謝清海錯了！

hk.apple.nextmedia.com/financeestate/art/20150523/19157452

無名好日唔寫篇文，一係唔寫，寫得嘅就寫爆佢，錯都要錯得爆過人先夠慘烈呀嗎！ 橫掂無名都比人話係"街坊財演"，又叫"抽水王"，就比D"襯家"睇下有邊個財演有咁沙膽敢咁寫， 一係唔抽，抽得就啃係抽個至堅咖啦！ 你識無名係老鼠咩？ 但一講謝清海錯了，你咪中晒招睇緊囉！ 

呢篇係繼無名之前嘅兩篇"杰"作"陸東錯了"同"陸東又錯了"(全文自己Google啦),  同兩次話經濟局長陳家强讀書讀得多會壞腦(一次講Bitcoin, 一次今日) 之後又一新嘔心瀝血痴根搞作！ 情況同上次果篇"玄天九劍，逆天而行" 一樣 : 

noname-stock.blogspot.com/2015/02/blog-post_9.html

篇文係今年二月頭出，當時市場氣氛向好，普遍認為恒指有力破25300創新高，講A股跌，恒指唔跟，覺得恒指好强，無名就黎個"逆天而行", 重話劍聖比左個25100"如厠免死金牌", 25100樓下任沽唔洗死咁話，結果恒指彈上 25101,啱啱多一點就回，一路插到三月中23711, 跌左 1400點。  

你一定覺得講咁多廢話都未入正題，其實真係一D都唔廢咖，目的係叫你"監古知今"啫(順便同新城數碼財經台早上09:30 果個大戶同老散都追住聽嘅節目"財經直播"賣下廣告，裏面無名逢1,3,5有個環節叫"博股通金"做嘉賓。Kakaka! 。。。咁嘅廣告機會都唔放過，係咪想打鑊無名呢！)

好！ 認真，上次通街睇好，話破25300, 就跌佢 1400點， 現在經濟局長陳家强撥冷水，謝清海套現16億， 多個基金經理話要回，强如黃國英都少少淡，博個put. 無名如果現在話，家下係升市第二浪，係咪同上次"逆天而行"一樣先？ 點解叫"逆天", 你估謝清海，黃國英呢D玩幾十億嘅基金經理係流咖？ 無名呢條蛋散同呢D Giant 打對台，咪即係"逆天而行"囉。。。(注意： 無名呢野抽完人水又擦返"靚"人地對鞋嘅手法咁有交帶真係好值得現時青年人好好學習咖！ )

講返咩叫升市第二浪，咁第一浪係咩呢？ 就係無名在復活節假前一個交易日，在新城嘅節目內，講左一句五年無講過嘅說話"大市有牛味",  跟住假期後恒指內由 25297 升到 27922. 兩個交易日升左近1700點。講到呢度，無名知道自己個無名講股英雄會有好多慾火焚身嘅處男fans，已經除緊衫褲，準備飛身撲向美女嘅懷抱當中。。。。咪住！ 冷靜D好唔好？ 無名話升市第二浪啫， 無講過一模一樣喎！ 更無講過有升無回咁直升，唔好好似處男咁衝動，一衝動只有兩個結果。。。。一係出事，一係好快完事！兩樣你都唔想掛？ 咁點？ 咪再聽住無名在博股通金同facebook 上面豬噏囉。。。。又賣廣告！Kakaka!  

記住 : 股無必勝，勝在一心！ 你夠淡定！必有錢剩！

更正 : 謝清海其實無錯，無名係佢賺咁多，都可能套下現啦！不過係咪最靚價呢？ 就未囉。

無名劍
www.facebook.com/nonamesword