無語錄 : 將敵人變成朋友！

尋日大市無跟無名所講咁升，而係跌， 無名出左圖中個post 講散戶三宗罪，老散定意，同分中劍點睇，但係就無明確咁講方向係點(其實一早講左), 好似有人留言話無名係"街坊財演", 不過已delete. 

無名想講，下次唔洗delete, 無名嘅花名多的是，假先知，無業漢，思覺失調，但都一一比無名當笑話，多個真係笑下都幾好， 如果叫無名"街坊財演", 無名真係受得起有餘，點解？ 你又試下揾個財演黎拆無名招牌呀，應該都幾難揾到，因為無名做緊嘅野都無財演做緊，咁係咪無名好勁呢？ 咁又唔係， 只係無名做緊自己最熟嘅野，人地未必有做無名做嘅野，正如你叫無名去講下財演式嘅分析，無名都會覺得好難。 其實無名叫得自己係價勢派創派掌門就打開度門比人踢館，你踢到都唔知幾好，因為無名都唔知幾想識多個高手！識無名嘅高手都知無名幾咁敬重高手。 

其實講到尾都係講無名唔夠firm, 想無名一句講，無事嘅升硬，或者跌市呀即走。 其實無名要講句"若能以心成劍， 則萬馬千軍在前，指無吋鐵而不懼已"有幾難， 無名唔講，其實係想將個選擇權比返大家。

因為恐懼係學習過程，恐懼嘅係敵人又係朋友。

你如果覺得無名係財演，只因你控制唔到你心魔。 

股無必勝，要控制心魔，將敵人變成朋友。

無名劍
www.facebook.com/nonamesword