無名劍開倉派米！大米隊開飯喇！

好消息！好消息！大米隊等左咁耐，終於等到！有米派呀！今日無名劍開倉派米喇！

無名星期三話星期五好， 就高開600點在 22424, 今朝話"唔係全好", 其實都中左大半咖， 重話早市後低，又比左思瑩劍 21960/22680, 話思劍 21960先機會大， 結果真係先到 DL 21961 多一點反彈， 都算係咁啦！ 不過今朝在博股通金有講午市好， 午市2:00 前再出DL , 跟住彈少少，其實一路在思劍上下扭擰，之後就插， 一破左尋日瑩劍21860就係咁插！ 今週到星期五午市完嘅預測都算中，但係就當然衰收尾啦！

不過出得黎行，預左要還，股無必勝係無名口頭禪！邊有全中啦！ 所以無名會理行承諾，開倉派米！ 等大米隊可以有餐飽飯食啦！其實大米隊都餓左好耐咖啦！今次終於比你地等到啦！ 有得食好食飽D啦！下次唔知又要等幾耐咖！

由於午市唔跟預測，要微調一下下週預測，將星期一由平中帶好調為平中有跌， 星期二跌唔變，但都好淡交界，星期三好不變。

大米隊請排好隊，無名個米倉大把貨，唔好爭！ok?

無名劍 
www.facebook.com/nonamesword

唔洗問阿貴哩！聽博股通金就得啦！

多謝大家經常留言問野！無名都會盡量答，但係一D問題如果係問無名 : 

今日有冇改？
明日係咪維持向好/向淡？
今週點睇？
係咪維持先高後低，先低後高？

呢D(有冇轉？定維持不變？) 嘅問題其實可以唔洗問，因為如果有轉會即刻post, 或在電台講。 其實聽得無名耐嘅朋友都應該知，無名唔係成日改， 有改會講，有錯會認。而且無名已經講定一週每日睇法，老實講未見過有人做到，無名覺得指示係足夠，但如果你覺得唔夠，唔明的話，你應該再練下學習下先入市，咁唔係踩你，係如果有人講左可能點走，但如果你都係唔sure 點做，咁即係有D野未夠。 

大市同一週睇法可以在下面條link聽以下節目 : 

www.metroradio.com.hk/MFD/ProgramArchive.aspx

新城數碼財經台 (唔係新城財經台)
09: 30 開始嘅"財經直播"
主持 : 朱子昭，陳杰屏
逢星期一，三，五 09:50 ‪#‎博股通金‬ 環節

在link 上跟住1,2,3 做，咁就得。 

如有網友唔知，請代轉告。謝謝！ 

無名劍
www.facebook.com/nonamesword  

大米隊，好對唔住！ 都係無米派！

各位英雄會友早晨呀！ 無名上星期話二三差， 結果星期二係低開近死線21000, 在21119, 但無名話巨浪未黎重有反高潮，跟住彈上21871, 但午後再回，到DL 20865, 係週低位，星期二算唔算差，但又有話反高沽，即係升跌都中， 無米派，sorry!

星期二夜期又爆上，無名教人在高位先食，話第朝低call 好，點知星期三早市回返黎開， 只係比前收市高30 點， 無名又話早市尾低，結果早市DL 21091, 午市彈，上市彈上 21686, 但無名星期二已講左星期三係好淡交界，即使有低位都有彈，星期四維持向好。
星期三晚又係星期二晚一樣翻板，但係相反，大插，點知今朝又高開返，咁即係話今星期到現在為止全部都中晒！

大米隊，好對唔住！都係無米派！Kakaka! 

無名劍
www.facebook.com/nonamesword

思瑩密碼。。。

無名今日出左把新劍，叫思瑩劍， 咁講 : 

思劍數 20930, 思者低頭沈思也，向下。 
瑩劍數 21860, 瑩者燦爛晶瑩也，向上。

全名思瑩劍。
----------------------------------------------

有網友話重唔係女仔名，你地諗多左啦！無名之前有把形劍， 又有無極長贏劍，叫瑩係唔想重覆啫， 瑩有燦爛晶瑩，光輝奪目，又有盈利嘅意思，即係話見到"瑩",  就唔好放過，錯過左呢個機會就可能揾唔返咖。 

思係沈思。即係在下跌時只宜沈思，反覆思量，思又與屍同音，即係話你若沈緊嘅時候，如果唔不斷"思"的話，個人就會好似變死屍一樣，叫你唔好亂黎！ 令大家誤會，純屬巧合，實在好笑！ 

表面睇思瑩劍今日完全無用，但其實思瑩劍內藏密碼，你諗唔諗到？ 

Tips : 思瑩劍唔係普通嘅劍黎咖，要多加思考。

劍仙唔洗答！ 

無名劍  
www.facebook.com/nonamesword

咁算唔算係濤天巨浪！？

無名頭先出左post 話 : 等了一生的濤天巨浪！

noname-stock.blogspot.hk/2015/08/blog-post_24.html?m=0

出嘅時間約8:00, 跟住DOW左 09:30 出現閃跌1000 點， 歐美大插， 夜期插1000 點， 無名之前講過 :

1. 上証排緊期(今日插), 
2. 不日上映，美股先係戲肉， 預告片已經上左
3. 今朝電台講唔好撈底，唔好估底
4. 上星期五講星期二跌， 
5. 七月講左全球股災提早黎咖，全球三個月內可能有股災
6. 年頭講 : 油金股滙，風起雲湧，炒爆嘔凸！
7. 上星期答左網友話今次跌市20000點係最低消費(唔該晒華Dee 同Taylor幫手揾返record)

全部都中晒， 時間上係講完嘅 1個半鐘後。。。。係個市痴線，定無名痴左線呀？

無名劍

等了一生的濤天巨浪！

http://youtu.be/Pq0kNjB7ooU

無名劍自創價勢派，經歷血雨腥風，刀光劍影無數，能以一敵百， 萬馬千軍在前，手無吋鐵而不懼。 但無名今次面對一個前所未見嘅挑戰。個挑戰同機會同樣係無名一世人未見過。 

無名記得睇過一套戲，戲內講一個超級滑浪高手，一直在等一個傳說中50 年一次嘅超級巨浪，終於比佢等到， 朋友忠告佢唔好去， 因為會死咖，結果滑浪高手無悔地去左。 無名同樣一生在等一個巨浪，無名在三日前8月21日星期五見到，面對呢個夢寐以求嘅濤天巨浪，無名無諗過自己竟然係會腳軟，無名並唔係驚死，無名只係怕捉唔緊呢個浪，呢世都揾唔到第二個。 

無名此刻心情跌到谷底，無法自拔！ 

可唔可以祝福我？ 

無名劍
2015年8月24日

即日上影，黃牛飛貴！

無名頭先出廢文講不日上映，話上証股災國家隊係救唔到，又話劍聖入定預售門券，原來劍聖怕有人炒黃牛飛所以雞仔注入定先！

點知夜期跌多400, 美股就跌多300, 咁快就做緊預告片！星期一會點？ 唔知，都係等睇戲！

唔知係咪黃牛飛好好炒，所以就有人搶黃牛，話好抵！但有可能變左劏死牛喎！

無名劍 

不日上映！

noname-stock.blogspot.hk/2015/07/blog-post_13.html?m=0

無名7月13 出嘅廢文"話李知傳球股災提早黎嫁！"講到嘅三個條件都中左。年頭嘅炒爆嘔凸都嘔凸埋。

但唔好以為一定直落，不過好戲在後頭，恒指上左畫，上証排緊期，美股先係戲肉。

美股近日跌得多左D, 反彈都正常嘅，但劍聖已經幫無名book 左預售門券。

不日上映，請密切留意映期！

無名劍

落葉飛花皆可成劍，草木皆兵矣！

無名今朝又做show,  原因唔係為左晒野，只係有人煩無名！無名在開市頭50分鐘捉左五個轉角位 : 

第一個 : 星期五講過星期二比星期一好，恒指高開142點在 23956, 無名話"今朝係有升有跌"

第二個 : 恒指五分中急插到DL23875, 無名cap 圖23878, 高三點

第三個 : 五分鐘升上第一DH 23992, 比生線低 8點回，生線一早比左

第四個 : 無名cap圖23942, 恒指之後反彈上第二DH 24024

第五個 : DH 後五分鐘內，再cap 圖 約 2399X. 之後一路跌， 之後跌到23810 平put,  平put 時同 23810 同一分鐘， 亦係短暫DL. 

在23810反左手call,  post 出黎可執2000幾但無執，之後再跌，輸2000 平， 但扣返11點手術費即2200, 其實無名在指數上係高一點平。因為無賺所以最後一轉唔計。

今朝比嘅三個位 24000, 23800, 23500, 全部中晒，呢幾日叫左唔好買股，單講左隻547話有異動，兩日跌市升左20% . 呢D婆毑數都費時同你計，單係計頭五個，50分鐘做五個轉角位，唔係話好勁，但做出黎係比人睇下無名在股市必勝法所講嘅 : "落葉飛花皆可成劍，草木皆兵矣！" 到底係咩？！ 

唔明點解重要揾無名比，其實如果你係勁，無名一眼就知，做咩要煩我？ 

無名自小學已知世上無人可比，只會同昨日嘅自己比！ 

如果要比，先試下呢個50分鐘五個轉角位攞張ticket先啦！咪煩我好唔好？

無名劍
www.facebook.com/nonamesword

992鬼話連篇之。。。。半夜計左條毛管"洞"嘅數！

唔係講笑，尋晚真係半夜計計下條數，毛管都"洞"埋！直頭係心寒果隻！ 

無名上次果篇992 話有下集，有網友話吊癮！ 未講下集，先講個"鬼故"篇先！ 

話說無名在聯想今次出業績前已經講左話聯想手機無突破已經係好大問題 : 

noname-stock.blogspot.hk/2015/08/blog-post.html?m=0

當日8月6日，聯想當日高位8.52, 收 8.29. 

8月13 出業績差，個人電腦收入跌13%, 但最大虧損係來自手機高達18億， 要裁員3200 人， 無名已經唔係第一次早過新聞報道講出會發生嘅事，無名之前講左 "Motorola 收購後未見產品有突破，呢個係好大問題"同PC 會跌share(結果sales drop 先) .  

之後彈過野，但又跌返到今日52週低位破左7. 咁都唔奇，當無名睇返自己講過嘅"特異功能",  揾返資料計一計數，即係全身毛管"洞",  心諗： "頂！係咪有鬼呀！" 

簡單咁講，無名在5月中買左部Dell 電腦， 之後992 由13.4 一路跌到今日52週低， 無名心諗，有無咁邪呀，所以揾返自己買Lenovo 電腦嘅日期，係 2011 年 11 月，當日股價係5.0x, 跟住都無跌過5, 一路升左年幾到歷史高位14.3 , 當日係4月9日， 即係買Dell 電腦一個月前，就係開始留意Dell 部新機嘅時候！ 以上無名全部都有証據，無名都知自己買果隻升果隻，但無諗過買對家都咁大鑊！你話係咪"特異功能"先！ 

更恐怖係咁唔通992 要跌到還完機本步跌到5？！ 但你都唔好話無可能，不過若到5就更好， 因為5應該有反彈！ 

無名劍
www.facebook.com/nonamesword



  

10天都穿白底褲的意義！

呢篇"10天都穿白底褲的意義",  係無名約在2011 年在投名滙時寫 : 

nonameoldstory.blogspot.hk/2014/10/10.html?m=0  

篇文嘅目的其實係講市場流行嘅講幾多天線有支持嘅睇法，同幾多天都著白底褲嘅習慣一樣，只可以話， 之前咁多次都係咁，但係如果講到好實，話上幾次在幾多天線反彈，所以今就。。。。 

其實無名都有教過平均線，叫一線勝股神，因為夠簡單，但識用係真係可以勝股神，但係就唔係市場流行講法咁用， 你見無名幾可講幾多天線有支持咖？ 道理就如講，十日都著白底褲有支持一樣，普通當噏下可以，但用黎做分析就同賭下你明日條底褲顏色一樣。

成交都一樣，無名成日聽到話"嘩！咁細成交，個市死得啦！" , 咁睇法都係一樣天真！其實無名未見過有一本書講量分析係啱嘅。。。或者無名讀得書少，所以唔知啦！ 

無名劍
www.facebook.com/nonamesword

懷念楊門女將......已經一年！

noname-stock.blogspot.hk/2014/08/blog-post_18.html?m=0

今日見網友提起！原來已經一年！ 

無名其實未同佢見過面，但從文章知道佢係有料之人，離開實在可惜，但係天意難違！ 

楊名立萬天下響，
門下女子勝鬚眉，
女中豪傑誰不知，
將士哭泣因別離，
安心離去路好走，
息懷主內享天年。

無名劍
www.facebook.com/nonamesword

向下微調下週估市圖像法

無名經常都收到網友問有無改view,  實在唔怪得大家，因為市場尤其係恒指實在太chok,  基本上你玩得掂恒指，係無咩玩唔掂，呢個係無名對港女偏愛嘅原因，因為佢周身賤格加麻乜煩！ 

無名對改view 嘅提問其實都講過好多次，如果有改會公開通知，無名在博股通金開始講估市圖像法以來好似好少講完之後有改，但係今日就要，其實有聽今日無名只講左星期一二睇法都會覺得奇D, 因為都好少只講兩日(通常一講係星期一至五), 而咁啱今日又係多日以來(好似有一個月)第一次完全同單日預測唔同，無名估今日中間高，但其實全日高開一路陰跌而且好細波輻， 咁多個exception 都在今日出現係咪巧合？ 你話呢？

其實一個好嘅預測者係唔只識預測， 重要預測埋自己預測有幾準，無名其實都知變數好高， 原因係恒指在中線淡勢中嘅短線反覆勢， 所以好難估，但係無名今朝講博股通金時强調"若24000唔破的話"星期一係平中向好，星期二好但波動力大， 現在因 : 

1. 今日無中間高
2. 破 24000 第二次再做DL
3. 收市又在 24000分中劍加生線之下(差9點。。你話分中劍有無用)

所以向下微調下週估市圖像法為 : 

1. 星期一淡，但係係好淡交界
2. 星期二較星期一好，一樣係波動力大

其實即係成個形態無變，但成條線下移。

而恒指同上証繼續力背馳，即係上証比恒指好力，大家今日都應該睇到。 所以上升希望在上証可唔可以上破 4000 點企穏，其實無名一星期前已講在上証形勢指數(中線)  轉好左，結果都係。

講左咁長，希望你地明白無名講咩，講升跌並唔係唔升就跌咁簡單，單係描述都已經係一個技巧，因為要令人明都唔係易。

無名劍
www.facebook.com/nonamesword

邊個估得到？ 尾燈見唔到！

無名尋日講過無唔抵得，因為無野好唔抵得。 

無名話無踩低人抬高自己，因為唔洗抬，無名知自己有幾高。

今朝就做左個demo。一朝估中4轉升跌全中，走3轉 49200, 一個人一朝164 張飛，一個人，一隻手指。若能以心成劍，則萬馬千軍在前，手無吋鐵而不懼已。 

午市無名講港股悶，就幾十點上落到收市。升估到，跌估到，唔升唔跌都估到，邊個估得到，尾燈見唔到。

股場上的錢散落一地，有能者撿之不盡。。。無名都照做，股市無第幾，差之毫釐，謬之千里。

重有唔抵得，重要抬高自己？ 重要爭蕃薯？唔洗啦掛？！

無名話遇到批評，都以實質証據，以技術擊倒，不粗言，不穢語， 無抽水，無宣傳，你咁講，我照做。講得出，做得到。

但係重有妒忌人靚仔？ 呢樣做唔到，好彩有人做，因我講唔到。

無名劍
www.facebook.com/nonamesword

留給最愛豬仔的說話。。。。

親愛嘅豬仔，

你地好！ 無名最近見個市風高浪急，發左D up 瘋，引來好多誤會，所以想澄清一下 : 

1. 無名批評嘅人都有一個共通點，就係無顧受眾風險，如火燎森下下推垃圾股當價值投資儲錢股，大手轟入燈爆而盡，或者欺凌弱小，如一位阿姨，下下怒摑，無名就怒摑返佢，原因只係無名生性多管閒事，唔想有人受無理損失或傷害。

2. 無名只係自說自話，亦無開名，只希望見文者好自思量，回頭是岸，無名無心破人飯碗，因為無名尊重每位要揾食嘅男人。但無名廢文反覆傳到豬仔之間，惹來大家討論，實屬好笑夾抵死！

3. 有說無名踩低人來抬高自己，無名實在罪過加抵死，理應自修三件以謝天下，無名無意踩人，更唔係要抬高自己，  無名其實覺得事主都好攪笑，實為散戶之福，但多口只因近期有網友向無名反映，所以忍唔住多口講幾句，無名寫Blog五年多來，從來自說自話，從無做宣傳，更無意上位，在財演界爭一日之長短，相反無名好努力地隱姓埋名，與高手見面影相都hide 面，更相都無張，有show face 節目都唔Do,  抬高自己之心可謂全無。所謂踩人，只係無名照觀察所得，有話直說，閒來廢up 而已。敬希見諒深山野人，目不識丁，讀得書少，未懂欣賞蝕住賺等絕技！  無某絕無踩低之意，但亦期望一睹蝕住賺，屙住食等神技！

3. 有謂無名唔抵得人靚仔，無名生來好命，自出娘胎都未曾比人話過丑樣， 讚多彈少，靚仔與否可謂各花入各眼，無名自少從未妒忌過人靚仔，財演當中亦未見過可以妒忌之靚仔，如此說法實屬無辜，亦甚好笑！

4. 有說無名無修養，無名雖然口賤，講口賤可謂講股界數一數二，此無他，只怪無名娘親，生得無名人頭豬腦，轉數較高，相與論者未逢敵手，四書五經，作詩填詞亦懂一二，但無名到今日都未有講過任何人一個名字，無名只有照Quote 一招半式如蝕住賺嘅絕技(一字無改) ，及對受重傷豬仔致以深切治療部式慰問，但對方已直指無名，所以無名要澄清，無名廢up 只為提醒可救的豬仔，減少損失，但被開名指責，到底邊個無修養先？唔通自己講睇法都唔可以？無名亦公開接受批評，有批評都一定以實質証據辯明，何來無修養可言？ 無名乃一界武夫，與人口角常見，但無名每次都以技術性擊倒，甚少以粗口對待，直至對方自知無位可入，自動收皮。相反講人無修養者對反對者粗口橫飛，屢見不鮮已。請勿將修養同駡人技巧混為一談，濟公酒肉穿腸過，佛祖心中留。

5. 有說無名小氣，無名R頭R"計"，遍尋不獲，無名受過不少批評，亦睇錯無數次，但有錯都有認，及絕不不了了之，輸左就話"牛仔在夢中安然離去", 如果批評就係小氣，咁世上重有公平？批評亦都係對事不對人，無名早前未言一句，但見近期大市反覆，時有中招，屙煙後再屙煙，底褲輸完一條又當第條，全部有根有據，只對事不對人，無名先發此言，為的不是唔抵得人，無名老實講在股界見高手無數，未曾見過一位要唔抵得，敬重的高手有如肥熊，劍仙，Kenny 兄，女俠者等，但對方並未在此列，並非講渣，只係由心直講，要講唔抵得，只為唔抵得有人輸錢，是故無某忍到今日先出聲，只因無名父親自少教無名，路見不平拔刀相助，父親教誨，不敢不從！

6. 有說爭Fans屎，無名從未在FB賣過廣告，相又無張，平日對Fan屎留言都少答(Sorry, 太忙), 更無玩一tag三， 勾三搭四等game，相對對家的customer service, 言多必覆，對重傷者加以慰問，公關功夫到家，無名自懺形愧，愧對Fan屎，自家廚房蕃薯不理，有何爭Fan屎可言？

7. 最後無名見留言後終於明白大自然生態定律，無名無力改造品種，DNA中注定了獵食者與被食者的位置，無名其實連想救都多餘，被食者都死得安樂，活得開心！請原諒無名天真的想法！無名fan屎們亦無謂多言，生有時，死有時，天地之芻狗不仁！一言已盡之已！

無名死性難改，無名只想施主為豬仔著想，少D屙煙，少D當底褲，咁無名就自當收皮，做其忍屎忍尿忍仕！ 如有冒犯，敬希見諒！無名再自修三件以謝施主普渡眾生！

敬祝食得安心，屙得順, 食住屙，屙住食，腸胃通！

無名劍
www.facebook.com/nonamesword

香港網購大時代終於都來臨!

hk.apple.nextmedia.com/financeestate/art/20150811/19250715?_ga=1.2358128.1993647282.1432221805

最近無名個豬腦同無名講 : 香港網購大時代終於都來臨!

而贏嘅當然係。。。唔洗講啦！

而王維基同無名兩年前批死佢"電視攞唔到牌，比佢都做唔好"一樣，結果牌攞唔到，攪左一輪，最後好似節目都攪唔好，中晒！不過今次重攪笑，王維基連門口係邊都未知，就以為自己出左街！ (好消息 : 口痕友又可以睇下有無位入)  

而福佳同壞康就等。。。。仆街啦！ 

無名劍 
www.facebook.com/nonamesword

可憐的豬仔。。。

https://m.facebook.com/story.php?story_fbid=405817092946273&id=179569508904367&fs=0

上星期講星期一好chok, 星期二四好，星期三chok 中有彈力， 尋日話天劍出銷，今朝就高開升過 400 點到924, 無名在 24900 水平叫左走話會回，改分中劍24800, 破左一路無上返，如果跟足已食左幾百點走人，兼唔洗倒捱緊，可憐今朝有傻仔見好即叫call, 但識call 唔識叫人收制，無數豬仔蝕到眼光光咁睇住佢認叻，叫你蝕住賺！ 笑到我Kit一聲！ 真係要恭喜沈大師後繼有人！

現在夜期跌到咁，班豬仔一定一褲都係， 但無名講過星期三chok 中有彈，今日跌其實係星期三嘅chok早左D黎， 所以。。。。。都係等睇戲先同埋聽返博股通金啦！Kakaka!

無名劍 
www.facebook.com/nonamesword

狗性不改，賊性難移！

https://m.facebook.com/comment/replies/?ctoken=10152959062635458_10152960592925458&count=274&ft_ent_identifier=10152959062635458&gfid=AQAji9WPQYZvVFmd&ref=m_notif&notif_t=mentions_comment

本來無名想算數比個位佢落台當返佢係個人，點知無名錯左， 最好笑係佢講今日天劍唔合格， 天劍係我發明，在全香港都未見過同一樣程式，無名話升幾多唔通要佢同意？無名已經在高位24900講左走同話左會回，咁都話唔合格，同佢講奇數唔得係一樣， 選擇性理解，佢講晒，最狗係佢錯左果陣成日唔敢浦頭， 大市回左就出黎講野，同之前D太監龜一樣，有理由相信佢地係近親！

真係狗性不改，賊性難移！ 原來佢唔止狗，重好癲。。。。係癲狗黎！

所以無名一早block 佢係無錯！

無名劍
www.facebook.com/nonamesword

追逐巔峰境界盡頭的一刻！

睇開無名嘅都知無名已經無post 記錄好耐，因為唔係個個贏，成日post 唔係咁好，不過有人吋無名，話無名D 奇劍無料到， 就比佢睇下奇劍係咪咁無料囉！識用就係寶劍，唔識就係廢鐵！ 你唔識用，唔代表佢無用。

星期五到今日食左16 單， 兩單蝕， 而其中一單係蝕600, 即係3點。 重有呢度每個trade 係已經扣左11 點， 11 * 16 = 176 點， 以每注 2000 張contact 計，係 $35200手術費, 而蝕最多果單只係 $21000, 即係話如果我係炒期只係輸完手術費重有找 $1X000.

無名其實唔係想晒野，一早講左如果要認叻我就揾個節目show face先啦！

無名只係想追逐巔峰境界盡頭嘅一刻！

無名劍
www.facebook.com/nonamesword 

劍聖指示 : 天劍出銷！

劍聖話有咁嘅條件，但出唔出， 幾時出，出幾多，就睇天。大市重未脫困境，股無必勝，自己諗諗。

天劍出銷，皆盡奇境，
天劍出銷，皆盡奇境，
天劍奇境，不可不理，
天劍異象，不可預期，
天劍天機，字字珠璣。

無名劍

美股一條King!

無名講過價勢投資法選股！講過港股有700, 而美股就多D
, 先有四條煙 : Apple,  Google, Facebook,  Amazon.  

後有美股鋤大Dee : Disney

其實全部都創過新高，同埋可以長揸！

咁重有無"積，囡，King"呀！ 其實有咖，美股一條King 就係Tesla, 無名對Tesla 同垃圾1211嘅睇法啱啱相反，Tesla 可長揸， 但要長線分注，若有現價短線都可以，但留意全球今年有股災危機， 所以可以慢慢等下先又得。200 樓下更好！  

無名劍
www.facebook.com/nonamesword

如果你想做豬，無名都幫你唔到！

https://m.facebook.com/story.php?story_fbid=404238413104141&id=179569508904367&fs=0
圖在上面link 內。

各位英雄會友如果識聽無名講野嘅，呢排應該肥左唔少，上星期講今週星期一平(好淡交界，跌都唔驚), 星期二三好，四跌，你睇返日圖就會明， 今週論高低位比上週唔算好左。但論一週走勢，大概都係咁， 而星期三在博股通金都講左星期四可反手，主持朱子昭問好唔好put過夜，無名話過夜睇自己功啦，保守可第朝先，因為星期四開市位唔太低，結果夜期係有抽高(所以睇自己功夫), 第朝有高開少少，但一開就係DH全日跌，所以第朝做都啱左。 

之前有人話無名D野會危害一般投資者，無名要講多次，指數期指期權都唔係投資，係投機，係賭博，可以輸晒同輸突，所以一定係唔啱投資者。但無名D野係咪好難理解呢？ 其實無名係可以講得好淺白，一句"今日見低call" 有幾難，好多人其實都唔想用腦，希望無名一句講升定跌，佢就以為好似"咁"機咁攞錢，無名其實係想比返一個炒家做返炒家最基本要做嘅野佢自己，就係要有自我思考，同自己負責，無名唔想教豬食豬潲，更有話無名中就攞黎歌頌自己，輸就叫人自己負責， 其實無名係輸贏都叫人自己負責。 

重有更重要嘅係，如果有眼嘅睇返條分中劍24500, 睇下高低位，無名上星期期結前已經講左，若24000 唔破都有可能上返25000, 基本上只要在24500 之上put,  之下call,  都係有機會贏，劇本一星期前比左，但唔係食殘廢餐，要出D力，用下腦。 

如果你想做豬，無名都幫你唔到！ 

無名劍  
wwe.facebook.com/nonamesword

與楊元慶的對話！

無名約兩年前有一次遇到聯想老總楊元慶，同佢有以下對話 : 

無名 : 楊總，我希望你帶領聯想做全球手機的第一！

楊總 : 是嗎？

無名：要做得比三星好就夠。

楊總 : 我們現在還不夠好嗎？

無名 : 還差一點，比三星好一點就夠。

以上係真實對話，唔係謎語，唔係笑話，無名亦無痴左，係同真正992 嘅CEO 楊元慶咁講過。細節，原因，點識唔洗問，因為唔想講。 

結果，一年幾後未睇聯想手機有突破，跟住佢手機部老總走左(傳比人請走),  跟住見到華維出左呢隻野 : 

m.eprice.com.hk/pad/talk/4472/67961/

最大問題係無名想買呢隻大牛龜，以無名買果隻手機升果隻嘅往績，無名可以宣報聯想手機輸左(最少暫時係),  聯想要贏要追得好辛苦。Motorola 收購後未見產品有突破，呢個係好大問題。

而電腦方面，Thinkpad 為左減成本，造功同質量差左，相反Dell 就靚仔左形左細左薄左，隻XPS13 唔錯，應該會贏唔少，所以無名好武斷咁斷估推斷 Lenovo PC 將個跌share, 全球個人電腦第一可能不保，其實重有一個更重要嘅原因，無名以前都唔信呢個原因可以咁準，原來無名係有種特異功能，不過唔講得，你就當無名痴根吧啦！ 

所以維持唔彈唔洗理，不過佢係咪就咁就死得呢，又唔係，故事唔係咁簡單，下次再講！

無名劍
www.facebook.com/nonamesword