星期四高低位在27397 同27192, 即生死線區27000 同 27400近中位之上，少少預視向好。 星期五早上無名在博股通金中話市面都講緊頭肩頂要跌，正常都應咁睇，但無名劍指數系統有顯示唔一定跌，所以三日內一係27000, 一係 28000, 無得留低。主持朱子昭聽到當然有D驚奇 : "咁即係一係爆上去，一係就跌得幾多咁喎？", 佢又問無名係咪偏好， 無名話係，否則會跌得幾金。
點知下午真係爆上， 由低位 27315升到27928. 高低波輻過600.點。 無名其實講左下週初看好，奇嘅地方係無諗過一日內發生， 重係高位收。啱啱可以補返無名在星期一講今朝星期四五有高位嘅講法。 而上証差都如早上在博股通金一樣咁講，同大市可能係由恒指帶動升市都吻合。 呢個預測唔係無名做過覺得最神奇嘅預測，但如果問無名下午點解會爆上，無名會話 : 好彩！ 只能夠解釋尋日係無名生日所以上天比左果咁嘅生日禮物我啦！
無名講過過自己其實係個好謙虛低調嘅人，其實係真咖， 無名連生日都唔講就知啦，但今次幾特別，所以要講。 另外，有一個叫 Cat Sir 嘅人一路開班話教人做全職trader, 無名就在生日前一晚上去"踢館", 點知佢啱啱又係無名生日果日cut 左佢 Facebook. 其實呢個同無名留言無關，呢位人兄一早已經D野在網上出晒名，有人重同佢出埋個專頁 :
https://m.facebook.com/profile.php?id=690474221079085
無名一路都無加口，覺得你要揾食可以由你， 但睇到佢叫人做全職Trader, 即係叫人去自動失業，輸左你比呀？ 睇佢講有20人想轉全職，所以覺得要出聲，咁啱都係尋日執粒，所以都幾橋！ 好笑在財經雜誌同佢做埋專訪，幫佢叫多D人去死！ 不過要多謝一班不斷努力宣傳佢過往事績嘅朋友，如果唔係有野，點會個市咁旺黎唔攪？ 佢教你做全職trader? 如果佢得，就唔洗改咁多次名啦！
咁簡單都唔發覺，點做trader呀？ 其實唔好"恨"做全職trader, 做全職Trader 真係重難過做醫生好多好多咖，點解？ 你睇下你身邊見過嘅人，計下全職trader 同 醫生嘅比例就知啦！
無名劍
www.facebook.com/nonamesword
沒有留言:
張貼留言