無名最近收到唔少類似嘅PM, 你可以話無名老作， 但事實無名有好多咁嘅PM, 同埋無名係咪老作屈人嘅人，睇得無名耐嘅都應該知。
呢個係無名一直要繼續講嘅原因，原因唔係因為佢錯，錯左累人輸錢，無名在網上只媽兩種人 :
1. 錯左唔認，教人有前無後打死把就，不顧受眾風險，叫人大手轟入，all in, 當底褲，但錯左就只顧面子死撐。
2. 蝦蝦霸霸欺凌弱小！
呢位就係第一種，為求出位攞威，下下叫人屙煙(唔好話無，大把人cap 晒圖咖啦) ！"啱"左就大大聲認叻，錯左就魔術手牛熊互換，唔只當無輸，重相反話有得執(但輸死果D就無講，或者又唔見左), 其實無名真係唔明點解可以咁幼稚，之前叫人破208xx 屙煙熊，大彈市果日同之前都講緊自己有熊(不過屙煙熊數目就自動會減到絕種咁) , 大市大彈之後就話自己call 左重升100%. 其實盲嘅都知睇錯市啦！ 做咩做D咁幼稚嘅白痴野黎厄班豬，重要厄埋自己啫？
班豬只係未開腦，所以未想像過咁多人睇都可以咁無料啫！ 你係咪無料？ 睇你夠唔夠薑接無名一招咪知囉，講咁多廢話有鬼用咩？無名是但揾個記錄比係試下破，破到一個都當你贏晒好未？
下面呢個網友就兩日輸左七萬。無名最喜歡佢講一句"回頭是岸嘅無知師奶"
無知唔緊要，師奶更唔緊要， 回頭是岸最緊要！
原文如下 :
********************************
你好呀無名大師，小妹不才係個c9想學投資穩番多少買餸錢，之前一直睇開譚生的。因衰貪心冇技術分析，次次跟佢都輸，本來都開始唔跟佢，當睇花生，但今次真係玩大左，次次見佢講到實牙實齒一貪心都會奶野，2日買2次，每次半個鐘就到止蝕位，total輸70k. 其實星期一我有跟師尊入牛，不過信心不夠，星期二係佢爆之前5分鐘放左，尋日早上少追牛，其實都cover 到10k ,不過都係放早左(唸住到22000）會回一回，走牛入熊點之仲死多2錢重。
其實我發呢個信息俾你係想多謝你，雖然我依家都係蝕緊，不過好彩有你比嘅意見我唔使蝕咁多，睇咗你都有成一個月，不過因為自己有時唔係太識理解你嘅文章，一路處於觀望態度，但係見到呢個月你真係好準，雖然你冇譚生更新得甘足，但係你對大市嘅睇法實在係十分之獨到。而家我每1，3，5都會聽博古通今。
錢輸咗我相信會再搵得返，希望你唔好介意我呢個回頭是岸嘅無知師奶。
謝謝師尊！
********************************
無名劍
www.facebook.com/nonamesword
無名早市前講左先回後高，瑩劍21800, 結果係先回後午市後到DH 21771, 同瑩劍差 29 點， 又有講小心21500破唔破，結果DL 21492, 破8點， 收唔收貨？ 重要派米？唔係化？
無名知有網友因為無名講星期四比星期二好，覺得今日無大升可能失望， 但要留意，星期二高位 21431, 今日DL21497, DH 21771, 你星期二任何時間買call 到星期四都係賺。一D都無錯喎，只係星期三升得太多，但尋日 22220講左回， 就回過700 點， 即係日日都中，今日瑩劍差29 點， 低位差8點。 無名覺得咁嘅提示都夠啦掛？
大家對無名嘅預測期望唔好太大， 個市無名無份話事，大戶要行早D遲D真係好難講，何鴻燊都唔可以控制賭場每舖開大定細啦，更何况無名呢條蛋散呢？ 所以都係果句 :
股無必勝，自己執生啦！
無名劍
www.facebook.com/nonamesword
如果你夠眼利同細心， 會發現無名之前一個post 時高位係22220, 差8點到全日22228, 時間上係差5 分鐘左右， 現在夜期插緊，即係估頂差8點同五分鐘。而尋日低位 20524 出左之後，無名話大市有轉好跡象，尋日網友想買call 問咩位止蝕，無名話 20500. 即係底差24點。 估頂底夾埋差 32 點， 中間升輻係 1700 點。
但係有人就錯足1700 都重堅持緊(唔洗驚咖，遲早有日會中咖！)
無名一早講過有乜好比 :
股無第幾，差之毫釐，謬之千里！
無名咪係差之"毫釐", 有人就謬之"千里"!
明未？
無名劍
www.facebook.com/nonamesword
無名好down, 7年來第一日無心機睇市。
無名7年來一心尋劍，無名曾經同肥熊講過 :
我唔係要贏，係要贏晒全世界！ (呢句野無名從來唔敢同人公開講，今日咁講，係咪傻左呢？)
無名由幾年前例遲三日，到可以每週講定一週升跌，50 分鐘捉五個轉角，年頭一句"油金股滙，風起雲湧，炒爆嘔凸", 勝過大部份財演萬語千言，一句"有牛味，牛三中位 28800", 之後三日炒上 2000 點，比高位 28588, 差 212 點，七月講全球股災論，全球都大跌，中晒，無名未見過有人做到，亦無想過自己做到，但係咁又點？
突然今日覺得贏晒呢個世界又如何？
獨坐孤山一名劍，面前嘅路好難行，好似圖中一樣，好遠，好似呼吸都覺得好困難咁，無人會明。
無名劍
www.facebook.com/nonamesword
無名劍繼震古鑠今嘅股市必勝法後，又一嘔心甩肺力作！
nonameoldstory.blogspot.hk/2014/08/blog-post_15.html?m=1
減肥必勝法！
減無必瘦， 其必瘦者法也！一曰心， 二曰道， 三曰恒， 心， 道， 恒三者不可缺一也。
上面呢幾句係老翻"股市必勝法"頭段，其實股市必勝法根本係萬事必勝法！即凡事都係由心開始，你嘅心思意念已經定左你會否成功。道係方法，要揾自己方法，唔係靠人嘅方法。恒就係恒心，有恒者萬事必行。
其實呢篇主要唔係想講減肥，只係想講自己想改變一下，講下自己嘅過去同心路歷程。好長可能好悶。但寫咁長係想比有心減肥唔成功嘅人一個借鏡，希望有用。 裏面亦有D我嘅背境，點解無名好似成日都咁堅持，下下打必還手，駡必還口，因為師父教我地，人地打你左邊，你就打返人右邊，打唔到右邊，就打返人左邊，又有人話點解有人話無名可以咁"勁"trade 得咁快, 其實唔係勁，都只係練得多，慣左，同我嘅過去有關。
無名少年時係個武痴，曾經學過跆拳道，遇上一位好好嘅魔鬼教練，佢可能係當年最勁嘅一位跆拳教練，佢係韓國黑帶五段，當年都有黑帶五段，但正宗韓國清濤館嘅黑帶五段香港應該無幾多個，呢位魔鬼教練操人唔係人咁品，無名帶過兩個朋友去玩，一個學界田徑揾過獎，一個玩開體操，兩個人第一堂都一樣，面青口唇白加休克。
當時係一，三，五，日練拳，二四六游水或跑步，每日幾百掌上壓， 幾百下sit up. Sit up 係up 一下"中"一拳，為左練捱打，係兩個人一人一腳，互"嘔"對方肩頭手臂腹部背脊，基本上普通人打我地全身(除左唯一要害同個頭) 都無咩感覺。當時要練輕身同爆炸力，係要跳繩一下條繩轉四轉， 掌上壓推起拍四下手掌，游水係一啖氣蝶式到浮台。當時打比賽前係減到 112 磅打feather weight 羽量級，師父想我減到 109 打 fly weight 蠅量級， 但真係已經無咩好減，得返D肌肉同棚骨，減唔到。當年朋友問我點解鎖骨上有兩個"dou"形嘅"番梘盒"，無名答"一個用黎載梘液，一個載洗頭水", 都幾攪笑！
由於運動量大，無名食量係驚人，基本上係一日七到九餐，係正常男人1.5 至兩倍，但食極都係面無四兩肉，當年真係同女朋友吵過大鑊係為左我成日要去食野，但後來無打拳，體重回到正常水平係 130磅，但都係幾瘦。不過人大左，食量都無咁點減，漸漸就由130,140,150...最高去到 168... 死未！
其實以前咁好體能咁fit, 到左咁重，無名覺得自己好似著左件衫咁，結果自己減少左少少食量到一個正常人水平，體重先回落到155- 160 水平橫行 ！ 唔算係肥，但就唔係fit.
到最近，遇到等待一生嘅濤天巨浪，令無名對人生有所反思，人生重可以等多幾個咁嘅巨浪？ 點解唔用最好狀態去過往後日子，唔好到人生去到盡頭先覺得自己有野無做最好。於是先"的"起心肝減肥，第一樣想做嘅係唔想食咁多野，因為其實自己一早已經覺得自己食唔落咁多野，而且近一年識左基哥(一位低調高手), 佢同我講左好多佛理，無名覺得好好，佢教無名人生可以係"淡泊如水", 同埋無名一直都唔鐘意殺生，屋企捉到嘅昆蟲同壁虎，無名都係攞出屋外放生。屋企人話無名無謂，但無名覺得，自己無份創造佢，點解有權毀滅佢呢？於是就開始左食齋，但唔係全齋，因為無名有時都要見人食飯，如果下下要人就你，會好無癮，所以係一個人嘅時候就食全齋，同人食就盡量少食肉，發覺其實唔難。 相反，覺得個人好似輕鬆左，無左一罪孽感，其實無名近年行過街市，都會覺得好嘔心，D豬牛切開一件件，內藏掛住出黎，無名幻想如果係人咁點？ 點解人有權食動物？ 如果有一種動物比人聰明，掛出黎嘅就係人肉，如果佛家講嘅輪迴論係真嘅，今世我食你，下世你食我，咁又何苦呢？ 其實食肉嘅邏輯都幾有趣，即係有隻豬在你旁邊，你同隻豬講，唔好意思，睇落你隻脾生得好正喎，我想咬一啖做瓜你食左佢呀！
另外，無名睇左一D關於環保嘅資料，全球破壞森林最嚴重嘅原因唔係人口增加所以唔夠地，唔係用紙太多，而係因為人係食肉，畜牧業其實係全球最大嘅森林殺手，因為人類對肉食要求日增，好多森林都改變成為提供草比畜牧業，變相殺死左好多野生動物，如果每人都食少D肉，咁森林就可以無咁快消失， 可以救返好多眾生。
無名就係咁開始左在自己一個嘅時候食齋。早上，由豬牛雞扒煎蛋，改為一果蘋果，感覺唔會個肚脹住，重好清新。下午去食麵，晚上無名都係多數自己一個人在屋企食，有時係食幾隻雞蛋又一餐，或者一個蝦子麵加一隻蛋，係完全唔覺得難食，一滴油都無落，食完洗碗都唔洗用洗潔精，一沖水就掂。其實食咩對無名黎講無咩分別，無名習慣左孤獨，大部份時間都係一個人食，食咩都一樣，同咩人食先重要。而食量係少過未開始前嘅一半， 同以前食肉獸嘅我， 幾日內變左兩個人，過左七日之後，已經由之前158減到151, (158 磅係以之前在機場影係71.6kg, 約158黎定，圖中見到無名手臂比老鼠仔粗，其實發力係手臂，一般人以為老鼠仔粗就大力係錯), 跟住14日後嘅今日已經係 147.8 創幾年新低， 14日減左約十磅，而中間無名係無咩做過運動。呢個係phase 2.
上面講咁多其實都係想講，食量大如無名，原來都可以將食量減半，同埋一切都由心開始， 萬法乎心，心動即可行。如果你個心未ready, 唔convince 去做一件事，你點迫自己去做，比錢，揾營養師，定餐單， 買瘦身療程。。。。都係多餘。你個心未得，就咩都唔得。只要心意堅定，就咩都得，即係無名所講嘅 "若能以心成劍，則萬馬千軍在前，手無吋鐵而不懼已！"
呢篇係講"心"嘅一心篇, 重有行道，同持恒，太長，再寫！
呢條路同無名以前尋劍嘅路一樣都係好孤單，但都有一班股友講下，呢條路就完全無人支持無名咁做，只有自己，所以更加孤單，今日係 : 孤單的路 - 第14日。
無名劍
www.facebook.com/nonamesword
無聊詩 :
古月思懷
古來聖賢皆寂寞，
月下對影成三人
期盼只成空對月，
歡欣怎欠缺中尋，
火中取栗只得火，
月下荒土遺一人，
無言獨對一名劍，
孤獨伴我是良朋！
無名劍
無名講過：打必還手，駡必還口！
上次無名無開名咁"回應"左果位嘔象 :
noname-stock.blogspot.hk/2015/08/blog-post_61.html?m=0
無開名原因係無名尊重每一個要揾食嘅男人，財演都係一份工，無名唔想影響人揾食，所以無名已盡左力將殺傷力減到最低。
"回應"係因為呢位嘔象開名指責無名在先， 其後佢重加多幾句話咩"我非第二，你又非第一", "股市周地係錢，有能者取之不盡之類"
無名又"回應"佢，講比佢知，佢當然唔係第二，但其實"股市無第幾，差之毫釐，謬之千里", 根本大家差太遠，連尾燈都見唔到，講第幾把鬼咩！無名一朝連環估中五轉升跌，連中四deal, 執49000, 正係佢講股市錢大把，有能者任執，一朝執左佢 164 張大脾位唱歌跳舞Buffet show 門券。全部有人証，有時間証據。
noname-stock.blogspot.hk/2015/08/blog-post_13.html?m=0
跟住有人再出聲，佢就驚到叫人收口"我谷的人一律不準回應", 你停手，無名就停口，之後一句無講。無名一路都係被動，加埋好聽話咁，你講我照做。
今日開名講都係被動，事因一隻蟻仔，先話分析左一星期無名嘅分中劍，已經識用，好叻咁話 。 而嘔象則同一眾蟻仔指桑駡槐八婆影射式話 : " 我motto，chok就唔叫穩，穩就唔叫chok，唔會穩中帶chok", 好明顯係吋星期五講星期一係"平中有跌"......注意呢句係無人先把出前，嘔象主動講， 而無名係從來無講過穏中有chok。
無名其實好明白D豬標係唔會明無名呢句"平中有跌"點解，即係又要無名做show? 無問題，做比你睇 :
1. 今日一早高開200 幾點，開市前講左今日同星期五一樣唔係全好，結果一開就係DH.....過一關
2. 跟住無名出左思劍21400, 之前跌到DL 21399.62, 多0.38點反彈。。。。過兩關
3. 午市升到21580左右，無名話升到扭擰位，今日尾市唔差，當時cap. 圖13:30, 之後5分鐘內做左全日最長五分鐘陽燭，講完就升，時間無遲無早。。。過三關。
4. 午市15:00 左右再升到近 21700, 由思劍低位反彈近300 點，尾市唔差都啱左。。。過四關。
5. 15:00 後回一回，點解尾市五分鐘急彈上21787, 同開市位 21793, 只差5點， 重唔係"平", 全日跌在中段，咁全日重唔係平"中"有跌？ 重有邊個做到？。。。過五關。
6. 無名在午市頭講過全日U形就正， 結果就比個U你！服未？ 。。。。過足六關。
基本上今日又係全日中晒，過六關嘅win rate係 64 份之一， 好少啫，無名記錄連過10幾關都有。 重有果句佢攞黎笑無名嘅"平中有跌"竟然都中埋，重係上星期講定嘅，請問嘔象一句 :
平中有跌咁好笑，但你做到嗎？
淨係講今日無名做到嘅記錄唔知嘔象幾時可以做到呢？ 又或者嘔象7000信眾裏面有冇一個人做到呀？如果嘔象唔掂，咁可唔可以在7000信眾入面揾一個咁多黎挑戰下無名呢個"其中一日"嘅記錄呀？就當可憐下無名啦，有一個可以代你平無名嘅記錄都當你贏啦，好唔好？
尾燈見唔到，差之毫釐，謬之千里就係咁解，無名講過以一敵百，無名預左嘔象唔夠揪， 一對7000又如何？若能以心成劍，則落葉飛花皆可成劍，草木皆兵矣，則萬馬千軍在前，手無吋鐵而不懼已 .
如果真係夠薑想比，或想吋無名的話，無名中門大開，隨時過黎等你踩場，無名個價勢派招牌隨時等你拆。。。。。如果你夠薑的話！無名就預左你膽怯咖啦！ 無名過你場都得，只要你唔delete 我嘅post 就得！ 但係都係果句 :
你夠薑嗎？
如果你肯嘅話，無名咪又多個遊樂場囉，咁多豬標比無名玩，諗起都興奮呀！
跟住到隻蟻， 佢重好笑，佢以為用一星期學識分中劍好叻，其實分中劍有個秘密無名唔想講，但同無名熟嘅高手 : 女俠，劍仙，Pat Sir, 肥熊全部都知道。分中劍其實本來就係一個笑話，無名之前成日講先高後低，先低後高，一有D唔對路網友就問有冇事咖？ 無名因為唔想煩，就"豬噏"左個"分中劍"叫大家自己睇住條中線啦！目的其實本來為左"招呼"網友幫佢地定驚，點知比無名亂吹，又吹出左把有用嘅劍出黎，重要日日FB 講， 在博股通金更成為左"例牌菜", 而呢隻蟻仔，就攞左無名老吹出黎把分中劍去，研究， 重要研究左一星期咁長，話識左， 好似叻到上神枱咁！ 其實佢只係研究左無名一個笑話，咁佢即係一個研究笑話嘅笑話！ 而呢隻蟻本身以為自己係高手，佢之前都吋過嘔象，嘔象知唔夠佢黎，就同佢扮friend, 其實我好肯定嘔象如果醒過佢一定掃把佢走，不過，佢自己唔掂都想有"打手"睇場，因為如果蟻贏左，佢都可以間接當自己贏左。 但事實，蟻仔真係好一般叻D嘅散戶，只係贏多過輸，但完全唔係高手，不過嘔象果度7000信眾池中無魚，蝦咪可以自大囉！ 成班豬dou 當佢神咁拜，笑屎我！
點解無名講咁多？ 其實無名嘅預測已經預測埋人嘅行為，無名一早知呢隻蟻唔識死，上星期有無睇無名成日做表演，目的其實就係叫定佢：收皮啦！
其他果D唔講，淨係講上星期無名呢個記錄做到先講 :
50 分鐘捉5 個轉角！
noname-stock.blogspot.hk/2015/08/blog-post_19.html?m=0
係跟次序，事先講明升跌， 有人証，有時間証明咁中，唔係D雞仔牛熊升30% 就話勁過無名劍，真係笑屎我！ 我五年前左投名滙就係專教人炒牛熊過夜，過夜無30%已經當唔合格咖，過50%先叫緊緊合格咋！ 估市圖像法講定一星期果D太遠咖，D 蟻恐怕一世都"lan"唔到去啦！
其實無名呢句"平中有跌"有咩咁出奇啫？ 相對嘔象都可以話自己係靚仔黎講，呢個世界重有咩野係唔可能先？唔好話無名人身攻擊，你話"平中有跌"係笑話，無名都係攞返樣事實黎講啫，即係"平中有跌"已被無名証明左係事實，就如"嘔象係靚仔"都係事實， 咁點解你"嘔象係靚仔"係事實，無名果D就唔係事實先？只許"嘔象靚仔", 不淮無名豬噏？ 唔通嘔象靚仔就真係大晒咩！。。。。留意直到呢刻無名都無話嘔象唔係靚仔咖！因為無名真係覺得佢靚仔到嘔電咖！。。。即係靚仔到好有電力咁解呀！。。。。嘔象派女番薯們，無名實在唔敢侵犯你地位嘔象分毫咖！因為無名怕你地尋仇呀嗎。。。。你地咁凶猛，森林D老虎獅子都無你地咁"饑不擇食"啦！點會唔怕呀！ (>﹏<)!
最送返首詩作結 :
蛇鼠蟻豬狗牛羊，
酒不醉人人自醉，
餓不擇食獅子堆，
窩中稱皇師靚正，
池中無魚蝦自大，
林中無象蟻大晒，
天上無龍蚊最大，
四野無人變靚仔？
無名係咪好好文彩呢？ 重有大把未寫呀！ Kakaka!
無名劍
www.facebook.com/nonamesword
