寫在 #孤單的路。。。71天！
無名實在覺得現在做緊嘅預測太悶太無聊！其實無名在5年來有一個每日cap 恒指圖嘅習慣，就算唔記得，半夜醒左都會做返，目的係為左日後温書，但無名在兩個月前已經停左呢個習慣，因為自己已經知道無需要温返，原因係個豬腦同無名講"你都記得晒D pattern 啦！重cap 咩鬼啫！？" 無名心諗"又係喎！", 另外無名以前有post trade record 嘅習慣，目的係證明講得出做得到，同有個記錄，結果又有人話無名玩demo, 個腦又問無名"其實你post 黎做咩啫？ 你要證明你做得到嘅野都已經證明左啦！" 無名心諗"又係喎，post 左咁多，咩都證明晒啦！重post 乜鬼啫？！", 咁無名又戒埋post record 嘅習慣，無名之前重有個一日估升跌4/5轉捉轉角位嘅習慣，結果都戒埋，原因都係豬腦同無名講"你重要證明咩啫！？ 無聊！" 無名心諗"又係喎，50分鐘捉五個轉角試過，每日估升跌，一星期全中又試過，估一週升跌升跌升都試過，平中有跌，升中有彈，平市唔彈，滬港通一開通櫃褲穿o隆，四月大市有牛味目標28800, 七月頭大跌當日攞你命三千部隊入市，，七月中全球股災論，十月頭保守起睇升，年頭風起雲湧，炒爆嘔凸。。。。" 基本上大轉角位都無漏過，細嘅又捉過好多。。。。問題就黎，個豬腦又問無名"咁你重有咩好做啫？好鬼悶呀！"
敝啦！點答佢好呢？？有！無名話"重有！我要證明價勢派嘅存在囉！", 豬腦 : "頂！你在電台都講左半年啦，要知就知左啦！證咩Q野明啫？！" 無名答"咁唔洗證明，我。。我。。。我做研究啦！" 豬腦話 : "頂！你日日都做緊啦！ 唔好厄自己啦好唔好？" 又係喎！ 豬腦 : "悶死我啦！揾D新野攪啦！"
無名答："你講得啱！其實真係無野好做，咁就同你衝出香港，衝出亞洲啦！"
無名劍
www.facebook.com/nonamesword
沒有留言:
張貼留言