2015年10月14日 星期三

無名真係唔想養豬喎?

好長,但最好睇晒!

今日無名見幾次有人問"有貨要為明日做好準備"係點解,而有人係真係解錯左,無名真係唔明,聽返 ‪#‎博股通金‬ 上星期五,今星期一同今日, 三日都係講星期四差, 再睇返post , 淨係講尋日同今日已經圈左七次講明日差, 有貨要分段細啖食,無名講咩好簡單 :

1. 星期四差 (上星期已經講左,相信係你第度揾唔到) 
2. 有貨要分段食

加埋即係星期四差,有貨要分段減持啦!咁無名咩要出post 講? 無名作為一個老師,好有責任令同學明白自己講咩野同問題係邊度,但如果問題唔係無名度,咁即係學生要自己諗返下,點解會解錯。

無名覺得自己已經劃公仔劃出腸,真係唔知可以點, 唔通想無名講一句"升呀,買啦!跌呀!走啦!" 無名唔係唔得,但有人其實係有選擇性偏聽,上星期初無名一講形勢指數轉好,即係有人問無名係咪可以訓身買上!無名咁講會害死人!因為會令人無左防衛意識!重有,無名真係唔想養豬喎!

記住,無名唔係果種為求要自己贏得光彩就下下叫人去到盡訓身 all in 嘅人,因為咁樣係最啱D選擇性偏聽嘅豬(唔係話我地英雄會友), 咁亦都解釋左點咁多豬比人餵完食屎一次又一次,乃完又乃輸十萬八萬大有人在,其實問題在於人性,而呢種人性的弱點就正好可以被利用黎為個人爭取名利!

無名其實係想培養一班有思考有自己判斷力嘅網友,唔係等比人餵食屎嘅豬!

重有要留意,無名一直話雖然形勢指數向上, 但都係講未可以確定係已經跌完,一路都係講"反彈", 要一步步睇,同埋要保守,同上次四月講大市有牛味係完全唔好,又講過現在嘅"市底"係唔靚,所以升都要有介心, 呢D野都係由九月尾反彈浪時開始咁講!

言猶在耳,今日發現週癲瘋指數出現在超高嘅400%, 係幾月未見咁高, 咁即係回調力可以幾大, 下週可能有壓力或可做更低位,回調力大係可以令中線及中長線轉差, 你可能會話"又話中線向好", 癲瘋指數其實真係好似個癲佬咁, 一路升或跌都可以唔黎,但突然就出黎,呢個就係癲瘋指數勁嘅地方,佢同大市一樣咁唔理性,咁難理解,咁瘋癲。

其實由九月尾無名其實一路都講緊反彈, 而形勢指數係講緊trend, 世上無唔轉嘅trend, 現在係咪轉trend, 未可以肯定, 但係癲瘋指數就係用黎預告轉勢同回調可能性。咁加埋一齊先可以更有效掌握勢嘅方向,轉變同力度, 相信呢樣野 ‪#‎只有價勢派做得到‬。

講到呢度大家又可能會恐慌!都講左散戶七宗罪係 :

貪心,細膽,無主見,高追,低沽,聽消息,訓身all in 無仇報!

#‎有無名淡淡定‬!

週癲瘋指數係超高(即市太高,有向下回調力), 但係今日嘅癲瘋指數則幾低到 -70%, 同埋負嘅太極指數都升緊, 若明日係跌,星期五都有機會升返,個市唔似直插,有貨重有機會減持。
現在係應該減倉(call/put都係), 除非你功力夠,否則睇清先都未遲。方向比得好清楚,唔洗問call 定put, 夠薑有膽有錢輸又清楚自己做緊咩先做。



無名劍
www.facebook.com/nonamesword

沒有留言:

張貼留言