唔妥，唔妥，好唔妥！

Post 11月9日凌晨。。。

本來呢篇係"無名劍形勢速遞 - 20151106", 應該係星期五晚上出， 但無名無出到，因為無名一路揾緊有咩唔妥，其實自星期三大陸放流料講今年內出深港通，已經覺得好唔妥，亦出左post 講左原因， 跟住星期四嘅post 都講過雖然無名劍指數系統轉好左，但總之覺得"冇D唔妥", 而星期五朝在電台都講覺得"有D唔妥" 同講睇住22800 爆破分中劍做人，結果DL 22791比佢 低9 點， 午市話可能會好D, 結果午市開市係先升，跟住升到 22921, 同DH 差1 點唔破DH 就回，其實呢下唔破係唔正常， 所以尾市再講多次話"有D唔妥" 同話唔建議call/put 過週末，之後夜期跌多200 幾點。 

黎緊個市既簡單又複雜！簡單就係又係睇下 22800 爆破分中線同 23000轉勢線到唔到守唔守，若唔到或唔守，則可以幾大鑊下，若守嘅就老鼠偷食下。

複雜嘅地方係無名諗左好耐，都諗唔到咩事唔妥，但係無名終於諗到個問題係邊度，咪就係唔知咩事唔妥囉！ 呢件事最唔妥嘅地方就係唔知咩唔妥囉！點解咁講，其實無名五年來日日估市咁耐，係好少覺得個市唔妥而唔知係咩事， 如果覺得個市唔妥，總係有D預感/想法覺得會點，但今次就無。 

但係重有第二個唔妥，係無名劍指數系統係由星期三轉好左，但自己嘅感覺係背道而馳緊， 即係無名同無名劍指數系統背馳，自己唔認同無名劍指數系統走嘅方向， 呢個情況係少出現，因為就算錯，無名都係多數偏向跟劍仔，因為其實往績prove 左佢準繩度。 所以今次咁幾樣一齊黎，真係比較奇。 

直覺係有D大事已經正在發生緊，一黎就會好似打風咁，話黎就黎， 重係好猛， 而今次係影響嘅人係唔止買股票嘅人，不過都只係全無跟據嘅亂估。 

但係咩都小心D啦! 因為真係唔妥，唔妥，好唔妥！

無名劍
www.facebook.com/nonamesword