無自由行恒指要跌5000 點？ 拿拿林豪比佢啦！

hk.dv.nextmedia.com/actionnews/hit/20150227/19056749/20064322

跌得一千點咁少？ 唔同意，如果真係cut 自由行，係最少跌三千點。但咁又如何？ 香港人咩都比人搶晒，奶粉，尿片，床位，公園，醫院，學位，公屋，大細價樓，商場，咩都比人搶晒，就黎連企都無位企啦，換返個似係香港人嘅香港，5000 點都可以豪比你啦！ 

一年用黎養雙非二三四奶一家大細五代同堂加埋佢情夫來港團聚，攞綜援，住公屋，養番狗，子女13年免費教育，免費醫療，包遊學，補習，書簿費，全家生養死葬，甚至連佢地太得閒到成日攪野個Dum Dum都係中產比。。。。你果幾千點痕指跌輻都唔知算係咩！

無名劍
www.facebook.com/nonamesword   

無名遲來的利是，羊年送你兩個夢！

遲到好過無，賺錢無遲早！

本來應該早D, 但又係太懶。。。

送你兩個夢 : 

1. 發夢 : 人人由細到大都愛發夢，夢值幾多錢，佢就值幾多錢！ 唔信？問下屋企小朋友迪仕尼值幾多錢？睇下佢答唔答到你？ 無名之前講過迪仕尼係美股鋤大Dee,  當時約80(但篇文揾唔返。。。睇過話我知). 其實原因好簡單，你係咪由細睇到佢大？ 你細路又係咪睇到佢大？你有冇睇到悶？ 你細路有冇睇到悶？ 講完啦！無名睇完Big Hero 6, 覺得真係通殺！之前Frozen 就更加唔洗講。 

2. 造夢 : 呢隻就由夢境走到現實，產品一個個都好似夢境成真咁，呢隻咪無名成日講嘅 Apple 囉，無名由2014年2月話佢值700 到 1200, 當時應該係500樓下， 講過N次要買， 今日130樓上， 一折7 即係過左900. 下個夢係咩？ 等下啦！ 

www.hkinvestorblog.com/home/space-1277-do-blog-id-20192.html


其實呢兩隻都係用我在新城財經台講嘅價勢投資法得出黎，有興趣就聽下啦！ 

無名劍



     

992 聯想已脫胎換骨？

唔係無名講咖， 係火速燈台節目主持講嘅 : 

www.dbc.hk/radio3/programme-archive/Id/13233


但佢地之前當聯想收購IBM server 同Motorola 手機果陣係講992 買左Goolge 唔要嘅垃圾，同話聯想要做手好機好難，但其實唔怪得佢地，當時大行都唱衰992, 講server 果part 好難做，同手機integration 好多問題。不過事實證明左無名在7.x 低位時講"係大戶同傻仔送錢比你洗"係正確。 

而上面幾位主持所講對聯想嘅Laptop 同手機作180 度改觀，其實無名在 2013 年頭文章已經講左"中國的Samsung 可能係。。。" 

www.hkinvestorblog.com/home/space-1277-do-blog-id-16429.html

奇就奇在點解佢地兩年後先講無名兩年前已經知嘅野呢？到底係無名假先知呀 ?  定係佢地真後覺呢？Kakaka! 

992 中長線目標照舊15先，到左再調上。

其他文章參考 : 

www.hkinvestorblog.com/home/space-1277-do-blog-id-17960.html

www.hkinvestorblog.com/home/space-1277-do-blog-id-19287.html


www.hkinvestorblog.com/home/space-1277-do-blog-id-19935.html

無名劍

告急！

白痴政府手腳慢，唯有自己小心！股市又咁啱頂頂地。。。。

hk.apple.nextmedia.com/news/first/20150221/19049809

hk.apple.nextmedia.com/news/art/20150221/19049815

好似越黎越大鑊！

無名劍
www.facebook.com/nonamesword

王維基攪電視都要問過無名！

無市同假期對無名黎講其實好悶，因為個腦無市睇無野計，就好似渡日如年咁，悶到令我諗起呢篇文寫左半未完可以寫埋佢，假期悶悶地當笑話睇下都ok咖！篇文係咁。。。。


hk.apple.nextmedia.com/entertainment/first/20150207/19032348  (有片，幾好睇) 

繼馬化騰買同賣700要問過無名後， 無名又一令人血脈沸騰(睇完想打我) ，嘔心瀝血(指你睇完會咁)嘅痴根偉大驚嚇之作"王維基攪電視都要問過無名"!

話說無名狗口長不出象牙， 一件"夕夕無名"嘅垃圾， 竟敢去"笑"身嬌肉貴，投行出身，萬千蕃薯在一身嘅金子小姐，出左篇"金大屎2013年七個笑死人"瘀測"!" 如下 : 

www.hkinvestorblog.com/home/space-1277-do-blog-id-16426.html

無名本來講佢D"預測"好笑，七個裏面唯一一個"似預測"反而係無實現過嘅"城電獲批電視牌照",  而無名嘅comment 係 : 

"呢個反而係無名覺得最似"預測"果個, 但都係估錯多. 機會好細. 比左佢都做唔掂! "

呢個無名完全唔當係預測嘅comment 其實中左兩次 : 

1. 牌無批，全世界，包括强如王維基都跌晒眼鏡，攪到要炒人，但好笑在無知嘅大眾，在王維基錯誤領導令自己公司嘥時間嘥錢，再令人失業後，大家竟然覺得佢好勁(佢係勁， 但唔係因為呢單),  重覺得佢公司好值得買同炒。 

2. 無名呢句"比左佢都做唔掂! " 就如黃大仙簽文一樣，簡而精咁講出左佢攞唔到牌之後嘅經歷。政府比個"安慰牌"佢， 佢又同電訊局攪一輪要"入屋", 無名以自己對IT 同客戶要求嘅深入了解，可以講一句佢所做嘅野為攞個牌黎爭"入屋"係。。。。"多餘". 無名覺得佢個移動乜Q制式，完全係"多乜餘".  做咩野手機已經可以睇片， 點解要我加舊野去睇你呢？而最後又咪係Internet 度播，無名睇唔出佢呢D技術有咩必要？ 

結論係，無名其實唔係要認叻， 而係想講，王維基攪電視根本上係一個錯誤決定，就好似80-90年代要攪間晚總會打低"大富豪"更難十陪， 大富豪係當年夜總會嘅一哥，有如無綫，佢有燒金鍋之稱， 小姐當然唔洗講係多同高質素(無名聽咋，當年重讀緊書),  就如無綫有最多最好嘅明星一樣， 做小姐都想做"大場",  同名星姐仔都prefer 簽無綫多過"阿憂"電視啦！ 王維基攪電視有如同大富豪媽咪搶女一樣，先失左。。。。人和。 但係電視重多左一個先天性嘅條數叫。。。地利！即係要攞牌同個Channel,  應該大家都會覺得亞視點都收得差D, 睇垃圾都覺得無綫靚D, 而王維基就連門口都入唔到， 即係無地利。

大家知唔知點解當年咁多夜總會同風月場所， 但近十年無晒？ 租貴？ 經濟差？ 無需求？ ........當然全部都唔係， 只因一個 Internet 再加social media,  Facebook,  Wechat,  Whatapp 有相有圖有片，重24小時服務， 更唔洗"出面" 比人見到， 又唔洗揾熟"媽咪",  連講多句都慳返，單刀直入， 洗鬼咁麻煩去到，攪一大輪， 又飲酒又呢又lo,  結果其實都係一樣。。。。醉翁之意不在酒！ 當年夜總會不敵科技改變而一掃清， 今年電視一樣比Internet 沖擊， TVB 已經大力擴展網上空間， 但王維基反而佢攻佢個好穏固但正在縮水嘅"後欄" , 再加上政治因素，阿爺怕人攪鬼，王維基呢木膽生毛嘅就係阿爺最唔老黎， 科技加政治都唔就， 變成左"雙失".....失埋天時！ 

加埋即係天時，地利， 人和都唔掂， 其實佢開到台都已經好叻！大部份人都用佢做電訊嘅往績黎預測佢會掂，但其實風馬牛不相及，電話同上網服務嘅product  differentiation 唔大，所以可以鬥平鬥賤，但電視就唔同，product differentiation 好大，唔好睇就係無人睇， 所以咁推理只係大眾無知嘅憧憬。

但係咁佢低咪就死得呢？ 咁當然唔係啦， 世界上好多好野都係極困難情況下產生嘅， 但係無名始終覺得以王維基呢D人材去攪香港嘅電視市場，就如長棍入窄巷，英雄無用武之地，點解唔揾個大空地，以一敵百咁殺個片甲不留呢？

無名劍
www.facebook.com/nonamesword

上証好爆！

兩星期前講上証可能會彈，而且彈力唔少，箭嘴指住就係我話反彈果日，睇黎真係彈力唔少！因為未完。。。

如果啱，國指升輻會大過恒指。而上証最好嘅預期係可以破頂。

無名劍
www.facebook.com/nonamesword

痴線佬輸傻左！

頭先見個痴線佬話 :

跌啦！跌啦！全世界一齊跌啦！先死德國佬，跟住美國，瑞士，意大利，法國，英國，中國。。。

哈哈哈！等你地賺錢賺得咁開心呀哪！今次重唔跌死你！

無名見佢咁就比左個銀比佢，真係可憐，輸到傻左！唔洗理佢！

無名劍
www.facebook.com/nonamesword

無名咁口臭？衰野陸續來！

假先知痴線佬無名在2014年尾比左個2015"預測",  得八個大字啫，少過專家好多 : 

風起雲湧，炒爆嘔突！

跟住歐洲，阿爺，阿豬，阿狗都話要放水，瑞士脫歐，瑞郎大升三成，炒爆FXCM, 瑞股市大跌。香港樓價再升，細價樓日日新高，後生仔"盲搶樓".  

一月尾無名又豬噏話"個世界行到呢個位。就係有野要發生咖啦！",  跟住係流感死亡人數急增，點知尋日又有樓市大好友專家轉呔話細價樓三個月內可能爆煲: 

hk.apple.nextmedia.com/financeestate/first/20150210/19036236

佢啱唔啱未知，不過都果頭近啦，但係其實無名早在12月中作左首詩咁講 : 

https://m.facebook.com/nonamesword/posts/319274884933828

驚濤駭浪入夢中，
午夜潮湧八方來，
夢留雲霧雲作地，
霧裏看花花更濛，
人在泡中泡中抱，
温水煮蛙蛙自呱，
牧童只管千里目，
望月獨守空房中！

唔通無名把口真係咁臭？ 你話無名係咪可以去黃大仙寫簽文先？Kakaka!  

無名劍
www.facebook.com/nonamesword

講左唔好信專家！

無名在自己的video blog 講過散戶守則第一條 : 唔好信專家！ 

之前，無名"批"過唔少專家可能錯， 其中陸東有兩次 : 

陸東錯了!
www.hkinvestorblog.com/home/space-1277-do-blog-id-8891.html

陸東又錯了!   
www.hkinvestorblog.com/home/space-1277-do-blog-id-8891.html


最近佢又有新聞話佢基金縮水 : 

hk.apple.nextmedia.com/financeestate/first/20150129/19020462

無名係咪想見人死踩多腳呀？唔係，只係想引証呢個散戶守則嘅重要性。因為基金經理都可以睇錯市 : 

eastweek.my-magazine.me/?aid=7685

咁無名係咪想講自己叻晒呢？ 都唔係，無名係講中左個市有得跌，但同時無名睇錯左樓市，如果你信晒我，可能唔輸係股市，但樓就輸死左。 

咁D基金經理係咪屎，唔可以信呢？又當然唔係啦，如果屎就做唔到基金經理啦，又唔見無名可以做基金經理？但係人人可以有錯嘅時候同行衰運，要信就係信佢分析嘅理據。

所以無名成日都話邊個都唔好信晒，要自己分析，無名有時就連自己都唔信。

記住 : 股無必勝，自己分析！ 

無名劍
www.facebook.com/nonamesword

玄天九劍， 逆天而行！

古代傳說中嘅后羿射日，后羿見十日明空，射低左九個。現代天文學上，都有九星連珠嘅奇境， 無名呢個思覺失調嘅痴線佬假先知竟然都見到個九劍玄天嘅奇境。 就命名為 : 

玄天九劍，逆天而行！

無名首先想講呢篇野唔係想叫你信我， 反而係想叫你唔好信晒我！無名只係想講自己見到嘅野， 而逆天而行正正係無名對所見現象同市况逆向而行嘅感覺！

無名上週豬噏一輪"奇劍奇境"比左個密碼9之後，有網友估過9字點解，又嘗試睇圖揾答案，其實都可以唔洗睇，如果睇圖反而可能睇到想爆上咁，因為都唔關圖事，只係關乎劍仔數，無名只係比個名佢，其他人係唔會明。

環顧四周，都唔太多人睇淡！ 在各國放水嘅前題下，  太多數都覺得上破機會大， 好多網友同專家都話恒指强，要破25300, 因為A股跌，佢都唔跌，無名之前就只講過無極長盈劍向上， 話若24600可守，即有機會到24800 - 25000. 結果係人行降準後一野到25048, 比無名講嘅多左48 點。 

呢個比較人地覺得自己强嘅睇法可能啱一半，又可能錯晒。 理由就如你坐在車上行緊上斜坡， 見身邊車向後退，就話： "我地架車幾有力，我地重上緊。"但其實一切都係相對，可以係大家都向後溜， 人地溜得快D,你就以為自己行得比人快， 其實大家用唔同速度向緊後溜。每個股市都有唔同cycle, 雖然有時係同方向行， 大家會覺得大家係互相影響，但其實都可以係大家咁啱都係行緊同一方向，影響唔係無，但單靠咁睇太簡單。講A股其實因為人為操控，已經脫離左正常嘅升跌cycle,  現在你講A股跌，港股唔跟，港股好强，我嘅睇法係，A股本來升得太多一早要回，因為太大嘅人為力量所以遲左， 而A股升左咁多港股只係升少少，所以無咩郁，即係A股遲來的回遇上港股唔多郁。同車上斜坡比喻一樣。 

無名今週又講劍聖禦賜25100阿姑免死金牌， 又話"天劍已備",  再講"大跌條件有左".  咁其實係咪好sure呢？ 老實講唔係， 因為咁係"逆天而行", 即係同大圍市况同大眾意願相反，咁機會有幾高呢？正常係低嘅， 咁點解無名要咁"口硬"同咁"嚇人"(有個人咁講) 呢？ 無非都係因為班劍仔咁同無名講，劍仔係我親生仔，又幫過我咁多次，我無理由唔撐佢，但你唔同，你唔係佢老豆，所以唔好信我，要自己判斷。因為股無必勝，自己執生。

但如果中立D黎講，呢個位係唔升唔得，唔跌唔掂， 即係無得停低，而如果劍仔係錯的話，就會錯晒，即係大爆上。

留意埋 388 同 700, 劍仔都話係好難唔跌，佢地會係今次嘅升跌火車頭，若果唔跌，就會好爆！

更要注意第三個可能性係"磨",  最長可能磨到三月，但機會就細D.

今次無名呢個叫"玄天九劍，逆天而行"嘅預測其實無名都覺得幾"逆天而行"同痴線咖！不過痴得黎，你有幾何見人痴得無名咁"雲秦"先，所以今次就算錯左，無名都覺得"雖敗猷榮，雖死猷生！" 

呢招就叫做"未跌落地，攞定"咋"沙！" Kakaka!

無名劍
www.facebook.com/nonamesword

大跌條件已備！

奇劍奇境，天意難猜！

大跌條件已備。。。一切由天。

無名好可能係錯， 因為無名未睇過。如果錯左， 就係相反，大爆上。。。。

小心！

無名劍
www.facebook.com/nonamesword

奇劍奇境。。。

今日， 今週， 今月都係一個奇境，要記住。。。

奇劍密碼 : 9

無名劍
www.facebook.com/nonamesword

天劍已備！

條件有左，出唔出， 出幾多，睇天。。。

無名劍
www.facebook.com/nonamesword

森林中的"驚要停"機制！

話說無名細路時睇過本乜索寓言， 覺得好好睇，去圖書館揾返，見到本"勒索預言",  都差唔多啫，可以已左版用個chok 名想引人注意呢，一睇個故事叫：森林中的"驚要停"機制。。。故事係咁嘅 : 

非洲大森林係一個茵茵向榮嘅好地方，各種動物在"公平"嘅物競天擇嘅條件下生活，有一日掌管森林生殺大權但又好小家嘅森林之王召開森林大會， 小家大王話 :

各位森林嘅好朋友，大家好，近日我收到唔少報告，話大家在獵殺同被獵殺嘅時候，發生左好多不必要嘅"意外",  先有長頸鹿走避時撞樹頂攪到扭親頸， 又有美洲豹"定彎"太急"絞柴",  再有肥河馬走避太急時"冼呔" 撞樹即死！ 

為左保障各位森林老百姓嘅"生命安全", 本大王今日宣佈實行一個"驚要停"機制，即係當獵食者追到被獵食者嘅10米內，雙方都要停五分鐘，作為"冷靜期", 冷靜期間大家除左唔可以行之外，做咩都得，被獵食者可以坐下，飲杯茶，食個包補充身力。如果被獵食者覺得自己都係唔掂，就可以利用呢"寶貴五分鐘",  同親人道別，交帶定身後事，甚至做個死前領洗都重得，然後可以"安樂"咁離開。。。。至於獵食者，就可以"鬆下根", 睇定條路，諗清楚用咩姿勢咬落去最入肉, 等被獵食者死得"痛快D",  唔洗作無謂嘅"爭扎",  咁就死都死得"安樂"啦！成個機制無"偏幫"任何一方，因為大家都係唔可以行，同時間一樣，所以十分公平，又可以令大家唔洗咁"驚", 正所謂"殺得開心，死得安樂", 你地話我呢條係咪"絕世好橋"呢？ 

講完引來一陣"車。。。" 跟住老班馬好勞氣咁話 : 

佢地D獅子老虎美洲豹出左名係短跑好手，你比佢"抖下", 即係比佢有力跑遠D殺我地啫，咁你不如叫我地唔好走自動獻身啦！

大王回答 :

老班馬，記唔記得你老友上星期就因為近距離比隻老虎一嚇，跑都唔洗跑就心臟發瓜左，如果有呢五分鐘"冷靜期"佢都唔洗驚到咁"慘死"啦，重有呀，佢死前因為無交帶佢D"身家"收埋邊度，攪到佢老婆跟佬走左喎，老班馬好似你個老婆都好後生靚女咖喎！？ 

老班馬 : 咁又好似啱。。。。

跟住，羚羊仔有野講 : 

佢地老野就要講身後事啫， 我地D90後無樓無車無cash 要你果五分鐘黎做咩？ 你比多五分鐘佢地睇清楚條路，即係叫我地死快D啫！ 我有氣有力怕咩同佢"鍊"過？

大王咁答 : 

你老表世界記錄羚羊跑手夠有氣有力啦， 點知佢比美洲豹追時，一時睇錯路，彈左落河，跌左落大鱷個口，本來佢咁跑得係唔洗死咖，如果可以用果五分鐘"冷靜"下，睇下路，就唔洗死得咁"無謂"啦！

羚羊話 : 咁佢又真係死得好"無謂"嘅！

跟住， 牛頭角水牛師奶有野講 : 

你班老奸巨猾唔好厄我地班師奶唔識野喎！話就話大家都唔可以行，時間一樣，表面上好似公平咁，但係你地班吸血鬼成班友成日"打龍通",  你地一早收買晒班秃鷹幫你地睇水咖啦，你地收風多過我地N陪啦，有咩事"wow"一聲就可以叫"人"做野，我地邊有呀？ 講起D秃鷹就憎咖啦，正小家種黎！

大王 : 

牛太，咁要問你平時得閒做咩先？ 你D親朋戚友死左，有冇話"考敬"下秃鷹先？ 平時唔莊香，神仙都唔幫你啦！ 

牛太 : 我地死左都想留條全屍啦，鬼會"考敬"佢地咩？

大王  : 

好啦，相信我地已經有左"共識", "驚要停"就咁通過。

故事完左，但未講完。。。下篇再講。。。。

無名劍
www.facebook.com/nonamesword 

劍聖如厠免洗手膠牌？

劍聖又報夢黎煩我 : 

無名，近日大戶邪魔四出作惡，一時抽高，一時大插，令老百姓股民生靈塗炭， 民不聊生，為救股民於水火，為師賜你一度劍聖御賜金牌，助你降魔服妖，魔界見金牌如見劍聖，無不俯首稱臣，另外當你手緊，就去揾1319 二叔公，佢係我老死，會比個靚價你，響我個朵可以當到25.1兩金，應該都夠用啦，無名你攞去用，唔洗多謝我！

無名 : 

你呢個"如厠免洗手膠牌" 留返比街邊個裁縫阿姑去厠所用啦！重有，可唔可以唔好攪住我瞓覺啫！

劍聖 : 屎仔包！ xyz%#@! 

無聊。。。。完！

注 : 唔明就睇返無名facebook 啦！

無名劍
www.facebook.com/nonamesword

原來真係疫症爆發！

hk.apple.nextmedia.com/news/art/20150206/19031396

唔知你信唔信，無名係好少睇新聞，因為新聞都無咩好野講，一係假，一係衰。無名到現在連一帶一路低乜都唔知。流感之前只知多人病，唔知咁大鑊。 

現在已經係爆發期，死左百幾，應該300 唔少，600 都有可能，但係斷估直覺話夏天會無事，即係最少到四，五月先好D. 由現在到四月前都要高度警惕。

無名咩都唔識，只知道大鑊，叫大家小心D!  

無名劍
www.facebook.com/nonamesword

無名擔心果件事原來係流感爆發！

無名上週話覺得下星期有件大事會發生，但又唔知咩事！

有網友話無名好野，估中人行降準大市上高位。無名其實覺得唔係，因為放水一早預左，年頭講左 : 風起雲湧，炒爆嘔突！跟住各國放水輪住黎， 所以呢單唔係。 

無名睇返先知，原來可能係流感爆發，有可能成為疫症。其實流感爆發唔係新聞，但今週好似突然多左，重有走勢好急，形勢有SARS feel. 政府一樣反應慢，其實今週已進入爆發期，即係受感染人數可能會激增，更"橋"係，啱啱恒指走勢下週可以插，無名用返恒指斷估法得出黎，死亡人數斷估係兩個數，一係300, 一係600. 希望我係攪錯。 

總之，大家小心！ 

hk.apple.nextmedia.com/news/art/20150205/19030135?top=4h

無名劍
www.facebook.com/nonamesword

20150203 記錄

好懶， 唔想寫，簡單咁講， 今日開24542 之後講 : 劍守分中 24500, 唔企穩唔好call. 

結果升到24581 回， 同一路跌到過中午到24327低位, 之後無名講勇者可call,  點知真係一野爆言 24500, 再最好升mg 24602, 高低位同下午比嘅區間 24300 - 24600, 下差27點， 上差兩點。都有D好彩， 唔好以為次次都係咁。。。

無名劍
www.facebook.com/nonamesword

揸佢巴巴！

揸佢個巴巴， 
等到變星媽！

用前低位止蝕。。

無名劍
www.facebook.com/nonamesword

無極長盈劍向上！

先劍向好，明劍强， 癲瘋劍回落，大戶收貨系統表示有可能已收貨完成，無極長盈劍向上，指示中線可call上。 

Assumption : 

照舊24300不破的話可過24600, 過中線分中劍24600 則可望 24800 - 25000. 

條件 : 

夠薑，
有純利，
輸左唔怨， 
24300 止蝕。

注意 : 

股無必勝，自己執生！
明早都可以低開 (保守者可等明日先算)

無名劍
www.facebook.com/nonamesword

20150202 記錄

Post on 20150202 晚上
https://m.facebook.com/nonamesword/photos/a.221759714685346.1073741827.179569508904367/339273736267276/?type=1&source=46

講返人話一兩日， 又好似ok咁， 上星期五話癲瘋指數高同可以到24200, 結果IG 同ADR 都有到， 但今日就守住24300, 之前講一係高開插，二就低開彈， 結果全日都可以算低開彈格。 

早市一開話分中劍24300, 跟住由24340 彈上24448, 再改分中劍24400, 跟住再插到新DL 24327後反彈上第二個高位 24460 左右。 兩把分中劍都發揮作用。

早市尾話 : 午市先防急要， 尾市好返D. 結果午安一開以跌為主， 但唔算急插， 又係破24400 少少就彈， 一路彈到尾市24508高位。

明日其實係個關鍵位， 若明日不破24300, 有可能反彈， 而中線分中劍在 24600, 過則向好， 可望今轉算跌完。 

不過。。。。

如果破24300, 則市况會幾差可能破24000, 到23800.

但係。。。。

就算明日唔破加反彈， 都唔好以為一定大升， 因為無名發覺好多人都覺得可以大升， 就係咁先危， 如果明日彈， 無名覺得大戶吸貨有限， 有可能要鋤落多次先再升。 大戶絕對可以玩升三日，跌三日咁玩死你， 而且可以係兩三日一千點。

最後， 重有係癲瘋指數重係高， 有9000. 有可能升兩日又跌下喎。

無名劍
www.facebook.com/nonamesword