今朝在 #博股通金 講無名真係唔肯定走邊面，因為咁嘅市真係未見過， 但想同你講下一D睇法 :
1. 無名劍指數系統， 形勢指數同劍勢指數四日來都係向下，力度指數同領先指標反覆尋日向上，今日向下， 加埋解讀書反覆向下勢
2. 無名個豬腦不斷同無名講"係有D野發生緊哩，好唔妥喎，今次大鑊野黎咖"
3. 雖然通街唱爆加息，連Fed 個官都出口講，但係痴根嘅無名個豬腦竟然同無名講"痴膠花咖！加乜Q息啫！"
4. 全球經濟都唔係好，美股係因為科技股同美元頂住，頂到尤是可，頂唔到就死晒火！
5. 外滙有再爆邊可能，首當其沖可能係日元，若掉頭佢會死得好慘！美元掉頭可引發全球大災難！
6. 亂估油跌破40, 金1300 無變，歐洲日本是但一個有問題，但日本機會大D, 今年有冇低位就真係要問米先知！
7. 唔識講覺得有幾唔妥，係唔妥，好唔妥，好很唔妥，好很好唔妥，全球都好很好唔妥！
8. 一切看在無名眼中都好唔正常，可能係無名痴左線，又可能係唔痴線唔正常！
9. 豬腦proven 左係一個好複雜嘅系統，可以預測到好多專家都預測唔到嘅野，但佢複雜到無名無法理解佢嘅邏輯。
10. 有D好似打大風前一陣落雨一陣又出太陽又風都無滴果種作悶感覺。(呢句後加老作黎夾硬黎切夠佢10句。。。)
以上唔係預測，因為無名真係唔可以好肯定講個市點走，只知道係有大鑊野在前面，無名只係有碗講碗，有碟講碟，唔洗太認真， 最緊要有戒心！ 唔洗當晒真， 最緊要咪燒親！
無名劍
www.facebook.com/nonamesword
沒有留言:
張貼留言