無名繼上次送比大家"價勢投資法"之後， 今次再送比大家美股四條"煙", “煙"者即係啤牌中最大果隻牌， 但你可能會先問"點解係美股， 唔係港股呢？ " 首先，有睇過無名瞬間看地球文章都知道無名有睇開環球股市， 金銀油滙， 點解要睇咁多， 原因好簡單，你有冇見過資深影評人只睇港產片呢， 即係會錯過好多好野， 其實美股市場大， 歷史又長， 孕育在好多好股。 好股數量其實比港股多，港股當中其實大半都係好好炒嘅垃圾！
首先 講第一條"煙" : Google 。如果你今日都唔知點解或者唔敢買Google, 你好應該去無名facebook揾返無名果篇"買Google都驚? 不如驚英年早逝啦！" 無名其實寫過好多篇文章叫買Google, 有網友個女出世， 問買咩股比佢將來讀書好， 無名答"如果你只買一隻股就買Google啦！ “無名早在2011年尾火燎森跟股神買IBM時就建議改買Google, 現在已升一倍多，原因好簡單， Google在好多方面都領先同業好多，無名在自己video blog 講過機械人化趨勢同佢會係受益智者， 最近新聞就講美軍試用緊佢隻"機械牛"幫人攞重物。 Google會係將來控制世界嘅公司， 有機會再講。
第二條"煙" : Apple 。無名在今年二月出文"Apple 可能再爆！" 之後由51X 升到545, 跟住另一個裂口升左40蚊。 無名在二月比目標咁講 “無名覺得佢值700 – 1200. 700係有可能今年內到， 如果冇大形股災的話。" 結果700 都差唔多到， 比推介時升40%, 可望再上。 買佢原因好簡單 : 佢太完美，市場對佢產品太渴望， 但相反呢樣又係佢弱點，都要留意。
第三條"煙" : Facebook 。無名同樣在自己video blog 講過佢有咩好。講60可買， 最近高位76, 如果當Facebook係一個國家咁睇，佢人口在2010年已經係全球第三排在中國和印度之後，有分析指佢好快會過埋中國添。 無名用左個好簡單方法說明在Facebook贏在邊度， 如果你要揾個人， 你最快可以點揾到？ Google可能揾到好多有關某某嘅人, 公司，財經，時事嘅資料，但入Facebook一揾， 如果佢個名唔係太普通，可能一揾就揾到， 唔好睇少咁少少方便， Internet 嘅勝負就係差左咁少少分別。一個咁大重可以再增長嘅社群將來會點？ 無名日後再講。
第四條"煙" : Amazon 。好多人都話佢唔賺錢， 毛利低…..一大堆唔買嘅原因， 但事實上，由DOT COM 年代都係咁講，不過一路講一路升， 在今年年頭出現回調， 在跌過290時無名話撈得過， 跟住最高升到364. 好多傻人覺得最大問題在於低毛利同燒銀紙太多， 但事實證明左CEO Jeff 嘅策略係成功， 到現在Google, Facebook都入唔到佢網上零售市場， 佢低毛利同燒銀紙策略其實有必要， 呢招叫做"入黎你就死，用錢燒死你". Internet生意成敗比非網上生意成敗可以快十倍， 一下放鬆就可以兵敗如山倒。 要買Amazon嘅原因其實在於佢改變緊全球零售生意模式， 用Drone 小形直升機送貨就係好例子， 呢招可能足可以食埋好多UPS, Fedex 嘅生意。最近又話做3D打印同埋將出書利潤直接比作者。各樣可能性都在發生。
有左好股但最大問題好多時係點買同咩價買，一般財演會教你平均 價買入法，原因只係唔識買，就叫你平均價買囉， 但咁其實好傻， 等無名教你不平均價買入法啦， 首先呢個買法要長線同買實力股， 錢要可以守5年以上， 二係分最多50%錢來買美股， 唔好買晒一個市， 第三每個月留一份錢， 當10000為例， 將一半即5000用黎買你比較喜歡果隻， 但要注意portfolio中四隻股平衡， 一隻唔好大過50%. 另一半用黎買平貨， 咩叫平？ 最簡單破週線(如10, 20, 50 週線) 就買，如是者， 又買到你比較喜歡嘅股， 又買到平股。
呢篇文較早前在上星期五在一媒體登出， 無名就在當日買左四條煙， 結果全部都賺！
無名劍
www.facebook.com/nonamesword
沒有留言:
張貼留言