Post 於1月12日收市。。。
無名星期一在電台話就算會有彈星期三都可能回，唔好博，網友問有無得彈，無名都話有彈都唔好博，今朝開20030後先插低位19931, 再彈上20130, 波輻199點，同無名比嘅上下分中劍19800/20000 波輻差1點， 之後差唔多全日回，一路破落19800 停一陣淆下又再破，直到低收19711 在DL 19694上7點。 全日彈100, 插返400有多，你話係唔係有彈都唔好博呢？
無名劍指數系統今日有比較大變動， 形勢力度都重係短中長線向下，但今日係跌市以來第一日領先指標轉好，估市圖像法本來預測明日差，但由於領先指標背馳，所以叫大家小心，唔好沽過夜，同埋夜期先好，點知夜期真係一開後彈左200點，明日又係好淡交界，因為估市圖像法星期四唔差，市就係咁反覆，就算澳門何生要大細點開，佢D伙記都無可能跟足，何况係無名呢隻無名小卒呢？
無名只可以追住個市，好似詠春痴手咁死纏爛打，希望唔好lut 咁多兼派米啦！(>﹏<)
無名劍
www.facebook.com/nonamesword
Post 於1月11日收市後。。。
無名劍形勢速遞 - 20160111
今日本來估市圖像法估今日有彈，但低開在20000之下在19997, 啱啱係無名上星期五話短線彈一定要星期五同星期一守嘅重要位，無名開市話小心一開插，結今日再插到低位。後上返20023再插，無名話小心破底，同要彈可能係午市頭段，結果再落到19865 平低位反彈，午市再先上高位20068, 約14:25掉頭插，一路再收市低收。
無名劍指數系統如上星期講一樣係全淡，繼續短中長線都淡， 三圍指數繼續超標再超標，網友問幾時先真彈，估市圖像法睇出黎就算明日有彈，唔企穏20000 都係跌，所以都係八個字 :
保留實力，
唔好買貨！
咁沽得嗎？ 無話唔得，其實一路都係話長線淡勢。由之前12月中高位無名講左好多次全球經濟逆轉，日元有拆倉潮，美股17000 點好危，由上年十月已經講左日本可能好大鑊，恒指在年尾到農曆年尾前有低位，今年跌其實係預左， 因為由上年7月全球股災預警以來，無名都係話要保守，被問及到底未，都係話未，今篇叫跌市啟事錄，唔係話自己講野係聖經，聖經叫啟示錄，無名係怕你唔重視，因為今年跌市條件比上年好，即係比上年金，因為今次係全球大逆轉，要將過去幾年唔合理嘅經濟上升黎一個"反正", 所以今年嘅跌市不容忽視，無名今朝在博股通金講左， 今次跌係少則三個月，長則六個月，呢個預測係計大底幾時黎，唔計中間反彈。今次少則18000, 金則14000, 所以唔好睇少，寧願睇錯，好過買錯，輸少當贏。若要沽就自己睇位，無名話過差要保守，你反轉黎做無話唔得，但要自己睇位，睇住分中劍黎做。
無名劍
www.facebook.com/nonamesword
無名劍形勢速遞 - 20160107
其實好攰，但今日市場好大變化，所以都寫埋。
無名重未寫完2015 review, 所以未出今年嘅"簽文", 上年嘅簽文"炒爆嘔凸"相信大家會好有印象，今年嘅簽文好簡單，係倒轉黎講"嘔凸炒爆", 其實無名已經講左好多次全球經濟唔好，外滙有大逆轉，美國可能出萬劍歸宗！點知話咁快，今年一開波就黎！日元破位升，油繼續跌，阿爺四熔斷，金仔放炮仗沽期大賺，令無名本來預期嘅三圍反彈都壓住左！
有網友要求派米，無名覺得只可以派粥水，原因係尋日比嘅20750 劍仔位夜期破左，講明跌力强，同今日升唔升好關鍵，今朝開20772, 在劍仔位20750 上 22 點，無名話唔破上20800 都係淡勢，上20800都要在 20800 - 21000 打交， 結果彈上20826 一陣就回，之後一路跌，跌破20400, 無名改分中劍為 20400, 之後彈上過20500, 午市約20400 之上，無名話小心再回，結果再落低位20323 同低位20333收， 無名午市再比左新劍仔位 20200, 點知夜期又破埋，同尋晚夜期一樣破完彈返上，夜期高位上返 20482, 咁明日係咪又會好似尋日咁高過劍仔位開呢？ 理論上都似。
理論上有理由相信，星期四好嘅預測可能係遲一日黎明日彈，但睇到阿爺晚上自斷子孫根取消熔斷，無名心裏面出左五個字 : 今次仆街啦！粗俗D都要咁講，因為今次真係可以好福佳下！阿爺先錯在出熔斷，所以無名今日都同網友講笑話揾攪熔斷條粉腸出黎熔斷佢JJ, 但現在唔玩就重福佳，原因係咁即係話同大戶講個莊輸到怕，驚左你，你係大戶會點做？ 所以無名話今次大陸重大鑊過上年七月無名講佢救市失策比大戶睇晒底牌，因為阿爺已經入左個熔又死唔熔又死嘅死位加不歸路，佢已經係肉隨粘板上，只可以任人魚肉，直到大戶沽到你殘，夠平夠賤先買返你上去！咁就可能出現無名首"十斷"詩一樣"股災不斷", 因為無法估計大戶要沽爆佢幾多次先收手！中港股市實在令無名心寒！前面雖然好快有彈，但都未見底，因為無名劍指數系統已經係短中長線全面轉差，之前講過要過返21500中線先可以轉好返，一月先有反彈，但由21500 破後，劍仔一路指低位都次次中， 最後希望嘅星期四好都企唔到20800, 三圍反彈都無力令大市轉升，即下跌力好强，所以後市要真轉升係好有難度！ 長線轉好分中線仍然在 21500.
所以唔怕長氣講多次 :
不要買貨，見高減持。
因為全球大逆轉加超級股災正在發生緊！
無名劍
www.facebook.com/nonamesword
無名上週講左無名劍指數雙低水，預示恒指回調力加大，今朝低開在21781, 在上週無名原來預期要破嘅21800 之下， 之後彈上 21794, 差6點，之後全日跌，無名早上在 #博股通金 話要睇住21500/21800 兩條重要轉勢線，同埋話全球股市都唔太好，尤其提及上証美股，要睇住上証3500 守唔守，結果上証今日跌過7%, 在2016第一個交易日黎個容斷！上証由開市在 3500 之上跌破 3300.
在恒指破21500 後無名出左無名劍指數update, 話分中劍改守21500,唔上破都係向下勢，而轉勢線改為 21000/21200, 同時無名劍指數低位指向 21200, 結果恒指DL 21227,今日由高位跌近600點，上差6點，下差27點，都可以講係一個Bingo.
明日預測講左無變，繼續睇明日有冇低位，同星期三會唔會係好淡交界到星期四好，但要留意癲瘋指數已低到 -50%, 同三圍指數已入二圍低位，反彈最快可以在一兩日內。
無名劍
www.facebook.com/nonamesword
Post 於12月31日收市後。。。
無名劍形勢速遞 - 20151231
先講review, 今週係回調為主，高位比上週低，今週四支燭斜向落，今日彈到最高21970, 之後以跌勢為主，破新DL到21864, 高低波只係106點啫，無升700, 都無插700, 而係今週最細波輻嘅一日，同今朝講嘅唔係大插，又唔係大彈吻合！ 而收市位在21914, 同無名估21900之下差14點， 唔算多！後市預測在今朝嘅無名劍指數雙低水講左。自己睇返。
本來今日想唔寫，但有始有終，寫埋佢。唔寫嘅原因唔係攰，唔係忙，唔係無心機，而係太開心！
開心到啱啱先記得自己未食飯！真正廢寢忘餐！Kakaka! 開心嘅原因係 : I believe I can fly! 無名終於可以相信自己 I believe I can fly! 係真正嘅相信，明可明，非常明，道可道，非常道！無名講唔出點解，只係知道好似個腦突然"丁"一聲。。。通晒！無名今日在預測同指數系統上領略左好多野！以前負出嘅努力，克服過嘅困難，終於都無白廢！上天在今日比左件好好嘅新年禮物比無名！無名尋日先同肥熊講個腦好似行左好耐無停過！攰到訓幾多都無用，但今日成個人好似鬆晒！好耐都未試過！
祝各位英雄會友在2016 : I believe YOU can fly too! Cos I believe in you!
http://youtu.be/GIQn8pab8Vc
無名劍
www.facebook.com/nonamesword
Post 於12月31日開市中。。。
今日想講講呢個新term, 因為以後都可能會用到，無名劍指數(唔係無名劍指數系統) 係一個可以追踪股價或大市甚至任何數學上數值推論嘅指標，原理係同導彈追踪目標相似(好似好誇，但無名真係咁諗), 用無名劍指數同當然高低位相比，會得出三個可能結果 :
1. 雙高水 - 比高低位都高
2. 雙低水 - 比高低位都低
3. 高低水 - 即在高低位之間
由呢三個結果可能推論出大市方向，推論好簡單， 雙高水代表向上，因為無名劍指數係預表下一個可能目標，雙低水代表向下，高低水代表轉向中。 今日已經由多日雙高水轉為雙低水。意思即係無名劍指數表示恒指轉弱， 同無名尋日講恒指若唔守21900 可能轉弱吻合，而另一個重要指標劍勢指數都由多日向上轉向下，形勢指數重係向上但已好弱。而力度指數今日都錄得大輻回落。
在癲瘋指數同三圍指數未太低之前，預期回調繼續，同之前預測一樣無變。
無名劍
www.facebook.com/nonamesword
