2015年10月5日 星期一

無名英雄的感嘆!

https://zh.m.wikipedia.org/zh-hk/英雄_(电影)

m.letv.com/vplay_1060874.html

無名英雄呢個新名,同個用"英雄"電影poster 做嘅wallpaper 可以話係無心插柳柳成蔭,無名睇返資料,先記得主角李連杰原來都係叫無名, 英雄一片在 2002 年上映,好睇唔洗講,片重好有意思, 無名記得片中梁朝偉同張曼玉演嘅殘劍同飛雪可以兩個人打敗數以千計嘅士兵,當時無名正是"棄股十年"之中嘅早期,覺得邊有可能咖? 更完全無想過在股市上有咁嘅可能性,但係世事就係咁奇,你以為完全無可能嘅事,偏偏就可以發生,無名已經証明左股市的確係可以"若能以心成劍,則萬馬千軍在前,手無吋鐵而不懼已!" 片中講到用劍者嘅崇高意義同追求完美極至嘅精神,令無名神往! 無名當時無想過呢種精神可以體現在股市裏面,回想過去咁多年嘅奮鬥同挫折嘅經歷,令無名覺得驚嘆加唏噓之餘,又覺得世事好似早有主宰!

片中講無名為左刺殺秦皇,不惜傷及其他高手好友以得秦皇信任,為求可到其十步之內,但到左無名可以刺殺秦皇一刻,無名將劍轉向,只用劍柄一碰秦皇無殺佢,秦皇問何解不殺?無名答 : 天下!無名嘅意思係,秦皇若死,天下又會大亂,最後都係生靈塗炭!所以無名為左蒼生,放過左秦皇。

無名在開始用"無名劍"講股時用左咁嘅自述 :

[問世間股是何物, 直教身家相許.
余習股數十年, 經歷腥風血雨,刀光劍影無數!
自劍聖一役後, 本已退隱江湖, 不問世事.
惜人性貪, 大户無道, 股民塗炭!
為救股民於水火, 獨提赤劍, 再下天山!]

無名在網上講股,唔係為求出名,目的都係唔想"股民塗炭", 所以"為救股民於水火, 獨提赤劍, 再下天山!" 結果無名覺得自己做到左,雖然救唔晒,但已盡左力。

無名劍係雙刀刃,殺得人都救得人,但要救人係難免有死傷!但無名嘅目的唔係要殺晒所有"秦皇", 因為一個秦皇死左可以有第二個, 目的只係想"秦皇"唔好令"股民塗炭",對自己言行負責,呢個先係無名劍在網上講股嘅目的。

而無名呢個角色最後都死在秦皇嘅亂箭下,但無名呢個名有一個隱喻,一個無名死左,可以有第二,第二個無名英雄出現! 世事就係咁玄妙!

希望聽得明嘅人自己反省,無名完全無想過同任可人比較或爭一日長短,因為無名一早已經明白,"世上之最强劍早已在心",
世界最强嘅對手只有自己!


無名劍
www.facebook.com/nonamesword

沒有留言:

張貼留言