無名尋日講領先指標同明劍向好，今日唔差，結果今日高開，早市先上DH 22787之後回，到22700 水平，無名改分中劍守22700, 之後破到 22664, 同無名教網友call 止蝕位差14 點反彈， 上返22700 多幾點再跌， 之後網友話要派米，咪住先，睇睇今日高低位？ DH22787 同DL 22453 都比尋日高低位高，點派米先？ 呢個係大家理解上嘅偏差，大家要理解下D數據先，之前係講過星期三四差，但尋日收市後講領先指標同明劍向好，即係今日唔差，同今日係好淡交界， 即係兩種力都有，咁今日高開到DH22787, 係咪向好？但無名無話好就要全日高企，或唔可以回喎， 分中劍開 22800 在早市DH 之上, 都無上到過，同今日插返落 22500 係咪有好有淡。。。好淡交界？ 但如果無名講今日差，你今朝又會話派米，不如你事後比個model answer 比無名好唔好？
其實每日講好定差係好難嘅事，因為市唔一定係完全好，或完全差，好似今日抽高左有高位，但又插幾百， 係算好定差呢？ 市唔係無名可以話事點走咖，無名只可以講自己嘅預測，之前講星期四差，係一個遠D嘅預測，只見到全日主勢係有跌力，而尋日講好，係睇到短線走勢，有時兩個勢可以重疊，好難講邊個先或後，只可以當日睇最清楚。 但係無名今日午市講可能先跌中左，不過話尾好，就無黎，現在夜期抽返上100點， 可能係延續。明日一樣有可能高開。
今日雖然抽高左，但無名劍指數系統係差左，形勢指數同劍勢指都係向好，但劍勢指數已近弱勢，力度指數係第二日轉差，領先指數由尋日好到今日變差， 明劍都弱。所以無名尾市提左呢兩個指數向下，call 要自己諗。 咁唔代表明日係全日插， 因為之前講左星期五係chok中有力。 Chok 即係波輻大， 而一般無名無講係跌力的話，有力係指向上，chok 中有力係指波輻大同有反抽力。但又話領先指標向下，咪有conflict 囉，其實都係指波輻大，即係上下chok 力强。 其實又同今日嘅講法一樣，明日可能好似今日咁好反覆。
之前又有講今週要睇22500 守唔守，守則下週星期一二向好，結果幾日都來回22500 破少少，兩日都收近22500. 呢個睇法無變，明日守唔守22500 好重要，但重要留意多一個指數，今週恒指係比上週好，但週形勢指數係轉差左，重有贏極指數在星期一恒指週高位22802當日見高位，即係如果唔破上22802, 後市回調力繼續，咁樣即係明日破唔破22802 好緊要，若唔破上或22500 唔守則下星期一二可能轉差。
無名劍
www.facebook.com/nonamesword
沒有留言:
張貼留言