無名尋日話個豬腦舒服晒！個市在星期二跌返變得正常左，個市無咩好講，話今日可能好淡交界，明日好，同埋贏極指數去左個較低位，睇市都係好簡單，只係要睇住轉勢分中劍21800/22000.
結果今日高開左在22300之上，分中劍比左22200, 在開位高100點，其實係比位佢回，即係唔破 22200 都唔太驚，跟住做上到第一高位2248x，到 2243x 時無名話分中劍改守 22500, 之後上DH22497, 差3點回， 之後全日跌，到 22243, 若早市夠薑做call上，最多食170點，若近分中位做put最多食250 點，前後400點，打五折都有200點，今日跟分中劍玩算易，呢個係分中劍好處，就算當係今日反覆市， 都唔會輸太多。分中劍無可能日日都贏得咁順，但睇住黎做可以比較容易控制止蝕，長線先可以輸少贏多。今日係一個幾好嘅分中劍教學例子，所以特別寫出黎。但其實如果睇返前幾日大chok 市。估市圖像法跟唔切，但單日用轉勢分中劍一樣可能賺鑊金，問題係你識唔識用，所以劍係死，劍法先係生，而劍法在人。
睇返無名劍指數系統係轉好左，力度同領先指標都向左上，形勢指數同劍勢指數兩個方向指數都重係向下，但已經有好轉，若升多一兩日可以轉强。所以明日好重要，因為前日贏極指數到左個低位，如果明日大插，往績會跌得幾深，若守住，則有機會在贏極指數低位當日做底，咁就可能"贏極", 就係咁解。
現在暫時無左好唔妥感覺，反而豬腦話中國同世界各國好似有D事要好急頂起個市(唔係講一兩日內) , 唔知真唔真。但係都係要老鼠偷食mode, 唔好太勇，因為就算明日唔升，只要唔大跌都ok, 但如果係大跌，咁就幾大鑊！但係豬腦就唔覺得有大鑊野， 不過都係要明早睇真開咩位先知！
無名劍
www.facebook.com/nonamesword
沒有留言:
張貼留言