無名劍習股數十年,經歷刀光劍影無數, 為致力維護散戶權益, 凝聚群體投資智慧,成立無名講股英雄會! 與你携手打大戶, 破財演, 從大戶手中還富於民!無名與你未能同月同日輸, 願能同月同日賺! ***本網站提供之資料及其內容(包括文字, 聲音 ,圖象, 影片, 指示條款)僅供參考,並不構成要約、招攬或邀請、宣傳、誘使,或任何不論種類或形式之表示、建議或推薦買賣本網站所述的任何證券, 投資或賭博工具 (不論按指示條款或其他方式),任何人或機構的直接或間接損失與本人無關***
2014年11月14日 星期五
香港人的路 : 向内走,向外走........
無名尋日有感香港現况,返叮年半前舊文" 港完2047"
www.hkinvestorblog.com/home/space.php?uid=1277&do=blog&id=17000&page=1#content
發覺大家感受比可能去年重深。
今日睇林行止呢篇文,令我想起一年前答過呢個問題 :
www.post852.com/林行止預告:中共勢必政經接管 港人將淪二等公/
尋日返叮舊文同樣又有人問過,估唔到一年後咁多人想揾第度走!
無名當年係咁答 :
********************************
"咁又唔係一定要放低樽鹽, 基本上有兩條路 :
一係走出去, 如果你唔想面對大陸同胞競爭,同你在外國要有好路數先得, 咁可能令你覺得好過D, 但都可能錯失好多機會, 因為未來十到二十年先係中國人戲肉。
一係走入去, 就係同大陸人玩過, 用你香港人本性, 同大陸人博過, 競爭係大左, 例如將來一份香港工作, 可以選上海, 北京請人, 競爭就會大左, 但相對黎講,機會都一樣多左。 整體黎講對有競爭力ge人係好事, 可憐係一d冇咁有競爭力ge香港人啫。
所以做好投資都係一種好方法! 而中國樓市長線重好好, 可以留意下, 如上海, 甚至深圳都好有升值潛力! "
**************************
而無名今次答時有小小唔同,今次向外走係要揾個地方你可以揾到生活。即係就算係唔想走都要揾定個水泡,係救生用。 而上年答時無名心諗係,如果唔想留在香港先向外走。今次講時心諗係,即使想留低,都要揾定水泡先!
因為事情越黎越清楚,大陸部抽水機只會越開越行, 消費自由行同雙非綜援自由行係第一步赤化民間同民生,下一步就係赤化經濟,經濟接管,即係錢唔再係你地香港人以公平競爭黎話事咖,而係由權力黎支配,大把富二代,官二代都想緊點生吞呢舊肥豬肉,今日係劏緊中產同本地窮人。第人就會劏埋有錢佬,主導嘅港企會由内地企業取代,本地資本家會比紅色資本家取代, 直到香港在政治,民生,經濟三方面都完全被赤化,直到"香港人"完全絕種為止。
香港人可以留得低就只有一份令人懷念嘅獅子山下精神! 而可悲係留存嘅地方唔會係香港!
無名劍
www.facebook.com/nonamesword
訂閱:
張貼留言 (Atom)
沒有留言:
張貼留言