無名今週初講 : 星期一好，二chok中有力，三平同大戶打乒乓波(指比星期二力度，但唔算係好), 四震盪同大戶盪韆鞦，五彈(今朝講勢轉差) 。
睇返結果(同預測相比) :
星期一 : 高開23423 做全週高位(好) ，之後一路回
星期二 : 低開後低走半日，午市反抽，尾市上破DH高收， 係今週有兩日反抽破DH嘅其中一日(chok 中有力)
星期三 : 再低開後半日窄輻向下，尾市插一野， 全部波輻197 點，係一週內最細波輻一日 (打乒乓，力度比星期二平，但唔算好)
星期四 : 低開後反覆下跌，做左8個轉角位 (盪，打韆鞦)
星期五 : 低開幾十點在22800 攀車邊個15點之下，之後再跌，但今朝有講可能係星期四盪嘅延續，早市先跌後升，之後先做第一個低位再反彈到13:15左右破開市位再做DH, 係全週有兩日有反抽破DH嘅另一日(星期五彈，同星期二chok 中有力咁啱就係呢兩日有反抽破DH), 但之後話無米派同尾市或差，cap圖時係 22842同高位22847 差5點，話無名劍指數系統弱勢同叫保守減持，結果尾市插破DL, 亦都係全週低位。(彈同尾市差，加捉到DH差5點叫大家保守減持)
其他 : 上星期五講週初好，結果星期一高開200 係全週高位，再加埋星期五話尾市或差，即係一週高低位出現時間都捉晒喎，重有叫大家要學老鼠偷食，不防細膽D, 見唔對路走左先，係咁好啱洗呢？唔太嚴格黎講，無名覺得今週走勢預測都算係全贏劍，Bingo咖啦! Kakaka!
上面寫咁多資料，其實唔係為左認叻(心底話 :其實少少地就點都有D咖啦，睇開D啦！) , 因為無完全啱，但就有好多"疑似同巧合", 其實估市已經係難，相信香港都無人會一週前比每日預測，而重要形容得"似"就更難，因為預測本來就無100% 準，即係用口講一張名畫有幾靚，你可以點講一樣！ 寫咁詳細分析係想大家了解同明白無名嘅預測可能係點解，重有同大家嘅理解有幾大出入，咁樣會有助大家以後分析無名嘅預測，講到尾都係話唔係為左認叻，真係為大家好咋！ Kakaka!
講返無名劍指數系統， 今日已經講左轉左弱勢，恒指係全跌，中形勢指數更係三連跌。而劍勢係十月頭以來第一次轉跌，領先指標向下，但太極指數則比較低，係唯一向好嘅指標，對星期一可能有少少幫助，但因其他指數都差，作用唔會太大，只可以係彈，未夠力反勢， 咁即係同今朝電台講星期二，三差，星期一比星期二三好，但唔代表係升吻合， 下週較有可能在星期二三做低位，而二同三比可能係三較差，實際係點要到時睇。
而上証方面就如前日講"睇下會唔會做反覆勢", 結果中線形勢力度升，但劍勢指數係自10月頭來第一次轉弱，領先指示都跌。
所有數據加埋都係講緊大市入弱勢，除非有大反抽力上過攀車邊位22800 先有一線生機。向下差的話係可以破20000, 即係無名個斷估遊戲嘅第6點。。。。今年重有低位。。。。再睇。
無名劍
www.facebook.com/nonamesword
回顧今週，無名話星期一好，二chok 中有力，三平但唔算好打乒乓波，論波輻走勢同高低位都同走勢吻合，今朝無名講盪，同大戶盪韆鞦，結果今朝盪上高開左幾十點，之後跌到中午上返D, 到一到轉勢分中劍23000再跌，無名今日數過今日做左8個轉角位，咁似唔似無名星期三在電台講嘅"震盪"呢？ 就你自己話啦，但係大家可能期望尾市抽上一下，咁就完美嘅盪韆鞦同好淡交界，無名都想咖，不過都話左股市唔係無名開囉，何鴻燊都唔可以控制下一舖開大定細啦，何况無名呢？
論位，低位一日比一日低，無名在星期三已講左有貨同指數買想要小心，要學老鼠偷食咁，不防細膽D, 有咩唔對路走左先，其實係比晒warning 同方向喎。而23000轉勢分中劍破左試上返，唔過就回，已經係偏淡signal, 低位又啱啱在攀車邊度位 22800 之上多11 點，其實之前都有講解過攀車邊位一係就攀到上車，一係就可能碌落車，現在夜期破左22800, 明日成為之後升跌關鍵，同上星期講星期四五係轉折位再定方向講法係一致，而今日形勢指數同力度指數都連續兩日係差，但領先指數就跌兩日後轉升返，所以未可以講明日一定淡，現在都係如無名星期三講嘅反覆震盪勢等出方向。
其實夜期又唔係跌好多，洗咩咁驚，明日真至係真黎料！ 安心早D訓好過啦！
無名劍
www.facebook.com/nonamesword
無名先前日發現完痴根屎單你嘅嚇你七件事同無名個斷估無痛苦遊戲有D"如有雷同，實屬可笑"之後，今日再發現連新聞都好似係咁喎！
油價跌，海油唔掂，日本差，全部都有新聞講！唔係#巧合，就係有鬼啦！所以無名話自己唔睇新聞，因為無新意，唔係厄你咖！ 重有連世衛將腸仔，餐肉變成一級致癌，紅肉都好似話可能二級！咁啱無名就"鬼整"咁自己戒左先！唔通又係巧合？
其實你話無名係咪應該轉去寫"新聞預測"呢？例如 :
無名劍新聞預告 : 今晚聯儲局又係唔加息，無哩新意，耶倫又係豬噏一餐！
無名劍
www.facebook.com/nonamesword
改返個形D嘅名先。。。襯我呀！Kakaka!
尋日講到上証嘅幾個指標 (中線形勢，力度，劍勢，領先) 全部都轉跌, 重係10月頭以來一次由升轉跌，但今朝在#博股通金 有講， 睇下3400 守唔守， 睇下係咪在無名劍指數系統行反覆走勢，若3400 唔守，即可能係轉跌訊號。 今日以上四個指標就真係反覆比你睇，全部轉返升，咁樣要再睇下係咪代表行緊反覆勢，定係真轉勢。
但恒指果邊就倒轉，今日中線形勢同力度指數轉差，不過劍勢指數同領先指標都向上，只可以示為初步預警，因為中長線指數重係向上，只係中長線力度指數減弱左，維持今朝電台講法暫時行反覆震盪勢直到再出方向，明日維持"盪"嘅睇法。
而今週所講嘅星期一好，二chok中有力，三平，都基本上同走勢吻合，星期一高開23400之上做左週高位一去無回頭，啱左，星期二低開再跌左半日到午市尾抽高，chok中有力，又啱喎？ 今日低開跌同半日窄輻149點到尾市先插DL, 波輻係三日內最細唔過200點，同無名尋日講嘅"平，但唔算係好" 吻合，都啱啫！ 咁就三個Bingo! 又睇下明日會唔會"盪"同好淡交界，星期五好返D啦！
其實你地知唔知用咩字同表示方式去講個市都係唔易咖，無名有時都會幾佩服自己嘅文采咖(廢文青認叻mode on) Kakaka!
無名劍
www.facebook.com/nonamesword
恒指如無名星期一在#博股通金 所講，星期二chok 中有動力，今日開市後跌到午市早段回彈同尾市做DH 加高收，同chok中有動力吻合，又同今朝講早市見高防跌(無講午市，則午市以升勢為主), 呢點同市况都吻合。
另外星期一亦有講過若星期二在23200之下領先指標會向下，結果今日領先指標都係向下，即今日係第二日領先指標向下，但明劍(睇明日) 向好，或可減少一部份向下壓力，即有可能係跟星期一估市圖像法所講星期三"平", 但都唔係好，意思即係無星期二咁有動力。
重要嘅係上証在無名劍指數系統出現左重要變化 :
形勢指數(中線)
力度指數(中線)
劍勢指數
領先指標
全部在今日轉弱，係自十月頭到現在第一次！小心！
無名劍
www.facebook.com/nonamesword
返排好多網友問無名點解會為左想練拳而減磅，其實無名有一次在朱子昭嘅電台訪問有講過，無名本來係一個武痴，係會睇武術書本，研究各門派武學理論同心法，發勁同力學，重會"睇Youtube 學功夫"！
而價勢派嘅三個重點 : 睇勢，睇力，睇位。 重有分中劍，劍勢指數，形勢，力度指數。。。等，其實都係由武學概念衍生出黎，因為無名自少嘅心願其實係想做一個武林高手。。。。點知上天只係比左一半無名，將前面兩個字換左做"估市"......陰功！(>﹏<)
無名劍
www.facebook.com/nonamesword
今朝在博股通金講左今日領先指標轉向下(當時還在高位 23400左右), 結果今日出現400點回調，而更重要係其他指標都轉弱 :
1. 中長線力度指數由九月以來第一次轉弱，雖然中線同中長線形勢維持向上，但代表上升動力減弱。
2. 週領先指標轉弱，係由9月底大市回升以來第一次。
以上都表示回調力增强中。有貨要小心！
無名劍
www.facebook.com/nonamesword
