2015年10月2日 星期五

記住散戶七宗罪!

無名今朝在電台講左睇下21200 生線可唔可以企穏,睇下會唔會到 21500, 今日就破埋,收又係啱啱 21500 多6點,無名上星期五講過個市未出方向,一路話要保守,因為個市要出真方向一係破 19000, 一係破 21500 - 22000. 今日就到左 21500, 而無名劍指數系統都有好轉,領先指標連續兩日向上,劍勢指數轉左向上,中線形勢指數重係向下,但力度指數幾日轉强,中線形勢指數已接近轉强邊沿,若好多一兩日可能轉向上, 中長線形勢指數都係向下,但中長線力度指數已轉强,即中長線有可能轉好, 同時中長線太極指數偏低,若爆發可以好勁(但唔係即刻). 

以上都係比較向好嘅指標,要留意短線太極指數開始升,回調可以在2-3日內,癲瘋指數約 50%都算高,呢兩個數同估市圖像法預測星期二吻合,所以星期二係決定升跌嘅下一個關鍵日子。 

今日有唔少網友對無名有睇好嘅言論好興奮,問係咪可以訓身,無名再講多次,無論咩市,都唔會叫人訓身,更加憎人叫人all in, 講all in 嘅十個死九個,無名有叫過人"只要信,不要問", 有叫過"攞你命三千部隊掃貨", 都係大賺, 但都係富貴險中求,都唔係叫人訓身,all in. 請大家唔好選擇性偏聽! 

記住散戶七宗罪 : 貪心,細膽,無主見,高追,低沽,聽消息,訓身all in 無仇報!

沒有留言:

張貼留言