睇住黎做！

睇返星期三四嘅預測，無名只可以用一個字黎形容 ---- 屎！ 上星期五話今週初好，星期一二三好，但星期一升勢比較明顯，星期二三反覆，星期四差，星期五好，基本上星期一二都啱，星期二高/低位比星期一高/低位高/低，即係好同反覆都中，星期三就唔係好，一個錯，星期四就唔係差，兩個錯，有睇開無名嘅可能會知，估市圖像法好少有連續兩日錯，無名記憶係幾個月先一次，但機器都會有故障，測市嘅系統就更難無。

無名有錯必認重會細心研究錯乜同原因係咩？ 

1. 信賴估市圖像法，呢排都好順，應該連續幾十日無大錯
2. 其實癲瘋指數在星期三跌到-70%, 係會有彈力，但覺得會跟估市圖像法，覺得市應跌埋星期四，星期五大彈更合理
3. 回顧今週估市圖像法係頭尾升，中間回，今日都係升，即係頭尾升啱左，但問題在於邊日低位，而低位在星期三，强彈在星期四，即係個低位早左一日出現
4. 呢樣野無名成日有講，個市波動性太强，估市圖像法可能有一日到半日嘅提早或延遲
5. 無名再聽返由10月5日之後嘅 ‪#‎博股通金‬ , 講嘅方向係咁嘅，一路係講緊個市10月出方向，一係破20000, 一係破22000, 而破22000 則有機扭轉跌勢，跟住講中線形勢指數轉好，話"大市可能走一段較好嘅路", 同"睇下可唔可以企穏轉勢線22000, 向23000 進發" 結果23000 今日過左，即係同呢段跌市反彈嘅走勢吻合。

而前日講週癲瘋指數高達400%, 有回調壓力， 但係中線，中長線形勢指數已向好，而長線力度指數都轉强。長線力度指數係可以令長線形勢指數轉好。加埋即係好强上升力同好大回調力撞埋一齊，咁嘅情況出現嘅原因係個市之前超跌嚴重，所以反彈力强，呢兩個力加埋係有可能繼續升而癲瘋指數維持高位又或者漸漸回落(無名唔知條數點計出黎，佢亦無正常邏輯可言，只係癲，所以無得預計佢會點), 所以大市有可能再上高位先回調，下週重點係要睇返上轉勢線 23000守唔守，同下轉勢線22500破唔破。上轉勢線若守，則大市會再加力，同之前21800攀車邊位類似，22800 兩次唔上破，但一上破就好勁咁過左23000. 

今日在電台講嘅估市圖像法預測下週唔太差，下星期一二好，而星期一波動力同波輻可能大D, 由於星期三假期，之後嘅遲D先講， 而回調力有可以延遲到下週先黎！如果有早左，希望無名可以預早話比大家知。另外要睇住美股17000 守唔守，同睇住大眾明燈，一有咩風吹草動，就要小心！睇住黎做！

無名劍 
www.facebook.com/nonamesword