢實情唔係最醒，天生愛管無聊事情，
當死老千要厄老散，就會自動發聲！
你若唔嫌未夠醒，Like佢對散戶嘅熱誠，
激起那傻唔晒的網友痴筋和應！

***********************************
送比各位網友， 多謝大家對無名講股英雄會一直以來嘅支持！

希望大家多D share比多D人知， 支持無名繼續發聲，再發大D!  唔該！

特別鳴謝 : 

Alex兄比靈感我， 同CPU提我成立三個月要答謝大家！

無名劍

參考資料....給以為香港無地起樓嘅傻豬仔！

Posted on 20140620

www.hkinvestorblog.com/home/space-1277-do-blog-id-21110.html

無名之前留言比呢位暢銷書作家小朋友阿成， 呢位小朋友講D野成日都係表面啱， 但實質錯， 所以無名都"醒"過佢幾次， 但今次主題唔係講我"醒"佢， 而係比定D參考資料你，用黎講解下下一篇文， 最好睇睇先！ 

終極解決香港土地不足的方法--飛地

http://www.snb.hk/blog/front/blogdetail.aspx?postid=79041&blogid=19753

無名咁答 :

小朋友， 你真係唔好咁傻啦。 政府，地產佬講香港無地你就信？ 香港只係市中心無地(因為無可能加), 但係非市中心，多到可以住又一兩百萬人都得啦， 大把地都係擺係度， 又講環保， 又講條例，其實都係人為咖咋， 如果政府要出力批地， 係無可能批唔出咖， 咁係咩原因呢！ 又咪一個錢字囉， 你先要明白香港政府同地產商個關系先， 簡單咁講， 政府係麵粉供應商， 地產佬咪即係麵包廠囉。 如果麵粉廠大量出麵粉， 又一定要麵包廠幾多日內要出麵包， 結果會點， 當然係麵包價跌， 咁即係麵粉價咪又跌囉！呢個即係lose lose case. 麵粉供應商同麵包廠都一齊賺少左錢， 咁點先係win win case 呢？ 咁倒轉黎玩， 出少D麵粉， 做少D麵包， 野做得少但賺左， 點解唔做啫？ 

但問題點令可以明明出到麵粉，但又講冇供應呢，點令人相信呢？ 咪要做出一大堆條例， 程序， 左攪又右攪， 拖得有咁長得咁長， 咁咪可以令你地班豬dou信晒香港無地囉。 

其實你只要諗下， 以現今科技， 人工島都可以做到啦， 香港周圍都係海， 無一度可以填？ 香港有幾多郊外地方，其實係好少人去， 真係一D地都冇唔可以起樓？ 其實只係因為呢個係一個 controlled game黎啫。 明未？

無名劍

咁會唔會吋左D呢? .....有片！

][

Posted on 20140620 

www.hkinvestorblog.com/home/space-1277-do-blog-id-21109.html

唔緊要啦！ 大家都知無名係精神錯亂，加知覺失調！ 

應該無人會怪個癲佬嘅！ 

無名劍

東北計劃民調！

Posted on 20140619 

www.hkinvestorblog.com/home/space-1277-do-blog-id-21103.html

你認為東北發展計劃係 : 

A. 親中買港大陰謀

B. 官商鉤結滾水大聯盟

C. 建設一個無邊界嘅大香港美夢

D. 炒起鄉下地富者越富好計劃

E. 鄉下佬賣地嫌錢少左住地球轉

可選多過一個答案！ 

無名劍