咁其實今日係咪好難玩呢？ 又唔係喎，因為前幾日都講左睇住轉勢分中劍，重有今朝都講左就算要玩都要老鼠偷食mode, 22500 過左 18 點得一陣，無奶油會死坐等升掛？ 安全D就好似無名在 22400 叫小心鴨仔果陣put, 比佢升返上黎無走都有四點收，止蝕位就可以放 22450, 22500, 睇你槓桿有幾大囉。你可以講馬後炮，又唔早講，因為無名一早講左唔好博，如果你夠薑夠技術應該自己知點做。
無名今日已經唔知講左幾多次"唔妥", 有幾唔妥唔洗講，點知無名又做新聞預告員，咁啱大陸又出招減槓桿到1, 即係無槓桿， 再加埋無名上星期講流料深港通好唔妥就好make sense, 兩個月出台可能唔係試水咁簡單咖，其實可能係有實質需要，係咩需要？ 唔洗講啦！有事囉！但下午反口又點解？ 無名唔係高官嘅小三，無可能知，唯一可以理解係"陣腳大亂", 點解可以咁講? 好簡單啫，如果你用你公司大老版出news 話要攪單大野，轉頭要反口唔認，重唔係陣腳大亂？周小穿個名比你咁玩，做戲咩？
無名劍指數系統同今日講過一樣無變，反覆向下勢， 星期一就要睇開咩位先知玩咩，但有可能要睇返條死線22000,呢個位亦係無名劍指數指示位置. 上証如尋日講今日弱左D, 力度指數同領先指標繼續跌，已經係第四日，形勢同劍勢重係向上，若跌多一兩日都可能轉弱，但星期一二都好chok同爆邊力强要星期一睇先可以confirm.
有網友見無名講咁多次"唔妥", 叫無名唔洗驚，有危有機，同驚就拜神，其實都係好心，怕無名真係驚，其實無名唔係自己驚，只係驚大家唔驚，有危先有機都好啱，但危要完左先有機，如果真係危的話，現在都未開始，咁樣需要驚未？
重有樣野好高興係無名一覺得唔妥就做功課，點知又比無名在以前切埋一大堆嘅廢劍堆度揾到把好野，本來放左係垃圾桶，點知睇真先知係好野，我幫佢起左個名叫"贏極劍", 之前把思贏劍係點大家應該知，呢把勁過佢，所以叫贏極，即係贏到極點咁解。。。kakaka!
P.S. 寫完個post 先知夜期已經破左22000去到 21966. Oh my God!
無名劍
www.facebook.com/nonamesword
沒有留言:
張貼留言