首先想比十分劍一個正式D嘅名，全名叫無名劍綜合指數，又名十分綜合指數，主要係綜合左十個指數分析出黎嘅結果，係對大市整體表現嘅評分。而天地劍則為方向指數。即係表示指數系統分析出大市正朝著嘅方向。但呢個方向指示有時會因為股市轉得太快，或長線升跌勢後轉彎急未能完全跟到，所以要加埋十分劍同其他指數一齊分析。因為發覺睇嘅朋友可能漸漸多左，好多人問無名係咩黎，所以有需要講清楚。
講返尋日3月4日星期三大致如無名嘅十分劍分析所講咁 :
"講過星期二嘅十分劍分析就跌到得3分， 而天地劍則轉弱為下勢， 今日相信都係差。有無反彈要睇埋今日十分劍比咩分先知。。。。無名之前講 24800 之上好友勝， 24600之下淡友贏，仍然繼續有用，24600 - 24800 就係磨劍位。做單日可以用呢個range做range trade. 若真係破range, 就可能到24300 - 24400. 自己小心！"
結果尋日真係幾差， 高低波輻24439 - 23705, 基本上由早市跌到尾市。高位又啱啱係磨劍位中間， 而低位24439 同之上講破左24600 有可能嘅24300-24400 嘅上限差39點，基本上同分析大致吻合。
尋日(3月4日) 嘅十分劍係跌到0係最低分， 天地劍則繼續下勢中。 但要留意係，上星期五當日高位25101時， 十分劍都係10分， 之後就回， 10 分即係代表左當日有可能係相對高位， 又或者幾日內可能轉差。 同樣尋日0分，即尋日有可能近低位而往績係0-1分後兩日之內可能會反彈。再加上癲瘋指數尋日偏低(即有D超跌) ， 加埋黎分析即係話今日有可能造低位反彈， 而星期五好有可能比今日星期四好。能唔能夠扭轉跌勢短線止唔就要守24200.
無名劍
www.facebook.com/nonamesword
沒有留言:
張貼留言