無名早晨快遞 (20140806)

各位朋友早晨呀！ 如果尋日有睇無名早晨快遞，半夜睇到個ADR, 應該訓左都彈起，好想燒無名本數簿，同揾我出黎鞭屍！ 又話向好， 今日跌咁多！頂！ 其實無名星期一做review都話要成日咁中，其實好難， 所以無名成日都講 : 股無必勝！就係咁解，唔好信晒人， 專家， 甚至自己。 如果睇開無名facebook 可能會知， 無名成日話自己又中三T,四環彩咁成日估中乜估中物，都連續中左好耐， 又死雞撐飯蓋咁講，中左咁多次，錯返次都算係天主保佑啦！ 大家要留意，無名D預測係差之毫釐，謬以千里， 即係話中就差少少， 幾點到幾十點， 錯就大檸樂咖。 而睇返今週， 實在唔對板，冇預期咁好， 但無名又馬後炮咁講， 星期一在facebook 講過put 走又得， 唔走又得，呢D市係玩死人， 好友要三日內企穩24800先有力， 而尋日講未來兩日係關鍵，破24500淡友得勢， 今日咁低開其實重好(又死撐),  因為重清楚左， 可以講入緊跌勢， 而無名之前估星期四較差不變， 咁即係可以玩無名劍輪盤買put， 但風險高， 幾時要自行了斷就要自己諗清楚！ 

講返尋日預測話 : 

"今朝先高後低，現左造左低位24520, 應反彈後再試低位， 午市先高後回， 全日低位較有可能在早市尾段出現"

結果真係早市先係後高， 但跌勢又係延遲左30分鐘到13:30 先回升， 不過就一路升到尾市無回， 今朝再低開， 無名又可以死雞撐飯蓋話只係遲左30分鐘啫！ 有網友話無名由以前例遲三日到現在遲30分鐘， 進步好多， 呢位善長一定係童子軍黎！

講返今日， 好簡單，一個字....差！早市尾段彈少少， 午市早段再插， 尾市可能升返D,  無論啱唔啱， 明日都唔似太好。今日輸左咁緊要喎， 大茶飯在前面， 記得無名講過， 正常睇圖黎講八月係差.......

無名劍