豬一般的政府，豬一般的公司！

有網友同無名講笑問無名係咪未來人，點解成日都知道個市點走？ 無名答佢"係呀，啱啱由下星期坐時光機返黎，坐左我成個月，要改良下部時光機先得".  

其實都只係個預測啫，不過睇返以前做嘅野，其實都好似坐左時光機咁，十幾年前WiFi 啱啱出，無名在一家科技公司工作，份工只係做一樣好簡單嘅野。。。將未興未有人用嘅野帶到市場，當年無名在教育界得到一位有熱誠嘅官員同一班科技界朋友幫助下，一齊令無線教學在各大學校實行，學生學習環境唔再只困在班房同書本，去到邊都可以做流動教室。 

呢個例子好成功，但都有唔成功。另一個例子係政府，當年同科技局傾在公共地方提供免費Wi Fi,  豬一般嘅官回覆，呢樣係商業服務，政府唔會與民爭利。但十年後，D豬官走出黎話自己幾先進周圍有Wi Fi,  好笑在佢話 : 

www.wi-fi.hk/zh-hk
在公私營機構的共同努力下，香港可進一步鞏固其作為一個連通城市的地位。

另一個例子係九巴，當時說佢在每個站起Wi Fi,一可以比人上網，收唔收錢都得，二可以在每部巴士埋站時記錄時間，好處有三 : 

www.kmb.hk/tc/news/press/archives/news201506262242.html
1. 知道每部巴士埋站時間，咁就可以劃出巴士行車時間同路線，預計巴士幾時到，減少大眾等巴士時間
2. 管理巴士班次掉換，巴士司機行車時間，塞車交通事故最啱洗
3. 更快即時更新Roadshow嘅知訊

兩個case其實好處重有好多，成本只係peanut, ROI 大到不得了，白痴用張紙都識計，但總之就唔做，點解？ 無名覺得主因都係一個字。。。。驚。驚咩？ 唔知驚咩，總之係新野就驚，未係人人都做就怕錯，怕錯就驚，無限loop.  

不過，呢樣都係人性，所以先有豬一般的政府，豬一般的公司！ 

無名劍
www.facebook.com/nonamesword