感激各位留給無名的2014!

1. 感激各位留給無名的2014!

2. It is the end, but also the beginning of another!  

3. 時間過得特別快，又係時間講拜拜！

無名諗過以上三個標題，結果選擇第一個。呢篇比較長，係一年黎嘅總結，希望你地會睇完，同無名一齊回顧一齊走過嘅2014, 因為之後唔會寫咁多。。。。。

無名由去年年尾開始因見細價股異動，經常在投名滙出短文。但越出越多，有時全版都係自己，覺得唔好意思，開始諗係咪要攪返個私竇呢？ 跟住就在2014 年頭用左Facebook黎講細價股，咁啱就係細價股升得最勁果段時間，記得當時差唔多日日都有股上升輻榜，真係過癮！

之後越玩越hi,  就用左個開左好耐都無用過嘅fanpage 黎攪左 : 

無名講股英雄會 (http://noname-stock.blogspot.hk/)

同埋video blog (https://www.youtube.com/user/nonamesword1). 

開咪對無名黎講都係一個幾新嘗試，無名記得早期用過一個叫Podomatic 嘅Podcast site 黎load, 結果兩日就上左佢地investment 類別嘅榜首， 大家對無名嘅支持其實係無名無想過嘅。

之後我漸漸更專注在指數上，開創左價勢估市圖像法，日日估每日升跌走勢，一般係一日估四個轉折位，同一週升跌加埋邊日可能係高低位。同時又用左大量新造兵器來預測股市走勢，一大堆如 : 無名劍指數，萬丈神劍，天地合一劍，癲瘋劍，明劍(又名點紅點綠劍，或紅綠燈指數用黎睇明早升跌), 日劍(睇今日)......重有天劍！ 其中天劍可能令大家印像最深刻，天劍由第一次出銷無名話 : 天劍指示， 唔call 你嘅事， 結果下一日大升過五六百點(幾多唔記得),  之後睇返先知當日做左個中期低位升左有千幾二千點，其後天劍都出過幾次，基本上無名記得下半年嘅最大單日升輻都有幾個比天劍擊中。記錄有 :

天劍出銷！ (5月12日全年單日最大升輻602點) http://noname-stock.blogspot.hk/2014/05/blog-post.html

天劍出銷，都係奇景！http://noname-stock.blogspot.hk/2014/05/blog-post_12.html

天劍再現..... (5月20日之後無出天劍, 但恒指由22758連升左一個月到 23393 先回.) http://noname-stock.blogspot.hk/2014/05/blog-post_20.html

 

天劍再現.....(9月3日單日升輻573點, 全年隔夜最大升輻576點. http://noname-stock.blogspot.hk/2014/09/blog-post.html

個衰仔今次無丟我架！今日係全年單日最大跌輻! (全年最大單日跌輻 669點)！http://noname-stock.blogspot.hk/2014/12/blog-post_1.html

英雄氣短拋天劍！(連中上証同美股, 先跌後插) http://noname-stock.blogspot.hk/2014/12/blog-post_11.html

所謂天劍出銷，不可預期，所以中間有時會有反覆現像，無名亦都同大家展示左"以心成劍"嘅心法，(http://noname-stock.blogspot.hk/2014/12/blog-post.html) 叫大家"若能以心成劍，則萬馬千君在前，手無吋鐵而不懼已！" 即係叫大家在波動同凶險嘅股市要有堅定嘅信心先唔會由應該贏變左輸。

在大市走勢預測方面，無名好努力咁去預期中短期走勢，希望可以捉住每個轉角位，結果好彩都係捉唔到係佔小數，而有好多都係差少於50 - 100 點內回頭，年頭一轉科網股退潮轉炒實體股，好多基金經理都講損手，無名咁啱又咁好彩叫網友買舊經濟股避過左，到互講通第一次傳出，無名由頭到尾唔睇好，話係幫香港"通櫃", 一開通櫃褲穿"o隆",  結果講中左一開勁插， 香港散戶誤信財演全被通櫃，到阿爺免除滙對上限，無名話阿爺要炒爆個市，結果跟住上証一路炒上，社科院出口術，瘋民狂開孖展戶口，成交過萬億超越美國，港股大市走勢大概都在預料當中。無名更講埋世界各地股市，做左"無名瞬間看地球"預測美英德日金市預測，更發現左劍聖指示，試過一日連中十幾 deal 連贏美英德日法油金市， 而且試過唔止一次。對於呢種全球性嘅股市預測同埋同時一齊買嘅做法，對無名黎講係新嘗試，而無名在香港亦未見有人咁做(如有請通知，無名都想觀摩下).

而個股方面，無名除左在年頭食正細價股爆升浪時講左一輪之外，其他時間都唔係主菜，無名比較鐘於一D自己口味嘅個股，一般黎講就係無名所講嘅"保守地投機", 所以無名比較少追住報紙吹谷嘅熱炒股，而一D係穩中求chok,  chok 中求穩嘅股票，例如992 跌到7.x 話大戶同傻仔送錢比你洗(由7.x > 12) ，只要信不要問嘅241(4 > 2.5 >8) , 有個浪嘅Apple (7X > 120),  買Google都驚不如驚英年早逝(幾年前平一半已叫左買啦),  700 值 700(結果過晒) , 升過幾次過100% 嘅993, 941 全年低位果日叫你撈又係話有個浪(估唔到話親有個浪都咁勁！).  

講得多，自然有人反對，反對者有合理，有不合理，熟識無名有幾牙尖咀利夾口賤都知，對付不合理反對者對無名黎講可以話係a piece of cake, 甚至係一個game,  有D無名重由有D嬲到後來變成左笑話成日揾黎講，比人改過唔少花名 : 假先知，知覺失調無業漢都成為左無名好喜愛嘅名字。其實話你都係一件好事，如果佢當你係空氣，就唔話你啦， 話得你即係佢唔係當你"如無物", 而係"心中物"啦！當你當人話你"如無物",  可以好歡容咁面對，對方就更加"心中有物", 咁邊個境界高呢？邊個高興D呢？其實只要你"心中無物",  世間多少事都可以一笑至之。

上面講左咁多係想粗略咁記錄下2014 年嘅點滴，過去一年無名在股票或做人都有好大得著， 今年在預測技術上嘅進步，可以講多過前兩年總和，無名由年多前嘅預測重係"例遲三日", 今年已經做到隔日，即日或者即市嘅預測。 在時間性同升跌輻度都有好大突破。無名亦都在大家面前證明左無名劍價勢派技術分析嘅真實存在。表面上睇，好似無名成日教大家，大家都係問我，我答。但事實上係教學相長，由你地問嘅問題當中，無名想出好多新嘅思考角度。其實大家都係無名嘅老師至真！ 所以非常感激各位留比無名嘅2014! 你地ge留言, 讚賞, 鼓勵同批評無名都會銘記在心!

本來呢篇文係在年尾出，但無名等左兩日，黎做左個無名好耐都未做過嘅測試，結果呢個測試成功左，而呢個測試就係。。。。唔講！   

黎緊嘅時間無名要更專注在研究上面，所以要改下每日講預測同即市講走勢嘅習慣。咁先可以更專心研究。可以研究到咩？ 真係唔知，但無名劍指數其實係由2013 年頭創立， 只有兩歲，而其他嘅劍仔都係之後出世ge細佬妹，無名嘅研究同其他派別唔同嘅地方係大部份派別都係已經成立左而後人基於果個方向去演繹，創新空間較少，而無名嘅價勢派係自創嘅一派，所以創造性可以更高。

所以無名日後會少D同大家在網上講預測，希望大家好運多賺！

今年係各國玩hunger game大屠殺， 唔係你死就我亡嘅一年，油金股滙都會風起雲湧，咪信晒財演講大牛市，雖然係可以升，但今年可能係一個炒爆嘔突年！

最後送首歌黎多謝大家 : 

張國榮.....鼓手. 

呢首歌寫左無名在股票上ge心聲......
 
求能用心　求能用功, 求能做好股手(劍手)!

 

無名劍
www.facebook.com/nonamesword