又回顧昨日， 無名在Facebook 咁講 :
"全日同早市都可能先高後低， 午市先升後回， 見高可put， 但明日轉好， 尾市見低入call. 上下限 24500 -800. "
結果係恒指一開就回少少， 之後上第一個高位24801, 比上限多一點， 有網友話無名輸個馬鼻，跟住一路跌到早市尾段24618, 同全日低位差7點， 先高後低算啱，若在24800上限開put, 可執180點。
跟住午市開跌多D到24611做全日低位，跟住升， 但就無回過， 一路升到尾。午市先升啱， 後回就錯。全日估升>跌>升>跌4個trend ， 中左三個。如果信無名講午市升低位買左call, 應該可以守到24800或以上， 最少賺近189點(24800-24611) ， 最多就近300點。 即係話如果你好彩又夠醒，最多全日可以執360-480點， 重多過全日波輻唔夠300點。但當然你要好醒同有D運先得。
有網友話夾死， 無名明白佢心情， 但希望大家明白， 無名成日講股無必勝， 同强調成日中三T,4,5,6環彩其實係好難， 事實上睇返香港財演或Blogger 無名未見個有其他幾多人可以日日講升跌，經常講得中就更少， 如果有請告知無名， 等無名同佢交流下。無名希望大家明白， 無名呢個價勢派估市圖像嘅預測係唔易做， 唔好講中唔中先， 夠膽日日講其實已經唔易， 唔信你就是旦問位財經專家明日升定跌就知。 所以股無必勝，唔好信晒任何人， 無名有時連自己都唔信， 永遠疑惑，係保命守則！
而尾市24900 時無名話唔建議呢個位追call, 大部份人都見尾市升，都可能覺得今日正常會高開， 但點知今朝無咩力，無名尾市24900叫人唔好追call, 好似係啱， 但股無必勝，世事邊有絕對呢？ 如果今朝高開，你又可能覺得無名睇錯啦， 其實無名覺得無論今朝升同跌都好， 尋日尾市唔追call 都係啱， 因為呢個策略運用問題， 同高低位無關。原因係無名在星期一已經講左星期二四高， 尋日講上下限24500-800, 預測波輻300點， 同尋日24611-24907個波輻係差幾點， 但區間上左啱啱100點， 無名講過見低call, 如果要call應該係低位call, 如果你無係低位call, 即係你睇位唔夠準， 或者錯失機會， 機會走左就走左， 無理由升左三百點失左個有利位置先睇高追， 比喻就係師父教你在對手三尺前要沈身坐馬出拳， 你無在三尺前出拳， 等到對手衝到面貼面先還手， 就太遲， 呢個時候係應該避， 因為最有利位置失左， 應該退後防守， 否則好易比人一拳打到訓低。 呢個係睇位， 講值博，同戰術運用。大家要明白。
講返今日， 午市有回升， 先低後高， 明日或差D.
無名劍
www.facebook.com/nonamesword
沒有留言:
張貼留言