1. 無名無可能日日中，重要即日講即日中，係無可能。都話何鴻燊都唔可以控制每舖開大定細，無名呢預測只係預測，係跟據計數同經驗嘅預測，唔係預言，唔係聖經，講左就一定實現。 如果要一定中，呢度唔啱你，無名講得最多係股無必勝，自己執生，咁唔係唔負責任，相反係叫你對自己負返自己作為投資者嘅責任，即係要有自己想考，如果唔識思考，咁我覺得唔應該投資/投機。
2. 無名有錯必認，今朝開市講先回後升，啱左，但尾市無高，錯左，錯左無名有出黎認，又有講可以升係遲左黎，結果午市再有升一D到 2156x, 無名其實係在錯嘅時候比緊位你走。 如果開市call, 可以有100 幾點執，但如果回，你就要諗走唔走，如果由賺變蝕都唔走，咁係邊個問題？
3. 無名有講瑩劍， 瑩劍有時即日到，有時第日，亦到可以唔到，瑩劍係上升目標，即係升輻有可能到呢個位，但如果你見到唔對路，如今朝尾無高位，就唔應該當一定到(其實幾時都係). 就算到，都可以遲，當然有無可能下午到？唔可以話無，咁你作為投資/投機者就要諗，如果瑩劍有機會到，我願意比幾多點成本(止蝕位) 去等。 無名從無講過睇住無名嘅目標永遠唔好止蝕。
4. 分中劍日日比，日日都講要睇住，你估無名口痕呀？ 分中劍係最最最簡單分好淡嘅工具，即係如果你咩都唔識，都要睇住佢黎做trade, 即係每到呢個位都要用下個腦，呢個係 decision point, 叫你做decision. 如午市低位升上21500, 無名話磨劍，小心回， 結果真係回， 呢D就係decision, 如果你call 左回到21500, 即係要諗下會唔會再跌，重等唔等。但好笑在無名話小心回之後， 又有太空人黎講話無名咁講即係升同跌都一定中，因為朝早講過升，呢個邏輯即係話"你講左一個方向，就唔可以改", 又即係講個市唔可以有回調，一定要直升一樣，大佬呀，求下D豬唔好再用D豬腦邏輯黎challenge 我好唔好？ 我午市係講緊即時，幾分鐘就跌，結果都中， 今朝講嘅係今日分析，你連時間都唔識分，就不如收下把口啦？ 知唔知隻馬比隻豬話佢肥騰騰跑得好慢係好hurt咖？
5. 圖中用左分中劍講解左點做trade, 當你盲嘅，今日只係識call(因為無名話今日好，瑩劍21840,21890) , 重要只識在 21500開call, 而今日無名嘅預測唔啱晒，瑩劍無到， 你其實都有兩個機會可以賺 100 點同 60 點， 而蝕就係最多21500 - 21418 = 92 點， 當你豬到兩次都一點都食唔到，而蝕就蝕到盡，都係 92 點， 算最最最差啦掛？在無名今日預測唔準嘅情況下，都係輸92點， 呢個就係分中劍嘅用處。 但唔好忘記，無名上週係全中，每日都平均200點或以上。
挑戰無名嘅人唔該先用下自己個豬腦先，好唔好？無名個腦嘅轉數真係唔係正常人咁咖！
再講清楚明日， 無名上星期講左星期三差，無名話過無講改，就係無改，即係維持係差，但尾市講明日早高午低，早高係指走勢同高低位，明日早市會好過午市，咁唔係改view, 亦唔係講兩邊，而係講事實，事實上無名個系統係睇到早好過午市，就係咁簡單，但明日全日係差，因為劍勢指數，同領先指標今日都轉差左，而形勢指數重係向上，但力度已兩日減弱，即大市短市回調力大，不過今日預測嘅一轉升，無出現，明早重可以有餘力，所以明早較好，明未？
無名劍
www.facebook.com/nonamesword
沒有留言:
張貼留言