無名講股英雄會: 老師話 : 無名你係全級考第一但攞唔到滿分所以要罰你！

今日升600幾無回，大米隊强烈要求無名派米，唔好心急，無名有錯必派，借米必還，但係冷靜一下，睇返無名之前講D乜先同(結果) 先講，星期一在電台講 :

1. 中線形勢指數轉左向好 (由星期一到今日，高位一日高過一日，中喎)

2. 今週係升跌升跌升，星期一好，星期二差，星期三好( 星期一同三好啱左，星期二有高開，但一開即插450 點無回頭，低位21719係週低位，又啱呀！中喎)

3. 小心星期二回調深唔深，若深可能令形勢指數變差，但如果21500 守得住，都可以升返。(星期二回450算多啦，但無到21500, 即係守得住，今日又係升，都無錯，又中喎)

4. 今週係反覆，但睇下會唔會做反覆向上勢(星期二一開直插450, 今日直升600, 重唔係反覆？星期一到三高位一日高過一日，重唔係反手向上勢？又中喎)

5. 提左幾隻股票 700, 388, 268, 806, 688, 992可買(比之前好多日都多。(好日都無提咁多隻，一提隻隻都升，又中喎)

另外FB 有講 :

1. 下午破左22200後，無名話"同星期二高開類似，上行力强，同延長左( 上行力强，同延長左，又真係延長左升到尾市22527, 係上行力强，又無錯喎！)

2. 今朝開市叫睇住分中劍21800 (DL 21817, 差17 點彈無回。星期三好同睇住分中劍，又無錯喎)

3. 尋日網友問若可能回點解叫人買貨，無名又講形勢指數向上 (講左咁多次，好明顯啦，形勢真係向上，又無錯喎)

4. 無名有成個月都無出個表比大家，星期一出左10隻咁上下，尋日又講機會唔係人比，要自己把握 (講左幾次，又叫買貨，都好明顯係話升啦，又無錯喎)

淨係睇上面，你話香港有無第個做到先？老實講收錢嘅都無咁準啦！咁都要派米？咁香港大把財演日日都要派啦！如果已經無第個做到，咁即係第一啦！你有冇見過老師罰第一個學生話："其他人食蛋同唔合格都唔洗罰，不過因為你係考第一但無全中喎，所以要罰你！" 大米隊咁樣有冇道理先？

雖然係第一，但都要講錯咩，因為尋日癲瘋指數高，所以無名話今日雖然維持好，但可能有回調，可能早高午低，呢點係錯左，而今日市再升，你可能會估癲瘋指數再升，咁又錯喎，只係咁上下，癲瘋指數唔係見高就升，見跌就回咖，SMA 咩？講得癲瘋指數當然係癲咖啦！有時係咁，有時原全唔係，點解？你問佢先知啦！係佢計出黎唔係無名，邏輯只得佢知，無名只係佢代言人啫。

講埋明日，都係維持不變有回調，星期五好！

講左咁多之後，如果大米隊重係覺得要輪無名呢個考第一名嘅好學生嘅大米的話，咁就一齊黎啦。。。如果你重好意思咁做的話！