無名劍指數預視左今日國指裂口！

其實吋D咁講，都唔係第一次咖啦！ 碎料啫！ Kakaka!  

尋日新城節目財經直播嘅博股通金環節，無名話國指比恒指强，國指若過12300後，無名劍指數出現左一個裂口到 12500. 節目主持朱子昭問左個好有sense 嘅問題，佢話12500即係幾年前個高位，咁會唔會中間有回調下先上呀？ 無名答案係，無名劍指數有試過預測裂口嘅記錄，重點係過唔過 12300, 而當時係約12250, 無名講過嘅機會都大， 重有講恒指若過 24850後動力會再增强。 

結果今日恒指同國指都造出左裂口高開， 證明左無名劍指數係有預測裂口嘅能力， 但當然唔會每次都啱啦！ 

無名用估市圖像法計算出黎， 今日星期二同明日星期三向好， 但星期三可能近强弱交界位，星期四回。。。

現在以25000 為中劍， 小心回得幾狠！ 但要睇住佢爆返上黎唔少野喎！ 

無名劍
www.facebook/

1060 : Sky is the limit? Then, 993 : Universe has no limit!

無名終於揾返993 個記錄，啱啱係停牌果日 11月3叫買， 當時 1.75. 今日復牌三日升到 3.8, 升過兩蚊， 升左 217%!  但如果睇返無名之前D記錄， 993 已經執過N次。

Sky Sir 話1060 : Sky is the limit.  1060 個limit 係咪Sky 就唔知， Sky Sir 咁有料講得實有道理，但放落993 度，就可能係 Universe has no limit!  

因為唔知幾時識停！ 記得唔好問我幾時入，幾錢入，因為答案只有兩個： 一係入， 一係唔入！ 明未！ ? 

注 : Sorry Sky Sir!  你咁出名！比後輩抽下水應該慣晒咖啦！多個無名抽少少水都唔覺啦！你大把貨嗎！ Kakaka!  

無名劍
www.facebook.com/nonamesword

18區股神 : 請入黎睇下無名D垃圾啦！

 如果你心水清，就會發現今日高低位24294 - 24490, 同無名尋日講嘅好淡分中劍 24300 同 24500, 分別差 6點同10點。 

現在周街都係股神，個個都話條乜乜線，物物線，乜乜數，物物數有幾勁，有D話勁賺幾千萬(但未睇過record),  有D話賺親都幾倍，下下賺層樓(都係未見過record), 有D叫你唔好做正職, 改行做trader,  好似輸左佢包底咁。 無名其實都想多D 高手可以發表D勁料黎觀摩切磋下，點知一睇完，"Kit" 一聲笑左出黎，財經演員講幾多天線有支持重有意思過佢！ (注意：無名唔係話幾多天有支持係錯咖， 無名都有咁講) . 但係洗咩講到咁誇呢？ 好心唔好講得咁誇黎霖傻仔啦！目的係咩好明顯啦！

如果係堅嘅，係應該好有預視力同到位， 有預測力，即係講明係升就升，跌就跌，唔好唔清唔楚，到位即係唔好差成萬丈遠囉。

例子係咩？ 無名差唔多日日都講緊，齋講呢幾日 :

上証目標3630 同 3740, 高位3632 回，多兩點回。再上 3715, 差25 點回。

恒指 24540 係重要關口 24559 多 19 點回，24300 好友分中劍，係低位到 24294, 破6點反彈。 

5號仔目標68-70, 兩日到 67.95,差0.05回。 

700 目標150, 高位 148.8, 差1.2 回。。。。

唔係扮野，只係想比D 18區股神參考下無名果日日都四圍掉嘅垃圾啫！

Kakaka!

無名劍
www.facebook.com/nonamesword

沒有課程同老師可以教的價勢派學問！

今日收市位引證左無名今朝在新城對三個指數講法。 

無名今日嘅十分形勢指數分析如下 ;  

三個當中國指最强，結果國指做十日高位收。 係三個當中最强。

無名話恒指有回調未出現， 可能要先回調，結果係今日高位比尋日高只係高24點在24524, 但回調比較明顯到 24351. 

上証無名話佢升勢還在，3500 有唔錯支持，但動力有D減弱，結果今朝回到3569, 下午破尋日高位3600 到 3632 ,同無名前日比嘅目標3630 多左兩點。

另外前日無名在新城節目內推介嘅700, 話目標150, 主持陳杰屏問無名佢橫行左咁耐，到底破頂嘅機會高唔高，無名就答無名劍指標表示700 走勢向好，而佢破頂嘅機會都幾高，結果今日再上52週高位148.8, 比目標差1.2, 後回調到142 收市。

講出黎唔係要認叻(其實少少地咁啦，Kakaka!) ，其實係想講研究升跌同價位變化係可以好子細，重有升同跌唔係兩個字咁簡單，升跌當中有好多複雜性，係一種學問，但係就好似無咩課程同老師教呢樣野。呢樣野就係無名劍價勢派所努力研究嘅價格與趁勢之間嘅關係同學問。

新城訪問可以用新城手機App內揾新城數碼財經台嘅財經直播 09:50 聽返重温。

無名劍
www.facebook.com/nonamesword

無名在新城，同你講股滙英雄！

https://m.facebook.com/story.php?story_fbid=791382010943007&id=596344560446754&ref=bookmark

無名明日09:50 開始會在新城數碼財經台，朱子昭同陳杰屏主持嘅財經直播節目內講一個叫"博股通金"嘅環節， 以後嘅一段時會係每逢星期一，三，五，無名會講呢個環節，星期二，四就會由另一位股壇女高手任盈盈講，本來今個星期一係由無名講，但無名唔得閒，所以要多謝聲盈盈幫忙無名嘅呢個重見過面通過話嘅拍檔做替工！ 唔該晒先！ 

總之，以後每朝09:30 除左睇住無名Facebook 講乜劍物劍，先升後跌，先高後低嘅廢話之餘，重要記得聽住新城數碼財經台財經直播呢個節目，支持下朱子昭，陳杰屏，任盈盈同埋最二打六兼豬噏當秘笈果個。。。。無名呀！ Kakaka!  

點聽？ Download 個新城電台app囉。 直播同重温都有晒。

無名劍
www.facebook.com/nonamesword


   

無名劍綜合指數分析 - 20150317

無名尋日咁講 :

"今日十分劍則升到7分同天地劍轉上勢。7分係一個利好嘅位，因為有力但未到頂。 但係癲瘋劍同時都高左D, 所以可以有回調。 

加埋一齊分析即係大市有D上升動力，所以應該可以重有高位，但有可能要回調後上高D, 而用無名估市圖像法黎睇，見到未來兩日有機會再有高位，但星期四跌嘅可能性高D同比較明顯，而星期五可能升返D. 


好友下一個據點就係要過 24000. 再睇。 " 

************************

結果今朝升上24106一開高位就回。無名預測嘅食左先唔洗等，防回調，後回升，都過晒三關中左條三重彩！ 

今日午市急回， 無名預測嘅先升後回尾市chok,  就三關錯第一關， 啱左兩關，無升就回，但真係好chok.  

而今日十分劍得出黎係9分差一分滿分， 天地劍重係向上但力度減弱。 咁即係今日都算幾高位，但上升力度減弱，則唔係太好， 加上癲瘋指數高達12000, 回調壓力大， 加埋一齊睇，即係上升動力減弱又頂頂地，回調壓力大，若明日唔破24106 超脫回調壓力，則星期四可更差，而正常以數式計明日過24106 並唔易，除非有特別事件，否則星期四比明日差，正正同尋日講嘅估市圖像法一樣預視星期四差而星期五可能好D. 

明日好友要守23800. 否則危！ 

無名明日09:50 會在新城數碼財經台朱子昭節目內再同大家real time 分析大市！ 記得聽住呀！

無名劍
www.facebook.com/nonamesword

真係無人睇得明黃大仙簽文？

無名都講左好多次 : 

noname-stock.blogspot.hk/2014/08/blog-post_74.html?m=0

簽文如下 : 

君不見黃河之水天上來，奔流到海不復回！
君不見高堂明鏡悲白髮，朝如青絲暮成雪。
人生得意須盡歡，莫使金樽空對月。
天生我材必有用，千金散盡還復來。

烹羊宰牛且為樂，會須一飲三百杯。

1060其實會點？ 黃大仙一早講左，睇落去，睇到尾！ 

無名劍
www.facebook.com/nonamesword

無名劍綜合指數分析 - 20150316

上次講係3月12, 即係要找數， 話說3月12 星期四嘅分析係咁 : 

"分析即係大市反覆向下中，而下跌勢在減弱中， 即係沽都唔好咁狠， 因為一般在下跌勢減弱三日內有反彈， 而今次未彈可能係因為今次跌力强所致，而今日上下磨劍唔破位，表示上下勢力度平均，同分析吻合，大戶更有可能已啟動收貨系統，而明日比今日更有可能做好或出現單日轉向， 長盈劍表示午市尾或較好。" 

結果， 大至上都啱， 3月13 比 3月 12 嘅高低位都高左， 3月12當日午市尾都係升。 而今日就造出左無名在FB預測嘅先低後高， 先插後反彈嘅單日轉向同造出新高，而無名在3月12都講過上証升勢未完， 今日都破頂。 

形勢上唔洗無名講你都知好左，十分劍在 3月 13 星期五係維持返三分同天地劍下勢，今日十分劍則升到7分同天地劍轉上勢。7分係一個利好嘅位，因為有力但未到頂。 但係癲瘋劍同時都高左D, 所以可以有回調。 

加埋一齊分析即係大市有D上升動力，所以應該可以重有高位，但有可能要回調後上高D, 而用無名估市圖像法黎睇，見到未來兩日有機會再有高位，但星期四跌嘅可能性高D同比較明顯，而星期五可能升返D. 

好友下一個據點就係要過 24000. 再睇。 

無名劍
www.facebook.com/nonamesword

强哥一句互聯網Plus, 擊中無名兩隻愛股！

無名在2月尾於新城財經台接受朱子昭訪問時講過700受惠於手機發展同互聯網應用可以繼續看好，轉頭强哥就話互聯網有戰略性地位， 咁中國互聯網你會選邊隻？

無名一早話992係中國嘅Samsung : 

www.hkinvestorblog.com/home/space-1277-do-blog-id-16429.html

佢一早就有個叫 PC Plus 嘅 strategy, 意思即係向PC 以外嘅 Tablet 同 手機發展。 互聯網 Plus 同佢有咩關系？ 即係樣樣都要用多D, 重有記唔記得比大行同傻仔唱佢買垃圾嘅 IBM server 同 Mo 記手機呀？ 互聯網 Plus 要買多D咩？ 你話呢？ 

你一定想問無名下一步點呀？ 得兩個數字 : 150 同 15. 明未？ 


無名劍
www.facebook.com/nonamesword

Apple Watch 無料到？ 唔多掂？。。。好正常喎！

Apple Watch 發報之後，無名聽到 : 

~發報會一講Apple Watch,  Apple 股價即跌。。。

~好似女人街100蚊3隻咁樣

~無咩特別

~無衝動買

~唔知用黎做咩

~樣唔靚

~要跟iPhone一齊用，無用

其實呢D comment 都係好正常嘅。。。。無名都好明白點解咁諗。 

但係。。。再睇落去先。。。

無名劍
www.facebook.com/nonamesword

無名劍2015霹靂無敵曠古爍今驚世駭俗大預測！

預勁掛。。。。個標題？！ 都係果句，唔誇唔勁點厄到你睇先！ 

其實呢篇本來係新年後想出，但太懶無寫完，咁點解又寫返呢，因為無名覺得要提提大家， 無名在2014 回顧咁講2015 :

noname-stock.blogspot.hk/2015/01/2014.html?m=0

"今年係各國玩hunger game大屠殺， 唔係你死就我亡嘅一年，油金股滙都會風起雲湧，咪信晒財演講大牛市，雖然係可以升，但今年可能係一個炒爆嘔突年！"
**********************************

跟住一月出現歐元狂跌，瑞士法郎脫鈎， 外滙商FXCM一夜炒爆廠， 油價又大跌。。。

跟住又有人講十隻黑天鵝 : 

hk.apple.nextmedia.com/realtime/finance/20150223/53464752

今星期又見到各國繼續印銀紙 :

hk.apple.nextmedia.com/financeestate/art/20150311/19071072

再睇返上年個預測 : 

www.hkinvestorblog.com/home/space-1277-do-blog-id-19488.html

無名話 : "2014年係炒爆年, 由科技股同日本仔帶動......."

講過嘅 "Google, Apple, Amazon, Twitter, 700, 759, 1319, 6889, Bitcoin, Gold, 日元, 日經, ".....差唔多全部升過或創新高， 咁你會問無名今年有咩預測呀？ 登，登，登。。。。就係 : 

風起雲湧，炒爆嘔突！

就係只得呢8個字，原因係2014 係炒爆年，而2015因為2014 無炒爆，所以要繼續炒到爆。。。直到嘔突為止。無名唔作其他預測嘅原因係今年係"風起雲湧"嘅一年,  係一個"你估佢唔到年"，係廿個茶壺五個蓋，是但開邊飯都得！如果有人同你講今年有咩危機，黑天鵝都好，都可以聽左就算(包括無名),  因為在一個咁混亂，咁接近爆煲，世界各國玩hunger game 大屠殺，打經濟侵略戰，你想佢死，佢想你亡嘅環境下，你話估到咩其實都係撞中，因為今年根本無得估！ 由於今年係"你估佢唔到年",  所以好無理由好無可能嘅事可以突然一夜發生改變晒情況。

唯一可以做就係"跟住黎炒，見好就收"。。。。重有一樣野可以做就係。。。。跟住無名劍！ Kakaka!  

無名劍
www.facebook.com/nonamesword

無語錄 : 睇完都唔知噏乜嘅一篇廢文！

呢篇野好聽D就叫抽象D, 同有D哲學性質，唔好聽其實就係一篇廢話。因為無名寫完都唔知自己想講咩，勸你咪睇好！

每個人都係活左自己有限嘅認知，理解同想像空間之中。 但問題係呢種有限嘅思維空間係唔足以去理解呢個咁複雜嘅世界。 

更大嘅問題係傳統嘅教育係教人有邏輯， 有條理， point to point,  程序化好似電腦咁分析事物， 但係呢個世界有太多事係唔講有邏輯性嘅邏輯，而係講非邏輯性嘅邏輯，又即係混亂中嘅秩序，無程序中嘅程序，無條理中嘅條理，呢種世事發生嘅模式正正係同電腦式程序化相反，但係教育制度同傳統思維令到人更加有條件地電腦化同step by step去思考同分析,  結果教育出黎嘅精英都非常精於一點一點，point to point,  一步一步，step by step 咁去分析呢個完全唔係step by step,  唔係point to point 咁發展嘅世界， 世事發展嘅模式同進程就如一個chaotic network,  係"大兜亂"式咁發展。 但更好笑嘅係人腦本來就係一個 大兜亂嘅network,  只係後天教育同傳統思想，將佢"撥亂反正",  結果社會就出現左大量有條理，有完整思維框架，分析事情point to point,  做事step by step 嘅精英，但好可惜嘅係，佢地有條件去適應同配合呢個世界去完成好多工作，但係就唔能夠全面咁理解事情發生嘅真正邏輯同發展模式。。。。。因為大部份人都因為自己嘅教育背境，傳統思維框架同長期習慣嘅思維模式而變得唔識用腦。 

上面所講咁多野，就係想解析點解"股市係專修叻人",  同D 自認IQ 高嘅天之驕子， 學業成績一流嘅人都往往唔係股市嘅大贏家， 相反可能一個目不識丁嘅師奶買股票可能比個哈佛教授叻！ 

相關例子有好多，無名已經比過，遲D講。。。


無名劍
www.facebook.com/nonamesword

黃大仙唔只簽文有意思，原來時間都有咖。。。。

 三月九日出左呢篇講1060 : 

noname-stock.blogspot.hk/2015/03/blog-post_9.html?m=0  

Post 嘅時間係當日10:03. 點知睇返圖，原來近期高位2.37 就係當然09:35 出現(紅箭指住) ， 跟住呢幾日都未過過。

你會話，咁講出黎做咩？ 

只係想話比人知，如果識睇就唔洗咁驚青，又唔洗一時話變仙股，一時又覺得會升天啦。

因為 : 無名在大廳，傻豬唔洗驚！

黃大仙唔止簽文有意思，連時間都有咖！ Kakaka!  

無名劍
www.facebook.com/nonamesword

二叔公報夢原來係咁解！？

 無名在2013 年11月27 發左個怪夢 : 

www.hkinvestorblog.com/home/space-1277-do-blog-id-19184.html

*****************
頭先夢見個阿伯, 佢同我講 : 無名, 唔該幫我睇住間當舖!

我答 : 你去邊呀? 

佢話 : 去旅行囉, 飛機唔等我咖! 

我話 : 好呀! 咪住! 你係邊位呀? 


佢答 : 你阿爺個細佬囉! 
******************

之後又出左篇廢文 : 

www.hkinvestorblog.com/home/space-1277-do-blog-id-19010.html


原來尋日睇返1319去過52週高 2.02, 比報夢當日 0.9X 升一倍多。 

其實都係價勢投資法嘅結果黎啫。本來呢D野對無名黎講都唔係第一次，你會話 : "有咩咁勁要寫篇文黎講呀？" 事關無名近排見好多"疑似股神"話教人買股票賺親都倍倍聲，重話要"打救"股民，但呢D股神最神嘅地方就係股都唔講多隻，又或者有收埋左無名唔知啦！好似連估都唔洗估就上左神枱，無名其實都係本住"為救民於水火"想問下佢洗唔洗幫幫手， 揾二叔公，四姨媽，劍聖果D幫手報個夢比佢，等佢有返一兩個record 比人睇下唔洗咁肉酸呀！ 

反正，無名呢D野大把！咪當幫下貧苦大眾囉！ Kakaka!  

無名劍
www.facebook.com/nonamesword

  

玄天九劍唔係流咖！

無名在2月9日出左篇廢文 :

玄天九劍， 逆天而行！
noname-stock.blogspot.hk/2015/02/blog-post_9.html?m=0

講自己在無名劍指數系統內見到個好似九星連珠嘅奇境，其實會點，都唔係好sure,  因為橫睇掂睇都未似要大跌喎，不過都照post啦！ 

跟住3月4又廢噏 : 

今週唔跌下週跌，三月唔跌四月跌！
noname-stock.blogspot.hk/2015/03/blog-post_47.html?m=0

結果上週跌完今週跌，蘋果日報咁講 : 

兩會效應未現　累積插近千點　

港股六連挫　半年最長跌浪
hk.apple.nextmedia.com/financeestate/art/20150311/19071674  

黎緊係可能有反彈，但都可能未完。。。慢慢睇！ 

無名劍
www.facebook.com/nonamesword

無名劍綜合指數分析 - 20150312

無名尋日忙，無講到，今日補返。 無名之前話前日3月10星期二係得6分由零分反彈，大市當日都彈到25152 但就回， 天地劍下勢不變，但勢有減弱(呢個勢減弱唔係講指數唔跌),  同日領先指數表示指數系統將會轉强，尋日3月11 就跌落1分， 天地劍都係下勢但第二日減弱中，今日都十分劍係四分，天地劍重係下勢，但係第三日減弱中。

分析即係大市反覆向下中，而下跌勢在減弱中， 即係沽都唔好咁狠， 因為一般在下跌勢減弱三日內有反彈， 而今次未彈可能係因為今次跌力强所致，而今日上下磨劍唔破位，表示上下勢力度平均，同分析吻合，大戶更有可能已啟動收貨系統，而明日比今日更有可能做好或出現單日轉向， 長盈劍表示午市尾或較好。

大市重係要睇23800 為中線好淡分中劍。

無名劍  
www.facebook.com/nonamesword

不為5000 點而折腰！ 你明未？

*******************************
無語錄 :

人生。。。

係唔可以用錢銀黎論輸贏，
更唔可以用輸贏黎論成敗，
更唔可以用成敗黎論英雄，
更唔可以用錢銀黎論人生!
*******************************

因為有太多野係錢銀做唔到同反影唔到!

所謂不為五斗米而折腰唔只係講做人要清高，而更重要係講人生係要有追求同堅持，而有D追求同堅持係唔可以用錢去衡量同交換。 

而好多人講所謂世事就係要等價交換，以為自己好有道理，聽到無名"kit"一聲笑左出黎，真正嘅道理係有好多野係比唔到個價，用唔到個價黎衡量，咁又邊有"等價", 更唔洗講"交換".  

就正如李+X話無自行恒指跌1000 點一樣，無名就話跌5000 點都可以豪比佢。。。。因為恒指"跌"幾多都可以升返，但有D野"跌"左就追唔返！

有人話03 沙仕唔係有自由行，你D香港人死得啦！飯都無得你食呀！

明白晒點解咁講， 有飯食就得。。。。啱咖，新界D豬都係咁諗，好正常喎！

不為5000 點而折腰！ 你明未？ 

人生到處知何似，恰似飛鴻踏雪泥；
泥上偶然留指爪，鴻飛那復計東西。
老僧已死成新塔，壞壁無由見舊題；
往日崎嶇還記否，路長人困蹇驢嘶。

無名劍
www.facebook.com/nonamesword

無名劍綜合指數分析 - 20150309

尋日無名咁講 :

"三月四日十分劍得零分係上星期四， 今日就係之後第三日反彈。 

而今日反彈後你可能以為十分劍會回升啦，點知唔係。係跌返落零分， 天地劍繼續下勢，意思都係一樣， 點做自己話啦？" 

意思係叫你參考返上次個分析， 上次分析係話0分之後兩日內可能反彈， 今次係第三日， 上次十分就係高位當日，所以唔可能次次都一樣，但要留意今次三日前零分後又再零分，即係今次反彈機會可能大左(但長跌勢例外， 暫時今次未似係，似反彈跌機會大D.)  

所以無名睇法係以23800 為淡友分中劍， 24000 為好友分中劍，中間為磨劍位， 見企穩先好call/put.  而23800 係一個幾重要位置。唔破則有機會到返24500. 由於尋日低位23910, 在中間之上，所以可以講好友有優勢，除非玩small range trade,  否則唔破23910 唔put.  另外無名劍領先指數，又名先劍，預測偏好，可作參考。 

無名劍
www.facebook.com/nonamesword

無名劍綜合指數分析 - 20150306

今朝開市前FB出左，留底。。。

上星期五十分劍都係兩分，天地劍下勢無變，即形勢未有好轉，星期五講左可能到24000 同埋若真若小心劉備又唔見人， 而IG 已破24000, 今日睇23800 守唔守得住。

無名劍

没有看見就信的有福了！

https://www.apple.com/hk/watch/apple-watch/   

清楚晒啦！睇到啦！Apple今次。。。。掂啦！

重睇唔到？好清楚咖喎？ 再睇真D?  無名一早講左好多次咖啦！

没有看見就信的有福了！

只要信，不要問！

無名劍

黃大仙一早預告。。。。

其實黃大仙一早講左會點， 無名已經提左咁多次，到底有冇人明簽文講咩咖？

noname-stock.blogspot.hk/2014/08/blog-post_74.html?m=0



簽文如下 : 

君不見黃河之水天上來，奔流到海不復回！
君不見高堂明鏡悲白髮，朝如青絲暮成雪。
人生得意須盡歡，莫使金樽空對月。
天生我材必有用，千金散盡還復來。

烹羊宰牛且為樂，會須一飲三百杯。

無名劍
www.facebook.com/nonamesword

無極長盈劍炒垃圾！

無極長盈劍就係咁解，1211 跌市上高位 38.7.

由2月13日28.55講再黎計起，升左過10蚊，過35%.

無名雖然話佢係垃圾，但一樣可以炒。因為佢由頭到尾都係因為股神而炒起再急跌嘅垃圾，只係D傻仔當左佢係寶啫！

另一隻無名話有寶嘅992, 就在7.x 時比人話垃圾，結果點？ 又升過左50%囉！ Kakaka!

無名劍
www.facebook.com/nonamesword

無名劍綜合指數分析 - 20150305

好忙！ 簡單講。 

3月4日分析咁講 :

1. 恒指差。。。啱。
2. 恒指做低位反彈。。。啱一半，有低位24133, 但就無反彈。 

尋日重有講"能唔能夠扭轉跌勢短線止唔就要守24200." 結果係破左24200. 咁即跌勢有力，短線可能再落。而尋日高位24393 同前日講嘅24400 - 24600 個劉備借驚洲區間下限差左7點，即係頂唔返上去。而尋日3月5日嘅無名劍綜合指數， 即係十分劍有兩分，比尋日0分上升左，天地劍維持向下，癲瘋劍因為反彈無黎所以再跌多D , 已去到-9000 水平。加埋黎睇即係劍仔話明日可以有反彈，但24200 個要守嘅止跌位都破左，所以理應再落， 加埋一齊即係今日可能再落但留意有冇回彈。 

24000 - 24200 為好淡磨劍位，24200 之上好友勝， 24000之下淡友贏， 估今日有可能touch 24000. 若24000 真破，咁就要小心劉備又唔見左人！ 

無名劍
www.facebook.com/nonamesword

李小龍佛山無影腳 + 養你一世巴非特 + 次次中事後避孕丸！

無名呢排見網上多左好多廣告，有好多"疑似高手"攪課程，好多都比無名高强好多，呢D高手有以下叮噹特異功能 : 

1. 李小龍佛山無影腳 
話賺親都倍倍聲，但係就好似李小龍咁快嘅佛山無影腳咁，快到無影，連佢有冇出過手都未知， 佢就話就贏左，揾黎揾去都揾唔到一篇文係有事先講過咩會賺，但係又好離奇咁賺左！

2. 養你一世巴非特
有人叫人辭左份工加入炒家行列，咁講得當然一定賺啦，一世無憂咁，但講到咁易，又無見佢自己有日日賺，食早午晚餐嘅記錄，食到美味嘅野都可以事先講聲去食咩，再post 將相出黎比人地"恨"下都好呀？ 但都係無，唔明。無名諗左好耐，終於諗通左，呢D股神一定係唔洗trade 都錢太多，所以自己唔trade 之餘，重預左你做trader 揾唔到錢時佢會養你一世，佢一定係養你一世巴非特啦！ 

3. 次次中事後避孕丸
有D重勁，無講賺幾多，但就次次都中，不過特點係好似事後避孕丸咁，係"完左事"先攞出黎！ 點解事前唔得呢？ 唔通事前食會出事？

網友話更有好多會主動add 你同問你有冇"需要"?  

無名覺得奇怪，點解一直無人add 我呢？ 如果有呢D咁高班嘅高手add 我問我有冇"需要"，我一定會同佢講 : 咪住，咁明日個市升定跌先？

但睇怕都無咩人會黎問無名咖啦，所以無名想拜託各位如有呢D"疑似高手"add 你，請你幫無名問佢 : 咪住，咁明日個市升定跌先？

無名劍
www.facebook.com/nonamesword

無名劍綜合指數分析 - 20150304！

首先想比十分劍一個正式D嘅名，全名叫無名劍綜合指數，又名十分綜合指數，主要係綜合左十個指數分析出黎嘅結果，係對大市整體表現嘅評分。而天地劍則為方向指數。即係表示指數系統分析出大市正朝著嘅方向。但呢個方向指示有時會因為股市轉得太快，或長線升跌勢後轉彎急未能完全跟到，所以要加埋十分劍同其他指數一齊分析。因為發覺睇嘅朋友可能漸漸多左，好多人問無名係咩黎，所以有需要講清楚。

講返尋日3月4日星期三大致如無名嘅十分劍分析所講咁 : 

"講過星期二嘅十分劍分析就跌到得3分， 而天地劍則轉弱為下勢， 今日相信都係差。有無反彈要睇埋今日十分劍比咩分先知。。。。無名之前講 24800 之上好友勝， 24600之下淡友贏，仍然繼續有用，24600 - 24800 就係磨劍位。做單日可以用呢個range做range trade. 若真係破range, 就可能到24300 - 24400. 自己小心！" 

結果尋日真係幾差， 高低波輻24439 - 23705, 基本上由早市跌到尾市。高位又啱啱係磨劍位中間， 而低位24439 同之上講破左24600 有可能嘅24300-24400 嘅上限差39點，基本上同分析大致吻合。 

尋日(3月4日)  嘅十分劍係跌到0係最低分， 天地劍則繼續下勢中。 但要留意係，上星期五當日高位25101時， 十分劍都係10分， 之後就回， 10 分即係代表左當日有可能係相對高位， 又或者幾日內可能轉差。 同樣尋日0分，即尋日有可能近低位而往績係0-1分後兩日之內可能會反彈。再加上癲瘋指數尋日偏低(即有D超跌) ， 加埋黎分析即係話今日有可能造低位反彈， 而星期五好有可能比今日星期四好。能唔能夠扭轉跌勢短線止唔就要守24200. 

無名劍
www.facebook.com/nonamesword

今週唔跌下週跌，三月唔跌四月跌！

你可能會話"無名你又發咩噏瘋呀？ 講到實跌咁！" 

其實唔係講實跌，係有條件嘅，就係若唔爆上25200 企穩，呢個風險可以一路存在。 無名上次發噏瘋講 : 

玄天九劍， 逆天而行！
noname-stock.blogspot.hk/2015/02/blog-post_9.html?m=0

當日係2月9日，恒指由2月5 高位25048 高位連跌第三日， 之後跌多三日到24226低位反彈。意思係話在無名劍指數系統內出現左個好似九星連珠嘅奇境。其實如果你好記性，可能會記得無名在2月6日講過 : 

劍聖禦賜25100阿姑免死金牌
noname-stock.blogspot.hk/2015/02/blog-post_96.html?m=0

而在2月5即高位25048 當日已經暗示左有呢個免死金牌可以沽得 : 

https://m.facebook.com/nonamesword/photos/pb.179569508904367.-2207520000.1425447064./340184239509559/?type=1&source=42

如果你心水再清D, 2月27 高位係 25101, 即係同劍聖免死金牌差1點，劍聖報夢D野又係咁橋？到25101多過劍聖免死金牌一點後就回。 

上面講咁多其實想講你知"玄天九劍"危機其實一直係度重未解除，一日唔破25200企穩(比多少少做buffer),  就可能係 : 

今週唔跌下週跌，三月唔跌四月跌！

可以跌幾多？ 無名未見過，真係唔知，唔識估計，睇天啦！ 

無名劍
www.facebook.com/nonamesword

十分劍八分準！

尋日出左十分劍分析大市，結果都唔差，其實由前日星期一已經講星期二可以插得幾深。無名尋日嘅分析咁講 : 

"上星期五十分劍係10 分 係最高分，天地劍係向上。 今日十分劍係6分，天地劍都重係向上，但近中間位。分析即係講上星期五係算幾高位， 當日高位係25101, 今日得6分但天地劍重係向上，即係向上升勢有減弱現象。 咁即係同無名之前講明日有條件插相似，但升勢未叫做轉晒，但有轉弱可能，因為重係近中間，要睇埋明日。 明日可能係上下兩邊chok, 做低再抽上，若明日抽上有力，升勢重有可能繼續。"

結果係尋日下午真係急插，由高位24984一開高位一路插到24663, 高開插呢點都有同網上講過。但係就無反彈，而兩邊chok 同反彈係無名自己嘅估計， 單從十分劍分析係講高位有回調跡象，結果星期五10分果日真係相對高位， 而尋日再回， 所以覺得十分劍算交左功果。無名比8分佢，唔好太多，怕讚壞佢！Kakaka!  

講過星期二嘅十分劍分析就跌到得3分， 而天地劍則轉弱為下勢， 今日相信都係差。有無反彈要睇埋今日十分劍比咩分先知。而無名之前强調唱中線分中劍24800,相信大家都知有幾重要，尋日破24800, 無名已經講可能會更差，叫定好友要走鬼。跟住就插多百幾點到24663. 而無名之前講 24800 之上好友勝， 24690之下淡友贏，仍然繼續有用，24600 - 24800 就係磨劍位。做單日可以用呢個range做range trade.  若真係破range, 就可能到24300 - 24400. 自己小心！

無名劍
www.facebook.com/nonamesword

十分，倚天，屠龍，指天篤地劍！

個名夠晒勁。。。。長掛？ 啱啱用左20分鐘做左個簡單睇trend 嘅tool, 唔係百份百準， 但用黎睇trend勝在簡單易明，同大致跟到中線trend, 但隔夜就唔係一定啱，幾日比較適合。啱做trend trade 嘅朋友。 

十分，倚天，屠龍，指天篤地劍， 其實係包含左十把劍，全set 就簡稱十分劍。十分劍故名思意就係有10分， 同埋係由十把劍組成，細分可以用每一把劍黎分析， 而當中有三把劍最重要，一把倚天，睇高位，一把屠龍，睇低位，另一把指天篤地劍，又名天地劍，指天地方向咁解，睇overall trend. 

簡單咁講係十分劍總結左十把劍嘅分數，會比0 至 10分， 而天地劍就講overall trend 向上定向下或近中間位。

分析好簡單， 上星期五十分劍係10 分 係最高分，天地劍係向上。 今日十分劍係6分，天地劍都重係向上，但近中間位。分析即係講上星期五係算幾高位， 當日高位係25101, 今日得6分但天地劍重係向上，即係向上升勢有減弱現象。 咁即係同無名之前講明日有條件插相似，但升勢未叫做轉晒，但有轉弱可能，因為重係近中間，要睇埋明日。 明日可能係上下兩邊chok, 做低再抽上，若明日抽上有力，升勢重有可能繼續。


有時間再用佢分析大市走勢，但留意呢把劍都係純數學分析結果，幾時都係唔可以信晒。

無名劍
www.facebook.com/nonamesword